15/05/2019
រោគសញ្ញាបង្ហាញពីជំងឺឫសដូងច្រមុះ
បើសិនជាលោកអ្នកពិនិត្យមើលក្នុងច្រមុះ ស្រាប់តែប្រទះឃើញមានសាច់ក្រហមមួយដុំរាងដូចជាតំណក់ទឹក ឬគ្រាប់ទំពាំងបាយជូរ ហើយមិនមានការឈឺចាប់អ្វីទាំងអស់នោះជាសញ្ញាដែលអាចបញ្ជាក់ថាជាជំងឺឫសដូងច្រមុះ ។
ជំងឺឫសដូងចម្រុះបើសិនជាវាមានលក្ខណៈតូច គឺមិនបង្ករោគសញ្ញាអ្វីទេ ប៉ុន្តែឫសដូងដែលធំ ឬច្រើនអាចបង្កការស្ទះផ្លូវដង្ហើមនៅច្រមុះ ឬនាំឱ្យមានបញ្ហាជាច្រើនដែលមិនអាចស្មានដល់ដូចជា៖
ឧស្សាហ៍ឈឺក្បាល ឬឈឺផ្នែកខាងក្រោមភ្នែក, ផ្តាសាយ, ងាយផ្តាសាយក្អក, វិលមុខ, តឹងច្រមុះ, ដកដង្ហើមថប់ៗ, ពិបាកដកដង្ហើម, ក្រហាយឆួល និងរមាស់ក្នុងច្រមុះ ។
ចំពោះមូលហេតុដែលបណ្តាលឱ្យកើតជំងឺនេះគឺអាចបណ្តាលមកពីកត្តាមួយចំនួដូចជា៖ រលាកច្រមុះ និងប្រហោងឆ្អឹងអមច្រមុះ, ការរលាកច្រមុះរុំារ៉ៃ, អាឡែកហ្ស៊ីច្រមុះ, វៀចឆ្អឹងច្រមុះ, ដុះសាច់ច្រមុះជាដើម, កើតមានជំងឺហឺត, ការប្រតិកម្មនឹងថ្នាំ ឬជំងឺប្រព័ន្ធភាពស៊ាំខុសប្រក្រតី ។ ជំងឺឫសដូងច្រមុះអាចកើតលើមនុស្សគ្រប់គ្នា ប៉ុន្តែគេឃើញមានជាញឹកញាប់លើមនុស្សពេញវ័យ។
