មន្ទីរពេទ្យព្រះអង្គឌួង

11/09/2022

នៅព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០១ ខែកញ្ញា ឆ្នាំ២០២២ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជើញចុះពិនិត្យការដ្ឋានសំណង់អគារ កំពស់ ០៨ជាន់ នៅមន្ទីរពេទ្យព្រះអង្គឌួង ដែលគ្រោងនឹងបញ្ចប់នៅខែតុលា ឆ្នាំ២០២២ ខាងមុខនេះ៕

11/09/2022

សិក្ខាសាលារួម កម្ពុជា-កូរ៉េ លើកទី២ ស្តីពីជំងឺត្រចៀក ច្រមុះ បំពង់ក ក្រោមអធិបតីភាព ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ដែលប្រព្រឹត្តទៅនាថ្ងៃសៅរ៍ ១១រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូនឹងថ្ងៃទី២៥ ខែមិថុនា ឆ្នាំ២០២២ នៅសណ្ឋាគារហៃយ៉ាត់ រីជិនស៊ី ភ្នំពេញ។

11/09/2022

11/09/2022

មន្ទីរពេទ្យព្រះអង្គឌួងមានកិត្តិយស សូមជម្រាបជូន ឯកឧត្តម លោកជំទាវ លោក លោកស្រី ព្រមទាំងប្រជាពលរដ្ឋទាំងអស់ឱ្យបានជ្រាបថា មន្ទីរពេទ្យព្រះអង្គឌួង នឹងផ្អាកការផ្តល់សេវាសុខាភិបាល ចំនួន ០១ព្រឹក នាថ្ងៃទី២៨ ខែមីនា ឆ្នាំ២០២២ ចាប់ពីម៉ោង ០៦:00 ដល់ ១១:០០ព្រឹក ដោយព្រោះមន្ទីរពេទ្យនឹងប្រារព្ធពិធីសម្ពោធអគារជំងឺត្រចៀក ច្រមុះ បំពង់ក មិត្តភាព កម្ពុជា-កូរ៉េ។ អាស្រ័យហេតុនេះ សូមឯកឧត្តម លោកជំទាវ លោក លោកស្រី ព្រមទាំងប្រជាពលរដ្ឋទាំងអស់ មេត្តាជ្រាបជាព័ត៌មាន៕

11/09/2022

មន្ទីរពេទ្យព្រះអង្គឌួង សូមថ្លែងអំណរគុណចំពោះ Mr. Chris Dingey ដែលបានឧបត្ថម្ភម៉ាស់ចំនួន ៥០០ប្រអប់ ដែលមានតម្លៃ ៥០០ដុល្លារ មកមន្ទីរពេទ្យព្រះអង្គឌួង។ យើងខ្ញុំសូមជូនពរ Mr. Chris Dingey មានសុខភាពល្អ និងសម្រេចគ្រប់កិច្ចការទាំងអស់៕

11/09/2022

សេចក្តីថ្លែងអំណរគុណ
ក្នុងនាមថ្នាក់ដឹកនាំ និងបុគ្គលិកមន្ត្រីរាជការគ្រប់ជាន់ថ្នាក់ទាំងអស់នៃមន្ទីរពេទ្យព្រះអង្គឌួង សូមគោរពថ្លែងអំណរគុណយ៉ាងជ្រាលជ្រៅជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលបានឧបត្ថម្ភ ផ្លែមៀនប៉ៃលិន ចំនួន ០៣តោន ជូនដល់ក្រុមគ្រូពេទ្យជួរមុខ បុគ្គលិកមន្ត្រីរាជការ អ្នកជំងឺ និងអ្នកជំងឺកូវីដ-១៩ ដែលកំពុងសម្រាកព្យាបាលក្នុងមន្ទីរពេទ្យព្រះអង្គឌួង។ ឆ្លៀតក្នុងឱកាសដ៏វិសេសថ្លៃថ្លានេះ យើងខ្ញុំទាំងអស់គ្នា សូមគោរពជូនពរសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រី សូមប្រកបដោយសុខភាពល្អបរិបូរណ៍ វិបុលសុខ សុភមង្គល កម្លាំងខ្លាំងក្លា ជន្មាយុយឺនយូរ ដើម្បីបន្តដឹកនាំនាវាកម្ពុជាឆ្ពោះទៅរកវិបុលភាព និងការអភិវឌ្ឍលើគ្រប់វិស័យ។
សូមសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត មេត្តាទទួលនូវសេចក្តីគោរពដ៏ខ្ពង់ខ្ពស់បំផុតអំពីយើងខ្ញុំ៕

11/09/2022

នៅថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ ថ្នាក់ដឹកនាំ មន្រ្តីរាជការ បុគ្គលិក នៃមន្ទីរពេទ្យព្រះអង្គឌួង បានបរិច្ចាគថវិកា ១១,៨៨០,០០០រៀល ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩។