https://www.facebook.com/103635661799393/

𝗠𝗲𝗱𝗶𝗰𝗮𝗹 𝘀𝘁𝘂𝗱𝗲𝗻𝘁_និស្សិតពេទ្យ, Phnom Penh (2026)

13/03/2021

• Kétoconzole ជាប្រភេទថ្នាំ ប្រឆាំងមេរោគបង្កឡើងដោយពួកផ្សិត ដែលអាចកើតមានគ្រប់ទីកន្លែងនៅលើរាងកាយ ។ ពពួកផ្សិតនេះអាចកើតមាន ក្រោមទំរង់ជា៖ កម រមាស់លើក្បាល លើស្បែក ភ្លឺ ស្រែង ផ្សិតនៅនឹងក្រចក-ល- ។

ប្រសិនបើលោកអ្នកមានបញ្ហារមាស់ រឺបញ្ហាផ្សេងៗទាក់ទងនឹងការរៀបរាប់ខាងលើ លោកអ្នកអាចមកសាកសួរពត៌មានបន្ថែមជាមួយគ្រពេទ្យ ព្រោះផលិតផលKétoconazoleមានច្រេីនទម្រង់។

(ខាងក្រោមនេះគ្រាន់ជារូបភាពនៃទម្រង់ ឬប្រភេទថ្នាំមួយចំនួនប៉ុណ្ណោះ)

11/03/2021

ករណីស្លាប់លេីកទី១ ដោយសារជម្ងឺកូវីដ-១៩

09/03/2021

- ឈ្មោះឱសថ: ស៊ីកាទ្រីល(CICATRYL)
- ប្រភេទឱសថ: ប៉ូម៉ាត(Pommade en sachet-dose)
- សមាសធាតុផ្សំ:
~ Allantoine...................................1,000g
~ Guaiazulene................................0,007g
~ Para-chlorometacresol................0,120g
~ Alpha-tocopherol acetate............0,010g
- ផលិតនៅ: ប្រទេសបារាំង
- គុណភាពព្យាបាល:
~ ឱសថនេះប្រើសំរាប់ការពារស្បែក កុំឲ្យកើតជំងឺសើរស្បែក
~ ឱសថនេះប្រើសំរាប់ព្យាបាលជំងឺលើស្បែកដូចជា: ដំបៅ, រលាក ឬ ស្នាម,.....។
- កំរិត និង របៀបប្រើប្រាស់:
~ មុននឹងប្រើឱសថនេះ ត្រូវលាងសំអាតរបួស ឬដំបបៅ នឹងដៃឲ្យបានស្អាតជាមុនសិន។
~ លាបឱសថនេះ លើកន្លែងដែលមានបញ្ហាដោយម៉ាស្សាតិចៗ ដើម្បីឲ្យឱសថនេះជ្រាបចូលបានល្អ
~ លាប១ដងទៅ២ដងក្នុង១ថ្ងៃ ទៅតាមសភាពរបួសឬដំបៅ
~ ចំពោះរបួស ឬដំបៅដែលធ្វើឲ្យមានការឈឺចាប់ ត្រូវលាបឱសថនេះពីលើដំបៅ ហើយត្រូវរុំេដាយបង់រុំ។
- ស្ត្រីមានផ្ទៃពោះ និងស្ត្រីបំបៅដោះកូន: មុននឹងប្រើឱសថនេះ ត្រូវទៅពគ្រោះជាមួយឱសថការី ឬ វេជ្ជបណ្ឌិតសិន។

🚫មុននិងប្រើប្រាស់ថ្នាំសូមពិគ្រោះជាមួយអ្នកជំនាញខាងឱសថជាមុនសិន ព្រោះការប្រើប្រាស់ថ្នាំខុសអាចអោយគ្រោះថ្នាក់🚫
ប្រភព: ចំណេះដឹងបន្តិចបន្ទួចអំពីវេជ្ជសាស្ត្រ

09/03/2021

✓Local Anaesthetic (ចាក់ថ្នាំស្ពឹកតាមតំបន់)
ចំណេះដឹងមូលដ្ឋាន
១- ការចាក់ថ្នាំស្ពឹកតាមតំបន់តំបន់ គឺចាក់ថ្នាំស្ពឹកទៅក្នុងជាលិកា ដើម្បីធ្វើឲ្យបាត់ញ្ញាណដឹងនៅកន្លែងចាក់ ព្រោះចាក់ថ្នាំស្ពឹកធ្វើឲ្យសរសៃប្រសាទឈប់ដំណើរការបណ្ដោះអាសន្ន នាំឲ្យលែងដឹងការឈឺចាប់។ ជាទូទៅ គេចាក់ថ្នាំស្ពឹកទៅនឹងតំបន់គ្រូពេទ្យត្រូវវះកាត់ ហើយក៏អាចធ្វើការសណ្ដំទៅលើសរសៃប្រសាទដៃ ឬជើងផងដែរ (ហៅថាចាក់ស្ពឹកតាមសរសៃ)។ ហេតុនេះ យើងមិនចាំបាច់បារម្ភ អាចភ្ញាក់អំឡុងពេលវេះកាត់នោះទេ។ ការសណ្ដំមានច្រើនប្រភេទដូចជាការចាក់ថ្នាំស្ពឹកតាមឆ្អឹងកងខ្នង (ចាក់ថ្នាំស្ពឹកចូលចន្លោះ Epidural របស់ឆ្អឹងខ្នង) ឬចាក់តាមសរសៃប្រសាទ (ចាក់ថ្នាំស្ពឹកចូលផ្ទាល់ទៅសរសៃប្រសាទ)។

២- ហេតុអ្វីត្រូវចាក់ថ្នាំស្ពឹក?

ពេទ្យធ្មេញ គ្រូពេទ្យវះកាត់ គ្រូពេទ្យផ្នែកថ្នាំសណ្ដំ និងពេទ្យទូទៅចាក់ថ្នាំស្ពឹកតាមកន្លែងពេលពួកគេធ្វើការវេះកាត់ទៅលើកន្លែងតូចៗនៃរាងកាយ។ គ្រូពេទ្យនឹងចាក់ថ្នាំស្ពឹកមុនពេលធ្វើការវះកាត់តូចៗដូចជា៖

– ពេលប៉ះធេ្មញ ឬដកថ្គាមទាល់
– ពេលវះកាត់លើស្បែកតូចៗ ដូចជាកាត់ប្រជ្រុយ ឬកាត់ឫស
– ពេលច្រឹបសាច់យកជាលិកាទៅពិនិត្យក្រោមមីក្រូទស្សន៍។

ករណីខ្លះ ចាក់ថ្នាំស្ពឹកតាមកន្លែង ក៏ប្រើបានក្នុងពេលធ្វើការវះកាត់ធំៗមួយចំនួន ដូចជា វះកាត់ខួរក្បាល ជាក់ស្ដែងពេលវះកាត់ដុំមហារីកខួរក្បាលស្ថិតនៅតំបន់បញ្ជាលើការនិយាយ (ហៅថាតំបន់ Broca) គ្រូពេទ្យនឹងចាក់ថ្នាំស្ពឹកមុនពេលវេះកាត់។ ធ្វើបែបនេះ ដើម្បីការពារក្រោយពេលកាត់ដុំចេញរួចរាល់ គ្រូពេទ្យនឹងធ្វើតេស្ដដាស់យើងឲ្យដឹងខ្លួនវិញ ក៏អាចជួយឲ្យគ្រូពេទ្យកាត់បន្ថយហានិភ័យ ពាក់ព័ន្ធការនិយាយរបស់យើងផងដែរ។

កត្តាប្រឈម
៣- កត្តាប្រឈមមានអ្វីខ្លះ?

ផលវិបាកអាចនឹងបង្កឡើងដូចជា៖

– ថ្នាំស្ពឹកមិនគ្រប់គ្រាន់
– អាលែកហ្ស៊ី
– ហូរឈាម
– ខូចសរសៃប្រសាទ
– ផលរំខានកើតដោយសារថ្នាំស្ពឹកស្រូបចូលក្នុងសរសៃឈាម។

គប្បីយល់ឲ្យច្បាស់ពីហានិភ័យ និងផលវិបាកទាំងអស់មុនពេលចាក់ថ្នាំស្ពឹក ត្រូវពិគ្រោះយោបល់បន្ថែមជាមួយគ្រូពេទ្យករណីមានមន្ទិលសង្ស័យ។

ស្វែងយល់ជាមុន
៤- គួរត្រៀមអ្វីខ្លះមុនចាក់ថ្នាំស្ពឹក?

គ្រូពេទ្យឯកទេសថ្នាំស្ពឹក គ្រូពេទ្យវះកាត់ ឬពេទ្យធេ្មញ និងពន្យល់ពីដំណើរការរបស់ថ្នាំ។ អ្វីសំខាន់យើងត្រូវប្រាប់បើសិនកំពុងប្រើប្រាស់ថ្នាំអ្វីម្យ៉ាង ពិសេសថ្នាំប្រឆាំងកំណកឈាម។ លើសពីនេះគ្រូពេទ្យនឹងហាមមិនឲ្យផឹកទឹក ឬញ៉ាំអាហារមុនពេលវះកាត់ ២៤ ម៉ោង។ ត្រូវធ្វើតាមការណែនាំរបស់គ្រូពេទ្យ ក៏មិនអនុញ្ញាតឲ្យផឹកស្រាអំឡុងពេល ២៤ ម៉ោងមុនចាក់ថ្នាំស្ពឹក ឬថ្នាំងុយគេងនោះដែរ។

៥- មានអ្វីកើតឡើងពេលកំពុងចាក់ថ្នាំស្ពឹក?

យើងនឹងលេងដឹងឈឺ នៅតំបន់គ្រូពេទ្យបានចាក់ ក្នុងករណីកន្លែងនោះនៅឈឺនៅឡើយ គឺមិនអាចវះកាត់បានដែរ។ ត្រូវដឹងថា យើងនឹងលេងមានអារម្មណ៍ឈឺ តែនៅមានអារម្មណ៍ ដូចជាមានរបស់ប៉ះនៅកន្លែងវះ។ បន្ទាប់ក៏ចាប់ផ្ដើមមានអារម្មណ៍ស្ងប់ ក្រោយលេបថ្នាំងងុយគេង ក្រោយមកគេងលក់តែម្ដង។

ថ្នាំងងុយគេងពេលខ្លះអាចប៉ះពាល់ដល់ដង្ហើម ដូច្នេះពេលលេប គ្រូពេទ្យនឹងតាមដានយ៉ាងហ្មត់ចត់ លើអុកស៊ីហ្សែនក្នុងឈាម តាមឧបករណ៍តូចមួយគាបនៅម្រាមដៃ។ លើសពីនេះ គ្រូពេទ្យក៏ដាក់ខ្យល់អុកស៊ីហ្សែនតាមម៉ាស់ ឬបំពង់ផ្លាស់ស្ទិក ចូលតាមច្រមុះ។ យ៉ាងណា គប្បីទៅពិគ្រោះបន្ថែមជាមួយគ្រូពេទ្យករណីមានមន្ទិលសង្ស័យ។

គួរយល់ដឹងក្រោយចាក់ថ្នាំស្ពឹក
៦- មានអ្វីកើតឡើងចាក់ឆ្នាំស្ពឹក?

ក្រោយវះ អាចពិបាកនោម ដូចនេះគ្រូពេទ្យអាចដាក់សុងនោមឲ្យយើង ព្រោះថាក្រោយពេលត្រូវថ្នាំសន្លប់ ធ្វើឲ្យយើងបាត់បង់ញ្ញាណបញ្ជាទៅលើប្លោកនោម ប៉ុន្តែប្រមាណ ២-៣ ម៉ោងក្រោយទើបយើងអាចដឹងញ្ញាណធម្មតាវិញ។ ព្រោះថាឥទ្ធិពលថ្នាំសន្លប់អាចមានពី ១-១៨ ម៉ោង អាស្រ័យលើប្រភេទថ្នាំ។ ហេតុនេះក្រុមគ្រូពេទ្យត្រូវតាមដានយ៉ាងដិតដល់ ពិសេសកន្លែងវះ ពេលខ្លះយើងអាចមានអារម្មណ៍ថាឈឺដូចសត្វទិច តែនឹងបាត់ទៅវិញឆាប់ៗ។ ប៉ុន្តែគួរប្រាប់ទៅគ្រូពេទ្យក្នុងករណីកន្លែងវះកាត់មានសភាពឈឺខ្លាំង។

ដោយ Dr.Prem Satya
ត្រួតពិនិត្យដោយ Dr.ចាន់ ស៊ីណេត
ប្រភព : Hul phorn

08/03/2021

√ Aspirine, ibuprofène, paracétamol: តើត្រូវជ្រើសរើសប្រើមួយណា ?
ចុះផ្សាយនៅថ្ងៃ៖ 10/05/2018
--------------
Aspirine, ibuprofène, paracétamol...ទាំងបីមុខនេះ ជាថ្នាំដែលសឹងថាមិនអាចខ្វះបាននៅក្នុងផ្ទះ និងដែលរកទិញបានដោយគ្មានវេជ្ជបញ្ជា។ ថ្នាំទាំងបីមុខនេះ សុទ្ធតែមានប្រសិទ្ធភាពអាចបំបាត់ការឈឺចាប់ និងអាការៈក្តៅខ្លួនដូចគ្នា។ ហេតុដូច្នេះហើយបានជាយើងពិបាកនឹងបែងចែកភាពខុសគ្នា និងជ្រើសរើសប្រើឱ្យត្រូវកាលណាស់។ តាមការពិតថ្នាំទាំងបីប្រភេទនេះ មានបន្សំមូលេគុលខុសគ្នា ដែលបញ្ជាក់អំពីការប្រើប្រាស់ខុសគ្នា និងដែលមិនត្រូវធ្វេសប្រហែសក្នុងការប្រើឡើយ។

Ibuprofène, paracétamol, Aspirine... ជាថ្នាំបំបាត់ការឈឺចាប់ ក្តៅខ្លួន និងជាថ្នាំដែលមានប្រើយ៉ាងញឹកញាប់ជាងគេក្នុងជីវភាពប្រចាំថ្ងៃរបស់មនុស្សទូទៅ។ ប៉ុន្តែសូមប្រយ័ត្ន បើការឈឺចាប់អូសបន្លាយលើសពី ៥ថ្ងៃ ក្តៅខ្លួនលើសពីបី ឬមានសញ្ញារោគផ្សេងបន្ថែមទៀត សូមកុំបន្តលេបថ្នាំទាំងនេះ ដោយខ្លួនឯង ដោយគ្មានការពិគ្រោះជាមួយនឹងគ្រូពេទ្យឱ្យសោះ។ លោកអ្នកនាងគួរតែមានយ៉ាងហោចណាស់ក៏មួយមុខនៅក្នុងផ្ទះជាប្រចាំ។ បើមានទាំងពីរ ឬទាំងបីមុខ កាន់តែប្រសើរ ... ប៉ុន្តែត្រូវចេះប្រើ !

● Paracétamol: ស្ត្រីមានផ្ទៃពោះក៏អាចប្រើបាន ប៉ុន្តែមិនមែនសម្រាប់អ្នកមានបញ្ហាថ្លើម

ជាជម្រើសទីមួយ ទាំងសម្រាប់មនុស្សធំពេញវ័យ កុមារ និងស្ត្រីមានផ្ទៃពោះ ក្នុងការព្យាបាលអាការៈឈឺចុកចាប់ ក្តៅខ្លួន ផ្តាសាយ។ ខុសពី Aspirine និង Ibuprofène ថ្នាំប៉ារ៉ាសេតាម៉ុល មិនស្ថិតនៅក្នុងចង្កោមថ្នាំប្រឆាំងនឹងការរលាក Anti Inflammatoireទេ។ ដូច្នេះ ប៉ារ៉ាសេតាម៉ុល ពិតជាជួយបន្ថយការឈឺចុកចាប់ មិនសូវបានល្អនិងលឿនដូចពពួកថ្នាំ Aspirine និង Ibuprofène ឡើយ។ ប៉ុន្តែវាក៏មិនសូវបង្កផលប៉ះពាល់ និងធ្វើឱ្យឆាប់ខូចក្រពះទេ។ ពពួកថ្នាំប៉ារ៉ាសេតាម៉ុល មានធ្វើចរាចរណ៍លើទីផ្សារ ក្រោមឈ្មោះផ្សេងៗជាច្រើនទៀត ដូចជា Doliprane, Dafalgan, Efferalgan, Tylenol ។ល។ និង។ល។

កម្របង្កផលប៉ះពាល់អាក្រក់មែន តែសូមប្រយ័ត្នចំពោះអ្នកមានជំងឺថ្លើមនិងតម្រងនោម នៅពេលទទួលទានថ្នាំនេះច្រើនជ្រុល (លើសពី៤ក្រាមក្នុងមួយថ្ងៃ) ឬនៅពេលលេបពេលផឹកសុរា។ ប៉ារ៉ាសេតាម៉ុល និងសុរ៉ា មិនត្រូវធាតុគ្នាទេ សូមចៀសវាងកុំប្រើប៉ារ៉ាសេតាម៉ុលពេលផឹកស្រា ឬពេលផឹកសុរាកុំប្រើថ្នាំប៉ារ៉ាសេតាម៉ុល។

● Aspirine: ហាមប្រើពេលធ្លាក់រដូវ

ដោយសារតែ អាស្ពីរីន មានសមត្ថភាពពង្រាវឈាម ថ្នាំនេះអាចត្រូវបានគេអនុញ្ញតឱ្យប្រើប្រាស់ជាលក្ខណៈជាប្រចាំសម្រាប់ព្យាបាលនិងការពារជំងឺសរសៃឈាមបេះដូង និងមិនត្រូវប្រើប្រាស់ក្នុងករណីមានអាការៈគ្រុនផ្តាសាយឬជំងឺបង្កឡើងដោយវីរ៉ុស ឬមេរោគទេ។ ដើម្បីចៀសវាង ការប្រើប្រាស់ថ្នាំអាស្ពីរីនហួសកំរិត គេមិនត្រូវលេបអាស្ពីរីន ជាមួយនឹងពពួកថ្នាំAnti-Inflammatoireផ្សេងទៀត ដូចយ៉ាងIbuprofène /Advilឡើយ។

● Ibuprofène: ហាមប្រើចំពោះស្ត្រីមានផ្ទៃពោះ

ជាពពួកថ្នាំanti-inflammatoire non stéroïdien (AINS) ដូចAspirineដែរ ដែលអាចប្រើដើម្បីបំបាត់ការក្តៅខ្លួន ការឈឺក្បាល ការឈឺចុកចាប់ផ្សេងៗ មានជាអាទិ៍ឈឺពោះពេលធ្លាក់រដូវ និងការរលាក ដូចជារលាកសន្លាក់ ពុកឆ្អឹង រលាកសរសៃ-សរសៃកែង ឈឺចង្កេះ ប៉ុន្តែថ្នាំនេះគ្មានប្រសិទ្ធភាពសម្រាប់ព្យាបាលជំងឺគ្រុនផ្តាសាយនិងការបង្ករោគទេ។ ថ្វីបើមានសមត្ថភាពបំបាត់ការឈឺចាប់មែន ប៉ុន្តែគេមិនណែនាំឱ្យប្រើពពួក Ibuprofène នៅពេលមានអាការៈឈឺធ្មេញឡើយ ព្រោះឥទ្ធិពលប្រឆាំងនឹងការរលាករបស់ថ្នាំអាចបាំងសក្តានុពលនៃការបង្ករោគនៅធ្មេញ។ ដូចថ្នាំAspirine ដែរ សូមកុំប្រើIbuprofène នៅពេលជំងឺហឺត ឬឈាមរាវដំបៅ និងហាមប្រើចំពោះអ្នកមានបញ្ហាខ្សោយថ្លើម ខ្សោយបេះដូង និងខ្សោយតម្រងនោម។

ស្ត្រីមានផ្ទៃពោះ ចាប់ពី៥ខែឡើងទៅ មិនត្រូវប្រើថ្នាំទេ ព្រោះមានហានិភ័យអាចប៉ះពាល់ដល់ទារកនៅក្នុងផ្ទៃ។ គេពុំឃើញមានបម្រាម ឬកំណត់សម្គាល់អ្វីបញ្ជាក់អំពីគ្រោះថ្នាក់នៃថ្នាំចំពោះទារកក្នុងផ្ទៃត្រីដំបូងមែន ប៉ុន្តែបានការស្រាវជ្រាបរបស់វិទ្យាស្ថានសុខភាពនិងស្រាវជ្រាវឱសថសាស្ត្របារាំង ibuprofène ទំនងជាអាចបង្កគ្រោះថ្នាក់ដល់ទារកក្នុងផ្ទៃតាំងពីសប្តាហ៍ដំបូងម្ល៉េះ។ ចំពោះការបំបៅដោះវិញ ibuprofène អាចជ្រៀតចូលលក្នុងទឹកដោះម្តាយបានយ៉ាងតិចតួចបំផុត ប៉ុន្តែដើម្បីជាកិច្ចការពារ គ្រូពេទ្យមិនណែនាំឱ្យអ្នកជាម្តាយប្រើថ្នាំនេះទេ ក្នុងអំឡុងពេលបំបៅដោះកូន។

ទោះក្នុងករណីណាក៏ដោយ សូមចងចាំតែម្យ៉ាងថា ត្រូវគោរពកំរិត និងរយៈពេលនៃការប្រើថ្នាំ ដើម្បីកាត់បន្ថយផលរំខានធ្ងន់ធ្ងរ។ ប្រើIbuprofène កាន់តែខ្លី កាន់តែតិច កាន់តែប្រសើរ ! កំរិតនៃការប្រើប្រាស់ ៖ មនុស្សធំនិងកុមារទម្ងន់លើសពី៣០Kg អាចលេបថ្នាំIbuprofène (៤០០mg) ក្នុងកំរិតម្តងមួយគ្រាប់ និងត្រឹមតែបីគ្រាប់ក្នុងមួយថ្ងៃ ដោយមានគម្លៀតពីគ្នា៦ម៉ោងយ៉ាងតិច។ ការប្រើក្នុងកំរិតច្រើនជ្រុល និងរយៈពេលយូរអាចបង្កផលវិបាកធ្ងន់ធ្ងរខ្លាំងមួយចំនួនដូចជា រលាកក្រពះ រលាកឬចេញឈាមបំពង់អាហារ ប្រតិកម្មអាលែកហ្សិក មានវិបត្តិហឺត នឿយហត់ ឬខ្សោះជាតិទឹក។ ចំពោះស្រ្តីដែលចង់មានបុត្រ មិនគួរប្រើ ibuprofène ទេ ព្រោះវាអាចនឹងធ្វើសមត្ថភាពបង្កកំណើតរបស់ស្ត្រីធ្លាក់ចុះខ្សោយ។ ប៉ុន្តែរាល់គ្រប់ផលប៉ះពាល់របស់សុទ្ធតែអាចស្តារឱ្យឡើងប្រសើរវិញបាន នៅពេលឈប់ទទួលថ្នាំនេះ៕

¶សូមធ្វេីការពិភាក្សាជាមួយគ្រូពេទ្យមុនយកទៅប្រេីប្រាស់

Paracetamol
Paracetamol commons.wikimedia.org
ដោយ៖អៀង សុខម៉ិញ

08/03/2021

✓ អ្វីទៅជាការលេីសអាសុីត? (𝐇𝐲𝐩𝐞𝐫𝐮𝐫𝐢𝐜𝐞𝐦𝐢𝐚)
អាស៊ីតអ៊ុយរិក ជាកាកសំណល់មេតាបូលិក ដែលបណ្ដាលពីការផលិតពីសរីរាង្គ និងបរិភោគអាហារសំបូរជាតិ ពុយរីន ច្រើនហួស រឺ អសមត្ថភាពក្នុងការបញ្ចេញសារធាតុនេះពីក្នុងខ្លួន។ កំរិតជាតិអាស៊ីតអ៊ុយរិកខ្ពស់នៅក្នុងឈាម ជាវិបត្តិមេតាបូលិក ដែលមានផលប៉ះពាល់ខ្លាំងទៅលើ សន្លាក់ តំរងនោម។

ក) អាហារដែលសំបូរដោយសារធាតុ ពុយរីន មានដូចជា៖
– ប្រភេទសាច់ៈ គ្រឿងក្នុងសត្វ (ថ្លើម, កោះ, ខួរ…) គ្រឿងសមុទ្រ
– ភេសជ្ជៈផ្អែម និងគ្រឿងស្រវឹង
– ប្រភេទបន្លែផ្លែឈើៈ
• ផ្សិត
• • ស្ពៃក្ដោប
• ខាត់ណា
• • ផ្កាខាត់ណា
• ទំពាំងបារាំង និងសណ្ដែកខៀវ…។
• ខ) អាហារដែលមិនសូវសំបូរជាតិ ពុយរីន មានដូចជាៈ
• – នំបុ័ង
• – ផ្លែឈើ
• – ទឹកដោះគោ
• – ស៊ុត
• – តែ កាហ្វេជាដើមល។
គ) រោគសញ្ញាទាំងនោះរួមមាន៖
– ការឈឺសន្លាក់ ភាគច្រើនឈឺតែម្ខាង (ម្រាមមេជើង, កជើង, ជង្គង់, កដៃ, កែងដៃ…)ជាពិសេសម្រាមមេជើង។
– ការហើមនៅសន្លាក់ដែលឈឺ ពិសេសពេលយប់
– ក្ដៅខ្លួន
– ឈឺសន្លាក់ខ្លាំងក្រោយពីពិសា ស្រា ស្រាបៀរ គ្រឿងសមុទ្រ សាច់ក្រហម គ្រឿងក្នុងសាច់សត្វ។
– ឡើងដុំពកក្រោមស្បែក (ដុំកំណកជាតិអាស៊ីត)

ឃ) មូលហេតុ និងកត្តារួមផ្សំ៖
– ជំងឺឡើងជាតិអាស៊ីតនៅក្នុងឈាម ច្រើនកើតលើមនុស្សប្រុសវ័យលើសពី ៥០ ឆ្នាំ
– លើសពី ៩៥% នៃជំងឺមិនមានមូលហេតុជាក់លាក់ទេ
– មានមូលហេតុដ៏ទៃទៀតដែលអាចបណ្ដាលអោយមានវិបត្តិលើសជាតិអាស៊ីតអ៊ុយរិកដែរ ដូចជាជម្ងឺខ្សោយតម្រងនោមរ៉ាំរ៉ៃ ជម្ងឺបែកគ្រាប់ឈាម ជម្ងឺក្រពេញទីរ៉ូអ៊ីត និង ការប្រើថ្នាំដោយ គ្មានការពិគ្រោះជាមួយគ្រូពេទ្យបានត្រឹមត្រូវ។

ង) ការព្យាបាល៖
– បន្ថយជាតិអាស៊ីតក្នុងឈាមដោយប្រើថ្នាំ ដោយមានការវាយតំលៃភាពចាំបាច់ពីគ្រូពេទ្យ
– បន្ថយការឈឺចាប់សន្លាក់
– ការពារនូវការវិវត្តដល់ការខូច ទ្រង់ទ្រាយសន្លាក់ និងខូចតម្រងនោម…។

ច) ដំបូន្មានសំរាប់អ្នកជំងឺឡើងជាតិអាស៊ីត៖
– ជៀសវាងការបរិភោគអាហារដែលសំបូរជាតិពុយរីន ខាងលើ
– ពិសាទឹក តិចបំផុត ២លីត្រ ក្នុង១ថ្ងៃ
– ជៀសវាងការពិសាគ្រឿងស្រវឹង
– ពិគ្រោះ និងទទួលការព្យាបាលត្រឹមត្រូវជាមួយគ្រូពេទ្យឯកទេស ដើម្បីការឈានរកមូលហេតុនៃជំងឺ និងផលប៉ះពាល់សរីរាង្គផ្សេងៗដែលអាចកើតមាន។

# #សូមពិភាក្សាជាមួយគ្រូពេទ្យដេីម្បីទទួលបានការព្យាបាលមួយដែលត្រឹមត្រូវ

ប្រភពៈ Calmette hospital. Like page to know about basic knowledge 😊

08/03/2021

✓មេរោគក្រពះ H.Pylori (PYLOBACT ថ្នាំព្យាបាល មេរោគក្រពះ)
ការយល់ដឹងអំពីជម្ងឺ មេរោគក្នុងក្រពះ (H.pylori)

1. តើអ្វីទៅជាមេរោគក្រពះ H.pylori ?
2. => ពីពេលមុនគឺគ្មាននណាម្នាក់ជឿរថាមានមេរោគដែលអាចរស់នៅក្នុងក្រពះមនុស្សយើងបានឡើយ ដោយសារតែក្នុងក្រពះយើងម្នាក់ៗ គឺពោពេញទៅដោយជាតិអាស៊ីតរបស់ក្រពះដ៏ខ្លាំងខ្លារ ដែលមិនអាចអំណោយផលដល់ការរស់រានមានជិវិតរបស់សរីរាង្គមានជីវិតណាមួយឡើយ ក៏ប៉ុន្តែសំរាប់មេរោគក្រពះ H.pylori គឺមានសម្ថភាពពិសេសដែលអាចអោយមេរោគប្រភេទរស់នៅក្នុងទឹកក្រពះរបស់មនុស្សយើងបានដោយគ្មានបញ្ហារ ។
2. តើមេរោគ H.pylori អាចបង្ករផលប៉ះពាល់អ្វីខ្លះដល់សុខភាពមនុស្សយើង ?
3. => ចំពោះអ្នកជំងឺដែលមានផ្ទុកមេរោគ H.pylori នៅក្នុងក្រពះរបស់ពួកគាត់ គឺអាចបង្ករអោយអ្នកជំងឺមានបញ្ហារសំរាប់សុខភាពរបស់ពួកជាក់ជាមិនខាន ហើយជាពិសេសគឺបញ្ហារ ក្រពះ ពោះវៀនតែម្ដង ក្នុងនោះមានដូចជា ÷
- ពិបាករំលាយអាហារ (Dyspepsia)
- - រលាកក្រពះ រាំរៃ និង មិន ជាដាច់ក្រោយការ ព្យាបាល
- ដំបៅក្រពះ និង ការហូរធ្លាក់ឈាម
- - ស្លេកស្លាំង និង ខ្វះគ្រាប់ឈាមក្រហម
- និង ចុងក្រោយវាក៏អាចបង្ករអោយមានការប្រឈមនិងជំងឺមហារីកក្រពះ ប្រមាណជាង 40% លើសមនុស្សធម្មតាដែលមិនមានផ្ទុកមេរោគក្រពះនេះ ។
3. តើយើងអាចធ្វើការពិនិត្យរក មេរោគក្រពះ នេះដោយវិធីណាខ្លះ ?
4. => ការធ្វើ test ដើម្បីរកមេរោគក្រពះ H.pylori អាចធ្វើឡើងដោយវិធីជាច្រើន មានដូចជា ÷
- ការសុងឆ្លុះក្រពះ និង យកទឹករំអិលទៅវិភាគ (Biopsie and Ana-path) ។
- - ការផ្លុំខ្យល់ដង្ហើមធ្វើតេស រកមេរោគក្រពះ (Hp Breath Test) ។
- ការពិនិត្យមើល Ag Hp នៅក្នុង លាមក (Hp antigen stool test) ។
- - សំរាប់ការវិភាគដោយការធ្វើតេស្តឈាម (Hp anti-body) គឺយើងមិនអាចយកជាការធ្វើ រោគវិនិច្ឆ័យជាក់ច្បាស់បាននោះទេ ។

4. វិធីព្យាបាល ៖
5. => ការព្យាបាលបញ្ហារមេរោគក្រពះ H. Pylori នេះគឺទាមទារនូវ រោគវិនិច្ឆ័យច្បាស់លាស់បំផុតមួយមុននឹងឈានទៅដល់ការព្យាបាលដោយការប្រើប្រាស់ថ្នាំផ្សះ (Antibiotics drugs) រួមទាំងក្រុមថ្នាំបន្ថយជាតិអាស៊ីតក្រពះ (PPI) ។ មូលហេតុណាដែលយើងទាមទារ អោយមាននូវ រោគវិនិច្ឆ័យច្បាស់លាស់នេះពីព្រោះដើម្បីសុវត្ថិភាពរបស់អ្នកជម្ងឺ, ជៀសវាងនូវភាពស៊ាំនៃថ្នាំផ្សះ (Antibiotic resistance), ការខាតបង់ប្រាក់កាសដោយឥតប្រយោជន៍ និងក៏ដូចជាការធ្វើទុក្ខដោយការប្រើប្រាស់ថ្នាំផ្សះនេះផងដែរ (drugs sides effects) ទៅលើអ្នកជម្ងឺ ។
6. Thank you for and 🙏🏻👩🏻‍⚕️👨🏻‍⚕️

# #សូមពិភាក្សាជាមួយគ្រូពេទ្យដេីម្បីទទួលបានការព្យាបាលមួយដែលត្រឹមត្រូវ

𝗠𝗲𝗱𝗶𝗰𝗮𝗹 𝘀𝘁𝘂𝗱𝗲𝗻𝘁_និស្សិតពេទ្យ

13/03/2021

11/03/2021

09/03/2021

09/03/2021

08/03/2021

08/03/2021

08/03/2021

Address

Website

Alerts

Shortcuts

Share

Category