17/01/2024
#រោគសញ្ញានៃជំងឺមហារីកកូនកណ្តុរ
រោគសញ្ញាចម្បងៗនៃជំងឺនេះមហារីកកូនកណ្តុរ មានដូចជា ការហើមកូនកណ្តុរនៅក នៅក្រោមក្លៀក ឬនៅក្រលៀន ឬដំបៅ ស្នាមក្រហមចំឡែកៗលើស្បែក។
រោគសញ្ញាផ្សេងទៀតរួមផ្សំមាន
• ក្តៅខ្លួន
• បែកញើសពេលយប់
• អស់កម្លាំងខ្លាំង
• ស្រកទម្ងន់ដោយមិនមានមូលហេតុ ។ល។
ការធ្វើរោគវិនិច្ឆ័យនៃជំងឺមហារីកកូនកណ្តុរ
• ការវះយកកូនកណ្តុរ ១ ឬផ្នែកណាមួយដែលសង្សយ័ថាមានជំងឺនេះ យកទៅវិភាគនៅមន្ទីរពិសោធន៍ រកមេរោគមហារីក។
ការវិភាគរកមើលហ៊្សែន ដោយបច្ចេកវិទ្យាថ្មី អាចអោយយើងស្គាល់ប្រភេទកោសិកាមហារីកកាន់តែច្បាស់លាស់។
• ការធ្វើតេស្តឈាម និងតេស្តពិសេសហៅថា Flow cytometry (ដើម្បីតំរៀបនិងកំណត់ប្រភេទផ្សេងគ្នានៃកោសិកានៅក្នុងឈាមរួមទាំងកោសិកាមហារីកកូនកណ្តុរ)។
• ការបូមខួរឆ្អឹង ពិនិត្យរកមេរោគមហារីក កូនកណ្តុរ។
• ការថត CT ស្កេន ឬថត MRI នៅទ្រូងនិងពោះ ឬ ការថតដោយប្រព័ន្ធបំភាយ positron ពិសេសហៅថា PET Scan ទាំងនេះគឺដើម្បីកំណត់ដំណាក់កាលនៃមហារីកកូនកណ្តុរ (ដំណាក់កាលទី១-៤)។
ប្រសិនបើមានការសង្ស័យលើរោគសញ្ញានៃជំងឺមហារីកកូនកណ្តុរ លោកអ្នកអាចមកទទួលសេវាប្រឹក្សា និងធ្វើរោគវិនិច្ឆ័យជាមួយវេជ្ជបណ្ឌិតឯកទេសឲ្យបានត្រឹមត្រូវ។
#វេជ្ជបណ្ឌិតឯកទេសជំងឺមហារីកនិងជំងឺគ្រាប់ឈាម
ទំនាក់ទំនងណាត់ជួបវេជ្ជបណ្ឌិតឯកទេស
Telegram: 011 477 806 / 011 477 608
