What are the opening hours?

Saturday 09:00 - 17:00 Sunday 09:00 - 17:00

https://www.facebook.com/111166681576429/

ដោះលែង-Release, Phnom Penh (2026)

17/02/2026

តើយើងធ្លាប់សួរខ្លួនឯងទេថា ហេតុអ្វីបានជាពេលខ្លះយើងចូលចិត្ត "បដិសេធការពិត" ឬ "បង្វែរកំហឹងដាក់អ្នកដទៃ"? 🧠
នៅក្នុងចិត្តវិទ្យា អាកប្បកិរិយាទាំងនេះហៅថា Defense Mechanisms (យន្តការការពារខ្លួន)។ វាគឺជាខែលការពារដែលចិត្តរបស់យើងបង្កើតឡើងដោយមិនដឹងខ្លួន ដើម្បីកាត់បន្ថយភាពថប់បារម្ភ។ ប៉ុន្តែប្រសិនបើយើងប្រើវាខ្លាំងពេក រហូតដល់បាត់បង់ការភ្ជាប់ជាមួយការពិត វានឹងក្លាយជាឫសគល់នៃបញ្ហាសុខភាពផ្លូវចិត្ត។

ការព្យាបាលដែលត្រឹមត្រូវ មិនមែនគ្រាន់តែជាការលេបថ្នាំប៉ុណ្ណោះទេ ប៉ុន្តែគឺជាការធ្វើឱ្យអ្វីដែល "មិនដឹងខ្លួន" ក្លាយជា "ដឹងខ្លួន" ដើម្បីរកឃើញអត្ថន័យនៃជីវិតសារជាថ្មី។ 🌿✨

#យល់ដឹងបន្ថែមពីចំណេះដឹងសុខភាពផ្លូវចិត្តជាមួយដោះលែង_release
ោះលែង_release

06/02/2026

ចិត្តឈឺ កាយដឹង ❗️❓
________________________________________

មនុស្សជាច្រើនខំថែរាងកាយយ៉ាងល្អ ប៉ុន្តែភ្លេចថែរក្សា 'ម្ចាស់ផ្ទះ' គឺចិត្តដែលនៅខាងក្នុង។ នៅពេលយើងទុកឱ្យភាពតានតឹង (Stress) ស្នាក់នៅយូរពេក វានឹងចាប់ផ្ដើមបង្ហាញខ្លួនតាមរយៈការឈឺក្បាល គេងមិនលក់ ឬអស់កម្លាំងល្ហិតល្ហៃ។

កុំបណ្តោយឱ្យភាពតានតឹង ក្លាយជាជំងឺរ៉ាំរ៉ៃក្នុងខ្លួន។ ថែរក្សាចិត្តឱ្យបានល្អ នោះរាងកាយនឹងអរគុណអ្នក។ ចាប់ផ្ដើមស្រឡាញ់ខ្លួនឯងពីថ្ងៃនេះ ដោយការផ្ដល់ពេលវេលាឱ្យចិត្តបានសម្រាកខ្លះ។

យល់ដឹងពីសុខភាពផ្លូវចិត្តបន្ថែមជាមួយ ដោះលែង_release

💪❤️
…….

Spp: My YouTube channel Links 🔗 bellow
https://youtu.be/lJxpUl73YQs?si=E1XLIqDqek3e84U6

28/01/2026

សម្រាកខ្លះទៅ... កុំតឹងតែងជាមួយខ្លួនឯងពេក។ ☕️🌿

Self-care isn't selfish. (ការមើលថែខ្លួនឯង មិនមែនជាការអាត្មានិយមទេ) 🤍

កុំមានអារម្មណ៍ខុសដែលសម្រាក ព្រោះយន្តហោះក៏ត្រូវការចាក់សាំង ទូរស័ព្ទក៏ត្រូវការសាកថ្ម ចុះទម្រាំតែយើងជាមនុស្ស?

🔋បើសិនជាថ្ងៃនេះអ្នកហត់ខ្លាំង អនុញ្ញាតឱ្យខ្លួនឯងសម្រាកដោយគ្មានវិប្បដិសារីចុះ។

ចុះអ្នកវិញ? តើវិធីថែរក្សាខ្លួនឯងពេលហត់ខ្លាំងបំផុតរបស់អ្នកគឺជាអ្វី? ប្រាប់ខ្ញុំផង!

យល់ដឹងពីសុខភាពផ្លូវចិត្ត បន្លែមជាមួយ #ដោះលែង_release

#សម្រាកខ្លះទៅ #សុខភាពផ្លូវចិត្ត #ថែរក្សាខ្លួនឯង

23/01/2026

"ភាពរឹងមាំពិតប្រាកដ មិនមែនជាការរែកពន់គ្រប់យ៉ាងម្នាក់ឯងទេ ប៉ុន្តែគឺភាពក្លាហានក្នុងការសុំជំនួយនៅពេលដែលយើងហត់។ 🤍✨ " ោះលែង

20/01/2026

"មនុស្សដែលរងរបួសផ្លូវចិត្ត តែងតែមានអារម្មណ៍មិនសុវត្ថិភាពនៅក្នុងខ្លួនឯង៖ អតីតកាលនៅតែបន្តរស់នៅក្នុងទម្រង់នៃភាពមិនស្រណុកសុខស្រួលក្នុងចិត្ត។" — Dr. Bessel van der Kolk 📖

ជួនកាល រាងកាយរបស់យើងចងចាំរឿងរ៉ាវដែលខួរក្បាលយើងព្យាយាមបំភ្លេច។ បើអ្នកមានអារម្មណ៍ថប់បារម្ភ ឬមិនសប្បាយចិត្តដោយគ្មានមូលហេតុ នោះមិនមែនមកពីអ្នក "ទន់ជ្រាយ" ទេ ប៉ុន្តែវាគឺជាប្រតិកម្មការពាររបស់រាងកាយអ្នកចំពោះរបួសពីអតីតកាល។

❤️‍🩹 អត់ធ្មត់ជាមួយខ្លួនឯងបន្តិចណា៎... យើងនឹងឆ្លងកាត់វាទៅជាមួយគ្នា។

យល់ដឹងបន្ថែមពីចំណេះដឹងសុខភាពផ្លូវចិត្តជាមួយ ោះលែង

#សុខភាពផ្លូវចិត្ត ោះលែង

15/01/2026

អ្នកមិនមែន "មិនល្អ" ទេ អ្នកគ្រាន់តែហត់នឹងការធ្វើឱ្យដូចគេពេកប៉ុណ្ណោះ..📝✨

ខ្ញុំដឹងថា វាហត់ណាស់មែនទេ? ដែលត្រូវរស់នៅក្រោមស្រមោលនៃការប្រៀបធៀប។ ដែលត្រូវខំប្រឹងរត់ឱ្យទាន់ "កូនគេ" រហូតដល់ភ្លេចមើលថា ជើងទាំងពីររបស់អ្នកកំពុងតែមានរបួស និងហត់នឿយប៉ុណ្ណា។

ថ្ងៃនេះ ខ្ញុំគ្រាន់តែចង់ប្រាប់អ្នកថា៖ "អ្នកធ្វើបានល្អណាស់ហើយ"។ វាមិនអីទេ បើអ្នកមិនពូកែដូចគេ វាមិនអីទេ បើអ្នកត្រូវការពេលសម្រាក។

តម្លៃរបស់អ្នក មិនមែនស្ថិតលើការឈ្នះអ្នកដទៃទេ តែស្ថិតលើភាពរឹងមាំរបស់អ្នកដែលឆ្លងកាត់រឿងរ៉ាវទាំងនេះមកបាន។

សម្រាកខ្លះទៅ រួចមករៀនដោះលែងសម្ពាធទាំងនេះជាមួយខ្ញុំ។

🌿🤍

"យល់ពីចិត្ត ដើម្បីដោះលែងទុក្ខ... កសាងសន្តិភាពផ្លូវចិត្តជាមួយខ្ញុំ @ដោះលែង_release។"

#ដោះលែង_release #សុខភាពផ្លូវចិត្ត #ចិត្តវិទ្យា

07/01/2026

តើអ្នកចង់និយាយអ្វីទៅកាន់ "ខ្លួនឯងកាលពីក្មេង" បំផុត? 📝

សម្រាប់ខ្ញុំ៖ "អរគុណដែលរឹងមាំ និងមិនបោះបង់ រហូតមកដល់ថ្ងៃនេះ។ ពេលនេះឯងអាចសម្រាកបានហើយ ចំណែកផ្លូវខាងមុខ ទុកឱ្យយើងជាអ្នកបន្តចុះ"។

ចូរមានចិត្តល្អចំពោះខ្លួនឯងឱ្យបានច្រើន ព្រោះអ្នកបានឆ្លងកាត់រឿងជាច្រើនណាស់មកហើយក្នុងជីវិតមួយនេះ។ ❤️🩹✨

#ចិត្តវិទ្យា

07/01/2026

ចំណងជើង៖ ការបោះបង់ចោលខាងផ្លូវអារម្មណ៍៖ "របួសដែលមើលមិនឃើញ"❗️

តើអ្នកដឹងទេថា ការប៉ះទង្គិចផ្លូវចិត្តមិនមែនកើតឡើងតែពី "ការជេរស្ដី" ឬ "ការវាយដំ" នោះទេ? វាក៏អាចកើតចេញពី "ភាពស្ងប់ស្ងាត់" និង "ការមិនអើពើ" ផងដែរ។⚠️

ការបោះបង់ចោលខាងផ្លូវអារម្មណ៍ក្នុងវ័យកុមារ (CEN) 🍼កើតឡើងនៅពេលដែលអាណាព្យាបាលមិនបានឆ្លើយតបនឹងតម្រូវការផ្លូវចិត្តរបស់កុមារ។

វាជាការខ្វះខាតនូវ៖

• ការស្ដាប់ដោយយកចិត្តទុកដាក់ពេលកូនមានទុក្ខ។
• ការសួរនាំពីអារម្មណ៍កូន (ក្រៅពីសួររឿងរៀនសូត្រ ឬបាយទឹក)។
• ការផ្ដល់ភាពកក់ក្ដៅ និងការយល់ចិត្តនៅពេលកូនខ្លាច ឬបារម្ភ។

នៅពេលក្មេងម្នាក់ធំឡើងក្នុងបរិយាកាសបែបនេះ ពួកគេរៀនថា "អារម្មណ៍របស់ខ្ញុំមិនសំខាន់ទេ"។ ជាលទ្ធផល នៅពេលពេញវ័យ ពួកគេអាចក្លាយជាមនុស្សដែល៖❓

• ពិបាកយល់ពីអារម្មណ៍ខ្លួនឯង
• មិនហ៊ានសុំជំនួយពីអ្នកដទៃ (ខ្លាចគេរំខាន)
• មានអារម្មណ៍ថា "ឯកោ" ទោះបីជានៅក្បែរមនុស្សច្រើនក៏ដោយ

ការទទួលស្គាល់ថាអ្នកធ្លាប់ឆ្លងកាត់រឿងនេះ មិនមែនដើម្បីបន្ទោសអ្នកមានគុណឡើយ ប៉ុន្តែដើម្បី "ព្យាបាល" ខ្លួនឯង និងបញ្ឈប់វដ្តនេះកុំឱ្យបន្តទៅកូនចៅជំនាន់ក្រោយ។ 🌿

#សុខភាពផ្លូវចិត្ត #ការយល់ដឹងពីចិត្តវិទ្យា #ដោះលែង_release

04/01/2026

"ការវិនិយោគលើសុខុមាលភាពផ្លូវចិត្តនៅកន្លែងធ្វើការ មិនមែនជាការចំណាយខ្ជះខ្ជាយឡើយ ប៉ុន្តែវាគឺជាយុទ្ធសាស្ត្រដ៏វៃឆ្លាតបំផុត ដើម្បីពង្រឹងស្មារតីសាមគ្គីភាព និងជំរុញប្រសិទ្ធភាពការងារឱ្យកាន់តែប្រសើរឡើង។"

"ប្រាក់ខែខ្ពស់ អាចទិញសម្ភារៈប្រើប្រាស់បាន ប៉ុន្តែបរិយាកាសការងារដែលល្អ ទើបអាចផ្តល់នូវសេចក្តីសុខផ្លូវចិត្តពិតប្រាកដ។" 🌿

ស្របតាមការរកឃើញរបស់ WHO បុគ្គលិកនាពេលបច្ចុប្បន្នឱ្យតម្លៃលើ "សុវត្ថិភាពផ្លូវចិត្ត" ខ្លាំងជាងកម្រិតប្រាក់បៀវត្សរ៍ទៅទៀត។ ការមានកន្លែងធ្វើការដែលផ្តល់តម្លៃ ការយល់ចិត្ត និងគ្មានការរើសអើង គឺជាក្តីប្រាថ្នារបស់យើងគ្រប់គ្នា។ សូមកុំភ្លេចថែរក្សាសុខភាពផ្លូវចិត្តរបស់អ្នក ព្រោះអ្នកគឺជាទ្រព្យសម្បត្តិដ៏មានតម្លៃបំផុត! 🤍

សម្រាប់បងប្អូនវិញ បើត្រូវជ្រើសរើសរវាង

ក) ប្រាក់ខែខ្ពស់ខ្លាំងតែការងារស្ត្រេស និង
ខ) ប្រាក់ខែសមរម្យតែបរិយាកាសការងារមានក្តីសុខ តើបងប្អូននឹងជ្រើសរើសមួយណា? ហេតុអ្វី?"

#កម្ពុជា #សុខភាពផ្លូវចិត្ត #ដោះលែង_release

30/12/2025

"ឆ្នាំថ្មី ២០២៦៖ ចិត្តថ្មី ក្តីសង្ឃឹមថ្មី និងសុខភាពផ្លូវចិត្តដ៏រឹងមាំ" 🎆

តើគោលដៅផ្លូវចិត្តរបស់អ្នកសម្រាប់ឆ្នាំ ២០២៦ គឺជាអ្វី?

សម្រាប់ខ្ញុំ គឺចង់ឱ្យពួកយើងទាំងអស់គ្នា អាចនិយាយពីបញ្ហាផ្លូវចិត្ត បានដោយសាមញ្ញ នឹងបើកចំហរ ឱ្យបានច្រើនជាងមុន។ សូមអរគុណសម្រាប់ការស្រលាញ់ និងការគាំទ្រក្នុងឆ្នាំ ២០២៥ កន្លងទៅ។

នៅឆ្នាំ ២០២៦ នេះ ខ្ញុំមាគោលដៅមួយគឺ ថានឹងនាំមកនូវមាតិកាល្អៗ និងចំណេះដឹងជុំវិញ សុខភាពផ្លូវចិត្ត កាន់តែច្រើនដើម្បីជួយដល់ការលូតលាស់របស់បងប្អូនទាំងអស់គ្នា។

រីករាយឆ្នាំថ្មី! ✨

#ដោះលែង_release

24/12/2025

អារម្មណ៍ខុស (Survivor’s Guilt) «តើវាជាកំហុសមែនទេ ដែលខ្ញុំមានសុវត្ថិភាព?»

បើអ្នកធ្លាប់មានអារម្មណ៍ខុស នៅពេលអ្នកញ៉ាំអាហារឆ្ងាញ់ គេងលក់ស្រួល ឬសើចសប្បាយ ខណៈពេលអ្នកដទៃកំពុងរងទុក្ខ—សូមដឹងថា អ្នកមិនមែនម្នាក់ឯងទេ។

💭 អារម្មណ៍នេះហៅថា Survivor’s Guilt វាមិនមានន័យថាអ្នកអាត្មានិយម ឬគ្មានមនុស្សធម៌ឡើយ។

👉 ការធ្វើទារុណកម្មខ្លួនឯង មិនបានជួយបញ្ឈប់ការឈឺចាប់របស់អ្នកដទៃទេ តែការរក្សាខ្លួនឯងឱ្យរឹងមាំ—អាចធ្វើបាន។

ប្តូរពី «អារម្មណ៍ខុស» → «ការដឹងគុណ» ហើយប្រើក្ដីសុខរបស់អ្នក ជាថាមពលសម្រាប់ធ្វើរឿងល្អៗវិញ ❤️

សូមចងចាំថា៖ ការថែរក្សាខ្លួនឯងឱ្យមាន សុខភាពល្អទាំងកាយនិងចិត្ត គឺជាការតស៊ូដ៏មានន័យ បំផុតមួយក្នុងកំឡុងពេលវិបត្តិ។🕊️

………………..

#សុខភាពផ្លូវចិត្ត

22/12/2025

"ហេតុអ្វីបានជាយើងមានអារម្មណ៍មួម៉ៅ និងឆាប់ខឹងខុសធម្មតា ទោះបីជាយើងមិនមែនជាអ្នកនៅក្នុងសង្គ្រាមផ្ទាល់? 🧠💔

បងប្អូនប្រហែលជាមានអារម្មណ៍ថា 'ឆាប់មួម៉ៅ' ឬអស់កម្លាំងល្ហិតល្ហៃ។ សូមដឹងថា៖ អ្នកមិនមែនមានបញ្ហាផ្លូវចិត្តមិនធម្មតានោះទេ ប៉ុន្តែវាជាប្រតិកម្មរបស់ខួរក្បាលក្នុងការការពារខ្លួន។

នៅពេលយើងមើលឃើញរូបភាពសង្គ្រាម ខួរក្បាលផ្នែក Amygdala (ប្រព័ន្ធប្រកាសអាសន្ន) នឹងដំណើរការខ្លាំង ដែលធ្វើឱ្យយើងស្ថិតក្នុងស្ថានភាព 'ត្រៀមប្រយុទ្ធ' រហូត។

អ្វីដែលអ្នកគួរដឹង៖

1. ការឈឺចាប់មិនមែនជាការប្រកួតប្រជែង៖ ទោះអ្នកមិនបាត់បង់ផ្ទះសម្បែង ក៏ប្រព័ន្ធប្រសាទរបស់អ្នកនៅតែអាចរងផលប៉ះពាល់ (Secondary Trauma)។

2. កុំបន្ទោសខ្លួនឯង៖ ការដែលអ្នកមានអារម្មណ៍តានតឹង គឺមកពីអ្នកមានសេចក្ដីមេត្តាករុណា និងការយល់ចិត្តចំពោះមនុស្សជាតិ។

💡 គន្លឹះខ្លីៗ៖ នៅពេលមានអារម្មណ៍ថាខឹង ឬថប់បារម្ភ សូមដកដង្ហើមវែងៗឱ្យបាន ៣ ដង ដើម្បីប្រាប់ខួរក្បាលថា 'ឥឡូវនេះ ខ្ញុំមានសុវត្ថិភាពហើយ'។

—————————————————
#សុខភាពផ្លូវចិត្ត #ការយល់ចិត្ត #សន្តិភាពក្នុងចិត្ត" #ដោះលែង_release

ដោះលែង-Release

17/02/2026

06/02/2026

28/01/2026

23/01/2026

20/01/2026

15/01/2026

07/01/2026

07/01/2026

04/01/2026

30/12/2025

24/12/2025

22/12/2025

Address

Opening Hours

Website

Alerts

Shortcuts

Share

Category