22/05/2025
ឳពុកម្តាយនៅរស់!
ចាត់ទុកថា កូនក្មួយមានសំណាងហើយ ដែលនៅមានឳពុកម្តាយលោកនៅរស់ ដើម្បីឲ្យអ្នកបានគោរពប្រណិបត្ត។
សំណាងទីមួយ ៖ លោកអ្នកនឹងបានឃើញផ្ទាល់ភ្នែកថា ពេលខ្លួនឯងចាស់ទៅ វាដូចយ៉ាងនេះឯង។ អ្នកបានរៀនសូតអំពីវ័យចាស់ ពីជរា ពីរោគទាំងឡាយដែលយាយីខ្លួនយើងមិនលែងឡើយ។
សំណាងទី២ ៖ អ្នកគោរពប្រណិបត្តគាត់បែបណា កូនៗ អ្នកនឹងផ្តិតរូបភាពទាំងនេះ សម្រាប់ពួកវាធ្វើតាម ពេលខ្លួនយើងចាស់ទៅ។ ការគោរពប្រណិបត្តនេះ ពិតជាធ្វើសម្រាប់ខ្លួនយើងទេ។
ឃើញរបស់ល្អៗ អ្នកបបួលកូនថា យើងគិតទិញអីជូនកុង ជូនតា ជូនយាយ? កូនៗ អ្នកនឹងចងចាំ។
មុនជូនអ្វីដល់ឳពុកម្តាយ អ្នកគួរហៅកូនៗ របស់អ្នកមកជុំ ហើយបបួលពួកគេរួមគ្នាសំពះលើកជូនឳពុកម្តាយ នឹងទទួលពរ ពីគាត់។ កុំលេងសើចនឹងរឿងនេះ ពិតជាអ្នកធ្វើសម្រាប់ខ្លួនអ្នកពេលចាស់។
