Dr. LIM Techheng,វេជ្ជ.ឯកទេស លឹម តិចហេង

19/11/2024

កូនពូជរបស់អ្នកម៉ាក់ លោកប៉ា 🥰💕
ការមើលអេកូ4D ទៅលើទារកក្នុងផ្ទៃដែលមានអាយុ27សប្តាហ៍

06/10/2024

The 2nd BDMS Advanced Minimally Invasive Gynecology Congress 2024

06/08/2024

☑️ ការមានផ្ទៃពោះគឺជារឿងមួយដែលសំខាន់ហើយក៏ជាសុភមង្គលមួយនៃជីវិតដូច្នេះស្ត្រីក៏ដូចជាគូស្វាមីគាត់តែងតែចង់ឱ្យកូនរបស់គាត់មានសុខភាពល្អ។អ្វីដែលសំខាន់ជាងនេះទៀតនោះគឺគាត់ចង់បានឃើញមុខរបស់កូនគាត់នៅក្នុងអំឡុងពេលពពោះ ដែរធ្វើឪ្យគាត់មានអារម្មណ៍សប្បាយចិត្តដែលបានឃើញមុខរបស់កូនគាត់។
☑️ នេះជារូបភាព 4D របស់មុខទារកនៅក្នុងផ្ទៃ ដែរមានអាយុ 27 សប្តាហ៍
☑️ អ្វីដែលគួរឲ្យចាប់អារម្មណ៍ទៅលើផ្ទៃមុខទារកនេះគឺទៅលើបបូរមាត់របស់គេដែលមានលក្ខណៈជារូបបេះដូងហើយស្រាប់ ❤️❤️😆😆

10/05/2024

https://youtu.be/_sflfdu34Nk?si=Tq528J6Z1_JDf93-

សួស្ដីអ្នកទាំងអស់គ្នាការពិភាក្សាទាំងអស់គ្នានៅក្នុងប្រធានបទនេះគ្រាន់តែជាការចែករំលែកចំណេះដឹងមូលដ្ឋានគ្...

10/05/2024

ការពិនិត្យអេកូផ្ទៃពោះ! 🤰

ការពិនិត្យអេកូសាស្ត្រ គឺជាវិធីសាស្ត្រមួយពុំមានផលប៉ះពាល់អ្វីឡើយដល់ទារកក្នុងផ្ទៃ និងអ្នកម្តាយ ទោះបីមានការពិនិត្យច្រើនដងក៏ដោយ។ ជាធម្មតាអ្នកម្តាយត្រូវពិនិត្យអេកូសាស្ត្រ អោយបាន ៥ដង (ឬច្រើនជាងនេះក្នុងករណីមិនមានបញ្ហាក្នុងពេលពពោះជាក់ស្តែង) ទៅតាមការណាត់ជួបរបស់វេជ្ជបណ្ឌិតជំនាញ។
ការពិនិត្យអេកូសាស្ត្រឲ្យបាន ៥ដងនេះគឺមានសារៈសំខាន់ទៅតាមអាយុ និងការវិវត្តន៍របស់ទារកក្នុងផ្ទៃ៖

1️⃣ លើកទី១ (នៅពេលបាត់រដូវ)៖
- តើកូនស្ថិតនៅក្នុង ឬនៅក្រៅស្បូន?
- ទារកកំពុងវិវត្តន៍ ឬឈប់វិវត្តន៍?
2️⃣ លើកទី២ (១២សប្តាហ៍ - ១៥សប្តាហ៍)៖
- តើកូនតែមួយ ឬភ្លោះ? (ភ្លោះអាច ២ ឬ ៣ ឬ ៤)
- ដើម្បីកំណត់ថ្ងៃបង្កកំណើត និងថ្ងៃគ្រប់ខែ
- វាស់កម្រាស់កញ្ចឹងកកូន (nuchal translucency) និងពិនិត្យរក trisomy 21 - 11 weeks for better evaluation
- ភាពមិនប្រក្រតីរបស់ទារក (malformation):
• សន្ទះទ្រូងចំហ (hernia diaphragmatic)
• ពោះវៀនចេញក្រៅ (Gastroschisis)
• ទារកអត់លលាដ៏ក្បាល (anencephalic)
- តើជាកូនពង (កូនដែលមិនមានរូបរាងជាទារក molar pregnancy) ឬកូនធម្មតា
- កំណត់ភេទកូន ស្រី ឬ ប្រុស
3️⃣ លើកទី៣ (២៣សប្តាហ៍ - ២៥សប្តាហ៍)៖
ជាអំឡុងពេលដែលអេកូសាស្ត្រមើលលម្អិត នូវគ្រប់សរីរាង្គរបស់ទារក:
- ខួរក្បាល (មានទឹកក្នុងខួរក្បាល។ល។)
- មុខ មាត់ ភ្នែក ច្រមុះ ត្រចៀក កន្លើត (មាត់ឆែប-ល-។)
- បេះដូង (បេះដូងប្រហោង-ល-)
- សួត ថ្លើម ក្រលៀន ក្រពះ ពោះវៀន ផ្លោកនោម (ពេញលក្ខណៈ។ល។)
- ឆ្អឹងខ្នង សន្ទះទ្រូង (hernia diaphragmatic)
- អវយវៈ (លើស ឬខ្វះ)
4️⃣ លើកទី៤ (៣៣សប្តាហ៍ - ៣៥សប្តាហ៍)៖
- ការលូតលាស់ និងសុខភាពទារក
- ទម្រង់ និងទម្ងន់កូន
- ទីតាំងរបស់សុក
- បរិមាណទឹកភ្លោះ
- បញ្ហាផ្សេងៗទៀតដែលអាចកើតមានចំពោះទារក
5️⃣ លើកទី៥ (ដល់ថ្ងៃកំណត់សម្រាលហើយ មិនឈឺពោះសម្រាល)៖
- តាមដានសុខភាពកូន (កូនខ្សោយ។ល។)
- តាមដានទឹកភ្លោះ (អស់ទឹកភ្លោះ ទឹកភ្លោះតិចពេក ច្រើនពេក។ល។)

“ ការពិនិត្យអេកូផ្ទៃពោះចំពោះស្ត្រីមានគភ៌ មានសារៈសំខាន់ណាស់ក្នុងការតាមដានការវិវត្តន៍សរីរាង្គ និងដឹងពីជំងឺផ្សេងៗរបស់ទារកដែលនៅក្នុងផ្ទៃ។

An ultrasound exam may be performed throughout pregnancy for the following medically-necessary reasons:
First Trimester:
* Confirm viable pregnancy
* Confirm heartbeat
* Measure the crown-rump length or gestational age
* Confirm molar or ectopic pregnancies
* Assess abnormal gestation
Second Trimester:
* Diagnose fetal malformation
* Weeks 13-14 for characteristics of potential Down syndrome
* Weeks 18-20 for congenital malformations
* Structural abnormalities
* Confirm multiples pregnancy
* Verify dates and growth
* Confirm intrauterine death
* Identify hydramnios or oligohydramnios – excessive or reduced levels of amniotic fluid
* Evaluation of fetal well-being
Third Trimester:
* Identify placental location
* Confirm intrauterine death
* Observe fetal presentation
* Observe fetal movements
* Identify uterine and pelvic abnormalities of the mother

*Copyright © 2023 American Pregnancy Association
* The safety of obstetrical ultrasound: a
review.
*ប្រភពៈ មន្ទីរពេទ្យកាល់ម៉ែត្រ

19/03/2024

ចំណេះដឹងមូលដ្ឋាននៃការវះកាត់ដោយចោះក្នុងផ្នែករោគស្រ្តី

អ្វីទៅជាការវះកាត់ដោយចោះ ?

ប្រភពរូបភាពពីមន្ទីរពេទ្យព្រះអង្គឌួង

11/03/2024

ជំងឺខ្វះគ្រាប់ឈាមក្រហមអំឡុងពេលពរពោះ?

ហើយការខ្វះគ្រាប់ឈាមក្រហមអំឡុងពេលពរពោះមានផលប៉ះពាល់ដល់ម្ដាយនិងកូនក្នុងផ្ទៃដូចម្ដេចខ្លះ ?

ជាទូទៅជំងឺខ្វះគ្រាប់ឈាមក្រហមឬក៏ខ្មែរយើងហៅថាស្តេកស្លាំងមានន័យថាបរិមាណគ្រាប់ឈាមក្រហមរបស់ស្ត្រីនោះមានបរិមាណថយចុះជាងអ្នកដ៍ទៃ។

WHO បានកំណត់និយមន័យ លើស្រ្តីមានផ្ទៃពោះដែលគាត់មានជំងឺខ្វះគ្រាប់ឈាមគឺនៅពេលដែលអេមូក្លូប៊ីនរបស់ស្ត្រីនោះតូចជាង Hb < 11g/dL ។

ហើយគ្រាប់ឈាមក្រហមមានតួនាទីក្នុងការដឹកនាំអុកស៊ីសែនសារធាតុចិញ្ចឹមក៏ដូចជារបបអាហារផ្សេងៗទៀតដែលមានតួនាទីក្នុងការឲ្យទារកនៅក្នុងផ្ទៃមានការលូតលាស់ល្អ។ដូច្នេះហើយបើសិនជាគ្រាប់ឈាមក្រហមរបស់យើងមានបរិមាណទាប នោះការដឹកនាំអុកស៊ីសែនក៏ដូចជាសារធាតុចិញ្ចឹម ផ្សេងៗទៀតមានការថយចុះ ធ្វើឲ្យមានការប៉ះពាល់ទៅលើការលូតលាស់របស់ទារកនៅក្នុងផ្ទៃ ដែលភាសាបច្ចេកទេសគេហៅថា
Fetal growth restriction

=> តើស្ត្រីពពោះចាប់ពីត្រីមាសទីប៉ុន្មានទៅដែលមានការប្រឈមក្នុងការមានជំងឺខ្វះគ្រាប់ឈាមក្រហម ?

ជំងឺខ្វះគ្រាប់ឈាមក្រហមអាចកើតឡើងទៅក្នុងស្ត្រីដែលគាត់មានផ្ទៃពោះចាប់ពីត្រីមាសទីមួយឡើងទៅ ប៉ុន្តែទៅតាមការសិក្សារបស់ WHO គេបានសិក្សាទៅឃើញថាស្ត្រីនៅមានផ្ទៃពោះក្នុងត្រីមាសទី 3 មានការប្រឈមក្នុងការខ្វះគ្រាន់ឈាមក្រហមច្រើនជាង ត្រីមាសទី 2 និង ទី1 ដោយសារនៅក្នុងត្រីមាសទី 3 ទារកក្នុងផ្ទៃកាន់តែមានការលូតលាស់ធំតម្រូវការកាន់តែកើនឡើងក៏ដូចជាសារធាតុចិញ្ចឹម អុកស៊ីសែនមានការកើនឡើង។

=> តើស្ត្រីមានផ្ទៃពោះដែលខ្វះគ្រាប់ឈាមក្រហមមានអាការៈដូចម្ដេចខ្លះ ?

ស្ត្រីដែលគាត់មានជំងឺខ្វះគ្រាប់ឈាមគាត់អាចមានអាការៈដូចជា ឈឺក្បាល ហត់ខុសធម្មតា ចង្វាក់បេះដូងដើរញាប់ មានការថប់ដង្ហើមក៏ដូចជាមានការស្ពឹកនៅចុងដៃចុងជើងហើយនិងមានអាការៈធីងធោងក៏ដូចជាមានការស្លេកស្លាំងជាដើម។

=> តើធ្វើដូចម្ដេចខ្លះដើម្បីការពារកុំឲ្យមានជំងឺខ្វះគ្រាប់ឈាមអំឡុងពេលមានផ្ទៃពោះ?

មានមូលហេតុជាច្រើនដែលធ្វើឲ្យមានបញ្ហាខ្វះគ្រាប់ឈាមក្រហមអំឡុងពេលពពោះប៉ុន្តែទៅតាមការសិក្សារបស់អ្នកវិទ្យាសាស្ត្រគេសង្កេតឃើញថាស្ត្រីដែលមានផ្ទៃពោះហើយគាត់មានការខ្វះគ្រាប់ឈាមក្រហម មូលហេតុចម្បងច្រើនជាងគេគឺមកពីខ្វះជាតិដែក ដូចនេះហើយយើងតែងតែឮការណែនាំឲ្យមានការលេបថ្នាំជាតិដែកអំឡុងពេលពពោះយ៉ាងតិចណាស់អោយបាន 90 គ្រាប់ ប៉ុន្តែក៏មានមូលហេតុផ្សេងៗទៀតដែរដែលធ្វើឲ្យមានការខ្វះគ្រាប់ឈាមក្រហម ដូចជាការខ្វះទៅលើវីតាមីន B9 ខ្វះទៅលើវីតាមីន B12 ក៏ដូចជាជំងឺគ្រាប់ឈាមពីកំណើតផ្សេងៗទៀតក៏ជាកត្តា និង មូលហេតុសំខាន់ផងដែរ ដូចនេះក្រៅពីថ្នំាជាតិដែក ស្រ្តីក៏ត្រូវញុំាទៅលើវីតាមីន B9 វីតាមីន B12 ក៏ដូចជាវីតាមីនជំនួយផ្សេងៗទៀតផងដែរមុនពេលពពោះនិងអំឡុងពេលពរពោះ។

ជាចុងក្រោយស្ត្រីគ្រប់រូបគប្បីត្រូវដឹងអំពីចំនួនគ្រាប់ឈាមក្រហមក៏ដូចជាបរិមាណគ្រាប់ឈាមក្រហមមុនពេលពពោះនិងអំឡុងពេលពរពោះ និង ត្រូវប្រឹក្សាជាមួយនឹងគ្រូពេទ្យឯកទេសដើម្បីឲ្យដឹងអំពីមូលហេតុនៃការខ្វះគ្រាប់ឈាមក្រហមក៏ដូចជាកំណត់ទៅលើការព្យាបាលឲ្យបានត្រឹមត្រូវ ។

រូបភាពពីWHO