មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ

  • Home
  • Cambodia
  • Phnom Penh
  • មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ National Center for Parasitology, Entomology and Malaria Control

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទ សូមគោរពជូនចំពោះ លោកបណ្ឌិត ហ៊ុយ រ៉េកុល ប្រធានមជ្ឈមណ្ឌលជា...
12/04/2026

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទ សូមគោរពជូនចំពោះ លោកបណ្ឌិត ហ៊ុយ រ៉េកុល ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត ក្នុងឱកាសចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០។

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទនៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្...
12/04/2026

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទនៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត សូមគោរពជូនចំពោះ ឯកឧត្តមសាស្រ្តាចារ្យ ឯកឧត្តម លោកជំទាវ លោក លោកស្រី នាងកញ្ញា ក្នុងឱកាសចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០។

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទនៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្...
12/04/2026

សារលិខិតជូនពររបស់ ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទនៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត សូមគោរពជូនចំពោះ ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល ក្នុងឱកាសចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០។

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត នៃក្រសួងសុខាភិបាល រៀបចំពិធីសូត្រមន្តប្រោះព្រំ ប្រ...
10/04/2026

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត នៃក្រសួងសុខាភិបាល រៀបចំពិធីសូត្រមន្តប្រោះព្រំ ប្រសិទ្ធពរជ័យ សិរីមង្គល ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស.២៥៧០
__________
រាជធានីភ្នំពេញ៖ នាព្រឹកថ្ងៃសុក្រ ៨រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែមេសា ឆ្នាំ២០២៦ លោកបណ្ឌិត ហ៊ុយ រ៉េកុល ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត ព្រមទាំងថ្នាក់ដឹកនាំ មន្ត្រីរាជការ និងមន្រ្តីក្រោមឱវាទទាំងអស់ បាននិមន្តព្រះសង្ឃសូត្រមន្ត បង្សុកូល ឧទ្ទិសកុសល ជូនដល់វិញ្ញាណក្ខន្ធបុព្វបុរស ព្រមទាំងចម្រើនព្រះបរិត្ត ប្រសិទ្ធពរជ័យ សិរីមង្គល ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦។

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត បានរៀបចំពិធីបុណ្យចូលឆ្នាំថ្មី ប្រពៃណីជាតិ ជារៀងរាល់ឆ្នាំ ដោយមានការរាប់បាត្រ បូជាទៀនធូប ផ្កាភ្ញី គ្រឿងសក្ការៈនានា ថ្វាយព្រះរតនត្រ័យ ដើម្បីចម្រើនព្រះបរិត្ត ស្វាធ្យាយជយន្តោ ជ័យមង្គល និងត្រៀមទទួលស្វាគមន៍ ទេវតាឆ្នាំថ្មី ឆ្នាំមមី ព្រះនាម រាក្យសាទេវី ដែលនឹងចុះអភិបាល ជួយបីបាច់ថែរក្សា ប្រោសប្រទានពរជ័យ សិរីមង្គល វិបុលសុខ មហាប្រសើរ ជូនដល់ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទទាំងអស់ សូមទទួលបានសុខភាពបរិបូរណ៍ កម្លាំងមាំមួន បញ្ញាភ្លឺថ្លា អាយុយឺនយូរ និងទទួលបានជោគជ័យថ្មីៗបន្ថែមទៀត។

ស្ថិតក្នុងពេលវេលាដ៏មានអត្ថន័យនេះ លោកបណ្ឌិតប្រធាន បានយកឱកាសថ្លែងនូវអំណរគុណ និងជូនពរដល់ថ្នាក់ដឹកនាំ មន្រ្តីរាជការ និងមន្រ្តីក្រោមឱវាទ ទាំងអស់ ដែលតែងតែលះបង់ពេលវេលា កម្លាំងកាយចិត្ត ប្រាជ្ញា សា្មរតី ខិតខំប្រឹងប្រែងបំពេញតួនាទីភារកិច្ចរបស់ខ្លួនដោយការទទួលខុសត្រូវខ្ពស់ នៅគ្រប់កាលៈទេសៈ ប្រកបដោយប្រសិទ្ធភាព គុណភាព ស័ក្តិសិទ្ធភាព ក្រមសីលធម៌វិជ្ជាជីវៈ និងនវានុវត្តន៍។

ព្រឹកថ្ងៃចន្ទ ៤រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី០៦ ខែមេសា ឆ្នាំ២០២៦ មជ្ឈមណ្ឌលជាតិប្រយុទ្ធនឹងជំងឺគ្...
06/04/2026

ព្រឹកថ្ងៃចន្ទ ៤រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី០៦ ខែមេសា ឆ្នាំ២០២៦ មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្រ្ត(ម.គ.ច) បានរៀបចំកិច្ចប្រជុំថ្នាក់ ដឹកនាំ ប្រធាន/អនុប្រធានការិយាល័យ និងប្រធានផ្នែក។
មុនចាប់ផ្តើមកិច្ចប្រជុំក៏មានការគោរពទង់ជាតិ នៃព្រះរាជាណាចក្រកម្ពុជា ដោយច្រៀងផ្ទាល់នូវបទ "នគររាជ" និងការគោរពវិញ្ញាណក្ខន្ធដល់វីរកងទ័ពកម្ពុជា ដែលបានពលីជីវិត ក្នុងបុព្វហេតុការពារបូរណភាពទឹកដីពីសត្រូវឈ្លានពានយោធាថៃ។
គោលបំណងកិច្ចប្រជុំ៖
១. វឌ្ឍនភាពនៃដំណើរការរៀបចំទិវាគ្រុនចាញ់ឆ្នាំ២០២៦
២. ព័ត៌មានត្រឡប់នៃការរៀបចំចងក្រងសៀវភៅរបាយការណ៍ ម.គ.ច.
៣. បញ្ហាផ្សេងៗ បូកសរុបការប្រជុំ និងបិទអង្គប្រជុំ៕

រាជធានីភ្នំពេញ៖ ថ្ងៃពុធ ១៤កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី០១ ខែមេសា ឆ្នាំ២០២៦ ដោយបានការអនុញ្ញាត...
01/04/2026

រាជធានីភ្នំពេញ៖ ថ្ងៃពុធ ១៤កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី០១ ខែមេសា ឆ្នាំ២០២៦ ដោយបានការអនុញ្ញាតពីលោកបណ្ឌិតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ (ម.គ.ច.) លោកវេជ្ជបណ្ឌិត ស៊ីវ សុវណ្ណារ័ត្ន ប្រធានការិយាល័យបច្ចេកទេស នៃ ម.គ.ច. បានចូលរួមជាអធិបតីភាពក្នុងពីធីបើកវគ្គបណ្តុះបណ្តាលស្តីពីគោលការណ៍ណែនាំក្នុងការរៀបចំឯកសារ (DOC) ការទប់ស្កាត់ការកកើតជំងឺគ្រុនចាញ់ឡើងវិញ (POR)និងការផ្ទៀងផ្ទាត់ការលុបបំបាត់ជំងឺគ្រុនចាញ់ថ្នាក់ក្រោមជាតិ (SNV)ដល់មន្រ្តីសុខាភិបាលមន្ទីរសុខាភិបាលនៃរដ្ឋបាលរាជធានីភ្នំពេញ។

ក្នុងឱកាសពិធីបើកវគ្គបណ្តុះបណ្តាល លោកវេជ្ជបណ្ឌិតបានផ្តាំដល់សិក្ខាកាមឲ្យយកចិត្តទុកដាក់ និងអនុវត្តការងារយ៉ាងម៉ត់ចត់ ជាពិសេសការធ្វើតេស្តឈាមរកជំងឺគ្រុនចាញ់ចំពោះអ្នកជំងឺសង្ស័យនៅសេវាសុខភាពសាធារណៈ។ ការធ្វើតេស្តឲ្យបានទាន់ពេលវេលា និងត្រឹមត្រូវ មានសារៈសំខាន់សម្រាប់ការរកឃើញ និងព្យាបាលឲ្យមានប្រសិទ្ធភាព។ជាពិសេស ត្រូវផ្តោតលើករណីនាំចូលពីក្រៅប្រទេស ដែលអាចបង្កហានិភ័យដល់ការកើតឡើងវិញ ដូច្នេះត្រូវមានការតាមដាន ស្វែងរក និងរាយការណ៍ឲ្យមានប្រសិទ្ធភាព។ លើសពីនេះ លោកក៏បានណែនាំឲ្យរៀបចំ និងបំពេញរបាយការណ៍ឲ្យបានត្រឹមត្រូវ ពេញលេញ និងទាន់ពេលវេលា ដើម្បីលើកកម្ពស់គុណភាពទិន្នន័យ និងគាំទ្រការតាមដាន វាយតម្លៃ និងការទទួលស្គាល់លទ្ធផលលុបបំបាត់ជំងឺគ្រុនចាញ់។

វគ្គបណ្តុះបណ្តាលមានគោលបំណង៖
១. ផ្តល់នូវចំណេះដឹងថ្មីបន្ថែមនូវគោលការណ៍ណែនាំស្តីពីការរៀបចំឯកសារ ការទប់ស្កាត់ការកកើតជំងឺគ្រុនចាញ់ឡើងវិញ និងពិធីសារផ្ទៀងផ្ទាត់ការលុបបំបាត់ជំងឺគ្រុនចាញ់ថ្នាក់ក្រោមជាតិ និង

២. ប្រព័ន្ធអង្កេតតាមដានជំងឺគ្រុនចាញ់ថ្មីក្នុងបរិបទការទប់ស្កាត់ការកកើតជំងឺគ្រុនចាញ់ឡើងវិញ។ វគ្គបណ្តុះបណ្តាលមានរយៈពេល២ថ្ងៃ នៅសណ្ឋាគារតារាអ៊ែរផត រាជធានីភ្នំពេញក្រោមការឧបត្ថម្ភថវិកាពីមូលនិធិសកល ដែលមានអ្នកចូលរួមសរុប ៧១នាក់ (ស្ត្រី ១០នាក់) មកពីមណ្ឌលសុខភាព មន្ទីរពេទ្យបង្អែកការិយាល័យសុខាភិបាលស្រុកប្រតិបត្តិ មន្ទីរពេទ្យរាជធានី មន្ទីរសុខាភិបាលនៃរដ្ឋបាលរាជធានីភ្នំពេញ និងមានការចូលរួមពីមន្រ្តីបច្ចេកទេសរបស់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត៕

ជំនួបពិភាក្សាស្វែងយល់ពីយន្តការសម្របសម្រួលការគ្រប់គ្រង និងនិរន្តរភាពក្នុងការរក្សាលទ្ធផលលុបបំបាត់ជំងឺគ្រុនចាញ់======🙏❤️🙏==...
27/03/2026

ជំនួបពិភាក្សាស្វែងយល់ពីយន្តការសម្របសម្រួលការគ្រប់គ្រង និងនិរន្តរភាពក្នុងការរក្សាលទ្ធផលលុបបំបាត់ជំងឺគ្រុនចាញ់
======🙏❤️🙏======
រាជធានីភ្នំពេញ៖ ថ្ងៃសុក្រ ៩កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ ចាប់ពីវេលាម៉ោង ០៩:៣០នាទីព្រឹក លោកបណ្ឌិតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ (ម.គ.ច) នៃក្រសួងសុខាភិបាល ព្រមទាំងសហការី បានទទួលជួបលោកស្រីវេជ្ជបណ្ឌិត ភីលីដា ត្រាវី (Phyllida Travis) ទីប្រឹក្សាការិយាល័យកណ្តាលរបស់អង្គការសុខភាពពិភពលោកប្រចាំតំបន់ និងលោកស្រី ឌីង វ៉ាង (Ding Wang) សេដ្ឋវិទូផ្នែកសុខភាព របស់អង្គការសុខភាពពិភពលោកប្រចាំប្រទេសកម្ពុជា ដើម្បីពិភាក្សាការងារ។

ជំនួបពិភាក្សាមានគោលបំណង៖

១)ពិភាក្សាអំពីការផ្តល់សេវាជំងឺគ្រុនចាញ់នៅក្នុងបរិបទនៃម្ចាស់ជំនួយកាត់បន្ថយ

២)ពិភាក្សាស្វែងរកយន្តការសម្របសម្រួលសមាហរណកម្មដើម្បីរក្សាប្រសិទ្ធភាព និង

៣)ស្វែងយល់ទស្សនៈវិស័យសម្រាប់និរន្តរភាពនៃរក្សាលទ្ធផលលុបបំបាត់ជំងឺគ្រុនចាញ់។

គួរបញ្ជាក់ផងដែរថា ក្នុងឱកាសជំនួបពិភាក្សានេះ លោកបណ្ឌិតប្រធានមជ្ឈមណ្ឌលជាតិ បានសម្តែងនូវការថ្លែងអំណរគុណដល់អង្គការសុខភាពពិភពលោក ដែលតែងតែផ្តល់ការគាំទ្រយ៉ាងទូលំទូលាយទាំងផ្នែកបច្ចេកទេស និងថវិកា ដល់កម្មវិធីជាតិទាំងក្នុងដំណាក់កាលប្រយុទ្ធដើម្បីកាត់បន្ថយការឆ្លង និងទាំងក្នុងដំណាក់កាលដើម្បីលុបបំបាត់ជំងឺគ្រុនចាញ់ក្នុងប្រទេស។ ជាមួយគ្នានេះ គណៈប្រតិភូក៏បានកោតសរសើរដល់សមិទ្ធផល និងភាពជោគជ័យដែលកម្មវិធីគ្រុនចាញ់នៅប្រទេសកម្ពុជាសម្រេចបាន និងបន្តរក្សាលទ្ធផលល្អក្នុងការលុបបំបាត់ជំងឺគ្រុនចាញ់។

កិច្ចប្រជុំពិភាក្សា បានបញ្ចប់ដោយបរិយាកាសរីករាយ ស្មារតីមិត្តភាព និងបានផ្តល់ឱកាសសំខាន់សម្រាប់ការពិភាក្សា និងចែករំលែកបទពិសោធន៍ ការពិគ្រោះយោបល់គ្នា ដើម្បីធានាថាកម្មវិធីជាតិអាចបន្តរក្សាលទ្ធផលលុបបំបាត់ជំងឺគ្រុនចាញ់ និងបង្កើនប្រសិទ្ធភាពប្រតិបត្តិការជាមួយដៃគូអន្តរជាតិ៕

CNM is seeking qualified and experienced candidates to fill the following position.Detailed position descriptions are av...
26/03/2026

CNM is seeking qualified and experienced candidates to fill the following position.

Detailed position descriptions are available with this QR Code

កិច្ចប្រជុំស្ដីពី វឌ្ឍនភាព និងបច្ចុប្បន្នភាពជំងឺគ្រុនឈាមរាជធានីភ្នំពេញ៖ នៅព្រឹកថ្ងៃចន្ទ ៥កើត ខែចេត្រ ឆ្នាំម្សាញ់ សប្តស័ក...
23/03/2026

កិច្ចប្រជុំស្ដីពី វឌ្ឍនភាព និងបច្ចុប្បន្នភាពជំងឺគ្រុនឈាម
រាជធានីភ្នំពេញ៖ នៅព្រឹកថ្ងៃចន្ទ ៥កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែមីនា ឆ្នាំ២០២៦ តបតាមលទ្ធផលនៃកិច្ចប្រជុំប្រចាំត្រីមាស និងក្រោមការចង្អុលបង្ហាញពីលោកបណ្ឌិត ប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត (ម.គ.ច) លោកវេជ្ជបណ្ឌិត លាង ឬទ្ធា អនុប្រធាន ម.គ.ច និងជាប្រធានកម្មវិធីជាតិប្រយុទ្ធនឹងជំងឺគ្រុនឈាម បានធ្វើការបូកសរុបនូវលទ្ធផលការងារសម្រេចបានក្នុងរយៈពេលកន្លងមក និងលើកយកចំណុចសំខាន់ៗមកពិភាក្សាដូចខាងក្រោម៖

១. វឌ្ឍនភាពនៃស្ថានភាពជំងឺ
ការតាមដានករណីជំងឺ៖ បង្ហាញពីស្ថិតិករណីឈឺ ដែលមានការប្រែប្រួលទៅតាមរដូវកាល និងតំបន់ភូមិសាស្ត្រអាទិភាព។
ការឆ្លើយតបបន្ទាន់៖ ការចុះអន្តរាគមន៍បាញ់ថ្នាំសម្លាប់មូសខ្លា និងការដាក់ថ្នាំអាបែត នៅតាមបណ្តារាជធានី-ខេត្ត ដែលមានហានិភ័យខ្ពស់។
២. បញ្ហាប្រឈម និងទិសដៅបន្ត
ការបង្កើនការយល់ដឹង៖ ពង្រឹងការអប់រំសុខភាពដល់ប្រជាពលរដ្ឋឱ្យយល់ដឹងពីវិធានការការពារ និងកម្ចាត់ជម្រកមូសខ្លានៅជុំវិញផ្ទះ។
ការត្រៀមលក្ខណៈទុកជាមុនដោយពិនិត្យស្តុកថ្នាំអាបែត សេរ៉ូម និងថ្នាំបាញ់សម្លាប់មូសដើម្បីធានាឱ្យបាននូវការអន្តរាគមន៍ទាន់ពេលវេលា និងមានប្រសិទ្ធភាព។
ជាកិច្ចបញ្ចប់ លោកប្រធានកម្មវិធីជាតិ បានផ្តល់អនុសាសន៍ដល់មន្ត្រីបច្ចេកទេសទាំងអស់ ត្រូវបន្តយកចិត្តទុកដាក់ខ្ពស់ក្នុងការតាមដានរាល់បច្ចុប្បន្នភាពនៃជំងឺគ្រុនឈាម ដើម្បីទប់ស្កាត់ការរីករាលដាលខ្លាំង ជាពិសេសនៅពេលដែលរដូវវស្សាជិតចូលមកដល់ក្នុងពេលខាងមុខ។
កិច្ចប្រជុំនេះបានបញ្ចប់នៅព្រឹកថ្ងៃដដែល ក្រោមបរិយាកាសស្និទ្ធស្នាល និងទទួលខុសត្រូវខ្ពស់។

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត -----🙏🙏❤️🙏🙏-----ថ្ងៃសៅរ៍ ៣រោច ខែចេត្រ ឆ្នាំ...
21/03/2026

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់
ប៉ារ៉ាស៊ីតសាស្រ្ត និងបាណកសាស្រ្ត
-----🙏🙏❤️🙏🙏-----

ថ្ងៃសៅរ៍ ៣រោច ខែចេត្រ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២១ ខែមីនា ឆ្នាំ២០២៦ លោកបណ្ឌិតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ដ្រ នៃក្រសួងសុខាភិបាល និងសហការី បានចូលរួមអមដំណើរ ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងថ្នាក់ដឹកនាំក្រសួងសុខាភិបាល អញ្ជើញចុះជួបសំណេះសំណាល និងសួរសុខទុក្ខនាយទាហាន ពលទាហាន នៅទីបញ្ជាការកងពលតូចថ្មើរជើងលេខ៥១ និងក្រុមគ្រួសារ ឈរជើងនៅស្រុកព្រះនេត្រព្រះ ខេត្តបន្ទាយមានជ័យ។

ក្នុងឱកាសនោះផងដែរ លោកបណ្ឌិតប្រធាន បានឆ្លៀតពេលចូលទៅការិយាល័យសុខាភិបាលស្រុកប្រតិបត្តិ និងមន្ទីរពេទ្យបង្អែកព្រះនេត្រព្រះ ដើម្បីពិនិត្យស្ថានភាពជំងឺគ្រុនចាញ់ គ្រុនឈាម ដង្កូវព្រូន និងពិនិត្យឱសថ សម្ភារបរិក្ខា របស់កម្មវិធីជាតិទាំងបី។

លោកបណ្ឌិតប្រធាន ក៏បានពាំនាំនូវការផ្តាំផ្ញើដ៏ខ្ពង់ខ្ពស់របស់ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល សួរសុខទុក្ខ និងថ្លែងអំណរគុណចំពោះថ្នាក់ដឹកនាំ មន្រ្តី និងបងប្អូនសុខាភិបាល ទាំងអស់នៅទីនោះ។

ជំនួបពិភាក្សាលើសកម្មភាពការងារអទិភាពក្នុងការលុបបំបាត់ជំងឺគ្រុនចាញ់ រវាង ម.គ.ច. និងដៃគូអភិវឌ្ឍមកពីសហរដ្ឋអាមេរិក======🙏❤️🙏=...
19/03/2026

ជំនួបពិភាក្សាលើសកម្មភាពការងារអទិភាពក្នុងការលុបបំបាត់ជំងឺគ្រុនចាញ់ រវាង ម.គ.ច. និងដៃគូអភិវឌ្ឍមកពីសហរដ្ឋអាមេរិក
======🙏❤️🙏======
រាជធានីភ្នំពេញ៖ ថ្ងៃព្រហស្បតិ៍ ១កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ វេលាម៉ោង ១០ និង០០នាទីព្រឹក ត្រូវនឹងថ្ងៃទី១៩ ខែមីនា ឆ្នាំ២០២៦ លោកបណ្ឌិតប្រធានមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ (ម.គ.ច) នៃក្រសួងសុខាភិបាល និងសហការី បានទទួលជួបលោកស្រីបណ្ឌិត មីរ៉ា វេនខេតសាន (PhD Meera Venkatesan) ប្រធានក្រុមកម្មវិធីសន្តិសុខសុខភាពសកល និងការទូតសុខភាព (GHSD) នៅទីក្រុងវ៉ាស៊ីនតោន សហរដ្ឋអាមេរិក និងសហការី ដើម្បីពិភាក្សាអំពីសកម្មភាពការងារអាទិភាពក្នុងការលុបបំបាត់ជំងឺគ្រុនចាញ់ រហូតទទួលបានវិញ្ញាបនបត្រលុបបំបាត់ជំងឺគ្រុនចាញ់ទាំងស្រុង។

ឆ្លៀតក្នុងឱកាសនេះ លោកបណ្ឌិតប្រធានមជ្ឈមណ្ឌលជាតិ បានសម្តែងនូវការថ្លែងអំណរគុណដល់ប្រជាជន និងរដ្ឋាភិបាលសហរដ្ឋអាមេរិក ដែលតែងតែគាំទ្រដល់ប្រទេសកម្ពុជាក្នុងការអនុវត្តសកម្មភាពលុបបំបាត់ជំងឺគ្រុនចាញ់នាពេលកន្លងមក ហើយបានសង្ខេបពីវឌ្ឍនភាពនៃការលុបបំបាត់ជំងឺគ្រុនចាញ់របស់ប្រទេសកម្ពុជា ជាពិសេសគឺគ្មានករណីជំងឺគ្រុនចាញ់ឆ្លងថ្មី ក្នុងស្រុក ចាប់ពីតាំងពីចុងឆ្នាំ២០២៥ និងគ្មានករណីស្លាប់ដោយសារជំងឺគ្រុនចាញ់ចាប់តាំងពីឆ្នាំ២០១៨ រហូតមកដល់ពេលនេះ ដែលសមិទ្ធផលនេះ គឺជាផ្លែផ្កា នៃការគាំទ្រ ការលើកទឹកចិត្ត និងការណែនាំចង្អុលបង្ហាញជាប្រចាំពីថ្នាក់ដឹកនាំរបស់ក្រសួងសុខាភិបាល ព្រមទាំងការចូលរួមរបស់អ្នកពាក់ព័ន្ធគ្រប់កម្រិត និងពីគ្រប់ដៃគូរវិនិយោគជាតិ-អន្តរជាតិ។ បច្ចុប្បន្ននេះ កម្ពុជាកំពុងតែរៀបចំផែនការសកម្មភាពជាអាទិភាពចម្បងៗ ជាពិសេសការបង្ការនិងទប់ស្កាត់ការរីករាលដាលជំងឺគ្រុនចាញ់នាំចូល តាមរយៈការធ្វើកិច្ចសហប្រតិបត្តិការរវាងប្រទេសមានព្រំដែនជាមួយគ្នា និងការស្វែងរកករណីគ្រុនចាញ់បែបសកម្មលើអ្នកដំណើរត្រឡប់ចូលប្រទេសកម្ពុជា ដែលបានស្នាក់នៅក្នុងប្រទេសដែលប្រឈមនឹងជំងឺគ្រុនចាញ់។

ជាកិច្ចឆ្លើយតប គណៈប្រតិភូសម្តែងនូវការកោតសរសើរ និងអបអរសារទរចំពោះសមិទ្ធផលជាប្រវត្តិសាស្ត្រ ដែលប្រទេសកម្ពុជា ជាប្រទេសទី១ ក្នុងចំណោមបណ្តាប្រទេសនានាក្នុងមហាអនុតំបន់ទន្លេមេគង្គ ដែលបានសម្រេចគោលដៅរបស់ខ្លួន។ គណៈប្រតិភូក៏បានគួសបញ្ជាក់ថា រដ្ឋាភិបាលសហរដ្ឋអាមេរិក នឹងបន្តធ្វើការគាំទ្រទាំងបច្ចេកទេស និងហិរញ្ញវត្ថុ ដើម្បីចូលរួមជាមួយកម្ពុជា ក្នុងការសម្រេចគោលដៅបន្ទាប់របស់ខ្លួន គឺការទទួលបាននូវ «វិញ្ញាបនបត្រលុបបំបាត់ជំងឺគ្រុនចាញ់ ពីអង្គការសុខភាពពិភពលោក» នាពេលខាងមុខ។

កិច្ចប្រជុំពិភាក្សា បានបញ្ចប់ដោយផ្លែផ្កា និងដោយស្មារតីមិត្តភាព និងមានការតាំងចិត្តខ្ពស់ក្នុងការរួមគ្នាសម្រេចគោលដៅរបស់ប្រទេស តំបន់ និងសកល ដោយភាគីទាំងពីរនឹងយកលទ្ធផលនៃកិច្ចប្រជុំនេះ ទៅរៀបចំជាផែនការសកម្មភាពជាក់លាក់យកទៅអនុវត្តរួមគ្នា៕

ព្រឹកថ្ងៃចន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ វេលាម៉ោង០៨ និង០០នាទីព្រឹក សា...
16/03/2026

ព្រឹកថ្ងៃចន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ វេលាម៉ោង០៨ និង០០នាទីព្រឹក សាលប្រជុំធំ បាយ័ន ជាន់ទី២
នៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត (ម.គ.ច) លោកបណ្ឌិត ហ៊ុយ រ៉េកុល ប្រធាន បានដឹកនាំកិច្ចប្រជុំប្រចាំត្រីមាសទី១ ថ្នាក់ដឹកនាំ មន្រ្តី បុគ្គលិក ទាំងអស់របស់ ម.គ.ច។ មុនចាប់ផ្តើមកិច្ចប្រជុំ ក៏មានការគោរពទង់ជាតិនៃព្រះរាជាណាចក្រកម្ពុជា ដោយច្រៀងផ្ទាល់នូវបទនគររាជ និងការគោរពវិញ្ញាណក្ខន្ធដល់វីរកងទ័ពកម្ពុជា ដែលបានពលីជីវិត ក្នុងបុព្វហេតុការពារបូរណភាពទឹកដីពីសត្រូវឈ្លានពានយោធាថៃ។

គោលបំណងកិច្ចប្រជុំ៖
១. ផ្សព្វផ្សាយឯកសារផ្សេងៗ និងបច្ចុប្បន្នភាពការងាររបស់ការិយាល័យរដ្ឋបាល
២. បច្ចុប្បន្នភាពចំណូល-ចំណាយ របស់ការិយាល័យគណនេយ្យ
៣. បច្ចុប្បន្នភាព របស់ការិយាល័យបច្ចេកទេស និងការរៀបចំសរសេរថវិកាគម្រោង RAI5E
៤. បញ្ហាផ្សេងៗ៕

Address

National Center For Parasitology, Entomology And Malaria Control
Phnom Penh

Opening Hours

Monday 07:30 - 17:00
Tuesday 07:30 - 17:00
Wednesday 07:30 - 17:00
Thursday 07:30 - 17:00
Friday 07:30 - 17:00

Telephone

+85577898588

Website

Alerts

Be the first to know and let us send you an email when មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ:

Shortcuts

Share

Category