Siem Reap Provincial Referral Hospital-មន្ទីរពេទ្យបង្អែកខេត្តសៀមរាប

18/10/2025

សេចក្តីជូនដំណឹង មន្ទីរពេទ្យបង្អែកខេត្តសៀមរាប និងមានកម្មវិធីពិគ្រោះយោបល់ និងពិនិត្យព្យាបាលតាមវេជ្ជសាស្ត្របុរាណចិន(TCM)ដោយឥតគិតថ្លៃ 🇰🇭🇨🇳
🗓 ថ្ងៃ:សៅរ៍ ទី២៥ ខែតុលា ឆ្នាំ២០២៥
🕘 វេលាម៉ោង: ៩:០០នាទី–១១:០០ព្រឹក និង១:៣០នាទីរសៀល–៤:៣០នាទីល្ងាច
📍ទីតាំង: មន្ទីរពេទ្យបង្អែកខេត្តសៀមរាប
📖កម្មវិធីពិនិត្យ និងព្យាបាលដោយឥតគិតថ្លៃដោយក្រុមគ្រូពេទ្យជំនាញវេជ្ជសាស្ត្របុរាណចិន(TCM) 👩‍⚕️👨‍⚕️ដែលអញ្ជើញមកពីប្រទេសចិន(Ya’an Polytechnic College) និងមន្ទីរពេទ្យមិត្តភាពកម្ពុជា–ចិនព្រះកុសម សហការណ៍ជាមួយនឹងក្រុមគ្រូពេទ្យជំនាញរបស់មន្ទីរពេទ្យបង្អែកខេត្តសៀមរាប។
👌ការព្យាបាលតាមបែបវេជ្ជសាស្ត្របុរាណចិន(Traditional Chinese Medicine–TCM) ជាវិធីព្យាបាលសុខភាពតាមរយៈ៖
🌿 ការចាក់ម្ជុល (Acupuncture)
🌿 ការម៉ាស្សាបែបចិន
🌿 ការជប់ខ្យល់ និងវិធីសាស្ត្រផ្សេងៗទៀត
🤝វិសាលភាពនៃការធ្វើរោគវិនិច្ឆ័យ និងការព្យាបាលរួមមាន៖
✅ អ្នកជំងឺឈឺចាប់ និងសម្ពាធឈាមខ្ពស់
✅ អ្នកមានបញ្ហាប្រព័ន្ធរំលាយអាហារ និងរោគពោះវៀន
✅ អ្នកមានបញ្ហាដំណេក ឬគេងមិនលក់ជាប្រចាំ
✅ អ្នកមានបញ្ហាស្បែក
✅ អ្នកមានឈឺចង្កេះ ឈឺដៃ ឈឺជើង ឬឈឺទូទាំងខ្លួន
✅ អ្នកមានឈឺសន្លាក់ ឈឺក្បាលជាប្រចាំ
✅ អ្នកមានរោគប្រគ្រីវ
✅ អ្នកជំងឺរោគស្រ្តី រដូវមិនទៀង ឈឺពោះពេលមានរដូវ បាត់រដូវ និងបញ្ហាផ្សេងៗទៀត។
សូមអញ្ជើញលោក លោកស្រី ពុក ម៉ែ បង ប្អូនសាធារណៈជនទាំងអស់ មកទទួលសេវាពិនិត្យព្យាបាល និងពិគ្រោះដោយឥតគិតថ្លៃ តាមកាលបរិច្ឆេទ និងពេលវេលាដូចបានរៀបរាប់ខាងលើ។
សូមអរគុណ🙏។

18/10/2025

មន្ទីរពេទ្យបង្អែកខេត្តសៀមរាប សូមជម្រាបជូនលោកគ្រូ អ្នកគ្រូ បុគ្គលិក មន្ត្រីរាជការ ពុក ម៉ែ បង ប្អូន សាធារណៈជនទាំងអស់មេត្តាជ្រាបថា
✍️ដោយយោងលើភាពចាំបាច់ ក្រុមការងារការដ្ឋានសាងសង់អគារជំងឺបេះដូង ត្រូវជីកកាយដីដាក់ខ្សែភ្លើងភ្ជាប់ចរន្តអគ្គិសនី ពីបង្គោលធំ ទៅអគារបេះដូងកាត់ក្លោងទ្វារធំរបស់មន្ទីរពេទ្យ.
👉ដូចនេះសម្រាប់ថ្ងៃអាទិត្យ ទី១៩ ខែតុលា ឆ្នាំ២០២៥ ចាប់ពីម៉ោង៧:០០នាទីព្រឹក ដល់ម៉ោង៦:០០នាទីល្ងាចស្អែកនេះ សូមចូលរថយន្តតាមច្រកទ្វារជាប់អគារសម្ភព និងរោគស្រ្តី មួយថ្ងៃ។
👌ចាប់ពីថ្ងៃចន្ទ ទី២០ ខែតុលា ឆ្នាំ២០២៥ ដំណើរការក្លោងទ្វាធំដូចធម្មតាវិញ។
🤝អាស្រ័យដូចបានជម្រាបជូនដូចខាងលើនេះ សូមលោក លោកស្រី បុគ្គលិក មន្ត្រីរាជការ ពុក ម៉ែ បង ប្អូន សាធារណៈជនទាំងអស់មេត្តាជ្រាប។
សូមអរគុណ🙏។

15/10/2025

14/10/2025

ខួបលើកទី១៣ ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ " ព្រះបរមរតនកោដ្ឋ "

១៥ តុលា ២០១២ - ១៥ តុលា ២០២៥

11/10/2025

ថ្នាក់ដឹកនាំ​ និងមន្រ្តីរាជការ​ បុគ្គលិកនៃក្រសួងសុខាភិបាល​ សូមប្រកាសថ្កោលទោសយ៉ាងខ្លាំងក្លាចំពោះទង្វេីវាយប្រហារ​ និងគ្មា​នការគោរព​ ប្រព្រឹត្តមកលេី​ សម្ដេចអគ្គមហាសេនាបតីតេជោ​ ហ៊ុន​ សែន​ ប្រធានព្រឹទ្ធសភា​ និងឥស្សរជនកម្ពុជាផ្សេងទៀតនាពេលថ្មីៗនេះ។

10/10/2025

10/10/2025

អបអរសារទរទិវាសុខភាពផ្លូវចិត្តពិភពលោក ថ្ងៃទី១០ ខែតុលា ឆ្នាំ២០២៥ ក្រោមប្រធានបទ «សុខភាពផ្លូវចិត្ត ក្នុងគ្រោះអាសន្នមនុស្សធម៌ (Mental Health in Humanitarian Emergencies)»

08/10/2025

The Ministry of Health categorically rejects the false information circulated by some media and on social media alleging that “a Thai chef died after a local hospital refused to treat him.”

This claim is entirely baseless and misleading. The Ministry warns that the spread of such misinformation seriously harms the reputation of Cambodia’s health institutions and professionals.

08/10/2025

ក្រសួងសុខាភិបាល «ច្រានចោល ព័ត៌មានមិនពិត» ដែលបានផ្សព្វផ្សាយដោយសារព័ត៌មាន និងបណ្តាញសង្គមនានា ដោយបានលើកឡើងថា “ចុងភៅជនជាតិថៃបានស្លាប់ ក្រោយពីមន្ទីរពេទ្យក្នុងស្រុកមិនព្រមទទួលព្យាបាល”

07/10/2025

សូមអនុមោទនា ពិធីបុណ្យចេញព្រះវស្សា
ថ្ងៃអង្គារ ១៥កើត ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែតុលា ឆ្នាំ២០២៥

27/09/2025

ថ្ងៃនេះមានការរំលោភលើបទឈប់បាញ់ដោយប្រើកាំភ្លើងត្បាល់ និងកាំភ្លើងយន្ត។ នាយករដ្ឋមន្ត្រី ហ៊ុន ម៉ាណែត និងខ្ញុំបានកោះប្រជុំបន្ទាន់ តាមអនឡាញណែនាំឱ្យកងទ័ពអត់ធ្មត់មិនតបត។

ក្រោយស្ងាត់កាំភ្លើងភាគីទាំងសងខាងចោទគ្នាទៅវិញទៅមកថា បានរំលោភលើបទឈប់បាញ់។ ភាគីទាំងសងខាងសុទ្ធតែបានប្តឹងទៅក្រុមអ្នកសង្កេតការណ៍ (IOT) ជាពិសេសកម្ពុជាបានសុំយ៉ាងទទូចដើម្បីឱ្យក្រុម IOT ចុះទៅពិនិត្យផ្ទាល់។

ដើម្បីធានាសុចរិតភាព តម្លាភាព អព្យាក្រឹតភាព និងភាពជឿទុកចិត្តបាន ខ្ញុំសូមជូនយោបល់ទៅថ្នាក់ដឹកនាំកងទ័ពម៉ាឡេស៊ី​ ដែលជាប្រធាន និងសមាជិក មកពីបណ្តាប្រទេសអាស៊ាននៃក្រុម IOT ធ្វើនូវកិច្ចការពីរ៖

១. ធ្វើកោសល្យវិច័យគ្រាប់ ព្រោះប្រទេសទាំងពីរមានប្រើគ្រាប់ខុសគ្នា។
២. ជាចំណុចសំខាន់គឺចុះពិនិត្យដល់ទីតាំងគ្រាប់ធ្លាក់ គេនឹងអាចដឹងបានថាគ្រាប់ចេញពីទិសដៅណា? បាញ់ពីកម្ពុជាទៅថៃ ឬបាញ់ពីថៃមកកម្ពុជា? គេមិនអាចទៅបង្វិលរណ្តៅគ្រាប់បានទេ។

សូមកងទ័ពកម្ពុជារក្សាទុករណ្តៅគ្រាប់ឱ្យបានល្អ និងជួយបង្កលក្ខណៈឱ្យអ្នកសង្កេតការ IOT បានធ្វើកោសល្យវិច័យគ្រាប់ និងពិនិត្យរណ្តៅគ្រាប់ឱ្យបានត្រឹមត្រូវ និងច្បាស់លាស់។ ខ្ញុំសង្ឃឹមថា ភាគីថៃនឹងបង្ហាញនូវកាយវិការដូចគ្នា។ មាសសុទ្ធមិនខ្លាចភ្លើង ការបដិសេធណាមួយចំពោះការត្រួតពិនិត្យដោយអ្នកសង្កេតការណ៍ IOT មានន័យថា ខ្លួនជាអ្នកបាញ់រាប់ទាំងកម្ពុជា និងថៃ៕

Today, a ceasefire violation occurred involving the use of mortars and machine guns. Prime Minister Hun Manet and I convened an emergency online meeting, instructing our armed forces to exercise restraint and refrain from retaliation.

After the gunfire subsided, both sides accused each other of violating the ceasefire. Each party filed complaints to the Interim Observer Team (IOT), with Cambodia in particular making an urgent request for the IOT to conduct an on-site investigation.

To ensure integrity, transparency, neutrality, and credibility, I have submitted a proposal to the leadership of the Malaysian military, who currently chairs the ASEAN-member-led IOT team, to undertake two critical tasks:

1. Conduct ballistic forensics, as both countries use different types of ammunition.
2. Most importantly, inspect the sites where the shells landed to determine the origin and direction of fire whether it came from Cambodia towards Thailand or vice versa. Shell trajectories cannot be manipulated after impact.

Cambodian forces are properly preserving shell craters and creating favorable conditions for IOT observers to perform accurate forensic analysis and inspections. I hope the Thai side will demonstrate the same level of cooperation. Just as pure gold does not fear fire, any refusal to allow inspections by IOT observers would imply guilt on either side, Cambodia or Thailand.

26/09/2025

នៅសៀលថ្ងៃសុក្រ ទី26 ខែកញ្ញា ឆ្នាំ2025 មន្ទីរពេទ្យបង្អែកខេត្តសៀមរាប បានប្រារព្ធធ្វើពិធីអបអរសាទរ ទិវាសុវត្ថិភាពអ្នកជំងឺពិភពលោក ឆ្នាំ2025 ក្រោមប្រធានបទ "ការថែទាំដោយសុវត្ថិភាពសម្រាប់ទារកទើបនឹងកើត និងកុមារគ្រប់រូប" (self care for every newborn and every child ).ក្រោមអធិបតីភាពដ៏ខ្ពង់ខ្ពស់ ឯកឧត្តវេជ្ជបណ្ឌិត ក្រុស សារ៉ាត់ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាល នៃរដ្ឋបាលខេត្តសៀមរាប ដោយមានការអញ្ជើញចូលរួម លោកសាស្រ្តាជំនួយ កុយ វីរីយ៉ា អនុប្រធាននាយកដ្ឋានមន្ទីរពេទ្យ នៃក្រសួងសុខាភិបាល លោកសាស្ត្រាចារ្យជំនួយ ប៉ែន ផលគុណ ប្រធានមន្ទីរពេទ្យ និងលោកស្រី ប្រាក់ ម៉ានីឡា JCI Presidential Fellow ព្រមទាំងលោក លោកស្រី ដែលជាថ្នាក់ដឹកនាំមន្ទីរពេទ្យ នាយផ្នែក នាយផ្នែករង នាយអគារ នាយអគាររង តំណាងក្រុមការងារនីមួយៗក្នុងមន្ទីរពេទ្យ រួមទាំងបងប្អូនអ្នកកំដរអ្នកជំងឺ ចូលរួមសរុបប្រមាណជា140រូប។
ដែលកម្មវិធីអបអរសាទរនេះប្រារព្ធធ្វើឡើងក្នុងគោលបំណង :
1. បង្កើនការយល់ដឹងអំពីសុវត្ថិភាពអ្នកជំងឺដល់បុគ្គលិក និងតំណាងអ្នកជំងឺ។
2. បង្ហាញពីគំនិតផ្ដួចផ្ដើមនៃមាគ៌ាសុវត្ថិភាពអ្នកជំងឺអនុវត្តនៅក្នុងមន្ទីរពេទ្យខេត្ត។
3. លើកកម្ពស់ការយល់ដឹងជាសកល អំពីហានិភ័យ សុវត្ថិភាពអ្នកជំងឺ ក្នុងការថែទាំទារក និងកុមារ នៅក្នុងផ្នែកនានានៃមន្ទីរពេទ្យខេត្ត ដោយសង្កត់ធ្ងន់លើតម្រូវការជាក់លាក់របស់ទារក កុមារ ក្រុមគ្រួសារ និងអ្នកថែទាំរបស់ពួកគេ។
4. ចែករំលែកបទពិសោធន៍ក្នុងការព្យាបាល និងថែទាំទារកប្រកបដោយសុវត្ថិភាព។
5. ផ្ដល់ការគាំទ្រដល់អ្នកថែទាំ និងក្រុមគ្រួសារ អំពីសុវត្ថិភាពអ្នកជំងឺ ដោយការលើកកម្ពស់ការអប់រំ ការយល់ដឹង និងការចូលរួមយ៉ាងសកម្មក្នុងការថែទាំ។