បន្ទប់ពិគ្រោះ និងពិនិត្យព្យាបាលជម្ងឺ សុខភាពបឹងធំ

17/08/2025

ដំណឹងជ្រើសរើសបុគ្គលិកបន្ទាន់ ៖
We are Hiring !!
ផ្នែក ៖ Nurse
- ប្រាក់ខែគោល ៖ $300-$350
- ទីតាំងធ្វើការ : ខណ្ឌកំបូល (តំបន់សេដ្ឋកិច្ចពិសេស)
- ធ្វើការ6ថ្ងៃក្នុងសប្ដាហ៍
- បានបញ្ចាប់ផ្នែក បរិញ្ញាប័ត្រ ឬបរិញ្ញាប័ត្ររង គិលានុបដ្ធាក
- បទពិសោធន៍ផ្នែកកុមារ : (ព្យួរសេរ៉ូម បូមឈាម ចាក់ថ្នាំ-ល-)
សូមទំនាក់ទំនងមកកាន់៖
📱 086861686 (តេលេក្រាម)
📞 093 936 333 (តេលេក្រាម)

17/04/2024

ដំណឹងជ្រើសរើសបុគ្គលិកបន្ទាន់ ៖
We are Hiring !!
ផ្នែក ៖ Nurse
- ប្រាក់ខែគោល ៖ $300-$500
- ទីតាំងធ្វើការ : ខណ្ឌកំបូល (តំបន់សេដ្ឋកិច្ចពិសេស)
- ធ្វើការ6ថ្ងៃក្នុងសប្ដាហ៍
- បទពិសោធន៍ : (ព្យួរសេរ៉ូម បូមឈាម ចាក់ថ្នាំ-ល-)
- Industry : Medial Clinic
សូមទំនាក់ទំនងមកកាន់៖
📱 086861686 (តេលេក្រាម)
📞 093 936 333 (តេលេក្រាម)

08/12/2023

ដំណឹងជ្រើសរើសបុគ្គលិកបន្ទាន់ ៖
We are Hiring !!
ផ្នែក ៖ Nurse
- ប្រាក់ខែគោល ៖ $300-$500
- ទីតាំងធ្វើការ : ខណ្ឌកំបូល (តំបន់សេដ្ឋកិច្ចពិសេស)
- ធ្វើការ6ថ្ងៃក្នុងសប្ដាហ៍
- បទពិសោធន៍ : (ព្យួរសេរ៉ូម បូមឈាម ចាក់ថ្នាំ-ល-)
- Industry : Medial Clinic
សូមទំនាក់ទំនងមកកាន់៖
📱 086861686 (តេលេក្រាម)
📞 093 936 333 (តេលេក្រាម)

13/09/2023

តាមនិយមន័យ វាជាការស្តែងចេញរោគសញ្ញា នៃ #ការខ្វះជាតិស្ករ ទៅចិញ្ចឹមខួរក្បាល (Neuroglucopénie) ព្រមគ្នាជាមួយការធ្លាក់ចុះកម្រិតជាតិស្ករក្នុងឈាម ដែលមានចំនួនតូចជាង ០.៧ g/l ហើយសញ្ញាទាំងអស់នេះនឹងបាត់ទៅវិញបន្ទាប់ពីមានការបង្គ្រប់ជាតិស្ករ (Triade de WHIPPLE)។

២) រោគសញ្ញា៖
ក) រោគសញ្ញាដែលកើតឡើងដោយសារការបញ្ចេញអ័រម៉ូនអាដ្រេណាលីន (Réaction adrénergique)
- អាការៈញ័រដៃជើង (Tremblement)
- ញ័រទ្រូង (Palpitation)
- បែកញើស (Transpiration)
- ថប់បារម្ភ (Anxiété)
- ឃ្លានអាហារខ្លាំង (Faim)
- ចង្អោរ (Nausée)
- ស្ពឹកជុំវិញមាត់ (Picotement péribuccale)
- ស្លេកស្លាំង (Paleur)

ខ) សញ្ញាដែលកើតចេញពីការខ្វះជាតិស្ករទៅចិញ្ចឹមខួរក្បាល (Neuroglucopénie)
- វិបត្តិនៃការផ្ចង់អារម្មណ៍ (Trouble de concentration)
- ប្រែប្រួលអារម្មណ៍ (Changement de l’humeur)
- page គ្រូពេទ្យក្មេង young doctor
- ខ្សោយកំលាំង (Faibless)
- ស្រវាំងភ្នែក (Flou visuelle)
- ឈឺក្បាល (Céphalée)
- សន្លឹម (Somnolence)
- វង្វេង (Confusion)
- ប្រកាច់ (Convulsion)
ការធ្លាក់ចុះជាតិស្ករខ្លាំងធ្ងន់ធ្ងរ អាចឈានដល់ការបាត់បង់ស្មារតី និងអាចដល់ស្លាប់បាត់បង់ជីវិតផងក៏មាន។
#ចែករំលែកចំណេះដឹងសុខភាព

13/09/2023

11/09/2023

មូលហេតុ(Causes)ដែរបង្កជាពោះវៀនដុះខ្នែង🔪🩸

ជាធម្មតាគឺបណ្តាលមកពីខ្នែងពោះវៀន(appendix)​មានបញ្ហាស្ទះបណ្តាលមកពីសមាសធាតុរឹងក្នុងលាមកធ្លាក់ចូលទៅក្នុងខ្នែងពោះវៀនជា

ហេតុធ្វើអោយខ្នែងនេះឆ្លងរោគនាំអោយរលាកតែម្តង។ បើមិនព្យាបាលទាន់ពេលទេនោះវានឹងធ្លាយអាចបង្កបញ្ហាកាន់តែធ្ងន់ធ្ងរឡើងៗ៕

រោគសញ្ញា(Symptoms)ជំងឺពោះវៀនដុះខ្នែង៖

ជាធម្មតាគឺឈឺជុំវិញផ្ចិតនិងតំបន់ខាងក្រោមផ្ចិតផ្នែកខាងស្តាំ(ខាងឆ្វេងក៍មានដែរតែតិចតួច) គួបផ្សំជាមួយនិងធុញនឹងបរិភោគអាហារ ក្តៅខ្លួន។ ចង់ក្អួត,​ក្អួត,​ រាករូសអាចមានរឺមិនមានតែបើមានគឺកាន់តែធ្វើអោយការវិនិច្ឆ័យជំងឺនេះកាន់តែច្បាស់ឡើង៕​

ព្យាបាល(Treatment)ពោះវៀនដុះខ្នែង៖

ជាទូទៅគឺត្រូវវះកាត់ខ្នែងពោះវៀននោះចេញ។ មានពីវិធីក្នុងការវះកាត់ខ្នែងពោះវៀន៖

👉 វះបើកមុខ(Laparotomy Surgery)៖ បច្ចុប្បន្នគេមិនសូវនិយមប្រើទេដោយអ្នកជំងឺត្រូវសំរាកមន្ទីរពេទ្យយូរថ្ងៃ៕

👉 វះដោយប្រើម៉ាស៊ីនឆ្លុះ​( Laparoscopic surgery)៖បច្ចុប្បន្ននេះគេនិយម
វះឆ្លុះជាងពីព្រោះវារហស័ជាសះស្បើយជាងគឺត្រូវសំរាកមន្ទីរពេទ្យ២ទៅ៣ថ្ងៃប៉ុណ្ណោះ៕

04/01/2023

👨‍🏫 សិក្សាពីមូលហេតុនៃការនោមចេញឈាម

ℹ️ ដូចម្តេចហៅថានោមឈាម (Hematuria)?

✍ នោមចេញឈាម (Hematuria) មានន័យថា: វត្តមាននៃគ្រាប់ឈាមក្រហមនៅក្នុងទឹកនោម ឬនោមឈាមនៅខណៈពេលកំពុងបញ្ចេញទឹកនោម។

✍ ជាទូទៅគេបែងចែក Hematuria (នោមឈាម)ជាពីរ:

👉 នោមចេញឈាមដែលអាចមើលឃើញដោយភ្នែកទទេបាន ដែលពាក្យបច្ចេកទេសពេទ្យយើងហៅថា (macroscopic hematuria)។

👉 នោមចេញឈាមដែលមិនអាចមើលឃើញដោយភ្នែកទទេបាន ឬទាល់តែប្រើឧបករណ៍ដើម្បីជំនួយមើល ដែលពាក្យបច្ចេកទេសពេទ្យយើងហៅបានថា ( microscopic hematuria )។

ℹ️ តើនោមឈាម (Hematuria )មានមូលហេតុអ្វីខ្លះ?

✍ នោមឈាមមានមូលហេតុច្រើនដូចជាៈ

👉 រលាកក្រពេញប្រូស្តាត (Prostatitis)
👉 រលាកបង្ហួរនោម (Uretritis)
👉 មហារីកក្រពេញប្រូស្តាត (Prostate cancer)
👉 ក្រពេញប្រូស្តាតរីកធំ (Hypertrophy prostatic)
👉 មហារីកប្លោកនោម (Bladder cancer)
👉 រលាកប្លោកនោម (Cystitis)
👉 គ្រួសក្នុងតម្រងនោម( Renal stone)
👉 រលាកតម្រងនោម ( Acute pyelonephritis)
👉 មហារីកតម្រងនោម (Kidney cancer)
👉 ជម្ងឺគីសក្នុងតម្រងនោម = Polykystic
👉 ការប៉ះទង្គិចទៅលើរចនាសម្ព័ន្ធនៃតម្រងនោម ដូចជាបង្ហួរនោម ប្លោកនោម ឬសាច់តម្រងនោម (traumatism)
👉 កត្តាថ្នាំមួយចំនួនដូចជាប្រើប្រាស់ថ្នាំប្រឆាំងនឹងកំណកឈាមលើសកម្រិត ( anti-vitamine K)។

📿 BY I LOVE NEPHROLOGY (REAN-MED)

04/01/2023

ការវិវត្តរាងកាយ របស់ទារក ក្នុងពោះម្ដាយ👶🏻

29/12/2022

ការកើនឡើងនៃគ្រាប់ឈាមស (High WBC counts)🩸

👉​ គ្រាប់ឈាមសមានតួនាទីការពារសរីរាង្គកាយ ពីការឈ្លានពាននៃមេរោគ ឬអង់ទីហ្ស៊ែនពីខាងក្រៅ។
🩺 បាតុភូតនៃការឆ្លើយតបរបស់វា នឹងជំរុញឲ្យមានប្រតិកម្មរលាកកើតឡើង ជាលទ្ធផលធ្វើឲ្យយើងមានអាការៈក្តៅ ឈឺ ក្រហម ហើម ។
🩺 រាល់ការបង្កររោគទាំងអស់សុទ្ធតែជំរុញឲ្យមានការកើនឡើងនៃការផលិតគ្រាប់ឈាមស ដូច្នេះការរកឃើញវត្តមានគ្រាប់ឈាមសឡើង មិនទាន់អាចបញ្ជាក់ពីការបង្កររោគដោយមេរោគណាមួយបានឡើយ។
🩺 វាទាមទារឲ្យយើងធ្វើការរុករកតាមវិធីសាស្ត្រផ្សេងៗទៀត រួមមានការពិនិត្យបែបគ្លីនិក និងការមើលតេស្តឈាមផ្សេងទៀតដើម្បីប្រៀបធៀប និងបំពេញបន្ថែមនូវពត៌មានឈានដល់ការកំណត់រោគវិនិច្ឆ័យជាក់លាក់មួយ។
🩺 តេស្តឈាមផ្សេងទៀតដែលគួរពិនិត្យបន្ថែម ៖ CRP / Procalcitonin / Hemoculture…etc.។
🩺 ការកើនឡើងនៃណឺត្រូហ្វីលដាច់ខាតត្រូវគិតដល់ការបង្កររោគដោយបាក់តេរីមុនគេ រហូតយើងអាចញែករោគវិនិច្ឆ័យ។​

🎯 «Neutrophils count»

👉 Neutrophils ជាកោសិកាគ្រាប់ឈាមសដែលឆ្លើយតបនឹងការបង្កររោគមុនគេ ជាពិសេសការបង្កររោគដោយបាក់តេរី។
ការឆ្លើយតបនេះជំរុញឲ្យខួរឆ្អឹងបង្កើនការផលិតយ៉ាងច្រើនគំហុកដើម្បីបំពេញតម្រូវការ ក្នុងការប្រយុទ្ធប្រឆាំងនឹងមេរោគ។
ជាក់ស្តែងនៅក្នុងឆ្លើយតបនេះយើងនឹងឃើញមានការកើនឡើងនៃបរិមាណនៃណឺត្រូហ្វីល ប៉ុន្តែប្រសិនបើការឆ្លើយតប ឬការប្រឆាំងនឹងមេរោគ អូសបន្លាយរយៈពេលយូរ ឬការបង្កររោគស្រួចស្រាវខ្លាំង (ឧ. Sepsis) បរិមាណនៃណឺត្រូហ្វីលនឹងថយចុះ ក៏ព្រោះតែខួរឆ្អឹងផលិតមិនទាន់ និងត្រូវបានសង្កត់ដោយ tumor necrosis factors (TNF) ផង ។
ដូច្នេះ កាលណាយើងឃើញមានការថយចុះនៃណឺត្រូហ្វីល យើងត្រូវមើលសញ្ញាគ្លីនិក ថាតើអ្នកជំងឺមានសញ្ញានៃការបង្កររោគដែរឬអត់ បើក្នុងសភាពមួយដែលអ្នកជំងឺមានគ្រុនក្តៅ ឬសញ្ញាបង្កររោគផ្សេង ត្រូវគិតដល់ការបង្កររោគធ្ងន់ធ្ងរ ត្បិតណឺត្រូហ្វីលដែលជាកោសិកាការពារត្រូវបានថមថយទៅហើយ។
បើករណីយើងរុករកការបង្កររោគមិនឃើញ ត្រូវរុករកមូលហេតុផ្សេងទៀតដែលធ្វើឲ្យណឺត្រូហ្វីលចុះ ដូចជាការប្រើប្រាស់ថ្នាំ ជំងឺខូចខួរឆ្អឹង ជំងឺប្រព័ន្ធការពារ ។ល។

🎯 «Eosinophils»

👉 Eosinophilsជាកោសិកាគ្រាប់ឈាមសដែលឆ្លើយតបជាពិសេសទៅនឹងការបង្កររោគដោយប៉ារ៉ាស៊ីត និងប្រតិកម្មអាល់លែហ្ស៊ី។
✍️ ក្រោមអំពើនៃ IL-5, Eosinophils ត្រូវបានផលិតចេញពីខួរឆ្អឹង និងត្រូវបានបញ្ចេញទៅក្នុងចរន្តឈាម មុននឹងទៅដល់ជាលិកាគោលដៅរបស់វា។
✍️ នៅក្នុងជាលិកាគោលដៅ វាដើរតួរនាទីយ៉ាងសកម្មនូវមុខងារភាពស៊ាំ តាមរយៈgranulesរបស់វា ដែលមានផ្ទុកទៅដោយ cytokines និង តាមរយៈអន្តរកម្មរវាងកោសិកាជិតខាងនោះ។

✍️ មូលហេតុនៃការកើនឡើង Eosinophils មានដូចជា :
(1). ការបង្កររោគដោយប៉ារ៉ាស៊ីត
(2). ប្រតិកម្មអាលែហ្ស៊ី
(3). ការប្រើប្រាស់ថ្នាំមួយចំនួន
(4). ជំងឺមហារីក
(5). ជំងឺប្រព័ន្ធការពារ

👨‍⚕️👉ជាទូទៅប្រតិកម្មរលាកផ្សេងៗទៀត ក៏អាចជំរុញដោយមានការកើនឡើងនៃ Eosinophils ផងដែរ ដូច្នេះការកើនឡើងកម្រិតនៃ Eosinophils តែមួយមុខមិនទាន់កំណត់ពីរោគវិនិច្ឆ័យណាមួយបាននៅឡើយទេ ត្រូវការពត៌មានពីការពិនិត្យគ្លីនិកបន្ថែម ទាំងការសាកសួរប្រវត្តិជំងឺ និងការពិនិត្យរូបរាងកាយ ដើម្បីប្រមូលពត៌មាន ឈានដល់ការសរុបរោគវិនិច្ឆ័យថាតើអ្នកជំងឺមានប្រតិកម្មអាល់លែហ្ស៊ី ឬជាការបង្កររោគដោយប៉ារ៉ាស៊ីត ឬដោយហេតុផ្សេងទៀតដូចមូលហេតុដែលបានរៀបរាប់ខាងលើ។

🎯 «Basophils»

👨‍⚕️👉 ការពន្យល់ ៖
_ Basophils ជាកោសិកាគ្រាប់ឈាមសមួយប្រភេទដែលមានបរិមាណតិចតួចជាងគេ បើយើងប្រៀបធៀបនឹងបរិមាណនៃគ្រាប់ឈាមសដទៃទៀត ដែលកម្រិតខិតជិតទៅរកសូន្យរបស់វា មិនធ្វើឲ្យយើងមានការព្រួយបារម្ភអ្វីឡើយ។
_ ការថយចុះ ឬការកើនឡើងនៃកម្រិត basophils មិនអាចអោយយើងកំណត់រោគវិនិច្ឆ័យជាក់លាក់បានឡើយ ចាំបាច់ត្រូវប្រៀបធៀប នឹងកម្រិតគ្រាប់ឈាមផ្សេងៗទៀត ហើយការធ្វើរោគវិនិច្ឆ័យត្រូវបានតម្រង់ទិសទៅតាមនោះដែរ។

🎯 «Lymphocytes»

👉 ការកើនឡើងនៃ Lymphocytes (> 4000/mm3)
មូលហេតុដែលតូ្រវរុករក :
_ ការបង្កររោគ (ភាគច្រើនជាការបង្កររោគដោយពពួកវីរុស និងរបេង)
ឧ. ផ្តាសាយ, រលាកបំពង់ក, រលាកផ្លូវដង្ហើម, រលាកក្រពះពោះវៀនស្រួចស្រាវ អ៊ុតស្វាយ, ជម្ងឺរើម, អេដស៍....។ល។
_ ជម្ងឺមហារីកគ្រាប់ឈាម : CLL, Other chronic lymphoproliferative syndrome.

👨‍⚕️ ការពន្យល់ ៖
_ Lymphocytes ជាប្រភេទគ្រាប់ឈាមសដែលឆ្លើតតបទៅនឹងការបង្កររោគដោយវីរុស និងភ្នាក់ងារផ្សេងៗទៀត។
_ យើងសង្កេតឃើញអ្នកជំងឺដែលមានចង្កោមរោគសញ្ញានៃការបង្កររោគដោយវីរុសមានគ្រុនក្តៅ និងមានរលាកនៅទីតាំងនៃការបង្កររោគ ស្របពេលនោះការរាប់ចំនួនគ្រាប់ឈាម (CBC) តែងបង្ហាញពីការកើនឡើងនៃកម្រិត lymphocytes ។
_ យន្តការនេះកើតឡើងពីការភ្ញោចនៃ Cytokines ដែលបញ្ចេញពីកោសិកានៃប្រព័ន្ធការពារដែលឆ្លើយតបដំបូងទៅនឹងមេរោគវីរុស។
_ ក្រៅពីវីរុស គេសង្កេតឃើញមានការបង្កររោគដោយបាក់តេរីមួយចំនួនតូច ជំរុញឲ្យមានការកើនឡើងនៃឡាំផូស៊ីតផងដែរដូចជាមេរោគរបេងជាដើម។
_ ក្នុងជំងឺមហារីកគ្រាប់ឈាមក៏មានការកើនឡើងនៃឡាំផូស៊ីតដែរ ហើយការធ្វើរោគវិនិច្ឆ័យ ផ្អែកលើកម្រិតខ្ពស់ហួសហេតុនៃគ្រាប់ឈាមណាមួយ ឬច្រើន និងការរាប់ចំនួនកោសិកាដើមនៅក្នុងខួរឆ្អឹងតាមរយៈ myelogramme ។

🎯 Monocytes

👉 ការកើនឡើងនៃ Monocytes (> 1 000/mm3)
មូលហេតុដែលត្រូវរុករក រួមមាន :
_ ជម្ងឺរបេង
_ ជម្ងឺគ្រាប់ឈាម ដូចជា AML, Chronic monocytic myeloid leukemia
_ ជម្ងឺសាក់កូអ៊ីដូស (Sarcoidosis)
_ រាល់មូលហេតុនៃប្រតិកម្មរលាក (inflammation)
_ ការសកម្មឡើងវិញនៃខួរឆ្អឹង

👨‍⚕️ ការពន្យល់ ៖
_ ការកើនឡើងនៃ Monocytes អាចជាការឆ្លើយតបទៅនឹងប្រតិកម្មអាលែហ្ស៊ីដោយយើងត្រូវមើលអមជាមួយនឹងការកើនឡើងនៃ Eosinophils ។
_ ប្រសិនបើការពិនិត្យគ្លីនិកមិនបញ្ជាក់ពីការរលាកណាមួយនោះទេ ជំងឺខួរឆ្អឹងត្រូវបានគេសង្ស័យ នោះគឺជាជំងឺមហារីកគ្រាប់ឈាម ឧ. Myeloproliferative Syndrome ។

Ref. : Guide practice des analyses medicale 📖

21/11/2022

ប្រភេទនៃជំងឺសើរស្បែក ច្រើនកើតលើមនុស្សចាស់ នឹងកូនក្មេង

20/11/2022

ការហូរឈាមច្រមុះ ក៏អាចជាករណីធ្ងន់ធ្ងរ! 🩸🩸

ឈាមច្រមុះ គឺជាការហូរឈាមមានប្រភពចេញពីរន្ធច្រមុះទាំងពីរមកក្រៅ ឬធ្លាក់ទៅក្នុងបំពង់ក។

ក) មូលហេតុនៃការហូរឈាមច្រមុះ៖
១) មូលហេតុនៅនឹងច្រមុះផ្ទាល់
- ការប៉ះទង្គិចលើមុខនិងក្បាល អាចបណ្តាលអោយបាក់ឆ្អឹងច្រមុះ (Fracture des os propres du nez) បាក់ឆ្អឹងផ្ទៃមុខ (Fracture du massif facial)
- បន្ទាប់ពីការវះកាត់ (Traumatismes iatrogènes)
- ដុះសាច់ក្នុងរន្ធច្រមុះ
- អាចជាមហារីកគល់ច្រមុះ ឬមហារីកច្រមុះ (Tumeur de cavum ou de fosse nasale) ដែលស្តែងចេញជាការហូរឈាមពីច្រមុះសារចុះសារឡើង តឹងច្រមុះជាប្រចាំ និងជួនកាលមានការឈឺចាប់នៅផ្ទៃមុខ។
- អាចជាឬសដូងច្រមុះ (Polyposes naso sinusiennes, fibrome naso pharyngien) ដែលអាចស្តែងចេញជាការហូរឈាមច្រមុះតែរន្ធមួយចំហៀង និងសារចុះសារឡើង រួមនឹងតឹងច្រមុះជាប្រចាំ។
- មូលហេតុមួយចំនួនទៀត ដែលអាចជួបប្រទះញឹកញាប់ដូចជា ជំងឺរលាក និងហើមសាច់ច្រមុះ និងប្រអប់ឆ្អឹងច្រមុះ (nez et sinus) ក្នុងនោះមានតាំងពីផ្តាសាយ រលាកច្រមុះ និងបំពង់ក រលាកច្រមុះស្រួចស្រាវ (Rhinites aiguës) ឬរលាកប្រអប់ឆ្អឹងច្រមុះ ដែលមិនបានចាប់អារម្មណ៍ ហើយវាស្តែងចេញជាការហូរឈាមនេះឡើង នោះការព្យាបាលដោយថ្នាំផ្សះជាតំរូវការចាំបាច់។

២) មូលហេតុមកអំពីវិបត្តិផ្សេងៗ
- ការបាត់បង់កត្តាឈាមកក (Facteures hémostatiques) ក៏ជាមូលហេតុនៃការហូរឈាមក្នុងច្រមុះដែរ ដូចជាជំងឺដែលមានចំនួនប្លាកែតចុះច្រើន (Thrombopénies) ជំងឺឈាមមួយចំនួន (Hémopathies) ជំងឺខ្សោយមុខងារថ្លើមធ្ងន់ធ្ងរ ឬការប្រើថ្នាំប្រឆាំងឈាមកកជាប់ជាប្រចាំ។
- ជំងឺលើសឈាមក៏ជាមូលហេតុនៃការហូរឈាមច្រមុះ ដែលជួបញឹកញាប់នៅលើមនុស្សពេញវ័យ។
ការហូរឈាមច្រមុះមានលក្ខណៈជាជំងឺហូរឈាមពីច្រមុះឯកឯងជួបញឹកញាប់លើវ័យជំទង់មានអាយុចន្លោះ ៥ទៅ ២០ឆ្នាំ ជាពិសេសបន្ទាប់ពីការកេះក្នុងច្រមុះ ត្រូវកំដៅថ្ងៃខ្លាំង ឬការប្រែប្រួលនៃអរម៉ូន នៅពេលពេញវ័យគ្រប់ការ ការមករដូវពេលពពោះ ពេលរំភើប ជាដើម។ តែទោះជាយ៉ាងណាក៏ដោយ យើងអាចសង្កេតឃើញ ឈាមច្រមុះអាចជាសញ្ញាមួយរបស់ជំងឺដែលវិវត្តន៍ដោយមិនបានដឹងពីមុន ឬក៏ជាផលវិបាករបស់ជំងឺដែលយើងបានដឹងពីមុនមកហើយ ជួនកាលវាគ្រាន់តែជាការហូរឈាមដោយឯកឯង គ្មានមូលហេតុច្បាស់លាស់។

ខ) រោគសញ្ញា និងការវាយតម្លៃភាពធ្ងន់ធ្ងរ ដែលត្រូវអនុវត្តន៍៖
- វាយតម្លៃការហូរឈាមដែលមានសភាពធ្ងន់ធ្ងរ ឬស្រាលលើបរិមាណឈាមដែលបាត់បង់
- ធ្វើការឃាត់ឈាមដោយមធ្យោបាយផ្សេងៗ
- ពិនិត្យស្រាវជ្រាវរកមូលហេតុនៃការចេញឈាមតាមច្រមុះ

ជាទូទៅយើងអាចសង្កេតឃើញការហូរឈាមមានលក្ខណៈស្រាលប្រមាណ៩០% លើករណី៖
- នៅផ្នែកខាងមុខនៃច្រមុះ ដែលមិនមានភាពធ្ងន់ធ្ងរទេ
- វាមិនមានផលប៉ះពាល់ទៅលើសភាពទូទៅរបស់អ្នកជំងឺឡើយ
- ភាគច្រើនឈាមតែមួយចំហៀង
- បាត់ទៅវិញដោយឯកឯង ឬដោយច្របាច់ច្រមុះ

ផ្ទុយទៅវិញឈាមច្រមុះ អាចមានសភាពធ្ងន់ធ្ងរប្រមាណ១០% នៃករណី ការវាយតម្លៃពីសភាពធ្ងន់ធ្ងរ អាចមានភាពងាយស្រួល បើអ្នកជំងឺមិនបានលេបឈាមចូលទៅក្នុងពោះ ឬមិនច្រឡំជាមួយក្អួតឈាមៈ
- បរិមាណវាច្រើន ហើយញឹកញាប់ ឬជាប់ជាប្រចាំ
- មានប្រភពទាំងសង្ខាង ដោយហូរមកខាងមុខផង និងធ្លាក់ទៅខាងក្រោយបំពង់កផង
- ធ្វើអោយអ្នកជំងឺភ័យ ស្លន់ស្លោរ ឡេះឡះ អស់កម្លាំង ជីពចរដើរញាប់ ត្រជាក់ចុងដៃ ចុងជើង និងសម្ពាធឈាមចុះ ដែលត្រូវការសង្គ្រោះបន្ទាន់ សម្រាកព្យាបាលក្នុងមន្ទីរពេទ្យ។

គ) ការព្យាបាល៖
១) វិធានការទូទៅ (mesures generals):
- ដាក់អ្នកជំងឺក្នុងស្ថានភាពស្ងប់ស្ងាត់ ហើយពាក់កណ្តាលអង្គុយ។
- វាយតំលៃផលប៉ះពាល់លើចលនាឈាមរត់ ស្លេកស្លាំង បែកញើសជោគ ជីបចរដើរញាប់ ចង្វាក់ដង្ហើមញាប់ សំពាធឈាមចុះ។
- ពិនិត្យមើល សញ្ញាស្ទះថប់ផ្លូវដង្ហើម ដែលអ្នកជំងឺ មិនអាចដកដង្ហើមបាន (Détresse respiratoire) ដោយឈាមធ្លាក់ចូលទៅក្នុងផ្លូវដង្ហើម។
- ឲ្យអ្នកជំងឺសម្រាកពេទ្យបើហូរឈាមមានសភាពធ្ងន់ធ្ងរ រួចត្រូវរកសរសៃឈាមដើម្បីបូមឈាមពិនិត្យផ្នែកមន្ទីរពិសោធន៍ (Bilan biologique) និងបំពេញបរិមាណឈាមដែលបាត់បង់ដោយសេរ៉ូម។

២) វិធានការបន្ទាប់ (Gestes locaux):
ទោះជាបណ្តាលមកពីមូលហេតុអ្វីក៏ដោយ យើងអាចធ្វើការងារពីរយ៉ាងៈ
- សម្អាតយកកំណកឈាមពីក្នុងរន្ធច្រមុះ ដែលជាមូលហេតុបន្តឲ្យឈាមមិនអាចបញ្ឈប់បាន
- ដាក់សំឡី ឬ ស្បៃវែង (Mèches) ចូលទៅក្នុងរន្ធច្រមុះ ផ្សើមដោយថ្នាំ (xylocaëne et/ou naphazoline) ដោយទុករយៈពេល ៣ ទៅ ៥ នាទី ដើម្បីឃាត់ឈាម ជួនកាលការធ្វើនេះអាចបញ្ឈប់ការហូរឈាមបាន។
ផ្ទុយទៅវិញ បើឈាមនៅតែបន្តហូរមក យើងត្រូវអនុវត្ត ជាដំណាក់ៗ តទៅទៀតៈ
- ច្របាច់ច្រមុះ ដោយម្រាមដៃពីរ: យកមេដៃនិងម្រាមដៃ ទៅលើផ្នែកខាងក្រោមនៃរន្ធច្រមុះរយៈពេល ១០នាទី ទើបលែង ហើយពិនិត្យមើលឡើងវិញ។
- បើឈាមនៅតែបន្តហូរទៅតាមមូលហេតុ យើងអាចដុតចំកន្លែងហូរឈាម ដោយប្រុងប្រយ័ត្ន (Cauterisation chimique ou électrique) ។
- តាមដានឲ្យបានទៀងទាត់ជាមួយគ្រូពេទ្យឯកទេស បើមានជំងឺលើសឈាមកម្រិតខ្ពស់។

19/11/2022

👨‍⚕️ចំណាយពេល៥នាទីក្នុងការអានដើម្បីសុខភាពអ្នកទាំងអស់គ្នា

១. រាល់អាហារដែលអ្នកទទួលទានបន្ទាប់ពីម៉ោង ៨យប់ទៅជារៀងរាល់ថ្ងៃ គឺមានជាតិពុលដល់រាង្គកាយ ។

២. ប្រសិនបើអ្នកអាចអនុវត្តដោយការពិសារទឹករយៈពេល ៣ខែនោះ ស្បែក, រាងកាយ នឹងសេរីរាង្គ ចាប់ផ្តើមមានដំណើរការល្អប្រសើរ ។

៣. តើអ្នកដឹងទេថា អាហារពេលព្រឹកជាអាហារសំខាន់បំផុត សំរាប់អ្នក? ប្រសិនបើអ្នករំលងអាហារពេលណាមួយ ក៏មិនគួររំលងអាហារពេលព្រឹកនោះទេ ។

៤. តើអ្នកដឹងទេថា សាច់ក្រហម គឺមានគ្រោះថ្នាក់សម្រាប់សុខភាព ។

៥. តើអ្នកដឹងទេថា មនុស្សតែងតែញញឹម គឺរស់បានយូរជាង, ក្មេងជាង, មានសុខភាពល្អជាង អ្នកដែលមិនសូវញញឹម ឬ មិនញញឹម ។

៦. អ្នកអាចប្រើផលិតផលសម្រាប់រាង្គកាយរបស់អ្នកដែលមានតម្លៃថ្លៃ ហើយថែរក្សារាងកាយ អ្នកបានយ៉ាងល្អ ប៉ុន្តែអ្នកមិនដែលដឹងទេថា ទឹកឃ្មុំ + ផ្លែចេក ដែលអាចធ្វើអោយស្បែករបស់អ្នកភ្លឺរលោងមើលទៅស្អាត នឹងធ្វើអោយក្មេងជាងវ័យ អ្នកដទៃនឹងសួរ «តើឯងប្រើផលិតផលអ្វី បានភ្លឺរលោង បែបនេះ ?» ។

៧. រាល់ដបភេសជ្ជៈ, ស្រាបៀរ ដែលអ្នកទទួលទាន, អ្នកបានពិសារស្ករ ៩គីប ទៅ ៤៤គីប ទៅតាមប្រភេទនីមួយៗ (1cube sugar = 4.2gram of sugar). បើពិសារបាន ៧ថ្ងៃ ឬលើស ចំពោះបុរស វាបង្កើតអាត្រា ជំងឺគាំងបេះដូង ២០% ។

៨. អ្នកមិនដែលទទួលទានអាហារពេលព្រឹក នឹងធ្វើអោយមានកំរិតជាតិស្ករក្នុងឈាមទាប ។

៩. បើពិសារទឹក ពេលដែលអ្នកស្រេកទឹក វានឹងបំផ្លិចបំផ្លាញថ្លើមរបស់អ្នក មានន័យថា អ្នកមិនដែលសូវផឹកទឹក ។

១០. ការទប់នោមរបស់អ្នក នៅពេលដែលអ្នកចង់នោម វាធ្វើអោយ ខូចតំរង់នោម នឹងថ្លើម ។

១១. ការបន្ថែមអំបិលក្នុងម្ហូបរបស់អ្នក ត្រូវបានគេកត់សំគាល់ឃើញថា វាជាផ្លូវនៃការបង្កើនជាតិពុលយឺតៗ ក្នុងខ្លួន ជាពិសេស ប៉ះពាល់ដល់សេរីរាង្គសំខាន់ ៗ មានដូចជា ខួរក្បាល បេះដូង សួត ...។

១២. ការសង្កេតមើលទម្លាប់នៃការបរិភោគ អោយបានត្រឹមត្រូវត្រូវ នោះគឺ ទទួលទានអាហារ ព្រឹកដូចស្តេច ល្ងាចដូចព្រះនាង យប់ដូចអ្នកសុំទាន នោះជួយអោយអ្នកមានអាយុយឺនយូរ ។

*** ទម្លាប់អាក្រក់ទាំង ៥ ដែលបំផ្លាញខួរក្បាលរបស់អ្នក ÷
១. មិនទទួលទានអាហារពេលព្រឹក
២. ចូលគេងយប់ជ្រៅ
៣. បរិភោគជាតិស្ករច្រើន
៤. ពាក់មួក, កន្សែង ឬស្រោមជើង ពេលគេង ។
៥. ទប់នោម ពេលឈឺនោម ។