Cambodia Blood Service

31/12/2025

លិខិតជូនពរ ជូនចំពោះ ឯកឧត្ដមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល
ក្នុងឱកាសបុណ្យចូលឆ្នាំថ្មី ឆ្នាំសកល ២០២៦ សូមឯកឧត្តមសាស្ត្រាចារ្យ និងលោកជំទាវ ទទួលបាននូវ សុខភាពល្អបរិបូណ៍ កម្លាំងពលំមាំមួន ជន្មាយុយឺនយូរ ដើម្បីដឹកនាំវិសិ័យសុខាភិបាលឱ្យកាន់តែជោគជ័យបន្ថែមទៀត និងប្រកបដោយពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សូមគោរពជូនពរពី ខ្ញុំបាទវេជ្ជបណ្ឌិត សុខ ប៉ូ និងថ្នាក់ដឹកនាំ មន្ត្រីរាជការ ព្រមទាំងបុគ្គលិកទាំងអស់ នៃមជ្ឈមណ្ឌលជាតិផ្ដល់ឈាម🥰

30/12/2025

🙏🏻❤️🙏🏻

25/12/2025

ញត្តិថ្កោលទោស
សង្គ្រាមឈ្លានពានរបស់ថៃមកលើអធិបតេយ្យភាពនៃព្រះរាជាណាចក្រកម្ពុជា!

14/12/2025

14/12/2025

https://www.facebook.com/share/p/17YgL2S5jy/?mibextid=wwXIfr

12/12/2025

ក្រុមគ្រូពេទ្យនិងបុគ្គលិកនៃមន្ទីរពេទ្យទន្តសាស្ត្ររំចង់ ចំនួន70នាក់ រួមគ្នាស្ម័គ្រចិត្តបរិច្ចាគឈាមជូនមជ្ឈមណ្ឌលជាតិផ្តល់ឈាម ដេីម្បីជួយសង្គ្រោះវីរ:កងទព័ជួរមុខ និងប្រជាជនភៀសសឹកដែលត្រូវការឈាមជាចាំបាច់♥️🩸🩸🩸♥️

10/12/2025

🫡 🫂
សប្បុរសជនជាង ៣០០០ នាក់បានបរិច្ចាកឈាមនៅសាកលវិទ្យាល័យការពារជាតិបង្ហាញជំហររឹងមាំពីសមរភូមិក្រោយកម្ពុជា
Over 3,000 volunteers donated blood at the National Defense University, showcasing the unbreakable strength and unity of our Cambodian battleline.
-------------------------
(English Below)

ដើម្បីជាកម្លាំងចិត្ត និងជួយគាំទ្រដល់កងទ័ពជួរមុខដែលកំពុងតែប្រយុទ្ធនឹងសត្រូវឈ្លានពានសៀម និងជួយប្រជាជនជាជនរងគ្រោះនៅតាមបន្ទាត់ព្រំដែន សាកលវិទ្យាល័យការពារជាតិបានសហការណ៍ជាមួយសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងមជ្ឈមណ្ឌលជាតិផ្តល់ឈាមរៀបចំកម្មវិធីបរិច្ចាគឈាមដោយស្ម័គ្រចិត្តទ្រង់ទ្រាយធំមួយដោយមានសប្បុរសជនចូលរួមជាព្រះសង្ឃ ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ គ្រួសារកងទ័ព និងប្រជាពលរដ្ឋសរុបជាង ៣០០០ នាក់ នាថ្ងៃអង្គារ ទី៩ ខែធ្នូ ឆ្នាំ២០២៥ ចាប់ពីម៉ោង៨ព្រឹក ដល់ម៉ោង ៤ល្ងាច នៅសាកលវិទ្យាល័យការពារជាតិ។

សាកលវិទ្យាល័យការពារជាតិសូមថ្លែងអំណរគុណយ៉ាងជ្រាលជ្រៅបំផុតដល់សប្បុរសជនទាំងអស់ដែលបានចូលរួមក្នុងស្មារតីសាមគ្គីភាពជាតិខ្មែរក្នុងចំនួនដ៏ច្រើនកុះក ដែលជាមហាកម្លាំងចិត្តសម្រាប់បងប្អូនវរៈកងទ័ពដែលកំពុងប្រយុទ្ធតតាំងជាមួយសត្រូវឈ្លាពាននាពេលនេះ។

To support our frontline troops who are bravely fighting against the Siamese invaders and to help our compatriots affected along the border, the National Defense University, in cooperation with the Samdech Techo Youth Volunteer Doctors Association (TYDA) and the National Blood Center, organized a large-scale voluntary blood donation program on Tuesday, December 9, 2025. From 8:00 a.m. to 4:00 p.m., more than 3,000 volunteers, including monks, leaders, civil servants, armed forces, military families, and citizens, came together in unity to donate blood at the National Defense University.

The National Defense University would like to express its deepest gratitude to all volunteers. Your overwhelming participation and strong spirit of national solidarity have become a tremendous source of strength and encouragement for our military brothers and sisters who are courageously defending the nation.

សូមចូលតាមតំណភ្ជាប់ (Link) នេះទៅកាន់គេហទំព័រសាកលវិទ្យាល័យការពារជាតិ ៖ https://ndu.edu.kh/
Please visit the National Defence University’s website here: https://ndu.edu.kh/

#សាកលវិទ្យាល័យការពារជាតិ

10/12/2025

ញត្ដិថ្កោលទោស ចំពោះសង្រ្គាមឈ្លានពានរបស់ថៃមកលើអធិបតេយ្យកម្ពុជា

08/12/2025

សេចក្តីជូនដំណឹង

ដើម្បីជាកម្លាំងចិត្តជួយដល់កងទ័ពជួរមុខ និងប្រជាជននៅតាមព្រំដែន ក៏ដូចជាការរួមចំណែកក្នុងការថែរក្សាការពារបូរណភាពទឹកដីកម្ពុជាយើង ប្រយុទ្ធនឹងសត្រូវ សៀម សូមបងប្អូនទាំងអស់អាចរួមចំណែកតាមរយៈការបរិច្ចាគឈាមដោយស្ម័គ្រចិត្ត

សូមគោរពអញ្ជើញបងប្អូនប្រជាពលរដ្ឋ ដែលមានបំណងចូលរួមបរិច្ចាកឈាម ទាំងអស់គ្នា នាថ្ងៃអង្គារ ទី៩ ខែធ្នូ ឆ្នាំ២០២៥ ចាប់ពីម៉ោង៨ព្រឹក ដល់ម៉ោង ៤ល្ងាច។

ចំពោះ ទីតាំងសម្រាប់ធ្វើការបរិច្ចាគឈាមគឺ៖ សាកលវិទ្យាល័យការពារជាតិ (ស្ថិតក្នុងខណ្ឌឬស្សីកែវ ក្បែរស្ពានអាកាស ឬស្សីកែវ)

📍 https://maps.app.goo.gl/urtA4YtG7xW34jB26?g_st=ipc

សូមភ្ជាប់ជូនទីតាំង នៃសាកលវិទ្យាល័យការពារជាតិ

ទំនាក់ទំងលេខទូរស័ព្ទ
098 884 808
061 300 080

#សគយត #ហ៊ុនម៉ាណែត #ពេជចន្ទមុន្នី #កម្ពុជា

02/12/2025

លោកវេជ្ជបណ្ឌិត សុខ ប៉ូ​ ប្រធានមជ្ឈមណ្ឌលជាតិផ្ដល់ឈាម​បានដឹកនាំសហការី ព្រមទាំងមន្ត្រីរាជការ​ បុគ្គលិក​អញ្ជើញដាក់កម្រងផ្កាគោរពវិញ្ញាណក្ខន្ធ និងសូមចូលរួមរំលែកទុក្ខដ៏សែនក្រៀមក្រំបំផុតក្នុងក្តីសោកស្តាយ និងស្រណោះអាឡោះអាល័យឥតគណនាចំពោះមរណភាពរបស់ឯកឧត្តមសាស្រ្តាចារ្យ ហេង តៃគ្រី ដែលបានទទួលមរណភាព កាលពីវេលាម៉ោង ១២:១០នាទីរំលងអាធ្រាត្រ នៅថ្ងៃទី៣០ ខែវិច្ឆិកា ឆ្នាំ២០២៥ ក្នុងជន្មាយុ៧៧ឆ្នាំ ដោយរោគាពាធ។

មរណភាពរបស់ ឯកឧត្តមសាស្រ្តាចារ្យ ហេង តៃគ្រី គឺជាការបាត់បង់ឧត្តមស្វាមី ឪពុក ឪពុកក្មេក ជីតា និងគ្រូបាធ្យាយគំរូមួយរូប ប្រកបដោយព្រហ្មវិហារធម៌ សង្គហធម៌ ចំពោះកូនចៅ និងញាតិមិត្តជិតឆ្ងាយជាទីគោរពស្រឡាញ់ទាំងអស់។ លើសពីនេះទៅទៀត មរណភាពរបស់ឯកឧត្តមសាស្ត្រាចារ្យ គឺជាការបាត់បង់នូវបញ្ញាវ័ន្តដ៏មានតម្លៃរបស់វិស័យសុខាភិបាលក្នុងប្រទេសកម្ពុជា ក៏ដូចជាសាស្ត្រាចារ្យបង្ហាត់បង្រៀននិស្សិត ជាពិសេសគឺជាការបាត់បង់នូវអតីតថ្នាក់ដឹកនាំឆ្នើមមួយរូប ប្រកបដោយចក្ខុវិស័យច្បាស់លាស់ ប្រកបដោយបញ្ញាញាណ ឆន្ទៈមនសិការជាតិ គតិបណ្ឌិត និងបទពិសោធន៍ខ្ពស់ ព្រមទាំងបានតស៊ូពុះពារគ្រប់ឧបសគ្គ ដើម្បីលើកកម្ពស់សុខុមាលភាពប្រជាជន សម្រាប់ជាប្រយោជន៍ដ៏ឧត្តុង្គឧត្តមជូនជាតិមាតុភូមិ។

ក្នុងឱកាសប្រកបដោយសមានទុក្ខដ៏ក្រៀមក្រំនេះ ថ្នាក់ដឹកនាំ ព្រមទាំងមន្ត្រីរាជការ និងបុគ្គលិកទាំងអស់នៃមជ្ឈមណ្ឌលជាតិផ្ដល់ឈាម សូមចូលរួមរំលែកនូវមរណទុក្ខដោយក្តីស្រណោះ និងការអាឡោះអាល័យក្តុកក្តួលជាពន់ពេកជាមួយលោកជំទាវ ព្រមទាំងក្រុមគ្រួសារទាំងអស់ ដោយសេចក្តីសង្វេគជាទីបំផុត។

ពីថ្នាក់ដឹកនាំ មន្ត្រីរាជការ និងបុគ្គលិកទាំងអស់នៃមជ្ឈមណ្ឌលជាតិផ្ដល់ឈាម សូមឧទ្ទិសបួងសួងដល់ដួងវិញ្ញាណក្ខន្ធឯកឧត្តមសាស្រ្តាចារ្យ ហេង តៃគ្រី បានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ។

27/11/2025

សេចក្តីជូនដំណឹង ស្តីពីការជ្រើសរើសបុគ្គលិកជាប់កិច្ចសន្យា ចំនួន០២រូប។