មណ្ឌលសុខភាពអូរតាសេក/Otasek Health Center

30/12/2025

ក្នុងឱកាសចូលឆ្នាំថ្មី ឆ្នាំសកល២០២៦ខាងមុខនេះ
ខ្ញុំបាទប្រធាន និងមន្រ្តីរបស់មណ្ឌលសុខភាពអូរតាសេក សូមគោរពជូនលោកជំទាវ លឹម សាមាន ប្រធានមន្ទីរសុខាភិបាលនៃរដ្ឋបាលខេត្តព្រះសីនុ ព្រមទាំងថ្នាក់ដឹកនាំ នឹងមន្រ្តីទាំងអស់នៃមន្ទីរសុខាភិបាល សូមទទួលបាននូវសុខភាពល្អបរិបូរណ៍ ប្រជ្ញាឈ្លាសវៃ អាយុយឺនយូរ ជោគជ័យរាល់ភារៈកិច្ច ព្រមទាំងទទួលបាននូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើង!!
សូមអរគុណ🙏🙏🙏

15/12/2025

សេចក្តីជូនដំណឹង
មណ្ឌលសុខភាពអូរតាសេក មានកិត្តិយស សូមជំរាបជូនដំណឹងអោយបានជ្រាបថា: ប្រសិនបើបងប្អូនជនភៀសសឹក មានបញ្ហាសុខភាព រឺមានតម្រូវការសេវាបង្ការ ផ្សេងៗ សូមអញ្ជើញ មកមណ្ឌលសុខភាពអូរតាសេក មណ្ឌលសុខភាព នឹងផ្តល់ជូនការពិនិត្យសុខភាព បឋម និងសេវាបង្ការផ្សេងៗជូន បងប្អូនដោយឥតគិតថ្លៃ។
អាស្រ័យហេតុនេះសូមបងប្អូនជនភាសសិកទាំងអស់ជ្រាបជាដំណឹង។
អាស័យដ្ឋានក្រុម21 ភូមិ1 ឃុំទំនប់រលក ស្រុកស្ទឹងហាវ ខេត្តព្រះសីហនុ

11/10/2025

សេចក្ដីជូនដំណឹង
ដេីម្បីចូលរួមអបអរសាទរទិវាសុខភាពភ្នែកពិភពលោក​ឆ្នាំ២០២៥​ ក្រោមប្រធានបទ "ស្រលាញ់ភ្នែករបស់អ្នក" មន្ទីរសុខាភិបាលខេត្តព្រះសីហនុ​ សូមអញ្ជេីញប្រជាពលដ្ឋទាំងអស់ដែលមានបញ្ហាភ្នែក​ មកពិនិត្យ​ ព្យាបាល​ និងវះកាត់ជំងឺបាយភ្នែក​ ភ្នែកកន្ទុយថ្លែន​ និងជំងឺភ្នែកផ្សេងៗទៀតដោយ​ ឥតគិតថ្លៃ​ ចាប់ពីថ្ងៃទី​ ១៣​ ដល់​ ១៤​ ខែតុលា​ ឆ្នាំ២០២៥​ នៅមន្ទីរពេទ្យបង្អែកខេត្តព្រះសីហនុ​ (ហៅពេទ្យចំការចេក)​។
សូមអរគុណ

04/10/2025

🏨មណ្ឌលសុខភាពអូរតាសេក
📣 សូមគោរពជម្រាបជូនដំណឹងដល់ ឯកឧត្តម-លោកជំទាវ លោក-លោកស្រី បងប្អូនប្រជាពលរដ្ឋ មន្រ្តីរាជការ ទាំងអស់អោយបានជ្រាបថា ៖
👉ពេលមកប្រើប្រាស់សេវាសុខាភិបាលនៅមណ្ឌលសុខភាព សូមភ្ជាប់មកជាមួយនូវ៖
១.អត្តសញ្ញាណប័ណ្ណ ឬ សំបុត្រកំណើត
២.ប័ណ្ណសុខភាពកុមារ (ប័ណ្ណលឿង)
៣.ប័ណ្ណសមធម៌ ឬ ប័ណ្ណគ្រួសាងាយរងហានិភ័យ
៤.ប័ណ្ណ ប.ស.ស
៥.លេខទូរស័ព្ទសំរាប់ទំនាក់ទំនង
❤️️កុំបីខាន
👉ចាប់ពីថ្ងៃទី០១ ខែតុលា ឆ្នាំ២០២៥ នេះតទៅ ។
សូមអរគុណ!

10/08/2025

16/07/2025

សេចក្តីជូនដំណឹងស្តីពីការពិនិត្យ និងព្យាបាលជំងឺភ្នែក
—————
សូមអញ្ជើញប្រជាពលរដ្ឋទាំងអស់ដែលមានបញ្ហាភ្នែក មកពិនិត្យ ព្យាបាល និងវះកាត់ជំងឺបាយភ្នែក ភ្នែកកន្ទុយថ្លែននិងជំងឺភ្នែកផ្សេងៗទៀតដោយ ឥតគិតថ្លៃ ចាប់ពីថ្ងៃទី២១ ដល់ ២៣ ខែ កក្កដា ឆ្នាំ២០២៥ ពេលព្រឹកចាប់ពីម៉ោង ៨ព្រឹក ដល់ម៉ោង ១១ព្រឹក និងពេលរសៀលចាប់ពីម៉ោង ២ ដល់ម៉ោង ៥ ល្ងាច នៅអគារចក្ខុរោគនៃមន្ទីរពេទ្យបង្អែកខេត្តព្រះសីហនុ (ហៅពេទ្យចំការចេក)

13/07/2025

មណ្ឌលសុខភាពអូរតាសេក សូមជំរាបជូនដំណឹង ដល់ពុកម៉ែបងប្អូនប្រជាពលរដ្ឋទាំងអស់ជាពិសេសបងប្អូនដែលមានបញ្ហាសុខភាពភ្នែកថាក្រុមគ្រូពេទ្យភ្នែកនៃមន្ទីរសុខាភិបាលខេត្តព្រះសីហនុ នឹងចុះមកពិនិត្យ និងព្យាបាលជំងឺភ្នែកដោយឥតគិតថ្លៃ: ទីតាំង មណ្ឌលសុខភាពអូរតាសេក/Otasek Health Center
ពេលវេលា: ថ្ងៃទី15 ខែកក្កដា ឆ្នាំ2025 ចាប់ពីម៉ោង8ព្រឹក ដល់ម៉ោង11ព្រឹក
សូមអរគុណ!!
#រដ្ឋាបាលខេត្តព្រះសីហនុ #មន្ទីរសុខាភិបាលខេត្តព្រះសីហនុ #រដ្ឋាបាលស្រុកស្ទឹងហាវ #រដ្ឋបាលឃុំទំនប់រលក

09/07/2025

30/06/2025

29/06/2025

គ្រុនឈីក និងគ្រុនឈាម ខុសគ្នាម៉េចខ្លះ? មួយណាធ្ងន់ធ្ងរជាង?

យើង​ធ្លាប់​ឮ​ញឹក​ញាប់​អំពី​ជំងឺ​គ្រុនឈាម ចំណែក​ជំងឺ​គ្រុន​ឈីក​វិញ​មិន​សូវ​កើត​មាន​ប៉ុន្មាន​ទេ តែ​តាម​ពិត​ទៅ ជំងឺ​ទាំង​២​នេះ​បង្ក​ឡើង​ដោយ​មូស​ខ្លា​ញី​ខាំ​ដូច​គ្នា។ តើ​ជំងឺ​ទាំង​២​នេះ មាន​ចំណុច​ដូចគ្នា​ត្រង់​ណា​ខ្លះ? ហើយ​មួយ​ណា​ធ្ងន់ធ្ងរ​ជាង?

១. ជំងឺ​គ្រុន​ឈាម

ជំងឺ​គ្រុនឈាម​បណ្តាល​ពី​វីរុស​គ្រុនឈាម ដែល​ចម្លង​តាម​មូស​ខ្លា​ញី​ខាំ ហើយចម្លងពីមនុស្សម្នាក់ទៅមនុស្សម្នាក់ទៀត។ គ្រុន​ឈាម​មាន ៤ប្រភេទ និង​អាច​កើត​លើ​មនុស្ស​គ្រប់​វ័យ តែ​កុមារ​កើត​ញឹក​ញាប់​ជាង​គេ។ គ្រុនឈាម​ភាគច្រើន​ជា​ប្រភេទ​ស្រាល តែ​បើ​ជា​ប្រភេទ​ធ្ងន់ អាច​បះពាល់​ដល់​ជីវិត ជា​ពិសេស​ដែល​ទទួល​ការ​ព្យាបាល​មិន​ត្រឹមត្រូវ ការ​ប្រើ​ថ្នាំ​អាស្ពីរីន​ដើម្បី​ព្យាបាល ឬ​ក៏​មាន​ការ​យឺត​យ៉ាវ​បញ្ជូន​អ្នក​ជំងឺ​មក​មន្ទីរពេទ្យ។

លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា រោគសញ្ញាជំងឺគ្រុនឈាមមាន៖

– ក្តៅខ្លួនពី ៣៩-៤០ អង្សារសេ
– មុខក្រហម
– ឈឺក្បាល ឈឺប្រឡង់ភ្នែកចាក់ទៅក្រោយ
– ចង់ក្អួត ឬក្អួត
– ឈឺពោះ
– ឈឺសាច់ដុំ និងសន្លាក់ដៃជើង
– មានស្នាមអុចៗក្រហមលើស្បែក
– ហូរឈាមតាមអញ្ចាញធ្មេញជាដើម។

២. ជំងឺគ្រុនឈីក

ជំងឺគ្រុនឈីក​បង្ក​ដោយ​វីរុស​ឈីក ឬ Chikungunya បណ្ដាល​មកពី​មូស​ខ្លា​ញី​ខាំ ជាពិសេស​នៅ​ពេលថ្ងៃ ហើយ​អាច​កើត​មាន​ចំពោះ​មនុស្ស​គ្រប់​វ័យ​ ទាំង​ក្មេង ​ទាំង​ចាស់។ ជំងឺ​គ្រុនឈីក​អាច​ឆ្លង​រាល​ដាល​ពី​គ្រួសារ​មួយ​ទៅ​គ្រួសារ​មួយ ពី​ភូមិ​មួយ​ទៅ​ភូមិ​មួយ ពី​ឃុំ​មួយ​ទៅ​ឃុំ​មួយ តាម​រយៈ​មូសខ្លា​ដែល​ចល័ត​ពី​កន្លែង​មួយ​ទៅ​កន្លែង​មួយ។ បើតាម​មជ្ឈមណ្ឌល​ជាតិ​ប្រយុទ្ធ​នឹង​ជំងឺគ្រុនចាញ់​ ប៉ារ៉ាស៊ីតសាស្រ្ត និង​បាណកសាស្រ្ត នៃ​ក្រសួង​សុខាភិបាល ជំងឺ​គ្រុន​ឈីក​មាន​រោគ​សញ្ញា​សំខាន់​៣​យ៉ាង ហើយ​ជំងឺ​នេះ​មិន​បណ្តាល​ឲ្យ​អ្នក​ជំងឺ​ស្លាប់​នោះ​ទេ លើក​លែង​តែ​វា​កើត​រួមគ្នា​ជាមួយ​ជំងឺ​ផ្សេងៗ ដូច​ជា​ជំងឺ​គ្រុនឈាម គ្រុនចាញ់ ឬ​ជំងឺ​រលាក​ស្រោមខួរ​ជា​ដើម។រោគ​សញ្ញា​ទាំង​នោះ​រួមមាន៖

– គ្រុនក្តៅ ៣-៤ ថ្ងៃ
– ឈឺ​សន្លាក់​ឆ្អឹងឆ្អឺង​កន្លែង
– មាន​ស្នាម​កន្ទួល ឬ​ក្រហម​លើ​ស្បែក ដូច​កើត​ស្អូច ឬ​កញ្រឹល។

បើ​តាម​វេជ្ជបណ្ឌិត ចាន់ ស៊ីណេត ជំងឺ​ទាំង២​នេះ​មាន​រោគ​សញ្ញា​មួយ​ចំនួន​ស្រដៀង​គ្នា គឺ​ក្តៅ​ខ្លួន ចេញ​កន្ទួល ឬ​អុច​ក្រហម​លើ​ស្បែក ហើយ​បើ​ប្រៀប​ធៀប​រវាង​ជំងឺ​ទាំង​២​នេះ ជំងឺ​គ្រុន​ឈាម​មាន​លក្ខណៈ​ធ្ងន់ធ្ងរ​ជាង​គ្រុន​ឈីក។

09/06/2025

រដូវភ្លៀងបានមកដល់ហើយ សូមពុកម៉ែ បងប្អូន ពូមីង ទាំងអស់ប្រុងប្រយ័ត្នការពារខ្លួន និងកូនចៅពីជំងឺគ្រុនឈាម ព្រោះជំងឺនេះអាចបណ្តាលអោយស្លាប់បាន។សូមអនាម័យជុំវិញផ្ទះ លប់បំបាត់កន្លែងដែលដក់ទឹក ដើម្បីកម្ចាត់មូសខ្លា និងជំរករបស់វា។
ត្រូវចងចាំថា"គ្មានដង្កូវទឹក គ្មានមូសខ្លា គ្មានជំងឺគ្រុនឈាម"

18/05/2025

តបតាមការក្រើនរំលឹករបស់ក្រសួងសុខាភិបាលស្តីពីការកើតមានឡើងវិញនៃជំងឺកូវីដ-19 នឹងការបង្កើនការការពារខ្លួនពីជំងឺនេះ
មណ្ឌលសុខភាពអូរតាសេកសូមជម្រាបជូនពុកម៉ែបងប្អូនថាមណ្ឌលសុខភាអូរតាសេកមានផ្តល់វ៉ាក់សាំងការពារជំងឺកូវីដ-19 ដូច្នេះប្រសិនជាពុកម៉ែបងប្អូនមានបំណងចង់ទទួលវ៉ាក់ការពារជំងឺកូដវីដ-19 អាចមកទទួលបាននៅមណ្ឌលសុខភាពជារៀងរាល់ថ្ងៃ…!!
សូមអរគុណ🙏🙏🙏