02/09/2021
ម្ដាយខ្ញុំធ្លាប់និយាយថា " កូនអើយ! ផ្ទះយើងតូចណាស់ បើគេសុំមកលេង កុំឲ្យគេមកអី ខ្មាសគេកូន...!"
ខ្ញុំបានតបទៅម្ដាយខ្ញុំវិញ "បើយើងមិនអនុញ្ញាតឲ្យគេមកលេងផ្ទះយើងទេ គឺផ្ទះយើងកាន់តែចង្អៀត ព្រោះថាចិត្តរបស់យើងចង្អៀតស្រេចបាត់ទៅហើយម៉ែ!"។ ខ្ញុំបានបន្តថា "បើគេឈប់រាប់អានកូនដោយសារតែគេឃើញផ្ទះយើងតូចទាប អ៊ីចឹងល្អហើយ កុំបាច់ខាតពេលទៅរាប់មនុស្សដែលឲ្យតម្លៃផ្ទះ និងទ្រព្យច្រើនជាងចិត្ត យើងអាចមានពេលវេលាយកទៅគិត និងធ្វើរឿងផ្សេងទៀតបានច្រើនផងម៉ែ!"។
ខ្ញុំអត់អាចជ្រើសរើសកន្លែងចាប់កំណើតបានទេ ប៉ុន្តែជីវិតខ្ញុំអាចជ្រើសរើសបែបផែននៃការរស់នៅ វិធីនៃការគិត និងការរៀបចំដំណើរជីវិតខ្លួនឯងបាន , ដូចពាក្យចាស់លោកនិយាយថា "ផ្ទះតូចចុះ កុំអោយតែចង្អៀតចិត្ត" ។
