04/08/2025
ទឹកដោះម្ដាយថ្លៃ!
ហេតុអ្វីបានជាទឹកដោះម្តាយមានតម្លៃ? ព្រោះវាអាចសង្គ្រោះជីវិតកុមារ។
ទឹកដោះម្ដាយជាប្រភពអាហារូបត្ថម្ភដ៏ល្អបំផុតសម្រាប់ទារក ព្រោះវាជួយការពារពួកគេពីបញ្ហាកង្វះអាហារូបត្ថម្ភ ជំងឺផ្សេងៗ និងហានិភ័យពីការបរិភោគទឹកមិនស្អាត។ លើសពីនេះ ទឹកដោះម្ដាយក៏ជួយពង្រឹងប្រព័ន្ធភាពស៊ាំរបស់ទារកតាំងពីថ្ងៃដំបូងឱ្យមានសុខភាពរឹងមាំផងដែរ។
ក្នុងសប្តាហ៍បំបៅដោះកូនពិភពលោកនេះ យូនីសេហ្វសូមចូលរួមលើកទឹកចិត្ត និងគាំទ្រយ៉ាងពេញទំហឹងដល់មាតាគ្រប់រូបដែលបំបៅកូនដោយទឹកដោះ រួមទាំងលោកស្រី គន្ធា វ័យ២៨ឆ្នាំ មកពីខេត្តព្រះវិហារ។ ទោះបីជាស្ថិតក្នុងស្ថានភាពលំបាកនៅជំរំភៀសសឹកក្តី ក៏គាត់នៅតែបន្តបំបៅកូនស្រីអាយុ ២៨ថ្ងៃ ឈ្មោះ រីយ៉ា ដោយទឹកដោះម្ដាយ។ ទឹកដោះនេះគឺជាខែលការពារដ៏រឹងមាំ និងជាប្រភពអាហារូបត្ថម្ភដ៏សំខាន់បំផុតសម្រាប់សុខភាព និងការលូតលាស់របស់ទារិកាតូច រីយ៉ា។
សូមចូលរួមគាំទ្រការបំបៅដោះកូនដោយទឹកដោះម្តាយទាំងអស់គ្នា ដើម្បីទ្រទ្រង់អាហារូបត្ថម្ភ និងសុខភាពរបស់ទារក។
#សប្តាហ៍បំបៅដោះកូនពិភពលោក #សុខភាពមាតានិងទារក #ដើម្បីកុមារគ្រប់រូប
