Dr Yong Malisadet-វេជ្ជ. យង់ ម៉ាលីសាដែត

15/12/2023

🤍

08/11/2023

🥰

💁🏻‍♀️លោកអ្នកដែលមានបញ្ហាជំងឺរោគស្ត្រី និងសម្ភព អាចអញ្ចើញមកជួបពិគ្រោះពិនិត្យ និងព្យាបាលជាមួយវេជ្ជបណ្ឌិតឯកទេសជំងឺសម្ភព​ និងរោគស្ត្រី ដែលមានបទពិសោធន៍យូរឆ្នាំខាងផ្នែកជំងឺសម្ភព និងរោគស្ត្រី ជួបជាមួយវេជ្ជបណ្ឌិត ( យង់ ម៉ាលីសាដែត ) 👩🏻‍⚕️🩺 នៅមន្ទីរសម្រាកព្យបាល និងសម្ភពសុខាសា ឡងជីវិធី 🏩👩🏻‍⚕️🩺
------------------------------------------------------------------------------------------
📍🏪អាស័យដ្ឋាន: ខុនដូ ដឹស្តា ប៉ូឡារីស២៣ ក្នុងគម្រោង បុរី ប៉េង ហួត ហ្គ្រេនស្តាផ្លាទីនីម (បឹងស្នោ)
🌐🏪Google maps: https://maps.app.goo.gl/uo2eAyNWAmsMATFT9?g_st=ic
☎️☎️Tel:068 666 990 /085 666 990
📲🌐Telegram: https://t.me/Amaralogevityclinic
📲🌐page: https://www.facebook.com/Amaralongevity.clinic?mibextid=LQQJ4d
📲🌐Gmail : sokhasa.longevityclinic21@gmail.com

22/04/2023

សុក (Placenta) ញុាំបានទេ?

🎁អំឡងផ្ទៃពោះ សុកគឺជាសរីរាង្គដ៏សំខាន់ដែលភ្ជាប់កូនរបស់អ្នកទៅនឹងស្បូនរបស់អ្នក និងមាននាទីផ្ទេរអាហារ និងអុកស៊ីសែនពីម្តាយដល់ទារក។

មុខងាររបស់សុកអំឡុងពរពោះរួមមាន៖
✅ផ្តល់ឱ្យទារកនូវអុកស៊ីសែន និងសារធាតុចិញ្ចឹមផ្សេងៗ
✅ច្រោះកាកសំណល់គ្រោះថ្នាក់ និងកាបូនឌីអុកស៊ីតចេញពីទារក
✅ផលិតអរម៉ូនដែលជួយទារកដល់ការលូតលាស់
✅បញ្ជូនអង់ទីគ័រ និងភាពស៊ាំពីម្តាយទៅទារក

🎁ជាទូទៅ សុកមានទំហំ ប្រហែល 20-22cm និងទំង់ប្រហែល 400g-500g,ប្រវែងទងសុកប្រហែល 50-60cm នៅពេលគ្រប់ខែ។ បន្ទាប់ពីសំរាលបុត្រ សុកនឹងរបើកហើយធ្លាក់ចេញក្រៅស្បូនចន្លោះ 15-30mnក្រោយ។

🚩🚩ស្រោម ឈាម ទង និង សាច់សុកជាធម្មតា ក្រោយសំរាល នឹងត្រូវបានយកទៅដុតចោលតាមបែបវេជ្ជសាស្រ្ត ប៉ុន្តែបច្ចុប្បន្ននេះ នៅតាមបណ្តាប្រទេសជឿនលឿន វាត្រូវបានគេយកទៅរក្សាទុក ក្រោមបច្ចេកវិទ្យាបំលែង បង្កក និងបណ្តុះកោសិកាទំនើប ហើយយកមកប្រើប្រាស់វិញដើម្បីព្យាបាលជំងឺ ធ្ងន់ធ្ងរដែលព្យាបាលមិនជាមួយចំនួន និងមិនតែប៉ុន្នោះវាត្រូវបានគេរកឃើញថាមានឥទ្ធិពលយ៉ាងខ្លាំងទៅលើការជួយរក្សាសុខភាពរាងកាយ និងសម្រស់។ អ្នកវិទ្យាសាស្រ្តបានរកឃើញថាវាសម្បូរទៅដោយកោសិកា ល្អ ខ្ចីៗ ដែលជាកោសិកាដើម ហៅថា ស្ទីមសែល (stem cells) ដែលមានគុណប្រយោជន៍ យ៉ាងខ្លាំងចំពោះវិស័យវេជ្ចសាស្រ្ត។

🎁ការព្យាបាលដោយកោសិកានេះ ត្រូវបានប្រើប្រាស់ក្នុងករណីជំងឺមួយចំនួនដូចជា
✅ជំងឺឈាម និង មហារីកឈាមមួយចំនួន (Leukemia...lymphomas.. ects)
✅មហារីកផ្សេងៗ
✅ជំងឺតំណរពូជន៌មួយចំនួន
✅ជំងឺសឹកសន្លាក់ ( ostheoartitis )
✅ស្រ្តូក Stroke
✅រក្សាវ័យនិងសម្រស់

⛔ការពិសារសាច់សុកសត្វមិនត្រូវបានសិក្សាច្បាស់លាស់ទេ ថាវាមានអត្ថប្រយោជន៍សុខភាពរឺអត់។ ហើយសុកមនុស្សរឹតតែមិនត្រូវបានសិក្សា ព្រោះវាជាប់ពាក់ពន្ធនឹងក្រមសីលធម៌នៃមនុស្សជាតិ 🙏🙏

Ref:
https://www.cancer.gov/about-cancer/treatment/types/stem-cell-transplant

https://guardian.ng/features/new-applications-of-stem-cell-therapy/

18/04/2023

🚩 ចែករំលែកជូនចំពោះប្អូនៗប្រុសស្រី និងឱពុកម្តាយទាំងអស់គ្នា ទុកជាបទពិសោធន៍
🔞 ករណី :ចោទរំលោភសេពសន្ថវៈ (រឿងពិត)

ក្មុងអំឡុងពាក់កណ្តាលឆ្នាំ 2014 ខ្ញុំជាវេជ្ជបណ្ឌិតថ្មីទើបចប់ការសិក្សាពីប្រទេបារាំងបានមួយឆ្នាំ បំរើការនៅមន្ទីរពេទ្យរដ្ឋមួយក្នុងក្រុងភ្នំពេញ។

នាព្រឹកថ្ងៃសៅរ៍ ម៉ោងប្រហែល 9h ដែលត្រូវជាថ្ងៃប្រចាំការ 24h, ខ្ញុំទទួលបានទូរសព្ទ័អោយមកជួយពិនិត្យករណីរោគស្រ្តីមួយ ព្រោះលោកសាស្រ្តាចារ្យប្រធានក្រុមកំពុងជាប់វះ។

មកដល់មុខបន្ទប់ ខ្ញុំឃើញលោកពូម្នាក់មាឌធំ ទឹកមុខរួសរាយ មានឯកសណ្ឋានជាអាជ្ញាធរមានសមត្ថកិច្ច ញញឹមដាក់ខ្ញុំ។
ចូលដល់ក្នុងបន្ទប់ពិនិត្យ ឃើញមានអ្នកមីងម្នាក់ដែលមានសម្បុសររូបរាងសមសួន ស្ឋានភាពជាអ្នកមានជីវភាពបង្គួរ(ត្រូវជាម្តាយជនរងគ្រោះ) និង យុវតីដ៏ស្រស់ស្អាតពីរនាក់: កូនបងស្លៀកពាក់ឆុតគេងយប់សាច់រលោង ម្នាក់ជាប្អូន អាយុ17ឆ្នាំ (ជាជនរងគ្រោះ) ស្លៀកខោខៅប៊យខ្លី អាវយឺតខ្លួនខ្លីលេចសាច់ចង្កេះបន្តិច។ ពួកគាត់ទាំងពីរនាក់បងប្អូន ក្មេងៗអាយុស្របាលគ្នា មានទឹកមុខរីករាយ សុភាពរាបសារ សប្បុរសរក្បុសភ្លឺដូចអំពូល ច្រមុះខ្ពស់ ភ្នែកសមមុខ ដៃជើងស្រឡូន កម្ពស់ខ្ពស់ជាងអ្នកគ្រូពេទ្យ និយាយរួមស្អាតខ្លាំង។

ទាំងបីនាក់ម្តាយកូន លើកដៃជំរាបសួរគ្រូពេទ្យ ហើយរាបរាប់ដូចតទៅ!

(ចាប់ពីនេះទៅ នាងខ្ញុំសូមហៅកាត់ ម្តាយជនរងគ្រោះថា អ្នកមីង , ហៅជនរងគ្រោះថា B និងបងស្រីជនរងគ្រោះ ថាA)

🏥ខ្ញុំ: ជំរាបសួរមីង មានបញ្ហាអ្វីដែរ?
👩‍🦳អ្នកមីង: កូនBខ្ញុំត្រូវបានគេរំលោភកាលពីយប់មិញ សូមអ្នកគ្រូជួយពិនិ្យនិងធ្វើរបាយការណ៌មក ខ្ញុំយកអោយពូរបស់ B ដែលចាំនៅក្រៅបន្ទប់យកទៅប្តឹងគេ!
🏥ខ្ញុំ: ខ្ញុំសូមពិនិត្យមើលប្អូនBសិនមីង ហើយរបាយការណ៍េផ្លូវការណ៌ត្រូវចាំលោកប្រធានខ្ញុំមកជួយមើលនិងទទួលស្គាល់ និងប្រហែលត្រូវឆ្លងរដ្ឋបាលមន្ទីពេទ្យទៀត ទើបមីងអាចយកប្រើបាន។ វាត្រូវចំណាយពេល!
👩‍🦳អ្នកមីង: ចា មិនអីទេអ្នកគ្រូ ពិនិត្យទៅអ្នកគ្រូ ហើយសូមជួយពិនិត្យអោយលំអិត ព្រោះខ្ញុំត្រូវអោយខាងប្រុសគេទទួលខុសត្រូវជាដាច់ខាត!

🏥ខ្ញុំ(ដោយទឹកមុខស្រពោន): B សូមប្អូនរាបរាប់ដំណើរដើមទងប្រាប់បងខ្លះៗបានទេ?
👩‍🦰B: ចាបង ខ្ញុំសិស្សថ្នាក់ទី11 សង្សាខ្ញុំរៀនមហាវិទ្យាល័យឆ្នាំទីបី យើងស្គាល់គ្នាជាងបីខែហើយ ដើរលេងជាមួយគ្នាញឹកញាប់ គាត់ព្យាយាម បបួលខ្ញុំចូលអូតែលច្រើនដងហើយ តែខ្ញុំមិនព្រម យប់មិញ គាត់អត់ប្រាប់ខ្ញុំទេ ចេញពីមើលកុន គាត់ដឹកខ្ញុំចូលអូតែលតែម្តង! ព្រឹកឡើងគេក៏ដឹកខ្ញុំមកផ្ទះវិញទៅ។
👱‍♀️A: នឹងហើយអ្នកគ្រូ Bមកដល់ផ្ទះភ្លាម ម៉ាក់នឹងខ្ញុំស្រូតយកមកជួបអ្នកគ្រូភ្លាម សូម្បីអាវគេងយប់ខ្ញុំមិនប្តូរផង មកទាំងចឹងម៉ង!

ខ្ញុំស្តាប់ហើយមានមន្ទិលតែមិនហ៊ាននិយាយអីទេ ក៏យកប្អូនBទៅពិនិត្យ។ ពិនិត្យបណ្តើរខ្ញុំប្រាប់Bបណ្តើរពីអ្វីដែលបានពិនិត្យឃើញ ហើយBរាបរាប់ប្រាប់មកវិញក៏ច្រើន ហើយស្តាប់ទៅ មិនមានករណីបង្ខំទេ ហើយក៏មិនមែនលើកទីមួយដែរ។

🏥ខ្ញុំ: ពិនិត្យរួចហើយមីង Bគ្មានស្នាមរបួសអ្វីទេ មានស្នាមដាច់ព្រហ្មចារីយ៍តិចតួចហើយមើលទៅមិនមែនរបួសថ្មីទេ...
និយាយមិនទាន់ចប់ អ្នកមីងកាត់...

👩‍🦳អ្នកមីង: អ្នកគ្រូសរសេរតែប៉ុន្នឹងទេក្នុងរបាយការណ៍? សរសេរចឹងខ្ញុំប្តឹងគេម៉េច? ចុះអត់ពិនិត្យទឹកកាមអីទេ?
🏥ខ្ញុំ: ចាមីង ធម្មតារបាយកាណ៌ពេទ្យសរសេរតែអ្វីដែលពេទ្យពិនិត្យឃើញប៉ុន្នោះ មិនមែនសរសេរថាគាត់ត្រូវបានគេរំលោភទេ។ ហើយការពិនិត្យទឹកកាមគឺការមើលបញ្ជាក់ DNA, តេស្តនឹងមានតំលៃថ្លៃហើយមិនទាន់ធ្វើបាននៅស្រុកយើងទេ ណាមួយទៀត ដល់តែមីងមាន DNA ម្នាក់ប្រុសនឹងមកផ្ទៀងទឹកកាមដែលយើងពិសោធន៍ទើបបញ្ជាក់បានថាជារបស់ម្នាក់នឹង!
👩‍🦳អ្នកមីង (លើកដៃសំពះ): សូមទោសអ្នកគ្រូ ជួយប្អូនទៅ អាណិតគ្នាក្មេងណាស់ ខ្ញុំមិនភ្លេចគុណអ្នកគ្រូទេ គេកូនអ្នកមាន ចរិកក៏សមរម្យ មានចំណេះដឹង ខ្ញុំចង់បានគេជាកូនប្រសារដែរ។
🏥ខ្ញុំភ្ញាក់ព្រឺត: ហាក៎.. ចុះមីងម៉េចមិនប្រាប់ម៉ែឱគេ អោយចូលតាមច្បាប់ទៅ ក្មេងៗគេស្រលាញ់គ្នាតើ!
👩‍🦳អ្នកមីង: គេមិនយកយើងទេ គេមានណាស់អ្នកគ្រូអឺយ! ដល់តែគំរាមប្តឹង ក្រែងគេខ្លាចខូចកេត្តិយស គេព្រមយកយើង! អ្នកគ្រូជួយទៅ ខ្ញុំក៏មិនមែនប្តឹងគេដើម្បីលុយដែរ គឺចង់អោយគេទទួលខុសត្រូវប៉ុន្នោះ!
🏥ខ្ញុំ:សុំទោសមីង របាយណ៌វេជ្ចសាស្ត្រ បោកគេមិនបានទេ ពេទ្យណាក៏គេចេះពិនិត្យដែរ ណាមួយខ្ញុំនឹងជំរាបលោកប្រធានខ្ញុំ ហើយគាត់នឹងជួយពិនិត្យបន្ថែម.... ....

រឿងហ្នឹងនៅវែងទៀត តែនាងខ្ញុំសូមសរសេរត្រឹមហ្នឹងទុកជាបទពិសោធន៌ជូនប្អូនៗទាំងប្រុសទាំងស្រី ពិចារណាតាមការគួរ! 🙏

17/04/2023

😘😘 ធីប សំរាប់យកកូនតាមធម្មជាតិ 😘😘

💟💟A. ត្រៀមខ្លួនទាំងអនាគតប៉ានិងម៉ាក់

✅1.ពិនិត្យសុខភាព និងពិនិត្យឈាមរករោគឆ្លង និងជំងឺផ្សេងៗ
✅2.ចាក់វ៉ាក់សាំងណាដែលចាំបាច់ត្រូវចាក់អោយហើយ
✅3.ញាំថ្នាំ Folic Acid (ម៉ាក់)
✅4.ញាំរបបអាហារសុខភាព
✅5.តមស្រាបារី

💟💟B. សំរាប់នារី ត្រូវចេះចំណាំថ្ងៃធ្លាក់មេជីវិតញី(មេជីវិតញីរស់បាន 12-24h ប៉ុន្នោះ) ,សញ្ញាមួយចំនួននឹងបង្ហាញថាអ្នកជិតដល់ថ្ងៃធ្លាក់មេជីវិត ដូចនេះនៅជាមួយគ្នាមុនជារឿងគួរ!

✅1. ជាទូទៅវាធ្លាក់នៅថ្ងៃទី14នៃរដូវ (សំរាប់វដ្ត 28ថ្ងៃ)
✅2. ថ្ងៃដែលមានធ្លាក់រំអិលសរថ្លាពីទ្វាមាស ច្រើនជាងធម្មតា
✅3. ចុកលើថ្ងាស ពីរបីថ្ងៃ (ចំពាក់កណ្តាលវដ្តរដូវ)
✅4. ក្តៅខ្លួនស្ទិញៗ
✅5. មានចំណង់ផ្លូវភេទ
✅6. ប្រើ OPK តេស្តរកថ្ងៃមេជីវិតធ្លាក់ ចាប់ពីថ្ងៃទី9នៃរដូវ ពីរឆ្នូតថ្ងៃណា ប្រតិបត្តិការថ្ងៃនោះ

💟💟C.សំរាប់បុរស (មេជិវិតបុរសរស់បាន 3-5ថ្ងៃ)

✅1. គេជឿថាមេជីវិតបុរសបញ្ចេញបានច្រើនបំផុតនៅពេលព្រឹកព្រលឹម
✅2. មេជីវិតបុរសចូលចិត្តត្រជាក់ នៅពេលត្រូវកំដៅ ការផលិតមេជីវិតបុរសនឹងថយចុះ ដូចនេះសូមកាត់បន្ថយ ស្ទីម សណា និងកុំស្លៀកខោរឹបពេក

💟💟D. Extra Tips

✅1. នៅជាមួយគ្នាហើយ កុំទាន់ដកចេញភ្លាមៗ កុំឆាប់ងើបទៅលាងចោលពេក និង គេងបញ្ឈររជើងមួយសន្ទុះរឺ យកខ្នើយកល់គូថ (ទោះគ្មានការអះអាង អំពីប្រសិទ្ធភាពច្បាស់លាស់ ប៉ុន្តែវាគ្មានគ្រោះថ្នាក់អ្វីទេ អ្នកគួរសាកល្បង)
✅2. នៅជាមួយគ្នាអោយញឹកញាប់ តែកុំញឹកខ្លាំងពេក
✅3. ទទួលស្គាល់បើយើងគីឡូធ្ងន់ រឺមានវ័យរាងចំណាស់ អត្រាមានកូនទាបបន្តិច តែកុំស្រ្តេស ហើយកុំអស់សង្ឃឹម

🎁🎁ជូនពរអនាគត ប៉ាម៉ាក់ទាំងអស់គ្នាបានសំរេចបំណងប្រាថ្នា ☺☺

15/04/2023

🥱😴 ដឹងស្អីទេអ្នកគ្រូ

13/04/2023

📛📛មូលហេតុមួយចំនួនដែលធ្វេីអោយអ្នកឈឺសុដន់📛

✅1.ការប្រែប្រួលអ័រម៉ូន​ (មុនមករដូវ​ រឺ​អ្នកំពុងមានទំងន់)
✅2.អ្នកប៉ះទង្គិចរឺបុកអ្វីមួយ
✅3.អាវទ្រនាប់ដែលអ្នកប្រេីប្រាស់​មិនសមស្របនឹងទំរង់សុដន់
✅4.រលាគសាច់ដុំទ្រូង​ (សាច់ដុំក្រោយសុដន់)
✅5.អ្នកកំពុងបំបៅដោះ
✅6.ក្រពេញសុដន់​ មានករោគ
✅7.ការប្រេីប្រាស់ថ្នាំព្យាបាលមួយចំនួន
✅8.ឈឺលេីស្នាមវះ​ រឺ​ ក្រោយព្យាបាលកាំរស្មី
✅9.មានដុំដោះ
✅10.មហារីកសុដន់

📍🏪អាស័យដ្ឋាន: ខុនដូ ដឹស្តា ប៉ូឡារីស២៣ ក្នុងគម្រោង បុរី ប៉េង ហួត ហ្គ្រេនស្តាផ្លាទីនីម (បឹងស្នោ)
🌐🏪Google maps: https://maps.app.goo.gl/uo2eAyNWAmsMATFT9?g_st=ic
☎️☎️Tel:068 666 990 /085 666 990
📲🌐Telegram: t.me/Sokhasalongevityclinic
📲🌐page: https://m.facebook.com/Sokhasalongevityclinic/?mibextid=LQQJ4

12/04/2023

🔺🔺ខ្ញុំចេះតែឈឺសុដន់ ឈឺបាត់ៗ តើវាជាសញ្ញាជំងឺមហារីករឺទេ?🔺🔺

💟💟Mastodynia Cyclical ឈឺសុដន់មុនមករដូវ💟💟

✅ស្រ្តីប្រហែល70% មានអាការៈឈឺសុដន់ រឺស្រគៀចុងសុដន់ អំឡុង3-7ថ្ងៃមុនមករដូវ។

✅ជាទូទៅ ការឈឺចាប់នេះគឺទាក់ទងនឹងការប្រែប្រួលអ័រម៉ូន ពេលមុនមករដូវ ហើយវាមានសញ្ញា ឈឺ តឹង ហើម មានអារម្មណ៌អួលនៅលើសុដន់ទាំងពីរ រឺឈឺខ្លាំងតិចមិនស្មើរគ្នា ហើយការឈឺចាប់តិចរឺខ្លាំង អាស្រ័យមនុស្សខុសគ្នា!

✅ការឈឺចាប់នេះអាចកាន់តែខ្លាំងនៅមុនពេលមករដូវ ហើយបន្ទាប់មកបន្ថយបន្តិចម្តងៗក្នុងអំឡុងពេល និងក្រោយពេលមករដូវ។

✅ជាទូទៅ ការឈឺសុដន់ដែលប្រែប្រួលតាមវដ្ដរដូវបែបនេះមិនមែនជារោគសញ្ញានៃជំងឺមហារីកសុដន់ទេ។

⛔ប៉ុន្តែបើអ្នកមានមកជាមួយនៅរោគសញ្ញាទាំងនេះ ⛔

🚫 ស្ទាបប៉ះដុំសាច់នៅក្នុងសុដន់ ឬមានកូនកណ្តុរគ្លៀក
🚫 ការឡើងក្រាស់ ឬហើមក្រហម សាច់សុដន់
🚫 ការហូរឈាម រឺខ្ទុះ រឺទឹករងៃ ចេញក្បាលពីក្បាលសុដន់
🚫 អ្នកមិនប្រាកដចិត្តថាវាប្រែប្រួលតាមវដ្តរដូវ

▶️សូមធ្វើការពិគ្រោះពិនិត្យជាមួយគ្រូពេទ្យឯកទេស សមដើម្បីធ្វើរោគវិនិច្ឆ័យត្រឹមត្រូវ និងដើម្បីស្វែងយល់បន្ថែមអំពីការព្យាបាលរឺតាមដានបន្ត។

🎁🎁ក្នុងករណីដែលអ្នកបានតាមដានពិនិត្យហើយ មិនមានរកឃើញបញ្ហាអ្វីទេ ប៉ុន្តែការឈឺចាប់រំខានអ្នកខ្លាំង អ្នកអាចញាំថ្នាំបន្ថយការឈឺចាប់ ដូរជា Ibuprofen រឺ Paracetamol រឺអាចប្រើ គ្រីម Progesteron លាបសុដន់បានដើម្បីបន្ថយការឈឺចាប់!

12/04/2023

និស្សិតពេទ្យ...
សំរាកចូលឆ្នាំបីថ្ងៃ ទៅលេងស្រុក សុតតែវេចសៀវភៅទៅ! 😁

11/04/2023

⛔️ខ្ញុំមានដុំសុដន់!!
⛔️ខ្ញុំមានពកក!!
⛔️ខ្ញុំមានកូនកណ្តុរ!!

🔺🔺ធ្វើម៉េចទៅទើបដឹងថាវាស្លូតរឺកាច?

🔺🔺មានតែ ការបូបយកសាច់មកវិភាគដោយប្រើម្ជុលមុខតូច តែប៉ុន្នោះដែលងាយស្រួលនិងគ្មានហនិភ័យ(FNA : Fine Needle Aspiration)🔺🔺

✅ FNA គឺជាប្រភេទនៃការធ្វើរោគវិនិច្ឆ័យ ដោយប្រើម្ជុលតូចស្តើង ដោយគ្មានការឈឺចាប់ និងលឿន ដើម្បីបឺតយកគំរូជាលិកា ចេញពីដុំសាច់រឺគីសទឹក ដែលមិនប្រក្រតី នៅក្នុងខ្លួនមនុស្ស ។
បន្ទាប់មកសំណាកជាលិកានឹងត្រូវបានយកទៅពិនិត្យនិងវិភាគនៅមន្ទីរពិសោធន៍ដើម្បីបញ្ជាក់ថាវាស្លូតរឺកាច។

✅ FNA ជាទូទៅ ត្រូវបានធ្វើក្នុងករណី មានដុំពកក្នុងក្រពេញទីរ៉ូអ៊ីត(ដុំពកក) ដុំសុដន់ ដុំកូនកណ្តុរ រឺដុំផ្សេងៗទៀត។

✅ FNA មិនចំណាយរយះពេលយូរទេ ជាមធ្យមចន្លោះ 10-20នាទីជាការស្រេច។ គ្រូពេទ្យនឹងប្រើអេកូ ឬ CT scan ដើម្បីមើលនៅពេលបូប។

✅ FNA ត្រូវបាននិយមប្រើប្រាស់ដោយសុវត្តិភាព ទូទាំងពិភពលោកដោយវេជ្ជបណ្ឌិតឯកទេស ដោយសារភាពទំនើប អត្ថប្រយោជន៍ និង គ្មានហនិភយ័ របស់វា។

09/04/2023

អូយ អំភើបណាស់! 😁😁

08/04/2023

🌷🌷ចម្ងល់ទាំង5 យ៉ាងដែលស្រ្តីតែងឆ្ងល់🌷🌷

1. តើវិធីពន្យារកំណើតមួយណាល្អបំផុត?

ទោះបីជាមានវិធីពន្យារកំណើតជាច្រើនដូចជា ថ្នាំគ្រាប់ ស្រោមអនាម័យ កងក្នុងស្បូន កងដៃ ចាក់ថ្នាំ បន្ទះកៅអ៊ៀកបិត ក៏ដោយ វាមិនមានអ្វីល្អជាងគេនោះទេ សំខាន់ថាតើមួយណាវាសាកសមសំរាប់អ្នក។ មានមធ្យោបាយខ្លះ អាចធ្វើអោយអ្នក បាត់រដូវ មករដូវច្រើន ឡើងទំងន់ សម្បុរស្រអាប់ ឡើងមុន ជាដើម ។ ដូច្នេះដើម្បីថ្លឹងថ្លែងរវាង គុណសម្បតិ្តនិងគុណវិបត្ត កុំភ្លេចសួរគ្រូពេទ្យរោគស្ត្រីរបស់អ្នកអំពីវិធីសាស្ត្រពន្យារកំណើតដែលសាកសមនឹងអ្នកបំផុត។

2. ហេតុអ្វីបានជាខ្ញុំមករដូវមិនទៀងទាត់? ច្រើន? តិច? ឬញឹកញាប់ពេក?

ភាពមិនប្រក្រតីនៃវដ្តរដូវគឺជារឿងធម្មតា ប៉ុន្តែការប្រែប្រួលទាំងនេះក៏អាចជាសញ្ញាព្រមាននៃស្ថានភាពធ្ងន់ធ្ងរ ដូចជា បញ្ហាអ័រម៉ូន ដុំស្បូន រឺ បញ្ហាកំណកឈាម។ ដោយសារមនុស្សម្នាក់ៗមានភាពខុសប្លែកគ្នា វាចាំបាច់ដែកអ្នកគួរពិគ្រោះនិងពិនិត្យជាមួយគ្រូពេទ្យរោគស្ត្រីរបស់អ្នក ហើយស្វែងរកដំណោះស្រាយដ៏មានប្រសិទ្ធភាពចំពោះបញ្ហានេះ។

3. ហេតុអ្វីខ្ញុំឈឺចាប់ពេលរួមភេទ?

មានហេតុផលជាច្រើនដែលអាចបណ្តាលឱ្យអ្នកឈឺចាប់ ឬមិនស្រួលអំឡុងពេលរួមភេទ។ លក្ខខណ្ឌបែបនេះរួមមានការបង្ករោគ ការបញ្ចេញទឹករំអិលមិនគ្រប់គ្រាន់ ជំងឺគីសសាច់រដូវ (endometriosis) រឺការស្តើងស្ងួតរឺរលាគនៃជញ្ជាំងទ្វារមាស។ ប្រសិនបើអ្នកប្រឈមការឈឺចាប់ខ្លាំង ចូរសាកសួរគ្រូពេទ្យរោគស្ត្រីរបស់អ្នកដើម្បីស្វែងរកមូលហេតុរបស់វា និងការព្យាបាលជាបន្តបន្ទាប់។

4. តើការធ្លាក់សរ ធ្លាក់លឿង ធ្លាក់ពណ៌ខៀវ រឺទឹកថ្លាៗ បង្ហាញបញ្ហាអ្វី?

ទឹករំអិល​ទ្វារមាស​ថ្លា ឬ​មាន​ពណ៌ទឹកដោះ គឺ​ជា​រឿង​ធម្មតា ហើយ​វាមាននាទីជួយ​ផ្តល់សំណើម និងសម្អាតកោសិកា​ចាស់ៗ​ចេញពី​ទ្វាមាស។ ទោះជាយ៉ាងណាក៏ដោយ បើសិនវាមានសភាពច្រើនពេក មានក្លិនមិនល្អ មានពណ៌លឿង ខៀវ រឺប្រផេះ វាអាចជាសញ្ញានៃការឆ្លងមេរោគផ្សិត ឬបាក់តេរី។ ប្រសិនបើអ្នកសម្គាល់ឃើញការផ្លាស់ប្តូរដែលបានរៀបរាប់ ឬមានការរមាស់ ឬក្រហាយ សូមពិគ្រោះជាមួយគ្រូពេទ្យរោគស្ត្រីរបស់អ្នក។

5. តើខ្ញុំគួរធ្វើតេស្តអ្វីខ្លះនៅឆ្នាំនេះ?

នៅចន្លោះពីពេលពេញវ័យរហូតដល់អស់រដូវ វាជារឿងសំខាន់ក្នុងការធ្វើតេស្តជាក់លាក់នៅដំណាក់កាលនីមួយៗនៃជីវិត។ ពិគ្រោះជាមួយគ្រូពេទ្យជំនាញខាងរោគស្ត្រីរបស់អ្នក ដើម្បីស្វែងយល់ពីតេស្តទាំងនោះ ហើយទទួលបានសុខភាពល្អពេញមួយជីវិតរ។

ការសួរសំណួរដ៏ត្រឹមត្រូវទៅកាន់គ្រូពេទ្យ នឹងជួយអ្នកអោយកាន់តែយល់ច្បាស់ពីបញ្ហារបស់ខ្លួន។ មុនពេលណាត់ជួបគ្រូពេទ្យរោគស្ត្រី អ្នកគួរស្រាវជ្រាវ និងចំណាំសំណួររបស់អ្នកអោយហើយ។

07/04/2023

ពេលមេធាវីឈឺ មកជួបអ្នកគ្រូទើបមើលរឿង យុទ្ធសាស្រ្តបំបែករឿងក្តី ចប់បានមួយភាគ! 😁

06/04/2023

🌷🌷ម្តាយដែលមានសុខភាពល្អនិងរីករាយ នឹងបង្កើតបានកូនដែលមានសុខភាពល្អ និងសប្បាយរីករាយ!🌷🌷

⛔⛔ម្តាយដែលស្ត្រេសច្រើន រឺ មានសភាពផ្លូវចិត្ត តានតឹងរុាំរ៉ៃ ទំនងជាកើតបានទារកដែលយំច្រើន គេងតិចបន្ទាប់ពីកំណើត រឺទារកតូចគីឡូ⛔⛔

🔺 បើសិនស្ឋានភាពជីវិតអ្នកមានភាពតានតឹងដោយជៀសពុំរួច អ្នកត្រូវចំណាយពេលទៀងទាត់ដើម្បីធ្វើអ្វីមួយដែលធ្វើឱ្យយើងធូរស្បើយ - ដូចយូហ្គា សមាធិ ស្តាប់តន្ត្រីដែលអ្នកចូលចិត្ត មើលកម្មវិធីទូរទស្សន៍ដែលអ្នកចូលចិត្ត ឬងូតទឹកក្តៅអ៊ុន

✅ពេលវេលានេះ ជាពេលដែលគ្រួសារទាំងមូលត្រូវរួមគ្នា ជួយម្តាយ និងទារកឱ្យមានសុខភាពល្អ និងសប្បាយរីករាយតាមដែលអាចធ្វើបាន ដោយ
- លើកទឹកចិត្តម៉ាក់ឱ្យញ៉ាំអាហារល្អៗ
- សម្រាកឱ្យបានច្រើន
- រំលឹកឱ្យគាត់លេបថ្នាំបំប៉នមានផ្ទៃពោះ (ស្ត្រីមានផ្ទៃពោះអាច ភ្លេចភ្លាំងណាស់!)
-ចំណាយពេល ជូនម៉ាក់ទៅពិនិត្យសុខភាព ដើរផ្សាទិញទំនិញត្រៀមសំរាល
- ហើយជួយម៉ាក់ ឱ្យទទួលបានសភាពស្ងប់ស្ងាត់ និងសម្រាកតាមដែលអាចធ្វើទៅបាន។

06/04/2023

និស្សិតពេទ្យ Be like!!

មន្ទីរពហុព្យាបាល សុខាសា (សាខា ឈូកមាស)
https://www.facebook.com/Clinic21plus?mibextid=ZbWKwL

📲🌏Telegram: https://t.me/sokhasaclinic

មន្ទីរសម្រាកព្យាបាល សុខាសា (សាខាប៉េង ហួត បឹងស្នោ)
https://m.facebook.com/Sokhasalongevityclinic/?mibextid=LQQJ4d

📲🌏Telegram: t.me/Sokhasalongevityclinic

05/04/2023

📛📛ក្រោយសំរាល ខ្ញុំយំរហូត📛📛

🔺ជំងឺធ្លាក់ទឹកចិត្តក្រោយសំរាល (baby blues or more severe : postpartum depression)

🔺Baby Blues កើតចន្លោះ 70%-80% ចំពោះអ្នកម្តាយថ្មី បន្ទាប់ពីកំណើតកូន។ វាជាបញ្ហាបាក់ទឹកចិត្តរបស់អ្នកម្តាយដែលក្រុមគ្រួសារ និងស្វាមីមិនគួរព្រងើយកន្តើយ!

🚫🚫សញ្ញា
- យំគ្មានមូលហេតុ ច្រើនដង
- បារម្មណ៌ច្រើន គិតច្រើន
- គិតជាញឹកញ៉ាប់ ថាខ្លួនមិនមែនជាម្តាយល្អ
- ឆាប់ខឹង មិនសូវចេះអត់ធ្មត់
- រសាប់រសល់
- ថប់បារម្ភ
- ល្ហិតល្ហៃ អស់កំលាំង
- ល្វើយតែគេងមិនលក់ មិនឃ្លានអាហារ
- សោកសៅ
- ផ្ចង់អារម្មណ៌មិនបានល្អ

✅✅ បើអ្នកយល់ថាអ្នកមានសញ្ញានេះ អ្នកគួរ
- និយាយជាមួយនរណាម្នាក់ដែកអ្នកទុកចិត្ត (ប្តី សមាជិកគ្រួសាររឺមិត្ត)
- ញាំរបបអាហារអោយមានតុល្យភាពល្អ
- ចេញដើរលេងខាងក្រៅដើម្បីស្រូបខ្យល់អាកាសបរិសុទ្ធ
- កុំរួញរានឹងស្នើរសុំជំនួយ(មើលថែកូន រឺការងារផ្សេងៗ)
- កុំរំពឹងភាពឥតខ្ចោះចំពោះការថែរក្សាអ្នក ពីប្តី រឺសមាជិកគ្រួសារ
- ផ្តល់ពេលអោយខ្លួនឯងបានសំរាក និងបានជាសះស្បើយពីការសំរាលកូន

- អាការៈ ទាំងនោះ ទំនងជាកើតឡើងខ្លាំង ក្នុងរយះ 4-5ដំបូង ថ្ងបន្ទាបពីសំរាល និងបន្ថយទៅវិញនៅចន្លោះ 2-3សប្តាស៍។

⛔⛔ វាអាចកាន់តែវិវឌ្ឍន៌កាន់តែធ្ងន់ ទៅជា ជំងឺបាក់ទឹកចិត្តតែម្តង ហើយបើសិនអ្នកយល់ថា អ្នកបានប្រឈម និងវិវឌ្ឍន៌ធ្ងន់ទៅៗ រឺមានបំណងបញ្ចប់ជីវិតខ្លួនម្តងម្កាល សូមស្វែងរកជំនួយបន្ទាន់ពីអ្នកជំនាញផ្លូវចិត្ត!