12/04/2025
នេះជារូបថតកាលពី ៧ឆ្នាំមុន ហ្វេសប៊ុកលោតឡើងវិញម្ដងទៀត ខ្ញុំក៏ត្រូវយកផុសជាថ្មី គ្រាន់តែចង់រំលឹកខ្លួនឯងថា កាលនោះក្នុងនាមជាគ្រួសារតូចមួយ អ្វីដែលគួរខំប្រឹងធ្វើ ÷
- ខំប្រឹងរស់ដោយខ្លួនឯងក្នុងជីវិតប្រព្រឹត្តអំពើល្អ ,
- ជំនឿបារមីក្នុង-ក្រៅ ជំនឿហុងស៊ុយ ជឿ៥០-៥០ ,
- រកស៊ីខុសម្ដង ពីរដង ឬក៏បីដងទៅចុះ អ្វីដែលសំខាន់កុំបាក់ទឹកចិត្ត នៅតែខំប្រឹងរកស៊ីកុំដកថយ គ្រាន់តែថាយើងត្រូវរាវរកអ្វីធ្វើឱ្យត្រូវក្បួន ធ្វើឱ្យត្រូវបរិយាកាស និងស្ថានភាពខាងក្រៅ ,
- មានលុយកាក់បន្តិចបន្តួច ត្រូវចេះសន្សំ លៃលកក្នុងការចាយវាយ, ត្រូវតាំងចិត្តថា មិនត្រូវរំពឹងខ្ចីលុយអ្នកដទៃ ទើបនេះជាសេចក្ដីសុខមួយ ,
- រស់នៅមិនត្រូវផ្ញើជីវិតលើបបូរមាត់អ្នកដទៃ គេរស់បានដោយរបៀបគេ យើងខំប្រឹងរស់ដោយរបៀបយើង ,
- កុំប្រើប្រាស់សម្ភារៈ និងភាពហ៊ឺហាក្លែងក្លាយ សម្ដែងឱ្យអ្នកផងទាំងឡាយឃើញដើម្បីបានស្ងប់ស្ញែងយើង ព្រោះវាអាចកុហកខ្លួនឯង និងអ្នកដទៃបានតែមួយរយៈពេលខ្លីប៉ុណ្ណោះ នៅពេលការសម្ដែង ឬការកុហក អស់លក្ខណ៍នៅថ្ងៃណាមួយនោះ តម្លៃរបស់អ្នកនឹងលែងមានតែម្ដង។
