បន្ទប់ពិគ្រោះ និងព្យាបាលជំងឺ ប្រាថ្នាសែនសុខ

19/10/2022

22/05/2022

ជំងឺដែលងាយកេីតមានចំពោះកូនក្មេងនៅក្នុងរដូវធ្លាក់ភ្លៀងនេះមាន៖
- ជំងឺគ្រុនឈាម
- ជំងឺរលាកក្រពះពោះវៀន​(ក្អូត រាគ ក្តៅ ហេីមពោះ)
- ជំងឺពងបែកដៃជេីងមាត់
- ជំងឺផ្តាសាយធំ រលាកបំពង់ករ

សូមមាតាបីតាគ្រប់រូបគប្បី
- ​ ថែរក្សាអនាម័យ និងយកចិត្តទុក្ខដាក់លេីចំណីអារហារ
- កំចាត់ជំរកមូស គេងក្នុងមុងអោយបានត្រឹមត្រូវ
- ប្រឹក្សាជាមួយគ្រូពេទ្យជំនាញអោយបានត្រឹមត្រូវ​​ មិនគួរផ្សំថ្នាំលេបផ្តេសផ្តាស ដែលនាំអោយមានផលវិបាកកាន់តែធ្ងន់ធ្ងរ

ពុកម៉ែ បងប្អូន អាចពិគ្រោះ ជំងឺដោយផ្ទាល់​ជាមួយ
- ​ខ្ញុំបាទដោយផ្ទាល់​ វេជ្ជបណ្ឌិត អឿន សុខឃីម ជំនាញ ជំងឺទូរទៅ និងរោគកុមារ
- តាមរយៈផេក បន្ទប់ពិគ្រោះ និងព្យាបាលជំងឺ ប្រាថ្នាសែនសុខ
- តាមរយៈតេលេក្រាម 081 578 678

20/11/2020

ហេតុអ្វីបានជាទារកយំ?

20/11/2020

ជំងឺសើរស្បែក “អាត់”
ជំងឺ អាត់លើស្បែក ជាជំងឺមួយក្នុងចំណោមជំងឺសើរស្បែក ដែលមានកន្ទួល និងពងទឹក ហើយរមាស់ពាសពេញខ្លួនប្រាណ ដែលបណ្តាលមកពីពពួកប៉ារាស៊ិត ឬចៃ។ ការចម្លងជំងឺនេះកើតឡើងតាមរយៈ៖
👉ការប៉ះពាល់ផ្ទាល់រវាងអ្នកជា និងអ្នកជំងឺ
👉ប៉ះពាល់ជាមួយសម្ភារៈប្រើប្រាស់ ដែលមានមេរោគ
👉មនុស្សច្រើនរស់នៅផ្តុំគ្នា ឬរស់នៅជាមួយគ្នា

រោគសញ្ញា៖
👉ច្រើនកើតនៅកន្លែងណាដែលមានរាងត្រង់ផ្នត់ៗ ឬក្រវិចក្រវៀននៃស្បែក ចង្វែកម្រាមដៃ កដៃ ចង្កេះ គូថ ផ្ទៃខាងក្នុងប្រអប់ភ្លៅ និងកជើង ដែលស្តែងចេញជាកន្ទួល ឬពងទឹក (ពងទឹកមិនសូវប្រទះឃើញទេ ព្រោះវាត្រូវបំផ្លាញយ៉ាងលឿនដោយការអេះត្រដុសរបស់អ្នកជំងឺ)។
👉ចំពោះស្ត្រី គេឃើញច្រើនកើតមាននៅលើក្បាលដោះ រីឯបុរសភាគច្រើនកើតនៅលើលិង្គ និងលើស្បែកពងស្វាស។
👉ជំងឺនេះកម្រកើតមាននៅលើផ្ទៃមុខមនុស្សពេញវ័យណាស់ ប្រសិនបើក្មេងតូចៗ និងអ្នកមានមេរោគហ៊ីវ(HIV+) គេសង្កេតឃើញមាននៅលើផ្ទៃមុខ បាតដៃ បាតជើង រួមទាំងខ្លួនប្រាណផងដែរ។
ការកើតមានទាំងនេះ បង្កឲ្យមានការរមាស់យ៉ាងខ្លាំង ជាពិសេសនៅពេលយប់។ ជាទូទៅតែងមានឃើញស្នាមអេះ និងស្នាមក្រហូងដាច់រលាត់ស្បែក ការឆ្លងរោគ ជាមួយនិងការកកើតពងខ្ទុះ និងក្រម៉ធំៗ ត្រូវបានជួបញឹកញាប់គួរសមដែរ។

ការវិវត្តិន៍៖
👉ជំងឺអាត់ ដែលមិនបានព្យាបាល អាចក្លាយជាជំងឺរ៉ាំរ៉ៃរួមជាមួយនឹងការថយចុះកម្រិតរមាស់។ ការបាត់រមាស់មិនមែនមានន័យថាពពួកប៉ារ៉ាស៊ីតឬចៃនោះបាត់ឬស្លាប់ឡើយ។ ការលាប់ឡើងវិញដែលបណ្តាលពីការព្យាបាលមិនត្រឹមត្រូវកើតមានជារឿយៗ ហើយវាត្រូវបានបិទបាំងរោគសញ្ញាផ្សេងៗ ដោយការលាបពពួកគ័រទីកូអុីត Corticoid ច្រើនពេក។

ការព្យាបាល៖
👉ត្រូវព្យាបាលក្រុមគ្រួសារទាំងមូលរួមគ្នាក្នុងពេលតែមួយ ដើម្បីជៀសវាងការឆ្លងសារចុះសារឡើង ឬលាប់ឡើងវិញ
👉ត្រូវលាបថ្នាំដែលមានការណែនាំដោយគ្រូពេទ្យជំនាញ
👉មុជទឹក ហើយដុសកន្លែងដែលកើតមានជំងឺនេះ ជាមួយសាប៊ូរមាស់ នៅពេលយប់
👉ផ្លាស់ប្តូរ ហើយបោកគក់ សំលៀកបំពាក់ កម្រាលពូក ភួយ មុង ដែលមានមេរោគ ជាមួយសាប៊ូ ស្រុះទឹកក្កៅ និងហាលថ្ងៃឲ្យបានស្ងួត
“ សូមណែនាំក្រុមគ្រួសារ ឬអ្នកជុំវិញខ្លួនដែលជាប់ពាក់ព័ន្ធជាពិសេសអ្នកមានផ្ទៃពោះបើសិនជាមានរោគសញ្ញាដូចខាងលើ។

សូមធ្វេីការពិគ្រោះ និងព្យាបាលជាមួយវេជ្ជបណ្ឌិតយេីងខ្ញុំ
តាមរយៈ Messenger រឺតាមរយៈលេខទូរស័ព្ទលេខ 092 45 45 02 / 081 578 678