12/02/2025
🙏🙏🙏សូមអនុមោទនាបុណ្យមាឃបូជា 🥰
ពិធីបុណ្យ "មាឃបូជា" គឺជាពីធីបុណ្យដ៏សំខាន់មួយ ដែលពុទ្ធសាសនិកជនអ្នកកាន់ព្រះពុទ្ធសាសនាតែងតែរៀបចំឡើងជារៀងរាល់ឆ្នាំ។ ពិធីបុណ្យនេះប្រារព្ធឡើងនៅថ្ងៃ១៥កើត ខែមាឃ ដើម្បីរម្លឹកដល់ព្រឹត្តិការណ៍ដ៏សំខាន់ ២ ដែលបានកើតឡើងនៅក្នុងពេលដែលព្រះពុទ្ធជាម្ចាស់ទ្រង់គង់ធរមាននៅឡើយ។
- ព្រឹត្តិការណ៍ដ៏សំខាន់ទី ១ គឺ ព្រះអង្គទ្រង់ធ្វើចតុរង្គសន្និបាត ដោយព្រះភិក្ខុសង្ឃ ១២៥០អង្គមកប្រជុំគ្នាដោយពុំមានការណាត់ ហើយសុទ្ធតែជាព្រះអរហន្ត និងជាឯហិភិក្ខុទាំងអស់។
- ព្រឹត្តិការណ៍ដ៏សំខាន់ទី ២ គឺ ព្រះពុទ្ធអង្គទ្រង់ប្រកាសដាក់អាយុសង្ខារ នៅវស្សាទី៤៥ ថ្ងៃ១៥កើត ពេញបូណ៌មី ខែមាឃ ឆ្នាំម្សាញ់។
