សម្ព័ន្ធគ្រូពេទ្យសហភាពសហព័ន្ធយុវជនកម្ពុជា-Doctor Alliance of UYFC

31/03/2026

លោកសាស្ត្រាចារ្យបណ្ឌិត Huang Liuming ប្រធានផ្នែកវះកាត់នៃមន្ទីរពេទ្យកុមារជាតិទីក្រុងប៉េកាំង ប្រទេសចិន បានបង្ហាញពីបច្ចេកទេសនៃការវះកាត់ដោយប្រើ Robot ដល់ក្រុមគ្រូពេទ្យឯកទេសនៃសម្ព័ន្ធគ្រូពេទ្យស.ស.យ.ក នៅមន្ទីរពេទ្យកុមារជាតិ ដោយទទួលបានជោគជ័យយ៉ាងត្រចះត្រចង់ 🌺

30/03/2026

ឯកឧត្តមបណ្ឌិត ហេង សុខគង់ ប្រធានសម្ព័ន្ធគ្រូពេទ្យស.ស.យ.ក បានលើកឡើងថា 💕 វិស័យវិទ្យាសាស្ត្រ វេជ្ជសាស្ត្រ ជាជំនាញដែលត្រូវបន្តការរៀនសូត្រនិងត្រូវស្រាវជ្រាវជាប្រចាំ 💕 CME 💕 អាស្រ័យហេតុនេះហើយបានជាសម្ព័ន្ធគ្រូពេទ្យ ស.ស.យ.ក ជានិច្ចកាលបានចូលរួមសិក្ខាសាលា និងសន្និសិទទាំងលក្ខណ:ជាតិ និងអន្តរជាតិ ជាបន្តបន្ទាប់។ ការរៀបចំសន្និសិទជាលក្ខណ:អន្តរជាតិបានចំនួន១០លើកមកហើយ ក្នុងនោះជាមួយមហាមិត្តចិន បានចំនួន៥លើក នេះជាលើកទី៦ ដែលបានរៀបចំសន្និសិទវេជ្ជសាស្ត្រអន្តរជាតិកម្ពុជា-ចិន។

30/03/2026

ឯកឧត្តមឧបនាយករដ្ឋមន្ត្រី ហ៊ុន ម៉ានី “ស្មារតីនៅជាមួយ ជាតិ កងកម្លាំង និង ជនភៀសសឹក គ្រប់វេលា 🇰🇭 “

អញ្ជើញជាអធិបងីភាពដ៏ខ្ពង់ខ្ពស់ក្នុងឱកាសនៃសន្និសីទវេជ្ជសាស្ត្រអន្តរជាតិលើកទី១១ និងសន្និសីទកម្ពុជា-ចិន លើកទី៦ ក្រោមប្រធានបទ «បរិវត្តកម្មឌីជីថល និងបញ្ញាសិប្បនិម្មិតក្នុងការវះកាត់បែបទំនើប» ដែលរៀបចំដោយសម្ព័ន្ធគ្រូពេទ្យស.ស.យ.ក សហការជាមួយ សមាគមវេជ្ជបណ្ឌិតចិនទូទាំងពិភពលោក សមាគមវះកាត់ប្រចាំតំបន់អាស៊ី និងមន្ទីរពេទ្យកុមារជាតិទីក្រុងប៉េកាំង សាធារណរដ្ឋប្រជាមានិតចិន នៅថ្ងៃទី២៩ ខែមគនា ឆ្នាំ២០២៦នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានស.ស.យ.ក បានមានប្រសាសន៍ថា : «ស្មារតីនៅជាមួយ ជាតិ កងកម្លាំង និង ជនភៀសសឹក គ្រប់វេលា 🇰🇭 »

ឯកឧត្តមបនាបន្ថែមទៀតថា ការរៀបចំវេទិកានេះពិតជាមានសារៈសំខាន់ ក្នុងការឆ្លើយតបទៅនឹងការវិវត្តយ៉ាងរហ័សនៃបច្ចេកវិទ្យាឌីជីថល និង AI ក្នុងវិស័យសុខាភិបាល ហើយក៏ស្របទៅនឹងគោលនយោបាយរបស់រាជរដ្ឋាភិបាល ដែលផ្ដោតលើការកសាងសង្គមសេដ្ឋកិច្ចឌីជីថល និងការអភិវឌ្ឍមូលធនមនុស្សប្រកបដោយសមត្ថភាព និងជំនាញបច្ចេកទេសខ្ពស់ ដើម្បីជំរុញសន្ទុះនៃការអភិវឌ្ឍសេដ្ឋកិច្ចជាតិ។

ឯកឧត្តមប្រធានសូមថ្លែងអំណរគុណចំពោះសមាជិក សមាជិកា DA-UYFC សម្រាប់ការលះបង់ និងស្ម័គ្រចិត្តក្នុងរយៈពេល ១២ឆ្នាំកន្លងមក ក្នុងការចូលរួមចំណែកជាមួយរាជរដ្ឋាភិបាលគ្រប់ដំណាក់កាល ចាប់ពីការពិនិត្យព្យាបាល និងអប់រំសុខភាពជូនប្រជាពលរដ្ឋ ការចុះចាក់វ៉ាក់សាំងកូវីដ១៩ រហូតដល់ការយកចិត្តទុកដាក់លើសុខុមាលភាពពលករ ជនភៀសសឹក និងគ្រួសារកងទ័ពជួរមុខដែលកំពុងការពារបូរណភាពទឹកដី។ ក្នុងក្របខណ្ឌនៃ DA-UYFC សមាជិកសមាជិកាយើងមិនត្រឹមតែចូលរួមបេសកកម្មមនុស្សធម៌ ប៉ុន្តែជាឱកាសអភិវឌ្ឍសមត្ថភាព ចំណេះដឹង និងបទពិសោធន៍ជាក់ស្តែង ដើម្បីពង្រឹងវិជ្ជាជីវៈវេជ្ជសាស្ត្រកាន់តែប្រសើរ សម្រាប់ការបម្រើជាតិ និងប្រជាជន។

29/03/2026

08/03/2026

អបអរសាទរ ទិវាអន្តរជាតិនារី ខួបទី១១៥ ក្រោមប្រធានបទ «សន្តិភាព និងសន្តិសុខសម្រាប់ស្ត្រី និងគ្រួសារ» 🙏🇰🇭🙏

01/03/2026

នៅព្រឹក ថ្ងៃសៅរ៍ ១២កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែកុម្ភៈ ឆ្នាំ២០២៦ នៅវត្តព្រៃជុំ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ ឯកឧត្តមបណ្ឌិត ហេង សុខគង់ ប្រធានសម្ព័ន្ធគ្រូពេទ្យស.ស.យ.ក និងសហការីបានអញ្ជើញចូលរួមក្នុងពិធីបុណ្យបញ្ចុះខណ្ឌសីមា ព្រះវិហារថ្មី និងសម្ពោធសមិទ្ធផលនានាក្នុងវត្តព្រៃជុំ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ។

សូមអនុមោទនាកុសលផលបុណ្យទាំងអស់គ្នាផង 🙏🙏🙏

12/02/2026

❤️កម្មវិធី ប៉ា ម៉ានី ❤️

នៅព្រឹកថ្ងៃអង្គារ៍ ទី១០ ខែកុម្ភះ ឆ្នាំ២០២៦៖ ក្រុមការងារសម្របសម្រួលការងារវិស័យសុខា ភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ ឯកឧត្តម វង្ស ភក្តី តំណាង ឯកឧត្តមបណ្ឌិត ហេង សុខគង់ និងសហការី រួមជាមួយ លោកវេជ្ជបណ្ឌិត ឃួន សុខ អនុប្រធានមន្ទីរពេទ្យបង្អែក​ស្រុក​គង​ពិសី​ និងលោកស្រី នូរ សារ៉េត ប្រធានសាលសម្ភពមន្ទីរ​ពេទ្យ​បង្អែក​ស្រុក​គង​ពិសី តំណាងលោក វេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ បានចុះសួរសុខទុក្ខ លោកស្រី លី ដាណេ អនុប្រធានឃ្លាំងឱសថ បម្រើការងារនៅមន្ទីរពេទ្យបង្អែកគងពិសី ដែលកំពុងសម្រាកលំហែមាតុភាពនៅគេហដ្ឋាន ផ្ទះលេខ៨៣ ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ជាមួយនឹងការនាំបណ្តាំសួរសុខទុក្ខ និងការអបអរសាទរមកជូនអ្នកគ្រូពេទ្យ ព្រមទាំងក្រុមគ្រួសារ។ ក្នុងនោះក្រុមការងារក៏បាននាំយកមកនូវកញ្ចប់វត្ថុអនុស្សាវរីយ៍ទារកដ៏ស្រស់ស្អាត ដែលជាអំណោយដ៏ថ្លៃថ្លារបស់ឧបនាយករដ្ឋមន្ត្រី ហ៊ុន ម៉ានី ផ្តល់ជូនដល់បុត្រីរបស់អ្នកគ្រូពេទ្យផងដែរ និងសូមជូនពរឱ្យទារក ចម្រើនវ័យដោយមានសុខភាពល្អបរិបូណ៌ និងមានអនាគតល្អរុងរឿង។ 🙏❤️🙏

07/02/2026

ឧបនាយករដ្ឋមន្ត្រី ហ៊ុន ម៉ានី ផ្ញើសាររំលែកទុក្ខជូនក្រុមគ្រួសារសពលោកស្រី យិន សុផាណែត 🙏

នៅរសៀលថ្ងៃសៅរ៍ ទី០៧ខែកុម្ភៈ ឆ្នាំ២០២៦ ក្រុមការងារសម្របសម្រួលការងារវិស័យសុខាភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ វេជ្ជបណ្ឌិត វ៉េង ហេង និង លោកបណ្ឌិត ម៉េត ប៊ុនធឿន តំណាងឯកឧត្តមបណ្ឌិត ហេង សុខគង់ ប្រធានក្រុមចញ្ចឹមចលនា វិស័យសុខាភិបាល ខេត្តកំពង់ស្ពឺ ព្រមទាំងសហការី បានអញ្ជើញចូលរួមរម្លែកមរណៈទុក្ខ និងគោរពវិញ្ញាណក្ខ័ន្ធសព លោកស្រី យិន សុផាណែត ជាមន្ត្រី ការិយាល័យគណនេយ្យ និងហិរញ្ញវត្ថុនៃមន្ទីរសុខាភិបាលខេត្តកំពង់ស្ពឺ ដែលបានធ្វើមរណកាល កាលពីថ្ងៃ ០៣ ខែកុម្ភៈ ឆ្នាំ២០២៦ វេលាម៉ោង ១៤:០៨ រសៀលដោយរោគាពាធ ក្នុងជន្មាយុ ៣៦ឆ្នាំ ដល់គេហដ្ឋាននៃសព នៅភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ ក្នុងកម្មវិធីបុណ្យខួបគម្រប់៧ថ្ងៃ។ ក្នុងវេលាដ៏ក្រៀមក្រំនេះ ក្រុមការងារបានពាំនាំប្រសាសន៏ចូលរួមរម្លែកមរណៈទុក្ខ និងប្រសាសន៏ សួរសុខទុក្ខពីសំណាក់ ឯឧ ឧបនាយករដ្ឋមន្ត្រី ហ៊ុន ម៉ានី ព្រមទាំងបានប្រគល់នូវលិខិតចូលរួមរម្លែកមរណទុក្ខ និង បច្ច័យចូលរួមបុណ្យសព ជូនដល់ក្រុមគ្រួសារសព និងសូមបួងសួងឲ្យវិញ្ញាណក្ខ័ន្ធ លោក ស្រី យិន សុផាណែតបានទៅកាន់សុគតិភពកុំបីឃ្លៀងឃ្លាតឡើយ ។ ជាមួយគ្នានោះដែរម្តាយបង្កើត និងស្វាមីនៃសព បានថ្លែងអំណរគុណជាអនេកជូនចំពោះឯឧ ហ៊ុន ម៉ានី ចំពោះសមានចិត្តរម្លែកមរណទុក្ខ និងកាយវិការយកចិត្តទុកដាក់ចំពោះក្រុមគ្រួសារពួកគាត់ ក៏ដូចជាពលរដ្ឋទូទៅជាពិសេសប្រជាពលរដ្ឋនៅក្នុងខេត្តកំពង់ស្ពឺ ហើយពួកគាត់បានលើកដៃប្រណមបួងសួងដល់ព្រះបារមីវត្ថុស័ក្តិសិទ្ធិក្នុងលោកសូមតាមបីបាច់ថែរក្សាឯឧ. ឲ្យមានសុខភាពល្អ ជន្មាយុយឺនយូរ និងសូមគោរពជូនពរ ឯឧ ប្រធាន និង ក្រុមការងារ ជួបប្រទះតែសេចក្តីសុខ សំណាងល្អ និងជោគជ័យគ្រប់ភារកិច្ច 🙏🙏🙏

06/02/2026

បេសកកម្មថ្ងៃទី៣ នៅលើទឹកដីខេត្តសៀមរាប ក្រោមកិច្ចសហការរវាសម្ព័ន្ធគ្រូពេទ្យស.ស.យ.ក និងក្រុមគ្រូពេទ្យអាម៉េរិកាំង នៃអង្គការ IMR 🇰🇭 🇺🇸

ក្រោមការចង្អុលបង្ហាញរបស់ឯកឧត្តម ហ៊ុន ម៉ានី នៅថ្ងៃទី5 ខែកុម្ភៈ ឆ្នាំ2026 អង្គការ International Medical Relief (IMR) សហការ ជាមួយសម្ព័ន្ធគ្រូពេទ្យសហភាពសហព័ន្ធយុវជនកម្ពុជា(ស.គ.ស.ស.យ.ក.)
បានចុះពិនិត្យ និងព្យាបាលជំងឺទូទៅជូនប្រជាពលរដ្ឋ ភូមិកក្រាញ់ ឃុំសៀមរាប ស្រុកសៀមរាប ខេត្តសៀមរាប សរុប83 ស្រី61 ប្រុស22
🙏🙏🙏

05/02/2026

ក្រុមគ្រូពេទ្យអាម៉េរិកកាំង នៃអង្គការ IMR និងសម្ព័ន្ធគ្រូពេទ្យស.ស.យ.ក សហការគ្នាបន្តចុះពិនិត្យ និងព្យាបាលជំងឺជូនប្រជាជននៅខេត្តសៀមរាប🇰🇭 🇺🇸

នៅថ្ងៃអង្គារ ទី៤ ខែកុម្ភៈ ឆ្នាំ2026 ជាបេសកកម្មថ្ងៃទី២ ដែអង្គការ International Medical Relief (IMR) របស់សហរដ្ឋអាម៉េរិកបានសហការ ជាមួយសម្ព័ន្ធគ្រូពេទ្យសហភាពសហព័ន្ធយុវជនកម្ពុជា(ស.គ.ស.ស.យ.ក.)
បានចុះពិនិត្យ និងព្យាបាលជំងឺទូទៅជូនប្រជាពលរដ្ឋនៅភូមិឃ្លោកអណ្ដូង ឃុំស្លក្រាម ស្រុកស្លរក្រាម ខេត្តសៀមរាប
សរុបជំងឺ 87 ស្រី 72 ប្រុស 15 🙏🇰🇭🙏

04/02/2026

ក្រុមគ្រូពេទ្យអាម៉េរិកកាំង នៃអង្គការ IMR និងសម្ព័ន្ធគ្រូពេទ្យស.ស.យ.ក សហការគ្នាចុះពិនិត្យ និងព្យាបាលជំងឺជូនប្រជាជននៅខេត្តបន្ទាយមានជ័យរយៈពេល៣ថ្ងៃ 🇰🇭 🇺🇸

នៅថ្ងៃអង្គារ ទី3 ខែកុម្ភៈ ឆ្នាំ2026 ជាបេសកកម្មថ្ងៃទី១ ដែលអង្គការ International Medical Relief (IMR) របស់សហរដ្ឋអាម៉េរិកបានសហការ ជាមួយសម្ព័ន្ធគ្រូពេទ្យសហភាពសហព័ន្ធយុវជនកម្ពុជា(ស.គ.ស.ស.យ.ក.)
បានចុះពិនិត្យ និងព្យាបាលជំងឺទូទៅជូនប្រជាពលរដ្ឋនៅភូមិសំរោង ឃុំទឹកជោ ស្រុកព្រះនេត្រព្រះ ខេត្តបន្ទាយមានជ័យ ដែលក្នុងនោះក្រុមគ្រូពេទ្យពិនិត្យ និងព្យាបាលបានចំនួន សរុប 52នាក់ ស្រី28 ប្រុស24។🙏🇰🇭🙏

31/01/2026

ឯកឧត្តមប្រធាន ហ៊ុន ម៉ានី ចាត់សម្ព័ន្ធគ្រូពេទ្យស.ស.យ.ក បន្តចុះពិនិត្យ និងព្យាបាលជំងឺជូនកុមារនៅអង្គការផ្ទះបាយកុមារ 🙏❤️🙏

💕ក្រោមការចង្អុលបង្ហាញ និងយកចិត្តទុកដាក់ជាប្រចាំពីឯកឧត្តម ហ៊ុន ម៉ានី ប្រធានស.ស.យ.ក នៅថ្ងៃទី៣១ ខែមករា ឆ្នាំ២០២៦នេះ សម្ព័ន្ធគ្រូពេទ្យស.ស.យ.ក ដឹកនាំដោយបណ្ឌិត ហេង សុខគង់ អមដំណើរដោយលោកវេជ្ជបណ្ឌិត ហាស់ សំអឿន និងសហការី បានចុះពិនិត្យ និងព្យាបាលជំងឺជូនកុមារកំព្រា និងកុមារទុរគតនៅអង្គការផ្ទះបាយកុមារដែលរួមមានជំងឺទូទៅកុមារ ជំងឺមាត់-ធ្មេញ អេកូសាស្ត្រ និងអប់រំផ្លូវចិត្តកុមារសរុបបានចំនួន១២៥នាក់ ។

✍️ ក្រៅពីការពិនិត្យ និងព្យាបាលជំងឺជូនកុមារសម្ព័ន្ធគ្រូពេទ្យស.ស.យ.ក ក៏បានផ្តល់ជាច្រាស់ដុសធ្មេញតុក្កតាចំនួន១២៥ និងនំស្រួយលីលី ចំនួន១៣០កញ្ចប់ ជូនកុមារទាំងអស់ផងដែរ ។

នេះបង្ហាញពីកាយវិការយកចិត្តទុកដាក់ និងផ្តល់ភាពកក់ក្តៅពីសំណាក់❤️ប៉ា ម៉ានី ❤️ជូនដល់កូនៗទាំងអស់នៅផ្ទះបាយកុមារ ហើយកូនៗតែងចងចាំ និងដឹងគុណជានិច្ចនូវគុណូបការៈដ៏ថ្លៃថ្លារបស់❤️ប៉ាម៉ានី ❤️ចំពោះកូនៗ។