21/06/2025
ដោយមានការសហការជាមួយវិទ្យាល័យអប់រំពិសេសក្រុងតាខ្មៅ វគ្គបណ្តុះបណ្តាលអំពី «រដ្ឋបាលថ្នាក់រៀន» ត្រូវបានរៀបចំឡើងដោយលោក ហួត ពុទ្ធី នាយករងនៃវិទ្យាល័យអប់រំពិសេសក្រុងតាខ្មៅដល់បុគ្គលិកទាំងអស់របស់គ្លីនិកអភិវឌ្ឍកុមារយូនិក។
យើងខ្ញុំមានក្តីសោមនស្សរីករាយជម្រាបជូនដំណឹងដល់មាតាបិតា និងអាណាព្យាបាលទាំងអស់ឳ្យបានជ្រាបថា ឆាប់ៗខាងមុខនេះគ្លីនិកអភិវឌ្ឍកុមារយូនិកនឹងវិវដ្តខ្លួនទៅជាស្ថាប័នអប់រំពិសេសមួយដែលមានកម្មវិធីសិក្សាស្របតាមស្តង់ដាអប់រំពិសេសនៃក្រសួងអប់រំយុវជន និងកីឡារបស់ព្រះរាជាណាចក្រកម្ពុជា។
យើងខ្ញុំទាំងអស់គ្នាសូមគោរពថ្លែងអំណរគុណយ៉ាងជ្រាលជ្រៅដល់លោកនាយក នាយករង នាយិការង និងសហការីទាំងអស់នៃវិទ្យាល័យអប់រំពិសេសក្រុងតាខ្មៅដែលតែងតែយកចិត្តទុកដាក់ជួយបំពេញនូវចំណេះដឹង និងបទពិសោធន៍ល្អៗពាក់ព័ន្ធនឹងការងារអប់រំពិសេសដល់ក្រុមការងារយើងខ្ញុំទាំងអស់គ្នា។
សូមគោរពជូនពរលោកនាយក និងសហការីទាំអស់ជួបតែនឹងពុទ្ធពរ៤ប្រការគឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ។
