Health Sharing

10/12/2025

01/12/2025

👨🏻‍🔬 ការបង្ការជំងឺគាំងបេះដូង

ការគាំងបេះដូងច្រើនតែបណ្តាលមកពីជំងឺបេះដូង
ដូច្នេះការអនុវត្តន៍ជំហានដើម្បីបន្ថយ ឬ បង្ការជំងឺ
Coronary Artery Disease អាចជួយការពារ
ការគាំងបេះដូងបាន ។

ជំងឺបេះដូងជាឃាតករលេខមួយរបស់មនុស្សប្រុសស្រី
នៅសហរដ្ឋអាមេរិក ដូច្នេះជំហានទាំងនេះ គឺមានសារៈ
សំខាន់សម្រាប់មនុស្សគ្រប់គ្នា ។

👨🏻‍⚕️ ដើម្បីពង្រឹងសុខភាពបេះដូង 🫀 របស់អ្នក៖

🔸 មិនត្រូវជក់បារី និងចៀសវាងការស្រូបផ្សែងបារី ។
ឈប់ជក់បារីអាចកាត់បន្ថយការប្រឈមនឹង
ជំងឺគាំងបេះដូងម្តង់ទៀត ឬ ស្លាប់បានយ៉ាងលឿន ។

🔸 បរិភោគរបបអាហារដែលមានសុខភាពក្នុងនោះមាន ត្រី
ផ្លែឈើ បន្លែ សណ្តែក អាហារសរសៃ និងប្រេងអូលីវ ។

🔸 ហាត់ប្រាណអោយទៀងទាត់ 🏃🏻‍♂️🏋🏻‍♂️🚵🏻‍♂️ ។
គ្រូពេទ្យអាចណែនាំអោយធ្វើលំហាត់ប្រាណណា
ដែលមានសុវត្ថិភាពសម្រាប់អ្នក ។

🔸គ្រប់គ្រងកម្រិតខ្លាញ់កូឡេស្តេរ៉ុល និងសម្ពាធឈាម 🩺

🔸 គ្រប់គ្រងជំងឺទឹកនោមផ្អែម

🔸 បន្ថយភាពតានតឹង ។
ភាពតានតឹងអាចបំផ្លាញបេះដូងរបស់អ្នកបាន ។

🔸 ប្រើថ្នាំ Aspirin 💊 ជារៀងរាល់ថ្ងៃ
ប្រសិនបើគ្រូពេទ្យអោយប្រើ ។

🔸 ចាក់ 💉 វ៉ាក់សាំងការពារជំងឺផ្តាសាយ 😷 🤧
ជារៀងរាល់ឆ្នាំ ។

🔸 ប្រើថ្នាំអោយបានត្រឹមត្រូវ ។
ការប្រើថ្នាំអាចបន្ថយការប្រឈមនឹងការកើត
គាំងបេះដូងម្តង់ទៀត ឬស្លាប់ដោយសារជំងឺ
Coronary Artery Disease ។

🔸 ចូរស្វែងរកជំនួយដើម្បីគ្រប់គ្រងរោគសញ្ញា
នៃការបាក់ទឹកចិត្ត ៕

#សុខភាពល្អចាប់ផ្ដើមពីអ្នក
#មនុស្សឆ្លាតសង្វាតសុខភាព
#ការពារប្រសើរជាងព្យាបាល

01/12/2025

ជំងឺដាច់សរសៃឈាមខួរក្បាលដោយសម្ពាធឈាមខ្ពស់គ្រប់គ្រងមិនបានល្អ!

ជំងឺប្រភេទនេះគឺសំដៅការដាច់សរសៃឈាមខួរក្បាលដោយឯកឯង ដែលបណ្តាលមកពីសម្ពាធឈាមឡើងខ្ពស់ភ្លាមៗគ្រប់គ្រងមិនបានល្អ ហើយដែលនាំអោយមានឈាមកកនៅក្នុងខួរក្បាល។

១) ផលវិបាកនៃការដាច់សរសៃឈាមនេះធ្វើអោយ ៖
- អ្នកជំងឺមានពិការភាពដោយសារខ្វះឈាមទៅចិញ្ចឹមខួរក្បាលនៅជុំវិញតំបន់នោះ និងដោយការសង្កត់នៃដុំឈាម
- អាចបង្កគ្រោះថ្នាក់ដល់ជីវិតភ្លាមៗ ឫពេលវេលាណាមួយ បើដុំឈាមមានទំហំធំវាអាចធ្វើអោយមានការកើនឡើងនៃសម្ពាធក្នុងក្បាល។

២) រោគសញ្ញា៖
- ឈឺក្បាលខ្លាំង ភ្លាមៗ
- មានសភាពខ្សោយនៃការកំរើកសាច់ដុំ (ទន់មួយចំហៀងខ្លួន, ដៃ, ជើង ឬមុខ)
- វង្វេងស្មារតី ឬសន្លប់

៣) មូលហេតុ៖
យើងជួបប្រទះភាគច្រើន គឺបណ្តាលមកពីជំងឺលើសឈាម (៦០-៧០%) គួបផ្សំនឹងកត្តាមួយចំនួនទៀតដូចជា៖
- ជំងឺទឹកនោមផ្អែម
- ការពិសារស្រា និងបារីច្រើន

៤) ការធ្វើរោគវិនិច្ឆ័យ៖
ដើម្បីបញ្ជាក់អោយដឹងថា លោកអ្នកមានជំងឺដាច់សរសៃឈាមក្នុងខួរក្បាល ឬក៏អត់ លោកអ្នកតម្រូវអោយធ្វើ CT Scan ខួរក្បាល ហើយវាអាចបញ្ជាក់ពីទីតាំង និងទំហំនៃដុំឈាមកក ដើម្បីងាយស្រួលអោយគ្រូពេទ្យជ្រើសរើសវិធីសាស្ត្រព្យាបាល។

៥) ការព្យាបាល៖
ក) ការព្យាបាលដោយការប្រើថ្នាំ (មិនវះកាត់)៖
- គ្រប់គ្រងសម្ពាធឈាមអោយបានត្រឹមត្រូវ និងតាមដានជាប់លាប់ជាប្រចាំ
- ការប្រើប្រាស់ថ្នាំបន្ថយការឈឺចាប់
- ការសម្រាក និងដាក់ក្បាលខ្ពស់ ៣០ដឺក្រេ។

ខ) ការព្យាបាលដោយការវះកាត់៖
គោលបំណងនៃការវះកាត់យកឈាមចេញ គឺជាការបន្ថយសម្ពាធតឹងណែននៅក្នុងក្បាល ដើម្បីជួយជីវិតអ្នកជំងឺ។
យើងធ្វើការវះកាត់នៅពេលដែល៖
- ទំហំនៃដុំឈាមកក (លើសពី ៣៥ សង់ទីម៉ែត្រគីប)
- អ្នកជំងឺថិតក្នុងសភាពសន្លប់ (GCS ៨-១២)
- ដុំឈាមនៅរាក់ប្រហែល ១សង់ទីម៉ែត្រ ពីឆ្អឹង

"បច្ចុប្បន្ននេះ មន្ទីរពេទ្យកាល់ម៉ែត ជាមួយនឹងក្រុមការងារចំរុះគ្រូពេទ្យឯកទេស ផ្នែកវេជ្ជសាស្ត្រប្រសាទសាស្ត្រ និងឯកទេសវះកាត់ខួរក្បាលច្បាស់លាស់ ដែលទទួលបាននូវបទពិសោធន៏ និងការបណ្តុះបណ្តាលជំនាញនៅប្រទេសបារាំងជាច្រើនឆ្នាំ គួបផ្សំនឹងលទ្ធភាពនៃសំភារៈបរិក្ខារវះកាត់បច្ចេកវិទ្យាទំនើបៗ បាន និងកំពុងទទួលពិគ្រោះ និងព្យាបាលវះកាត់គ្រប់ករណី និងស្ថានភាពធ្ងន់ធ្ងរនៃជំងឺដាច់សរសៃឈាម ដើម្បីព្យាយាមសង្គ្រោះអាយុជីវិតអ្នកជំងឺយើងប្រកបដោយសុវត្ថិភាព និងប្រសិទ្ធភាពខ្ពស់។"

#មន្ទីរពេទ្យកាល់ម៉ែត

23/10/2025

គន្លឹះ ៣ ប្រសើរៗសម្រាប់ រក្សាសុខភាពក្រពះ មានដូចជា៖
1. 🥗 បរិភោគអាហារត្រឹមត្រូវ និងទៀងទាត់
• កុំទទួលទានអាហារពេលយប់យឺតពេក ឬឆ្អែតពេក។
• ជៀសវាងអាហារខ្លាញ់ច្រើន អាហារស្អិត ឬអាហារផ្អែមខ្លាំង។
• បរិភោគបន្លែ ផ្លែឈើ និងអាហារមានជាតិសរសៃ (fiber) ដើម្បីជួយរំលាយអាហារល្អ។
2. 🚫 ជៀសវាងអ្វីដែលប៉ះពាល់ដល់ក្រពះ
• កុំផឹកកាហ្វេ អាល់កុល ឬភេសជ្ជៈមានជាតិកាបូនច្រើនពេក។
• កុំជក់បារី។
• កុំទទួលទានថ្នាំប្រឆាំងការឈឺចាប់ (painkillers) ដោយគ្មានការណែនាំពីវេជ្ជបណ្ឌិត ព្រោះវាអាចប៉ះពាល់ដល់ជញ្ជាំងក្រពះ។
3. 😌 គ្រប់គ្រងស្ត្រេស និងគេងសម្រាកគ្រប់គ្រាន់
• ស្ត្រេសធ្វើឲ្យក្រពះផលិតអាស៊ីតច្រើន → បណ្តាលឲ្យឈឺក្រពះ។
• អនុវត្តការធ្វើសមាធិ ឬហាត់ប្រាណស្រាលៗជារៀងរាល់ថ្ងៃ។
• គេងឲ្យបាន ៧–៨ ម៉ោងក្នុងមួយយប់។

18/09/2024

https://youtu.be/4N8QxVkjHRY?si=0ypq4Tk8D6WjyZuM

Listen to Dr. Rima Rudd, health literacy expert, Harvard T.H. Chan School of Public Health, explain health literacy. Comments on this video are allowed in ac...

12/09/2024

☝️ប្រវត្តិរបស់មនុស្សជាតិ មានការរីកចម្រើនមកដល់ពេលនេះដោយសារតែការអានសៀវភៅនិង
ការស្រាវជ្រាវ ចុះបើមនុស្សលែងអានលែងស្រាវជ្រាវ វានឹងមានអ្វីកើតឡើង?​...✏️