19/05/2022
🇰🇭🇰🇭អបអរសាទរព្រះរាជពិធីច្រត់ព្រះនង្គ័ល ថ្ងៃព្រហស្បតិ៍ ៤រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី19 ខែ ឧសភា ឆ្នាំ 2022។
#ពិធីច្រត់ព្រះនង្គ័ល
ពិធីច្រត់ព្រះនង្គ័ល ជាព្រះរាជពិធីមួយ ដែលតែងតែប្រារព្ធនៅខែពិសាខ(ឧសភា) ជាពេលដើមរដូវបង្កបង្កើនផលកសិកម្ម។
ព្រះរាជពិធីនេះបញ្ជាក់អំពីទឹកព្រះទ័យរបស់ព្រះមហាក្សត្រដែលតែងតែគិតគូរលើវិស័យកសិកម្ម ដ្បិតកម្ពុជាជាប្រទេសដែលពឹងផ្អែកលើវិស័យកសិកម្មជាសំខាន់។
#ប្រវិត្តពិធីច្រត់ព្រះនង្គ័ល
ព្រះរាជពិធីច្រត់ព្រះនង្គ័ល ត្រូវបានព្រះរាជាខ្មែរប្រារព្ធជាបវេណីតាំងពីសម័យចេនឡា(សតវត្សទី៦ ដល់ដើមសតវត្សទី៩) ដែលមានរូបចម្លាក់ជាច្រើនបញ្ជាក់ពីវត្តមាននៃព្រះរាជពិធីនេះ។
#គោលបំណងនៃពិធីច្រត់ព្រះនង្គ័ល
គោលបំណងសំខាន់បំផុត នៃព្រះរាជពិធីច្រត់ព្រះន័ង្គល គឺធ្វើឡើងដើម្បីជាការព្យាករណ៍ ឬ ទស្សន៍ទាយ អំពីផលដំណាំកសិកម្ម និងហេតុភេទដែលអាចនឹងកើតមានឡើងនៅក្នុងរយៈពេលពេញមួយឆ្នាំ តាមរយៈទង្វើរបស់គោឧសភរាជ នៅក្នុងព្រះរាជពិធី។
