What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00 Saturday 07:30 - 17:00 Sunday 07:30 - 17:00

https://www.facebook.com/103994198361703/

Phalla Meas Kinesiotherapy, Street 374, Phnom Penh (2026)

02/07/2022

ថ្ងៃនេះខ្ញុំយកបញ្ហានៃជំងឺគាបទ្រនាប់ឆ្អឹងក្រោយវះកាត់ យើងតែងបានលឺបញ្ហាទាំងអម្បាលមាណនេះពីអ្នកជុំវិញយើង។
អ្នកប្រាកដជាមានចម្ងល់សួរខ្លួនឯង ម៉េចក្រោយពីវះកាត់រួចអ្នកជំងឺដែលគាបទ្រនាប់ឆ្អឹងនៅមិនទាន់ធូរស្រាលដូចមុនគាបឬថយការរំខានអោយមកត្រឹម2%...? ?

អ្វីៗមិនដូចការរំពឹងទុកនោះទេ ចឹងតើយើងត្រូវរៀនរស់ជាមួយការឈឺរំខានមែនទេ?

ចំលើយថាមែនគឺ គួរតែសម្របឬទទួលយកការរំខានដែលមានក្រោយវះកាត់ តែអ្វីដែលយើងអាចកែខៃចំពោះផលរំខាននៃការឈឺចាប់បាន ត្រូវមានវិធីសាស្រ្តអ្វីទើបអាចបន្ថយផលរំខានអោយទាបបំផុតដែលយើងអាចធ្វើបាន!!
៙ ផ្លាស់ប្ដូរទំលាប់ ឬកែប្រែឥរិយាបថមិនត្រឹមត្រូវ
៙ ជ្រើសរើសលំហាត់ប្រាណដែលសក្តិសមនិងជំងឺ
៙ តាមដានជាទៀងទាត់តាមពេលវេលា ជាមួយគ្រូពេទ្យចលនា
៙ ការរក្សាទម្ងន់ដែលត្រឹមត្រូវក៏ជួយអោយស្ថានភាពមានភាពប្រសើរខ្លះដែរ។

💐អរគុណច្រើន បើមានចម្ងល់ច្រើនលើបញ្ហាខាងដើមអាចឆាតសួរបានតាម Telegrame 012808348
015678560

01/07/2022

ថ្ងៃនេះខ្ញុំលើកពីជំងឺដែលទាក់ទងនិងរបួសត្រង់ឆ្អឹងជំនី(ឆ្អឹងជំនីផុត) ភាគច្រើនយើងតែងតែធ្លាប់ជួបប្រទះ។ ជាពិសេសវាច្រើនតែកើតឡើងដោយការប៉ះទង្គិចនិងវត្ថុរឹង(ការដាល់ ទាត់ឬធាក់ ដួល បុកក្នុងស្ថានភាពមួយដោយមិនបានត្រៀមខ្លួនជាមុន)

💥 ខ្ញុំលើកយកតែស្ថានភាពរបួសដែលមិនប៉ះពាល់ដល់ការប្រេះស្រាំឬបាក់បែកមកនិយាយទេ គឺក្នុងស្ថានភាពមធ្យមនៃរបួស(តឹងរមួលសាច់ និងគ្រិចលើឆ្អឹងជំនីផុត)។

៙៙ អ្នកជំងឺខ្ញុំម្នាក់ គាត់ប្រលែងលេងជាមួយកូន ដោយមិនប្រយ័ត្នត្រូវកូនជាន់ត្រង់ឆ្អឹងជំនី(ផុត)ក្នុងស្ថានភាពគេងចំហៀង ក្រោយពីឧប្បត្តិវហេតុ បានមួយថ្ងៃការឈឺចាប់កើតមានខ្លាំង ពិបាកសូម្បីតែដកដង្ហើម កំរើក(ក្រោកពីដេក បរឡានឬរលាក់)។
៙ ក្នុងស្ថានភាពជាក់ស្ដែង ពាល់ធ្ងន់លើទីតាំងរបួសសឹងមិនបាន សាច់ដុំពោះបញ្ឈិតខាងក្រៅនិងសាច់ដុំចន្លោះឆ្អឹងជំនីឡើងតឹងរមួល មិនអាចអោយវាមានលទ្ធភាពយឺតរួមបាន។

🚑 ការព្យាបាលនៅថ្ងៃដំបូង ៖
_ ប្រើម៉ាស៊ីនជំនួយ Ultrasound Therapy បន្ថយការហើមដោយរបួស និងបន្ធូរការឈឺចាប់។
_ ប្រើ Tens ឬ IFT បន្ថយការឈឺចាប់និងហាត់ពន្លាសាច់ដុំ។
_ ការស្អំទឹកត្រជាក់(ស្អំទឹកកក)លើកន្លែងរបួសដោយប្រើរយះពេលពី១០នាទីទៅ១៥នាទីអោយបានញឹកញាប់។
៙ ថ្ងៃទី៣ដោយស្ថានភាពវិលមកប្រសើរខ្លះៗហើយ ការសំរួលនិងការហាត់(ការពន្លាសាច់ដុំដែលតឹងរួញខ្លី និងពង្រឹងកំលាំងសាច់ដុំអោយមកប្រសើរឡើងវិញ)។

🎯 បើជួបស្ថានភាពជំងឺបែបហ្នឹង អ្នកជំងឺត្រូវអត់ធ្មត់ច្រើនបន្តិចទៅលើពេលវេលា(រយះពេល)ព្យាបាល និងការចូលរួម(ហាត់តាមការណែនាំពីគ្រូពេទ្យចលនា)។ ប្រសិនបើអ្នកជ្រើសរើសការព្យាបាលដោយចលនាដោយមិនប្រើថ្នាំ...។
អរគុណច្រើនសំរាប់ការអានពីខាងដើម បើមានចម្ងល់ទាក់ទងនិងការព្យាបាលដោយចលនាអាចឆាតតាម:
Telegrame 012808348
015678560

25/03/2022

🎁 ដំណោះស្រាយតាមរយះការពន្យឺតឬពន្លានិងបង្កើនលទ្ធភាពដែលទន់ខ្សោយរបស់ទន់ៗជុំវិញសន្លាក់ស្មា(សាច់ដុំ សរសៃពួរ សរសៃចំណងព្រមទាំងស្រោមសន្លាក់)។

24/03/2022

ថ្ងៃនេះខ្ញុំលើកពីដំណោះស្រាយដែលងាយៗ ចំពោះអ្នកជំងឺដែលមានបញ្ហានៃការឈឺស្មា។
💥អ្នកជំងឺខ្លះគាត់ត្អូញត្អែរ ពេលឈោងឬលើកដៃលាទៅចាប់កាន់អ្វីមួយ ឆ្ងាយពីដៃ ពេលជិតដល់ទីបញ្ចប់ឬពេលទម្លាក់ដៃចុះវិញសឹងតែគ្មានកំលាំងទប់។
🎁លំហាត់ខាងក្រោមនេះជាដំណោះស្រាយអាចជួយអ្នកបាន ៖

28/01/2022

សួស្ដីមិត្តអ្នកអានជាទីនឹករលឹក ថ្ងៃនេះខ្ញុំលើកពីស្ថានភាពអ្នកជំងឺខ្ញុំម្នាក់មកបង្ហាញដើម្បីជាចំណេះដឹងនិងបង្ការពីភាពពិការភាព(ទុកស្ថានភាពរបួសមួយរយះពេលយូរដែលមិនអាចស្ដារបាន)។

💥 អ្នកជំងឺខ្ញុំម្នាក់ដែលជាក្មេងស្រីវ័យ ១៥ ឆ្នាំ គាត់មកជួបគ្រូពេទ្យព្យាបាលចលនាក្នុងស្ថានភាពមួយដែលពិបាកលើកប្រអប់ជើងពេលដើរ ប្រអប់ជើងផ្នែកខាងខ្នងសភាពហើមនិងឈឺ កជើងមានលទ្ធភាពតិចតួចក្នុងការរក្សាលំនឹងពេលឈរ ភាពស្ពឹកស្រពន់ឬញាណនៃការដឹងដោយប៉ះស្ទាបថយចុះច្រើន ពពួកសាច់ដុំតាមបណ្ដោយស្មងជើងខាងមុខនិងចំហៀងខាងក្រោយតឹងរឹងខុសធម្មតា ត្រង់សន្លាក់ជង្គង់ម្ដុំ Fibulo-Tibia
តឹងចង្អៀតខ្លាំង(របស់ទន់ៗជុំវិញសន្លាក់គាំងរឹង)។

🚑 មូលហេតុដើមឡើយក្នុងរយះពេលជាងពីរឆ្នាំមុន អ្នកជំងឺធ្លាប់របួសដោយគ្រោះថ្នាក់ដួលម៉ូតូ(ប៉ះពាល់ជង្គង់ចំហៀងខាងក្រៅ)កំរិតមធ្យម តែអ្វីដែលជាបញ្ហា គាត់ឧស្សាហ៍របួសនៅត្រង់កន្លែងដដែលៗច្រើនដង ។ គាត់មិនបានចាប់អារម្មណ៍ពីស្ថានភាពរបួសគាត់នោះទេ រហូតដល់ពេលមួយគាត់ឧស្សាហ៍គ្រៀចកជើងញឺកញាប់បង្ករជារបួស ទើបគាត់ចាប់អារម្មណ៍ពីដំណើរនិងការមិនលើកប្រអប់ជើងពេលដើរ។

🚥 ក្រោយពីធ្វើរោគវិនិច្ឆ័យ លើស្ថានភាពជាក់ស្ដែងរបស់អ្នកជំងឺ
យើងអាចកំណត់បានថា ជា Foot Drop ឬ Peroneal Nerve Injury មានន័យថា ការបង្ករបួសនៅត្រង់តំបន់សរសៃប្រសាទ Peroneus ដែលគ្រប់គ្រងការកំរើកឬបញ្ជការលើកប្រអប់ជើងនិងទទួលវេទនារម្មណ៍ការដឹងពីការប៉ះស្ទាបត្រង់កន្លែងដែលវារ៉ាប់រង។

🌺 ក្រោយពីការព្យាបាលដោយចលនាមួយរយះខ្លី យើងសង្កេតឃើញមានការរីកចំរើនលូតលាស់ខ្លាំង បើប្រៀបធៀបពេលដែលគាត់មកជួបយើងតំបូង លំនឹងកជើងមានថាមពលឡើងវិញ ភាពអូសចុងជើងសឹងតែលែងមានពេលដើរ ឈប់ប្រើឧបករណ៍ទប់ជំនួយកជើងដូចមុន នេះក៏ដោយសារការខិតខំប្រឹងប្រែងរបស់អ្នកជំងឺនិងឪពុកម្ដាយផ្ទាល់ផងដែរដែលបានពាំនាំការបង្ហាត់បង្រៀនឬកើនរំលឹកបន្ថែមពីបច្ចេកទេសដែលគ្រូពេទ្យចលនាបានណែនាំអោយធ្វើ។

៙៙៙ អរគុណច្រើន បើមានចំងល់ដែលទាក់ទងនិងបញ្ហាខាងដើមអាចឆាតសួរបាន ខ្ញុំនិងព្យាយាមឆ្លើយតបទៅវិញតាមពេលវេលាណាមួយសមគួរ..!
Telegram : 012808348
015678560

24/10/2021

ថ្ងៃនេះខ្ញុំលើកយកស្ថានភាពមួយរបស់អ្នកជំងឺដែលតែងតែត្អួញត្អែរពីការឈឺរំខាននៅស្មានិងកញ្ចឹងក។

💥 ស្ថានភាពដែលគាត់មកពិនិត្យដំបូង ទំរង់ក្បាលគាត់ហុចទៅមុខខ្លាំង ងាកបង្វិលចលនាក្បាលឆ្វេងឬស្ដាំមិនបានពេញលក្ខណះល្អ។

🎯 នៅពេលដែលជួបស្ថានភាពបែបហ្នឹង មានន័យថាអក្ស័នៃទំរង់ឆ្អឹងកងករបស់អ្នកជំងឺប្រែប្រួលពីទំរង់ដើមធម្មជាតិ ដែលធ្វើអោយបាត់តុល្យភាពនៃការប្រើប្រាស់របស់សាច់ដុំ
(មានន័យថា ក្រុមសាច់ដុំខ្លះត្រូវរ៉ាប់រងការងារច្រើនក្នុងបន្ទុកហើយមានក្រុមសាច់ដុំខ្លះអសកម្ម)។ មិនត្រឹមតែប៉ុណ្ណោះសន្លាក់ឆ្អឹងកងកកង់នីមួយៗក៏នឹងមានការប្រែប្រួលផងដែរតិចឬច្រើនដែលទាក់ទងនឹងពេលវេលានិងបន្ទុកការងារ។

_ ការបាត់តុល្យភាពនៃការប្រើប្រាស់របស់សាច់ដុំ វាធ្វើអោយសាច់ដុំធ្វើការខុសប្រក្រតីដែលនាំអោយ តឹងណែន រឹង និងខ្លី។
_ ការខូចខាតលើសន្លាក់អាចនឹងកើតមានឡើង ដោយការកកិតសឹករិចរិល ការស្រុតព្រមទាំងដំណុះឆ្អឹងខ្ចី។

🚑 ដំណោះស្រាយចំពោះការព្យាបាលដោយចលនា គឺដើម្បីបន្ថយឬទប់ស្កាត់និងបំបាត់ការឈឺចាប់៖
_ ពន្លាឬសំរួលសាច់ដុំណាដែលធ្វើការខុសប្រក្រតីមកធម្មតា
_ ការពន្លាអោយយឺតចំពោះសាច់ដុំណាដែលរួញខ្លីមកធម្មតាវិញ
_ ការកែប្រែទំលាប់ឬឥរិយាបថនៃទំរង់អក្ស័ក្បាល ទាំងការអង្គុយ ដើរនិងដេក។
_ ការប្រើឧបករណ៍ជំនួយបន្ថែមក្នុងការពន្លាអោយយឺត។

☎️ អាចឆាតសួរតាម Telegrame លេខខាងក្រោម៖
012808348
015678560

22/10/2021

ថ្ងៃនេះខ្ញុំលើកពីស្ថានភាពអ្នកជំងឺខ្ញុំម្នាក់ ដែលមានបញ្ហាគ្រិចកជើង អាចនិយាយថាធ្ងន់គួរសមដែរ។

💥មូលហេតុដំបូងៈ គាត់ធ្វើចលនាងាកស្ទុះលឿនពេកទៅចាប់ក្មួយ ដោយមិនទាន់បានត្រៀមលក្ខណះគ្រប់គ្រាន់ទាំងការរក្សាលំនឹងនិងបន្ទុកនៅកជើងអោយត្រឹមត្រូវ។

💥លឺសំលេងកើតឡើងនៅកជើងផ្នែកខាងក្រៅក្រោមភ្នែកគោល ការឈឺចាប់ផ្ដើមកើតឡើងតែអាចធ្វើចលនាបានខ្លះៗ។ ក្រោយពីរបួសបានមួយថ្ងៃ ស្ថានភាពរបួសទៅជាប្រែប្រួលខ្លាំង មិនអាចដាក់បន្ទុកលើជើងដែលរបួសនោះបាន សភាពខាងក្រៅប្រែទៅជាហើមនិងមានស្នាមជាំ។

🚑 ដោយអ្នកជំងឺមិនអាចទ្រាំចំពោះស្ថានភាពបែបហ្នឹងបន្តទៀតបាន( គាត់រក្សាស្ថានភាពឈឺចាប់ខ្លាំបែបហ្នឹងចូលជិតមួយសប្ដាហ៍ រឹតថ្នាំផង លេបថ្នាំបំបាត់ឈឺផង តែមិនប្រសើរ)។ម្យ៉ាង
ទៀតគាត់ក៏បានអនុវត្តន៍តាមដំបូលន្មានគ្រូពេទ្យទូទៅថា មិនគួរធ្វើការប៉ះពាល់ ឬកំរើកនៅកន្លែងរបួសនោះទេ វាអាចធ្វើអោយស្ថានភាពរបួសវិវត្តន៍មិនល្អ(នេះជាអ្វីដែលអ្នកជំងឺរៀបរាប់ប្រាប់យើងដែលជាគ្រូពេទ្យចលនា)។

🎯អ្វីដែលជាដំណោះស្រាយសំរាប់ពួកខ្ញុំដែលជាគ្រូពេទ្យចលនាសំរាប់អ្នកជំងឺដែលរៀបរាប់ខាងដើម៖
_ បំបាត់ការឈឺចាប់និងផលរំខានផ្សេងៗរបស់អ្នកជំងឺ
_ បង្ការការគាំងសន្លាក់
_ បង្កើនលទ្ធភាពនៃការកំរើកមកវិញ

🎁 ក្រោយពីការព្យាបាលរយះពេលខ្លី យើងសង្កេតឃើញថាការរំខានទាំងអម្បាលម៉ាននៃការឈឺចាប់ មានភាពប្រសើរខ្លាំង ថមថយការហើម កជើងអាចដាក់បន្ទុកលើវាបានច្រើន ការកំរើកបានល្អ នេះក៏ព្រោះតែអ្នកជំងឺបានចូលរួមជាមួយពួកយើងបានយ៉ាងល្អ ទាំងការបង្ការ ទាំងការហាត់ និងហ៊ានដោយមិនខ្លាចការឈឺចាប់(ហាត់តាមបច្ចេកទេសព្យាបាលដោយចលនាស្ដារ)។

☎️បើមានចំងល់ទាក់ទងនឹងបញ្ហាអាចធ្វើការឆាតសួរបានតាម Telegrame ទាំងពីរខ្សែនេះបាន៖
012808348
015678560

19/10/2021

ថ្ងៃនេះខ្ញុំបន្តលើកយកស្ថានភាពនៃអ្នកជំងីខ្ញុំម្នាក់មកបង្ហាញ ៖

💥អាការៈរបស់អ្នកជម្ងឺ គាត់បង្ហាញពីការរំខានដោយការឈឺចាប់នៅត្រង់បោះដៃផុត(ចន្លោះស្លាបប្រជីវ)និងដើមដៃរួចបន្តមកក្រោមឃ្លៀកផ្នែកខាងស្ដាំ(ការឈឺចាប់ពិបាកពិពណ៌នា ឈឺខ្ទោកៗខ្លាំងដូចកើតបុសចឹង)។

💥ស្ថានភាពផ្នែកដែលប៉ះពាល់ ដៃផ្នែកខាងស្ដាំមានសភាពតូចជាងខាងឆ្វេង សភាពសាច់ដុំទន់ជ្រាយបន្តិច(មិនសូវហាប់ណែន) ស្ពឹកម្រាមដៃ(ពាក់កណ្ដាលនៃម្រាមកណ្ដាលមកកូនដៃ)
ការកាន់របស់អ្វីមួយមិនសូវមានកំលាំង។

💥រំខានខ្លាំងជាងគេងពេលសំរានយប់និងពេលក្រោកពីសំរានព្រឹកឡើង។ ការរំខានធូរស្រាលបន្តិចពេលមានថ្ងៃឬក្រោយពីសកម្មភាពនៃចលនាកំរើក។

🚑 បើផ្អែកតាមលទ្ធផលនៃរូបខាងដើម ទំរង់នៃឆ្អឹងកងក បាត់បង់នូវកំណោងពីធម្មជាតិ ឆ្អឹងកងកមានភាពសឹករិចរិលនិងស្រុតចន្លោះទី5_8និងឆ្អឹងកងខ្នងទី1_2 ។

🎯 ការប្រែប្រួលនៃទំរង់ឆ្អឹងកងករួមផ្សំទាំងការខូចខាតដោយភាពសឹករិចរឹល មិនត្រឹមតែការប៉ះពាល់លើសរសៃប្រសាទដែលនៅក្នុងប្រហោងខួរឆ្អឹងឬផ្លូវចេញនៃសរសៃប្រសាទនោះទេ សន្លាក់ឆ្អឹងរបស់វាក៏ប្រឈមនិងការប្រែប្រួលផងដែរ(អាចអោយរលាក សឹក និងដំណុះឆ្អឹងកើតមាន)។ បើនិយាយពីសាច់ដុំវិញគ្នារឹតតែពិបាកដោយសារអក្ស័ទំរង់ឆ្អឹងប្រែប្រួលធ្វើអោយសាច់ដុំធ្វើការងារច្រើនខុសសព្វមួយដង...។

💐ដំណោះស្រាយ..! មិនមែនជាការវះកាត់ ឬប្រើប្រាស់ថ្នាំបំបាត់ការឈឺចាប់រយះពេលយូរអង្វែងទេ ជំរើសដំបូងគួរមកប្រឹក្សាពិគ្រោះនិងព្យាបាលដោយចលនា។

☎️ បើមានចម្ងល់អាចឆាតសាកសួរបានតាម Telegrame ខាងក្រោម៖
012 808348
015 678560

08/09/2021

Eletro-Therapy 2 Channel Tens Unit ជាឧបករណ៍ធ្វើការរំញោចកន្រ្តាក់ពន្លាលើសាច់ដុំ។
៙ភាគច្រើនគេប្រើប្រាស់ជាជំនួយដល់ការព្យាបាលដោយចលនាលើបញ្ហារបួសដោយមេកានិច មានដូចជា៖
👉 បន្ថយការឈឺចាប់រំខានដោយការកន្រ្តាក់រមួល ឬ ភាពតឹងរឹងខ្លីរបស់សាច់ដុំក្រោយពីរបួសដោយការប៉ះទង្គិច ឬ ការប្រឹងជ្រុលរបស់សាច់ដុំ។
👉 ជួយពង្រឹងថាមពលរបស់សាច់ដុំតាមរយះការរំញោចហាត់លើតំបន់ដែលខ្សោយ។
👉 មានភាពងាយស្រួលដាក់តាមខ្លួនសំរាប់ព្យាបាលនៅខាងក្រៅជាពិសេសគ្រូព្យាបាលដោយចលនា និង អ្នកដែលឧស្សាហ៍ធ្វើទុក្ខឬឈឺចុកចាប់លើរាងកាយពីបញ្ហាសាច់ដុំអាចជួយបាន ដោយមានការណែនាំពីរបៀបប្រើប្រាស់ពីគ្រូពេទ្យព្យាបាលដោយចលនា។
☎️ បើមានចំងល់បន្ថែមអាចឆាតសួរបានតាម Telegrame ខាងក្រោម៖
012808348
015678560

08/09/2021

Eletro-Therapy 4 Channel Tens Unit ជាឧបករណ៍ធ្វើការរំញោចកន្រ្តាក់ពន្លាលើសាច់ដុំ។
៙ភាគច្រើនគេប្រើប្រាស់ជាជំនួយដល់ការព្យាបាលដោយចលនាលើបញ្ហារបួសដោយមេកានិច មានដូចជា៖
👉 បន្ថយការឈឺចាប់រំខានដោយការកន្រ្តាក់រមួល ឬ ភាពតឹងរឹងខ្លីរបស់សាច់ដុំក្រោយពីរបួសដោយការប៉ះទង្គិច ឬ ការប្រឹងជ្រុលរបស់សាច់ដុំ។
👉 ជួយពង្រឹងថាមពលរបស់សាច់ដុំតាមរយះការរំញោចហាត់លើតំបន់ដែលខ្សោយ។
☎️ បើមានចំងល់បន្ថែមអាចឆាតសួរបានតាម Telegrame ខាងក្រោម៖
012808348
015678560

08/09/2021

Ultrasound Therapy Unit ជាឧបករណ៍សំរាប់ធ្វើការព្យាបាលដោយរលកសូរបំលែងជាកំដៅដើម្បីធ្វើការព្យាបាលលើរបួសជ្រៅ។
៙ គេច្រើនប្រាស់វាក្នុងគោលបំណងដូចជា៖

👉 បន្ថយការហើមដោយរបួសឬដោយរលាក
👉 ជំរុញអោយមានការសំយោគប្រូតេអុីនក្នុងកោសិការ
👉 ជំរុញអោយមានលំហូរទឹករងៃបានស្រួលដោយការកាត់បន្ថយការរលាកជាលិការ
👉 ធ្វើអោយមានកាជួសជុលជាលិការដែលរបួសមកភាពប្រសើរឡើងវិញ។
☎️ បើមានចំងល់អាចទាក់ទងឆាត Telegrame សាកសួរបានតាមលេខខាងក្រោមនេះ៖
015678560
012808348

Phalla Meas Kinesiotherapy

02/07/2022

01/07/2022

25/03/2022

24/03/2022

28/01/2022

24/10/2021

22/10/2021

19/10/2021

08/09/2021

08/09/2021

08/09/2021

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	07:30 - 17:00
Sunday	07:30 - 17:00