https://www.facebook.com/265745526945549/

សមាគមឆ្មបកម្ពុជា Cambodian Midwives Association, Phnom Penh (2025)

23/11/2025

សន្និសិទប្រចាំឆ្នាំលើកទី៣ សមាគមបច្ចេកវិទ្យា ទឹកនោមផ្អែម និងក្រពេញកម្ពុជា
==============
សមាគមឆ្មបកម្ពុជាត្រូវបានអញ្ជើញចូលរួមសន្និសិទប្រចាំឆ្នាំលើកទី៣ សមាគមបច្ចេកវិទ្យា ទឹកនោមផ្អែម និងក្រពេញកម្ពុជានៅថ្ងៃទី២២ ខែវិច្ឆិកា ឆ្នាំ២០២៥ ក្រោមប្រធានបទ ”នវានុវត្តន៍ក្នុងការព្យាបាលជំងឺទឹកនោមផ្អែម ដែលមានជំងឺមេតាបូលីកជំងឺបេះដូង និងបច្ចេកវិទ្យាក្នុងការព្យាបាលជំងឺទឹកនោមផ្អែមចំពោះស្រ្តីមានផ្ទៃពោះ”

23/11/2025

ថ្ងៃទី ២១ ខែវិវ្ឆិកា ឆ្នាំ២០២៥ នៅភោជនីយដ្ឋានបាយ័ន
សមាគមឆ្មបកម្ពុជាបានរៀបចំបិទវគ្គបណ្តុះបណ្តាល ក្រោមអធិបតីភាពលោកស្រីសាស្ត្រាចារ្យជំនួយ គឹម រ័ត្ននា នាយកមជ្ឈមណ្ឌលជាតិគាំពារមាតា និងទារក ក្នុងឱកាសដ៏មានតម្លៃនេះ លោកស្រីសាស្ត្រាចារ្យបានផ្តល់អនុសាសន៍ដល់សមាគមឆ្មប និងឆ្មបផ្សេងទៀត វគ្គបណ្តុះបណ្តាលស្តីពីការថែទាំប៉េរីណេ ពិតជាមានសារសំខាន់ក្នុងការជួយស្ត្រីពីការហូរទឹកនោម នោមមិនចេញ ទល់ទារក និងជាពិសេសអាចជួយកាត់បន្ថយការធ្លាក់ឈាមដោយសារមូលហេតុដាច់រហែកពេលសម្រាល។

23/11/2025

សន្និបាតលើកទី២៤ សមាគមសម្ភព និងរោគស្ត្រីវិទ្យាកម្ពុជា
==============
សមាគមឆ្មបកម្ពុជាត្រូវបានអញ្ជើញចូលរួមសន្និបាតលើកទី២៤ សមាគមសម្ភព និងរោគស្ត្រីវិទ្យាកម្ពុជាចាប់ពីថ្ងៃទី២២ ដល់២៣ ខែវិច្ឆិកា ឆ្នាំ២០២៥ ក្រោមប្រធានបទ ”រួមគ្នាសង្គ្រោះជីវិតមាតា និងទារក”

18/11/2025

វគ្គបណ្តុះបណ្តាលស្តីពី Pelvic Floor Rehabilitation and Perinatality
==================
រាជធានីភ្នំពេញ៖ ថ្ងៃអង្គារ ១៣រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៨ ខែវិច្ឆិកា ឆ្នាំ២០២៥ សមាគមឆ្មបកម្ពុជា បានរៀបចំវគ្គបណ្តុះបណ្តាលស្តីពី Pelvic Floor Rehabilitation and Perinatality ក្រោមអធិបតីភាព លោកវេជ្ជបណ្ឌិតឯកទេស រស់ សាផាត នាយករងមជ្ឈមណ្ឌលជាតិ គាំពារមាតា និងទារក វគ្គបណ្តុះបណ្តាលនេះរៀបចំឡើងក្នុងគោលបំណង៖ ១) បង្កើនចំណេះ និងសមត្ថភាពនៃការថែទាំពីលំហាត់អាងត្រគាក ២) ចែករំលែក និងអនុវត្តចំណេះដឹងថ្មីនេះឱ្យមានគុណភាព និងប្រសិទ្ធភាព អំឡុងពេលផ្ទៃពោះ ពេលសម្រាល និងក្រោយសម្រាល។

ឆ្លៀតក្នុងឱកាសកម្មវិធីបើកវគ្គបណ្តុះបណ្តាល លោកវេជ្ជបណ្ឌិត បានផ្តល់នូវអនុសាសន៍ វគ្គបណ្តុះបណ្តាលនេះពិតជាមានសារៈសំខាន់សម្រាប់ឆ្មបយកទៅអនុវត្តឱ្យបានល្អ និងប្រកបដោយ គុណភាព ការថែទាំប៉េរីណេ និងអាងត្រគាកជាចំនុចគន្លឹះក្នុងការជួយការគាំទ្រ សាច់ដុំនៅតំបន់ អាងត្រគាក ជាកត្តារួមចំណែកក្នុងកាត់បន្ថយស្ត្រីក្រោយសម្រាលប្រឈមមុខនឹងបញ្ហាផ្លូវនោម និងទល់លាមក។ ការថែទាំតំបន់ប៉េរីណេបានល្អ នឹងចូលរួមចំណែកក្នុងការតាត់បន្ថយការធ្លាក់ឈាមក្រោយ សម្រាលដោយសារការរហែក ឬដាច់សាច់ដុំ។
សូមជម្រាបវគ្គបណ្តុះបណ្តាលនេះមានការចូលរួមពីគណៈឆ្មបជាតិ និងសមាជិកសមាគមឆ្មបចំនួន ១២នាក់មកពីមជ្ឈមណ្ឌលជាតិគាំពារមាតា និងទារក មន្ទីរពេទ្យកាល់ម៉ែត មន្ទីរពេទ្យកុមារជាតិ មន្ទីរពេទ្យព្រះអង្គឌួង មន្ទីរពេទ្យតេជោសន្តិភាព មន្ទីរពេទ្យមិត្តភាពខ្មែរសូវៀត និងមន្ទីរពេទ្យសម្តេចឪសម្តេចម៉ែ។

12/11/2025

26/10/2025

វគ្គបណ្តុះបណ្តាលលើកទី២ស្តីពី ការបំពេញសំណុំឯកសារសម្រាប់ឆ្មបនៅមន្ទីរសុខាភិបាល នៃរដ្ឋបាលខេត្តត្បូងឃ្មុំ
===========
មន្ទីរសុខាភិបាលខេត្តត្បូងឃ្មុំ៖ ថ្ងៃអាទិត្យ ៥កើតខែកក្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៦ ខែតុលា ឆ្នាំ២០២៥ ដោយមានការអនុញ្ញាតពីមន្ទីរសុខាភិបាលខេត្ត សាខាសមាគមឆ្មបខេត្តត្បូងឃ្មុំ បានរៀបចំវគ្គបណ្តុះបណ្តាលស្តីពី ការបំពេញសំណុំឯកសារសម្រាប់ឆ្មប ក្រោមអធិបតីភាព លោកស្រី ហេង ងីម អនុប្រធានសមាគមឆ្មបកម្ពុជា តំណាងប្រធានសមាគមឆ្មបកម្ពុជា។ វគ្គបណ្តុះបណ្តាលនេះមាន គោលបំណង ពង្រឹងសមត្ថភាពឆ្មប ផ្តល់សេវាប្រកបដោយគុណភាព ប្រសិទ្ធភាព ដើម្បីចូលរួមចំណែកក្នុងការកាត់បន្ថយមរណភាពមាតា និងទារកជុំវិញកំណើត និងការឆ្លើយតប។

ឆ្លៀតក្នុងឱកាសកម្មវិធីបើកវគ្គបណ្តុះបណ្តាល លោកស្រី អនុប្រធាន បានមានប្រសាសន៍ សំណេះសំណាល ដ៏មានសារៈសំខាន់សម្រាប់ឆ្មបរួមមាន៖ (១) ផ្សព្វផ្សាយ និងលើកទឹកចិត្ត ចូលជាសមាជិកសមាគមឆ្មបឱ្យគ្រប់ឆ្មបទាំងអស់កំពង់ផ្តើសេវារដ្ឋ និងឯកជន និងយកចំណេះ ជំនាញឆ្មបទៅអនុវត្តការងារប្រកបដោយគុណភាព (២) ពង្រឹងសមត្ថភាព និងបន្តការអភិវឌ្ឍន៍ចំណេះដឹងថ្មីៗ តាមបរិបទឌីជីឌល (៣)ផ្តល់ការថែទាំសុខភាពជូនស្រ្តី និងទារក ប្រកបដោយក្រមសីលធម៌វិជ្ជាជីវៈឆ្មប។ ឆ្មបទាំងអស់ត្រូវដឹងពីតួនាទី និងអនុវត្តក្នុងការកែលម្អគុណភាពផ្តល់សេវាប្រកបដោយសុវត្ថិភាព។

សូមជម្រាបវគ្គបណ្តុះបណ្តាលនេះមានការចូលរួមពីសមាគមថ្នាក់ជាតិ ប្រធានក្រុមប្រឹក្សាគណៈឆ្មបខេត្ត និងសមាជិកសមាគមឆ្មបមកពីមន្ទីរពេទ្យ មណ្ឌលសុខភាព និងសេវាឯកជនសរុបចំនួន ១០៧នាក់។

26/10/2025

វគ្គបណ្តុះបណ្តាលស្តីពី ការបំពេញសំណុំឯកសារសម្រាប់ឆ្មបនៅមន្ទីរសុខាភិបាល នៃរដ្ឋបាលខេត្តត្បូងឃ្មុំ
====================================

មន្ទីរសុខាភិបាលខេត្តត្បូងឃ្មុំ៖ ថ្ងៃសៅរ៍ ៤កើតខែកក្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៥ ខែតុលា ឆ្នាំ២០២៥ ដោយមានការអនុញ្ញាតពីមន្ទីរសុខាភិបាលខេត្ត សាខាសមាគមឆ្មបខេត្តត្បូងឃ្មុំ បានរៀបចំវគ្គបណ្តុះបណ្តាលស្តីពី ការបំពេញសំណុំឯកសារសម្រាប់ឆ្មប ក្រោមអធិបតីភាព លោកស្រីវេជ្ជ. អ៊ូ អង្គារ៉ា អនុប្រធានមន្ទីរសុខាភិបាលខេត្តក្នុងគោលបំណង ពង្រឹងសមត្ថភាពឆ្មប ផ្តល់សេវាប្រកបដោយគុណភាព ប្រសិទ្ធភាព ដើម្បីចូលរួមចំណែកក្នុងការកាត់បន្ថយមរណភាពមាតា និងទារកជុំវិញកំណើត និងការឆ្លើយតប។

ឆ្លៀតក្នុងឱកាសកម្មវិធីបើកវគ្គបណ្តុះបណ្តាល លោកស្រីវេជ្ជបណ្ឌិត អ៊ូ អង្គារ៉ា បានផ្តល់នូវអនុសាសន៍ ដ៏មានសារៈសំខាន់សម្រាប់ឆ្មបយកទៅអនុវត្តការងារឱ្យបានល្អ និងប្រកបដោយគុណភាពរួមមាន៖ (១) គាំទ្រឱ្យឆ្មបទាំងសេវាសាធារណៈ និងឯកជនចូលរួមបានច្រើនយ៉ាងហោចណាស់ ៨០% (២) ស្របតាមផែនទីបង្ហាញផ្លូវសម្រាប់ពន្លឿនកាត់បន្ថយអត្រាមរណៈភាព មាតា និងទារក ឆ្នាំ២០២៥-២០៣០ និងពិធីសារជាតិស្តីពីការពិនិត្យមរណៈភាពមាតា និងទារក ជុំវិញកំណើត និងការឆ្លើយតប។ ឆ្មបទាំងអស់ត្រូវដឹង និងអនុវត្តកែលម្អគុណភាពសេវា។

សូមជម្រាបវគ្គបណ្តុះបណ្តាលនេះមានការចូលរួមពីសមាគមថ្នាក់ជាតិ ប្រធានក្រុមប្រឹក្សាគណៈឆ្មបខេត្ត និងសមាជិកសមាគមឆ្មបមកពីមន្ទីរពេទ្យ មណ្ឌលសុខភាព និងសេវាឯកជនសរុបចំនួន ១១៥នាក់។