Cho Ray Phnom Penh Hospital

02/01/2026

02/01/2026

ការឆ្លុះសួតដោយបំពង់ទន់ដោយប្រើ ថ្នាំសណ្តំ ជាការថតឆ្លុះសួតដោយប្រើម៉ាស៊ីនប្រុងកូស្កូពី ដោយការស៊កបំពង់តូចទន់ភ្ជាប់ជាមួយពន្លឺ និងកាមេរ៉ាដែលមានគុណភាពខ្ពស់ក្នុងការផ្ដិតយករូបភាព ច្បាស់លាស់ វាយតម្លៃស្ថានភាពជម្ងឺបានត្រឹមត្រូវជាក់លាក់ ។ សព្វថ្ងៃនេះការប្រើប្រាស់វិធីសាស្រ្ត នេះ កាន់តែ ទូលំទូលាយ វាមិនធ្វើអោយប៉ះពាល់ដល់ ផ្លូវដង្ហើម ។ ក្រុមគ្រូពេទ្យប្រើប្រាស់បច្ចកទេសនេះដើម្បីតាមដានវិភាគប្រព័ន្ធផ្លូវដង្ហើមដូចជា បំពង់ក បំពង់ខ្យល់ ទងសួត ទងសួតតូចៗ និង សួត ….. អាចពិនិត្យវិនិច្ឆ័យមហារីកសួត រលាកសួត អាប់សែរសួត អាចបន្ធូរភាពតឹងស្ទះរបស់បំពង់ខ្យល់ ជាពិសេសរកមូលហេតុដែលបង្កអោយពិបាកដកដង្ហើម និងក្អករាំរ៉ៃជាដើម ។ ជាក់ស្ដែងខាងក្រោមនេះក្រុមគ្រូពេទ្យឯកទេសបានធ្វើការថតឆ្លុះសួតនិងធ្វើការវិភាគដើម្បីរកមូលហេតុនៃការរលាកសួត ដំបៅ និង ដុំសាច់នៅក្នុងសួត ។

📌ព័ត៌មានលម្អិតទំនាក់ទំនង /More details, contact us below:
👉🏻សម្រាប់ផ្នែកពិគ្រោះជំងឺ និង ថ្ងៃបុណ្យសម្រាកផ្សេងៗ
For OPD and Public Holiday:
ពីម៉ោង ៧ព្រឹក ដល់ម៉ោង ៤:៣០ នាទីល្ងាចរៀងរាល់ថ្ងៃ។
From 7:00 AM - 4:30 PM
☎️023 684 1001 (24ម៉ោង/7ថ្ងៃ)
☎️071 856 7777 (ព័ត៌មានទូទៅ)
👉🏻សម្រាប់ផ្នែកសង្គ្រោះបន្ទាន់ និងសម្រាកពេទ្យគឺ 24/7
For Emergency and IPD 24/7
☎️023 684 1002 (សង្រ្គោះបន្ទាន់ & រថយន្តសង្រ្គោះបន្ទាន់)
👉🏻សម្រាប់ផ្នែកពិគ្រោះជម្ងឺពេលយប់ (Night Time Consultation)
☎️023 636 8888
-- ពីម៉ោង ៤:៣០ នាទីល្ងាច តទៅនៅផ្នែក VIP2 ជាន់ទី៣។
From 4:00 PM onward at VIP2 (3rd Floor)
👉ផ្នែកសេវាថែទាំតាមផ្ទះ (Home Care Unit)
☎️088 60 222 06
☎️023 636 8888
https://goo.gl/maps/xk8vfHj3DPBG1HS57

31/12/2025

ការវះចោះតសរសៃយោងជង្គង់ខាងមុខតាមទម្រង់ការវះកាត់ទំនើប
Arthroscopic Anterior Cruciatate Ligament Reconstruction

១. សរសៃយោងជង្គង់ ACL គឺជាសរសៃយោងសំខាន់១ ក្នុងចំណោមសរសៃយោងសំខាន់ៗទាំង ៤ នៃសន្លាក់ជង្គង់ ដើម្បីរក្សាជង្គង់ឱ្យមានលំនឹង ក្នុងការធ្វើចលនាប្រចាំថ្ងៃ ។
២. តួនាទីរបស់សរសៃយោងជង្គង់ ACL
- ការពារជង្គង់កុំឱ្យរំកិលទៅមុខពេលរត់
- រក្សាលំនឹងពេលមានចលនាជង្គង់ប្តូរទិសលឿន
- កាត់បន្ថយកម្លាំងសង្កត់លើសន្លាក់ជង្គង់ពេលលោត
៣. មូលហេតុ បណ្តាលឱ្យដាច់សរសៃយោងជង្គង់ ACL
- នៅពេលកំពុងរត់ឈប់ប្តូរទិសដៅ និងបង្វិលជង្គង់ភ្លាមៗ
- បង្វិលខ្លួនទិសដៅផ្ទុយ នៅពេលដែលបាត
ជើងរក្សាលំនឹងដដែល ។
- បាតជើងរក្សាលំនឹងដដែល ស្នងជើងបង្វិលចេញទៅក្រៅ ភ្លៅជើងបង្វិលចូលក្នុង ។
៤. ផលវិបាកនៃការដាច់សរសៃយោងជង្គង់
- ធ្វើឱ្យជង្គង់រលុងគ្មានលំនឹង
- ខ្សោយសាច់ដុំភ្លៅខាងមុខ
- ធ្វើឱ្យស្ងួតសន្លាក់ជង្គង់
- បាត់បង់តួនាទីសន្លាក់ជង្គង់
៥. រោគសញ្ញាដាច់សរសៃយោងជង្គង់ មានអ្វីខ្លះ?
- ឈឺជង្គង់ខ្លាំង និងហើម
- ជង្គង់រលុងគ្មានលំនឹង
- ខ្សោយសាច់ដុំជើង
៦. ការវះកាត់តសរសៃយោងជង្គង់ ACL
- វេជ្ជបណ្ឌិតនឹងយកសរសៃយោងពីកន្លែងផ្សេង ដើម្បីបង្កើតថ្មីតាមរយៈចោះដោយម៉ាស៊ីនទំនើប ។
- រៀបចំសរសៃយោង ACL ថ្មី ដោយស្វានឆ្អឹងបង្កើតប្រហោងឆ្អឹងទាញសរសៃយោងថ្មីចាប់ កូនវិសរក្សាលំនឹង ។
- បច្ចេកទេសវះកាត់ចោះ All-inside
- ក្រោយការវះកាត់ចោះតសរសៃយោង ACL
+ ពេលវេលាសម្រាកពេទ្យ ៣ ទៅ ៤ ថ្ងៃ ដើម្បីហាត់ធ្វើចលនា
+ ក្រោយពេលវះកាត់ ២ ទៅ ៣ ខែ អ្នកជំងឺអាចធ្វើសកម្មភាពធម្មតាបាន ។
+ ក្រោយពេលវះកាត់ ៦ ទៅ ១២ ខែ អ្នកជំងឺអាចលេងកីឡាឡើងវិញបាន ។

៧. ការថែទាំអ្នកជំងឺវះតសរសៃយោង ACL យ៉ាងដូចម្តេច?
- ថ្ងៃទី១ ក្រោយការវះកាត់ អ្នកជំងឺពាក់ប្រដាប់ទ្រជង្គង់ គេងលើកជើងបន្តិច ស្អំទឹកកក និង ហាត់ធ្វើចលនាជើងភ្លាម ។
- ថ្ងៃទី ២ - ៣ អ្នកជំងឺហាត់ដើរដោយមានឈើច្រត់ និងជើងផ្លាស់ទីជាជំនួយ ។
- ថ្ងៃទី ៣ - ៤ ការឈឺចាប់មុខរបួសកាត់បន្ថយ មុខរបួសស្ងួត ជង្គង់អាចបត់បាន ៦០-៩០ អង្សា ដើរបានស្រួល កម្លាំងសាច់ដុំមាំល្អ ។
- បន្ទាប់មក អ្នកជំងឺអាចចេញពីមន្ទីរពេទ្យ និងអនុវត្តការណែនាំបន្តរបស់វេជ្ជបណ្ឌិត ៕

26/12/2025

កម្មវិធីបណ្តុះបណ្ដាលវេជ្ជសាស្ដ្របន្ត
(CONTINUING MEDICAL EDUCATION)

នារសៀល ថ្ងៃទី ២៥ ខែ ធ្នូ ឆ្នាំ ២០២៥ នៅមន្ទីរពេទ្យជោរៃភ្នំពេញ មានរៀបចំកម្មវិធីបណ្ដុះបណ្ដាលវេជ្ជសាស្រ្តបន្ត ទាក់ទងនឹងប្រធានបទ៖ ការធ្វើបច្ចុប្បន្នភាព ជំងឺទឹកនោមផ្អែមប្រភេទទី១ “(Update on Diabetes Type 1)” ដែលធ្វើបទបង្ហាញដោយវេជ្ជបណ្ឌិត មាន រតនា ផ្នែកវេជ្ជសាស្រ្តទូទៅ ក្នុងនោះផងដែរក៏មានការចូលរួមសម្របសម្រួលដោយផ្ទាល់ ពីលោកនាយកមន្ទីរពេទ្យជោរៃភ្នំពេញ ។ គោលបំណងនៃកម្មវិធីបណ្ដុះបណ្ដាលបន្តថ្ងៃនេះគឺសំដៅធ្វើបច្ចុប្បន្នភាព លើកកម្ពស់ការ យល់ដឹងពាក់ព័ន្ធនឹងការសង្គ្រោះ ដល់គ្រប់វេជ្ជបណ្ឌិតមកពីបណ្តាផ្នែកផ្សេងៗ នៃមន្ទីរពេទ្យជោរៃភ្នំពេញ ៕
សូមអរគុណ!

25/12/2025

កម្មវិធីអប់រំសុខភាព
(Health Education)

នារសៀល ថ្ងៃទី២៤ ខែធ្នូ ឆ្នាំ២០២៥ នៅមន្ទីរពេទ្យជោរៃភ្នំពេញ មានរៀបចំកម្មវិធីអប់រំ សុខភាព ទាក់ទងនឹងប្រធានបទ ជំងឺទឹកនោមផ្អែម (Diabetes Mellitus) ដោយមានការចូលរួមដឹកនាំ និងសម្របសម្រួលដោយផ្ទាល់ ពីលោកនាយកមន្ទីរពេទ្យជោរៃភ្នំពេញ ។ គោលបំណងនៃកម្មវិធីអប់រំ សុខភាពនៅថ្ងៃនេះ គឺសំដៅបញ្រ្ជាប ចំណេះដឹងទូទៅ ស្តីពីជំងឺទឹកនោមផ្អែម ជូនដល់អ្នកជំងឺ និងក្រុម គ្រួសារអ្នកជំងឺ ដែលមកទទួលសេវាពិនិត្យ ព្យាបាល និងថែទាំសុខភាព នៅមន្ទីរពេទ្យជោរៃភ្នំពេញ លើរបៀបបង្ការជំងឺទឹកនោមផ្អែម នៅពេលមិនទាន់កើតជំងឺទឹកនោមផ្អែម និងរបៀបថែទាំសុខភាពជា ប្រចាំ ទប់ស្កាត់ការវិវត្តទៅរកស្ថានភាពធ្ងន់ធ្ងរ នៅពេលកើតជំងឺទឹកនោមផ្អែមហើយ ។ កម្មវិធីអប់រំសុខ ភាពដូចបានជម្រាបជូនខាងលើ បានប្រព្រឹត្តទៅក្នុងថិរវេលា ១ ម៉ោង និង ៣០ នាទី តាមរយៈការធ្វើ បទបង្ហាញ និងសំណួរចម្លើយ ។

​ សូមអរគុណ !

22/12/2025

🏥 មន្ទីរពេទ្យ ជោរៃ ភ្នំពេញ ផ្ដល់ជូននូវសេវាកម្មព្យាបាលប្រកបដោយគុណភាពខ្ពស់ និងបច្ចេកទេសទំនើប ។ យើងមានក្រុមគ្រូពេទ្យជំនាញដែលមានវិជ្ជាជីវៈច្បាស់លាស់ និងក្រមសីលធម៌ល្អ រួមជាមួយឧបករណ៍ទំនើបៗ ដើម្បីធានាប្រសិទ្ធភាពក្នុងការពិនិត្យ និងព្យាបាល ។ លើសពីនេះ មន្ទីរពេទ្យ របស់យើងខ្ញុំក៏មានកន្លែងចតរថយន្តធំទូលាយ និងមានសុវត្ថិភាពផងដែរ ។ យើងខ្ញុំសូមថ្លែងអំណរគុណយ៉ាងជ្រាលជ្រៅដល់អតិថិជនទាំងអស់ ដែលបានជឿជាក់ និងគាំទ្រសេវាកម្មរបស់យើងកន្លងមក ។ យើងខ្ញុំសូមជូនពរឱ្យពុកម៉ែបងប្អូនទាំងអស់មានសុខភាពល្អ និងជោគជ័យគ្រប់ភារកិច្ច ។

🏥សេវាកម្មរបស់មន្ទីរពេទ្យយើងខ្ញុំរួមមានដូចជា / Our service as below៖

👉 ផ្នែកវេជ្ជសាស្ត្រ/Clinical Department ផ្នែក VIP / VIP Department ផ្នែក VIP2 និងជនបរទេស (VIP2) / Department for VIP2 & Foreigner ផ្នែកជម្ងឺទូទៅ / Internal Medicine department ផ្នែកបេះដូង / Cardiology Department ផ្នែកពិគ្រោះជម្ងឺក្រៅ / Outpatient Department ផ្នែកត្រចៀក ច្រមុះ បំពង់ក / Ear Nose Throat Department បន្ទប់ពិនិត្យភ្នែក / Ophthalmology Consultation ផ្នែកព្យាបាលធ្មេញ / Dental Department ផ្នែកវះកាត់ទូទៅ / General Surgery Department ផ្នែកសម្ភព និង រោគស្រ្ដី / Obstetric & Gynecology Unit ផ្នែកវះកាត់ប្រព័ន្ធប្រសាទ និង វះកាត់ឆ្អឹង / Department of Neurosurgery & Orthopedics ផ្នែកសង្គ្រោះបន្ទាន់ / Emergency Department ផ្នែកប្រពោធនកម្ម / Intensive Care Unit មជ្ឈមណ្ឌលលាងឈាម / Hemodialysis Center ផ្នែកដាក់ថ្នាំសណ្ដំប្រពោធនកម្ម / Department of Anesthesiology
👉 ផ្នែកអមវេជ្ជសាស្ត្រ / Subclinical Department ផ្នែកឆ្លុះក្រពះនិងពោះវៀន / Endoscopy Department ផ្នែកអេកូសាស្ត្រ / Ultrasound Department ផ្នែកវិទ្យុសាស្ត្រ / Radiology Department មន្ទីរពិសោធន៍ / Laboratory Department ផ្នែកឱសថ / Pharmacy Department
📌ព័ត៌មានលម្អិតទំនាក់ទំនង /More details, contact us below:
👉🏻សម្រាប់ផ្នែកពិគ្រោះជំងឺ និង ថ្ងៃបុណ្យសម្រាកផ្សេងៗ
For OPD and Public Holiday:
- ពីម៉ោង ៧ព្រឹក ដល់ម៉ោង ៤:៣០ នាទីល្ងាចរៀងរាល់ថ្ងៃ។
From 7:00 AM - 4:30 PM
☎️023 684 1001 (24ម៉ោង/7ថ្ងៃ)
☎️071 856 7777 (ព័ត៌មានទូទៅ)

👉🏻សម្រាប់ផ្នែកសង្គ្រោះបន្ទាន់ និងសម្រាកពេទ្យគឺ 24/7
For Emergency and IPD 24/7
☎️023 684 1002 (សង្រ្គោះបន្ទាន់ & រថយន្តសង្រ្គោះបន្ទាន់)

👉🏻សម្រាប់ផ្នែកពិគ្រោះជម្ងឺពេលយប់ (Night Time Consultation)
☎️023 636 8888
-- ពីម៉ោង ៤:៣០ នាទីល្ងាច តទៅនៅផ្នែក VIP2 ជាន់ទី៣។
From 4:00 PM onward at VIP2 (3rd Floor)
👉ផ្នែកសេវាថែទាំតាមផ្ទះ (Home Care Unit)
☎️088 60 222 06
☎️023 636 8888
📍អាសយដ្ឋាន /Address
https://maps.app.goo.gl/YT3sk33EGND66Nuz9?g_st=ic

20/12/2025

សិក្ខាសាលា ស្តីអំពីអត្ថបទស្រាវជ្រាវវិទ្យាសាស្រ្តឆ្នាំ ២០២៥
(Annual Scientific Conference 2025)

នៅព្រឹកថ្ងៃសៅរ៍ ទី ២០ ខែធ្នូ ឆ្នាំ ២០២៥ មន្ទីរពេទ្យជោរៃភ្នំពេញ បានរៀបចំសិក្ខាសាលា ស្តីអំពីអត្ថបទស្រាវជ្រាវវិទ្យាសាស្រ្តឆ្នាំ ២០២៥ ដើម្បីលើកកម្ពស់ការចែករំលែកចំណេះដឹង និង បង្កើនសមត្ថភាពវិជ្ជាជីវៈដល់វេជ្ជបណ្ឌិត និង គិលានុបដ្ធាក ។ កម្មវិធីនេះត្រូវបានដឹកនាំ និង សម្របសម្រួលដោយផ្ទាល់ពីលោកនាយកមន្ទីរពេទ្យជោរៃភ្នំពេញ ។ ព្រមទាំងមានការចូលរួម និង សហការណ៍ពីក្រុមហ៊ុនជាច្រើន ដើម្បីឲ្យកម្មវិធីសិក្ខាសាលានេះប្រព្រឹត្តទៅបានដោយជោគជ័យ។

សូមអរគុណ!

15/12/2025

កម្មវិធីបណ្តុះបណ្តាលវេជ្ជសាស្ត្របន្តសម្រាប់វេជ្ជបណ្ឌិត

ប្រជុំរោគសញ្ញារលាកសួតស្រួចធ្ងន់ធ្ងរ (ARDS)

ACUTE RESPIRATIORY DISTRESS SYNDROME (ARDS)

នារសៀល ថ្ងៃទី១១ ខែធ្នូ ឆ្នាំ២០២៥ នៅមន្ទីរពេទ្យជោរៃភ្នំពេញ
មានរៀបចំកម្មវិធីបណ្តុះបណ្តាល វេជ្ជសាស្ត្របន្ត (CME) សម្រាប់វេជ្ជបណ្ឌិត ទាក់ទងនឹងប្រធានបទ “ប្រជុំរោគសញ្ញារលាកសួតស្រួចធ្ងន់ធ្ងរ (Acute Respiratory Distress Syndrome) ដែលជាជំងឺមានស្ថានភាពធ្ងន់ធ្ងរ វិវត្តលឿនឆាប់រហ័ស និងទាមទារគ្រូពេទ្យមានបទពិសោធន៍ខ្ពស់ និងសម្ភារបរិក្ខារទំនើប តាមដានព្យាបាលយ៉ាងសកម្ម នៅផ្នែក សង្គ្រោះជំងឺកម្រិតធ្ងន់ (ICU) ។ បទបង្ហាញថ្ងៃនេះ ធ្វើឡើងដោយ លោក វេជ្ជបណ្ឌិត ប៉ា ស៊ីដា អនុប្រធាន ផ្នែកសង្គ្រោះជំងឺកម្រិតធ្ងន់ (ICU) និងមានការចូលរួមដឹកនាំ និងសម្របសម្រួលដោយផ្ទាល់ ពីលោក នាយកមន្ទីរពេទ្យជោរៃភ្នំពេញ ។ គោលបំណងនៃកម្មវិធីបណ្តុះបណ្តាលថ្ងៃនេះ គឺសំដៅធ្វើបច្ចុប្បន្នភាព ចំណេះដឹង និងពង្រឹងសមត្ថភាពបន្ថែម ដល់ក្រុមគ្រូពេទ្យទាំងអស់ មកពីបណ្តាផ្នែកនានា ចំណុះឲ្យមន្ទីរ ពេទ្យជោរៃភ្នំពេញ ដើម្បីពិនិត្យ ព្យាបាល ថែទាំអ្នកជំងឺកម្រិតធ្ងន់គ្រប់ជ្រុងជ្រោយ និងនាំមកគុណភាពជីវិត ខ្ពស់ជូនអ្នកជំងឺ ។

សូមអរគុណ !

11/12/2025

កម្មវិធីអប់រំសុខភាព
(Health Education)

នារសៀល ថ្ងៃទី១០ ខែធ្នូ ឆ្នាំ២០២៥ នៅមន្ទីរពេទ្យជោរៃភ្នំពេញ មាន រៀបចំកម្មវិធីអប់រំសុខភាព ទាក់ទងនឹងប្រធានបទ “ជំងឺលើសសម្ពាធឈាម (HYPERTENSION) ” ដោយមានការចូលរួម ដោយផ្ទាល់ ពីលោកនាយកមន្ទីរពេទ្យជោរៃភ្នំពេញ ជាអ្នកដឹកនាំកម្មវិធី និងសម្របសម្រួល ។ កម្មវិធី អប់រំសុខភាពនៅថ្ងៃនេះ ធ្វើបទបង្ហាញដោយក្រុមគ្រូបង្គោលនៃផ្នែកគិលានុបដ្ឋាក ក្នុងគោលបំណង លើកកម្ពស់ការយល់ដឹងជាសកល ដល់អ្នកជំងឺ និងក្រុមគ្រួសារអ្នកជំងឺ ដែលកំពុងសម្រាកព្យាបាល នៅមន្ទីរពេទ្យជោរៃភ្នំពេញ ដើម្បីចូលរួមការពារសុខភាពឲ្យបានល្អ ទប់ស្កាត់ការចំណាយដ៏ច្រើន ដែល ធ្វើឲ្យប៉ះពាល់ដល់សេដ្ឋកិច្ចក្រុមគ្រួសារ ។ ក្រៅអំពីការធ្វើបទបង្ហាញ អ្នកជំងឺ ក៏ដូចជាក្រុមគ្រួសារ បានលើកជាសំណួរជាច្រើន សួរមកក្រុមអប់រំសុខភាពរបស់យើង ៕

សូមអរគុណ!

10/12/2025

សុវត្ថិភាពអ្នកជំងឺ
PATIENT SAFETY

នារសៀល ថ្ងៃទី៣ និងទី៤ ខែធ្នូ ឆ្នាំ២០២៥ នៅមន្ទីរពេទ្យជោរៃភ្នំពេញមានរៀបចំកម្មវិធី បណ្តុះបណ្តាលវេជ្ជសាស្ត្របន្តដល់គិលានុបដ្ឋាក ឆ្មប បុគ្គលិកបច្ចេកទេសសុខាភិបាល លើប្រធានបទ “សុវត្ថិភាពអ្នកជំងឺជាចម្បង - ដែលធ្វើបទបង្ហាញដោយ គិលានុបដ្ឋាកទៀនយ៉ុង ជាគ្រូបង្គោល និងជា ប្រធានសាលផ្នែកជំងឺបេះដូង ក្នុងនោះ ក៏មានការសម្របសម្រួលកម្មវិធីដោយផ្ទាល់ ពីលោកនាយក មន្ទីរពេទ្យជោរៃភ្នំពេញ ។ ការបណ្តុះបណ្តាលថ្ងៃនេះ គឺមានគោលបំណងលើកកម្ពស់ និងពង្រឹងបន្ថែម ការយល់ដឹង ស្តីពីសុវត្ថិភាពអ្នកជំងឺជាចម្បង ដែលត្រូវយកចិត្តទុកដាក់ខ្ពស់បំផុត ដល់គ្រប់គិលានុ បដ្ឋាក ឆ្មប បុគ្គលិកបច្ចេកទេសសុខាភិបាល មកពីបណ្តាផ្នែកចំណុះឱ្យមន្ទីរពេទ្យជោរៃភ្នំពេញ ។ កម្មវិធីបណ្តុះបណ្តាល ប្រព្រឹត្តទៅ មានថេរវេលា ១ ម៉ោង និង ៣០នាទី ដែលក្នុងនោះ មានការធ្វើបទ បង្ហាញនៅលើស្លាយបញ្ចាំង ពិភាក្សាជាក្រុម និងសំណួរចម្លើយ ៕

សូមអរគុណ !