23/02/2025
✍️ ដំបូន្មានសាមញ្ញៗមួយចំនួនពីមនុស្សចាស់ ដែលមានបទពិសោធន៍អាចជួយអ្នកឱ្យមាន អាយុវែងជាងមុន
អ្នកបានដឹងរួចហើយពីទម្លាប់ខ្លះៗដើម្បីធ្វើឲ្យអ្នកមាន អាយុវែង ប៉ុន្តែនៅទីបញ្ចប់ គ្មាននរណាម្នាក់ដឹងពី របៀបរស់នៅបានយូរអង្វែងច្បាស់ជាងអ្នកដែលកំពុង រស់នៅបានអាយុវែងនោះទេ។ ដូច្នេះសូមក្រឡេកមើល ដំបូន្មានរបស់អ្នកដែលមានអាយុវែងនៅលើកោះអូគី ណាវ៉ា។
ជំហ៊ានដំបូងដែលមនុស្សចាស់ទាំងនេះណែនាំគឺអ្នក ត្រូវបារម្ភតិចបំផុត និងមានទម្លាប់ស្វាគមន៍អ្នកដទៃ ដោយស្នាមញញឹម និងបើកចិត្តឲ្យទូលាយ សូម្បីតែ មនុស្សដែលអ្នកមិនស្គាល់ក៏ដោយ។ ដោយការធ្វើ ដូច្នេះ ពួកគេនិយាយថាអ្នកនឹងរក្សាបានមិត្តភាពយ៉ាង ច្រើនពីមួយឆ្នាំទៅមួយឆ្នាំ ហើយធ្វើឱ្យចៅៗរបស់អ្នកចង់មកលេងអ្នកគ្រប់ពេល។ កត្តាជម្រុញទាំងអស់នេះ ជួយឱ្យអ្នករក្សាបានភាពក្មេងជាងវ័យបានយូរអង្វែង។
លើសពីនេះទៅទៀត ពួកគេដាស់តឿនថាការព្រួយ បារម្ភហួសហេតុអំពីអ្វីមួយដែលអ្នកមិនអាចផ្លាស់ប្តូរ បានបង្កឱ្យមានតែភាពតានតឹងប៉ុណ្ណោះ។ ឧទាហរណ៍ ការព្រួយបារម្ភថា អ្នកមិនល្អគ្រប់គ្រាន់ ឬមិនមាន ការងារដែលទទួលបានជោគជ័យជាដើម។ ការបារម្ភ បែបនេះនឹងធ្វើឲ្យខ្ជះខ្ជាយថាមពលក្នុងជីវិតរបស់អ្នក តែប៉ុណ្ណោះ។ ផ្ទុយទៅវិញ អ្នកដែលមានអាយុជាង ១០០ឆ្នាំណែនាំអ្នកឱ្យរីករាយនឹងអ្វីដែលអ្នកមាន។ ប្រសិនបើអ្នកធ្វើបាន ពួកគេនិយាយថា អ្នកនឹងឃើញ ថាអ្នកមានច្រើនជាងអ្វីដែលអ្នកបានគិតទៅទៀត។
ប៉ុន្តែ ការបំបាត់ភាពព្រួយបារម្ភ មិនមែនជាការផ្តល់ ដំបូន្មានតែមួយសម្រាប់ធ្វើឲ្យយើងមានអាយុវែងនោះ ទេ។ ដំបូន្មានមួយទៀតគឺការបង្កើតទម្លាប់ល្អៗ។
ឧទាហរណ៍ ការភ្ញាក់ពីព្រឹកព្រលឹមគឺពិតជាកើតឡើង ដោយសារទម្លាប់។ បន្ទាប់ពីអ្នកព្យាយាមសាកល្បងធ្វើ វារយៈពេលពីរបីឆ្នាំទៅវានឹងក្លាយទៅទម្លាប់មួយដោយ ស្វ័យប្រវត្តិ។ លើសពីនេះទៅទៀត ការក្រោកពីព្រលឹម នឹងផ្តល់ឱ្យអ្នកនូវពេលវេលាស្ងប់ស្ងាត់បន្ថែមទៀតនៅ ពេលព្រឹក ដើម្បីផឹកតែរបស់អ្នក បោសសម្អាតផ្ទះ និង អាចទៅដើរមើលសួនច្បាររបស់អ្នកជាដើម។
ចំណុចចុងក្រោយនេះ គឺមានសារៈសំខាន់ណាស់ ព្រោះថាអ្នកដែលមានអាយុជាង១០០ដែលរស់នៅលើ កោះអូគីណាវ៉ាជឿថាមូលហេតុចម្បងមួយដែលធ្វើឲ្យ ពួកគេមានអាយុវែងគឺដោយសារពួកគេដាំបន្លែ និងចំ អិនម្ហូបដោយខ្លួនឯង។ ការធ្វើបែបនេះគឺពិតជាល្អខ្លាំង ណាស់ ពីព្រោះអាហារដែលចេញពីចំការខ្លួនឯងគឺធ្វើ ឲ្យយើងមានសុខភាពល្អណាស់។
ចុងក្រោយប្រហែលជាទម្លាប់សំខាន់បំផុតសម្រាប់ធ្វើឲ្យ អ្នកមានអាយុវែង គឺការរីករាយនិងរក្សាមិត្តភាពរបស់អ្នក។ ដោយការអនុវត្តន៍ទម្លាប់មួយនេះ អ្នករស់នៅលើ កោះអូគីណាវ៉ាចំណាយពេលវេលារបស់ពួកគេជជែកលេងជាមួយអ្នកជិតខាងជារៀងរាល់ថ្ងៃ។
