07/07/2025
យើងធ្លាប់ឮញឹកញាប់អំពីជំងឺគ្រុនឈាម ចំណែកជំងឺគ្រុនឈីកវិញមិនសូវកើតមានប៉ុន្មានទេ តែតាមពិតទៅ ជំងឺទាំង២នេះបង្កឡើងដោយមូសខ្លាញីខាំដូចគ្នា។ តើជំងឺទាំង២នេះ មានចំណុចដូចគ្នាត្រង់ណាខ្លះ? ហើយមួយណាធ្ងន់ធ្ងរជាង?
1️⃣ជំងឺគ្រុនឈាម
👉ជំងឺគ្រុនឈាមបណ្តាលពីវីរុសគ្រុនឈាម ដែលចម្លងតាមមូសខ្លាញីខាំ ហើយចម្លងពីមនុស្សម្នាក់ទៅមនុស្សម្នាក់ទៀត។ គ្រុនឈាមមាន ៤ប្រភេទ និងអាចកើតលើមនុស្សគ្រប់វ័យ តែកុមារកើតញឹកញាប់ជាងគេ។ គ្រុនឈាមភាគច្រើនជាប្រភេទស្រាល តែបើជាប្រភេទធ្ងន់ អាចបះពាល់ដល់ជីវិត ជាពិសេសដែលទទួលការព្យាបាលមិនត្រឹមត្រូវ ការប្រើថ្នាំអាស្ពីរីនដើម្បីព្យាបាល ឬក៏មានការយឺតយ៉ាវបញ្ជូនអ្នកជំងឺទៅព្យាបាល។
👉រោគសញ្ញាជំងឺគ្រុនឈាមមាន៖
– ក្តៅខ្លួនពី ៣៩-៤០ អង្សារសេ
– មុខក្រហម
– ឈឺក្បាល ឈឺប្រឡង់ភ្នែកចាក់ទៅក្រោយ
– ចង់ក្អួត ឬក្អួត
– ឈឺពោះ
– ឈឺសាច់ដុំ និងសន្លាក់ដៃជើង
– មានស្នាមអុចៗក្រហមលើស្បែក
– ហូរឈាមតាមអញ្ចាញធ្មេញជាដើម។
2️⃣ជំងឺគ្រុនឈីក
👉ជំងឺគ្រុនឈីកបង្កដោយវីរុសឈីក ឬ Chikungunya បណ្ដាលមកពីមូសខ្លាញីខាំ ជាពិសេសនៅពេលថ្ងៃ ហើយអាចកើតមានចំពោះមនុស្សគ្រប់វ័យ ទាំងក្មេង ទាំងចាស់។ ជំងឺគ្រុនឈីកអាចឆ្លងរាលដាលពីគ្រួសារមួយទៅគ្រួសារមួយ ពីភូមិមួយទៅភូមិមួយ ពីឃុំមួយទៅឃុំមួយ តាមរយៈមូសខ្លាដែលចល័តពីកន្លែងមួយទៅកន្លែងមួយ។ ជំងឺគ្រុនឈីកមានរោគសញ្ញាសំខាន់៣យ៉ាង ហើយជំងឺនេះមិនបណ្តាលឲ្យអ្នកជំងឺស្លាប់នោះទេ លើកលែងតែវាកើតរួមគ្នាជាមួយជំងឺផ្សេងៗ ដូចជាជំងឺគ្រុនឈាម គ្រុនចាញ់ ឬជំងឺរលាកស្រោមខួរជាដើម។
👉រោគសញ្ញាទាំងនោះរួមមាន៖
– គ្រុនក្តៅ ៣-៤ ថ្ងៃ
– ឈឺសន្លាក់ឆ្អឹងឆ្អែង
– មានស្នាមកន្ទួល ឬក្រហមលើស្បែក ដូចកើតស្អូច ឬកញ្រឹល។
👉👉👉ជំងឺទាំង២នេះមានរោគសញ្ញាមួយចំនួនស្រដៀងគ្នា គឺក្តៅខ្លួន ចេញកន្ទួល ឬអុចក្រហមលើស្បែក ហើយបើប្រៀបធៀបរវាងជំងឺទាំង២នេះ ជំងឺគ្រុនឈាមមានលក្ខណៈធ្ងន់ធ្ងរជាងគ្រុនឈីក។
🙏🙏🙏ប្រសិនបេីពុកម៉ែបងប្អូនសង្ស័យ ឬមានរោគសញ្ញាខាងលេី សូមអញ្ចេីញមកពិគ្រោះជាមួយវេជ្ជបណ្ឌិតយេីងខ្ញុំ ដេីម្បីទទួលបានការព្យាបាលត្រឹមត្រូវ ទាន់ពេលវេលា និងមានប្រសិទ្ធភាព។ ទីតាំងខាងជេីងផ្សារលួស Tel: 077 77 92 76/060 93 36 93.
