23/07/2025
Dynamogen ដែលខ្មែរយើងតែងចំណាំហៅថា កាល់ស្យូមជ័រ ហើយមនុស្សភាគច្រើនតែងតែយលើច្រឡំថានៅក្នុង Dynamogen មានផ្ទុកសារធាតុ កាល់ស្យូម ។ ហើយមនុស្សភាគច្រើនចូលចិត្តប្រើវា ដើម្បីបំប៉នកម្លាំង ក៏ដូចជាចង់ឲ្យគេងលក់ស្រួល និង ញាំុបាយបាន ។ តើនៅក្នុង Dynamogen មានសារធាតុអ្វីដែលអាចឲ្យវាមានប្រសិទ្ធភាពបែបនេះ តោះបើចង់ដឹងច្បាស់មកអានអត្ថបទនេះទាំងអស់គ្នា ។
បងប្អូនមួយចំនួន ហៅថ្នាំនេះថា Calcium ជ័រ ។ ហើយគិតថាវាជាថ្នាំប៉ូវកំលាំង ហើយល្អជាង Calcium ដបកែវធម្មតា ព្រោះវាមានតម្លៃថ្លៃជាង ។
វាគឺជាការយល់ខុសទាំងស្រុង ។ Calcium ជ័រដែលអ្នកទាំងអស់គ្នាទំលាប់ហៅនោះ វាគ្មានសារធាតុ Calcium នោះទេ ហើយក៏មិនមែនថ្នាំប៉ូវកម្លាំងដែរ ។
វាមានឈ្មោះពាណិច្ចកម្មថា Dynamogen មានសារធាតុ Cyproheptadine ដែលធ្វើអោយអ្នកប្រើប្រាស់ ងងុយគេង ហេវហត់អស់កម្លាំង គេងលក់ស្រួល ហូបបាយបានច្រើនជាងមុន ។ គេប្រើវាសម្រាប់អ្នកដែល គេងមិនលក់ ហូបបាយអត់សូវបាន ហើយចង់ឡើងគីឡូ តែប៉ុន្នោះ ។ ជាទូទៅគេប្រើវានៅពេលល្ងាច ។
ចំណែកឯ Calcium ដបកែវ គឺវាមានសារជាតិស្ករ និង calcium ផ្តល់ថាមពលដល់ខួរក្បាល និងធ្វើអោយការកន្រ្តាក់របស់សាច់ដុំ ដំណើរការបានល្អ ព្យាបាលរោគល្ហិតល្ហៃ អស់កម្លាំង ។ ជាទូទៅគេ ប្រើវានៅពេលព្រឹក ។
ចំណែកឯស្ត្រីមានផ្ទៃពោះ ពេទ្យណែនាំ អោយប្រើ Calcium ដបកែវ ដើម្បីជំនួយកម្លាំង និងសាច់ដុំ ។
ប៉ុន្តែអ្នកមានផ្ទៃពោះមិនត្រូវប្រើ Dynamogen (calcium ជ័រ) ជាដាច់ខាត ព្រោះវាអាចប៉ះពាល់ដល់ទារកក្នុងផ្ទៃ ។
តាមរយះការរៀបរាប់ខាងលើ យើងឃើញថា ផលិតផលទាំង២នេះមានលក្ខណៈព្យាបាលខុសគ្នាទាំងស្រុង ។ ដូចនេះសូមបងប្អូនឈប់យល់ច្រលំ ហើយសូមមេត្តាពិគ្រោះយោបល់ជាមួយ ឱសថការីមុននឹងសម្រេចចិត្តប្រើប្រាស់ឱសថណាមួយ ចៀសវាងការទិញថ្នាំប្រើប្រាស់ដោយខ្លួនឯងធ្វើអោយខុសនូវគោលបំណងនៃការព្យាបាល ខាតបង់ប្រាក់កាស ក៏ដូចជាប៉ះពាល់ដល់សុខភាព រយះពេលវែង ។
Dynamogen មានផ្ទុកសារធាតុពីរ
- Arginine Aspartate : ជាអាសីុតអាមីនេ ដែលធ្វើឲ្យអ្នកឆាប់មានកម្លាំង
- Cyproheptadine : ជាសារធាតុស្ថិតក្នុងក្រុម Anti-Histamine ដែលវាលទ្ធភាពជ្រៀបចូលទៅក្នុងខូរក្បាល ដែលជំរុញឲ្យអ្នកឃ្លានអាហារនិងងងុយគេងបាន ( Appetite stimulant and Sedative Effect)
Dynamogen ត្រូវបានគេប្រើប្រាស់ក្នុងគោលបំណងព្យាបាល ការបង្ការទុក នៅលក្ខ័ខណ្ឌខាងក្រោម
- សម្រាប់អត្តពលិកដែលហាត់ខ្លាំង
- សម្រាប់អ្នកបាត់បង់ចំណង់អាហារ
- សម្រាប់អ្នកញាំុអត់ឡើងគីឡូ
- សម្រាប់អ្នក Allergic ច្រមុះតាមរដូវកាល
ផលរំខាន
- ស្ងួតមាត់
- ល្វើយ ប្រសិនបើគាត់ញាំច្រើន
- វិលមុខ
- ពិបាកបត់ជើងធំ
ការប្រុងប្រយ័ត្ន
- ហាមប្រើប្រាស់សាធាតុមានផ្ទុក អាល់កុល
- ពិភាក្សាជាមួយវេជ្ជបណ្ឌិតប្រសិនបើអ្នកមានផ្ទៃពោះ
- ហាមញាំុអំឡុងពេលបំបៅដោះកូន
អន្តរកម្មឱសថ
- អាល់កុល
- ថ្នាំផ្សះ ( Aminoglycoside )
- ពពួកថ្នាំរំងាប់អារម្មណ៍
○ Barbiturates
○ Monamine Oxidase inhibitor
○ Sedatives
○ TCA anti-depressant
រៀបរាងដោយ : We-Pharm ( DNA )
ឯកសារយោង :
1. Dynamogen Oral Solution - Product - tabletwise.net [Internet]. TabletWise. 2021 [cited 2021 May 10]. Available from: https://www.tabletwise.net/nigeria/dynamogen-oral-solution
សូមអរគុណ
សូមចែករំលែក បើអ្នកយកចិត្តទុកដាក់នឹងសុខភាពប្រជាជនខ្មែរ ។
ប្រភព: ឱសថស្ថាន មហាសែនសុខ
