Khemunik Hospital

23/10/2023

15/10/2023

🙏🙏🙏

21/07/2023

ការបោះឆ្នោតជ្រើសរើសតំណាងរាស្ត្រ នីតិកាលទី៧ នឹងប្រព្រឹត្តិទៅទូទាំងខេត្តក្រុងនៃព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។
សូមចូលរួមបោះឆ្នោតទាំងអស់គ្នា!
#បោះឆ្នោតជាតិ

04/07/2023

ជារៀងរាល់ឆ្នាំ ទារកដែលទើបនឹងកើតប្រហែល 500,000នាក់ បានស្លាប់ដោយសារការឆ្លងមេរោគដែលបង្កឡើងដោយបាក់តេរី ។ ភាគច្រើននៃការស្លាប់ទាំងនេះ កើតឡើងនៅក្នុងប្រទេសក្រីក្រ។
ការឆ្លងមេរោគទាំងនេះ អាចការពារបាន ប្រសិនបើអ្នកថែទាំទារកទាំងអស់ប្រកាន់ខ្ជាប់ អនាម័យដៃបានល្អ។ ដៃកខ្វក់ ដើរតួនាទីចម្បងក្នុងការចម្លងមេរោគដល់ទារក ជាពិសេសចំពោះទារកឥតគ្រប់ខែ ដែលងាយរងគ្រោះបំផុត ។
ការឆ្លងមេរោគ អាចនាំឲ្យមានផលគំរាមកំហែងដល់អាយុជីវិតទារក ឬបង្កអោយមានផលប៉ះពាល់ធ្ងន់ធ្ងរដល់ប្រព័ន្ធរាងកាយផ្សេងៗ ដូចជាការថយចុះសម្ពាធឈាម វិបត្តិជំងឺសរសៃឈាម ជំងឺខ្សោយបេះដូង ខ្សោយតម្រង់នោម និងវិបត្តិខ្សោយប្រព័ន្ធរំលាយអាហារ៕​ (ដកស្រង់អត្ថបទពី www.ncbi.nih.gov/pmc/articles)
#លាងដៃសង្គ្រោះជីវិត

18/06/2023

ទូលព្រះបង្គំយើងខ្ញុំ ជាគណៈគ្រប់គ្រងនិងបុគ្គលិកទាំងអស់នៃមន្ទីរពេទ្យ ខេមមុនិ សូមព្រះបរមរាជានុញ្ញាតទូលថ្វាយនូវសព្ទសាធុការពរ ក្នុងឱកាសចម្រើនព្រះជន្មសម្តេច ព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះជន្មាយុយឺនយូរ ព្រះបញ្ញាញាណវាងវៃ ដើម្បីទ្រង់គង់ប្រថាប់ជាម្លប់ដ៏ត្រជាក់ថ្លៃថ្លា និងសេចក្តីសុខក្សេមក្សាន្តដល់ប្រជានុរាស្ត្ររបស់ព្រះអង្គជានិច្ចនិរន្តរ៍។

14/06/2023

អបអរសាទរទិវាអ្នកបរិច្ចាគឈាមពិភពលោក

សូមចូលរួមអបអរសាទរទិវាអ្នកបរិច្ចាគឈាមពិភពលោក ដែលជាថ្ងៃគោរពដឹងគុណ និងផ្តល់កិត្តិយសដល់អ្នកដែលបានផ្តល់អំណោយជីវិតតាមរយៈការបរិច្ចាគឈាមដោយការស្ម័គ្រចិត្ត។ រាល់ការបរិច្ចាគ ឈាមរបស់លោកអ្នក អាចជួយសង្គ្រោះជីវិតមនុស្សបានដល់ទៅបីនាក់ ដូច្នេះយើងរួមគ្នា ចែករំលែករឿងរ៉ាវរបស់អ្នក លើកទឹកចិត្តខ្លួនឯង និងអ្នកដទៃនៅតែបន្តអំពើល្អជារៀងរាល់ឆ្នាំ។

ទិវាពិភពលោកនៃអ្នកបរិច្ចាគឈាម ត្រូវបានបង្កើតឡើងក្នុងឆ្នាំ២០០៤ ដោយអង្គការសុខភាពពិភពលោក (WHO) ដើម្បីនាំមកនូវការយល់ដឹងនូវតម្រូវការ ដែលកំពុងបន្ត
សម្រាប់ការបរិច្ចាគឈាមដើម្បីជួយសង្គ្រោះជីវិត។ ការបរិច្ចាគឈាម មានសារៈសំខាន់ ចំពោះប្រព័ន្ធសុខភាពអន្តរជាតិ ហើយកើតឡើងដោយការស្ម័គ្រចិត្តពីអ្នកបរិច្ចាគតែប៉ុណ្ណោះ។

ទិវាពិភពលោកនៃអ្នកបរិច្ចាគឈាម ត្រូវបានកំណត់យកថ្ងៃទី១៤ ខែមិថុនា ជារៀងរាល់ឆ្នាំ ដែលជាថ្ងៃកំណើតលោកបណ្ឌិត Landsteiner alt text ដែលជាមនុស្សដំបូងបង្អស់ ដោយ
បានចាត់ថ្នាក់ប្រភេទជាក្រុម និងអាចបញ្ចូលឈាមរវាងមនុស្សដែលមានប្រភេទឈាមដែលត្រូវគ្នា។

"

01/06/2023

រីករាយទិវាកុមារអន្តរជាតិ

ទិវាកុមារអន្តរជាតិ ត្រូវបានបង្កើតឡើងជាលើកដំបូង នៅទីក្រុងហ្សឺណែវ ប្រទេសស្វីស ក្នុងឆ្នាំ១៩២៥ ជាការឆ្លើយតបទៅនឹងសន្និសីទពិភពលោកសម្រាប់សុខុមាលភាពរបស់កុមារ។ សន្និសីទនេះធ្វើឡើង ដើម្បីលើកកម្ពស់សុខុមាលភាពកុមារ និងការពារកុមារពីការកេងប្រវ័ញ្ច និងគ្រោះថ្នាក់នានា។

រហូតដល់នៅឆ្នាំ១៩៥០ សមាជពិភពលោក ដើម្បីសុខុមាលភាពរបស់កុមារ ត្រូវបានប្រារព្ធឡើង នៅទីក្រុងប៉ារីស ប្រទេសបារាំង ដើម្បីលើកកម្ពស់សុខភាព ការអប់រំ និងសុខុមាលភាពរបស់កុមារ នៅទូទាំងពិភពលោក។ ក្នុងអំឡុងពេលសមាជនេះ កាលបរិច្ឆេទថ្ងៃទី០១ ខែមិថុនា ត្រូវបានអនុម័តជា ទិវាកុមារអន្តរជាតិ ជាផ្លូវការ។

ចាប់តាំងពីពេលនោះមក ទិវាកុមារអន្តរជាតិត្រូវបានប្រារព្ធជារៀងរាល់ឆ្នាំ នៅក្នុងប្រទេសជាច្រើន ជុំវិញពិភពលោក។ នៅប្រទេសខ្លះ វាជាថ្ងៃឈប់សម្រាកសាធារណៈ ហើយក្មេងៗ ត្រូវបានផ្តល់ ថ្ងៃឈប់សម្រាកពីសាលា ដើម្បីចូលរួមក្នុងព្រឹត្តិការណ៍ និងសកម្មភាពពិសេសៗសម្រាប់ពួកគេ។

ថ្ងៃនេះ ជាខួបលើកទី៧៣ នៃទិវាកុមារអន្តរជាតិ ដែលត្រូវបានប្រារព្ធឡើង ដោយការលើកកម្ពស់សិទ្ធិកុមារ ការអប់រំ និងសុខុមាលភាព។ វាជាថ្ងៃមួយ ដើម្បីលើកកម្ពស់ការយល់ដឹងអំពីវិសមភាព និងបញ្ហាប្រឈម ដែលកុមារប្រឈមមុខ និងដើម្បីតស៊ូមតិសម្រាប់សិទ្ធិ និងការការពាររបស់ពួកគេ តាមរយៈគំនិតផ្តួចផ្តើម និងព្រឹត្តិការណ៍ផ្សេងៗ។

យើងទាំងអស់គ្នា ដើម្បីបង្កើតអនាគតដ៏ល្អប្រសើរសម្រាប់កុមារគ្រប់រូប!

#ទិវាកុមារអន្តរជាតិ 'sDay #កុមារ

14/05/2023

ទូលព្រះបង្គំយើងខ្ញុំ ជាគណៈគ្រប់គ្រងនិងបុគ្គលិកទាំងអស់នៃមន្ទីរពេទ្យ ខេមមុនិ សូមព្រះបរមរាជានុញ្ញាតទូលថ្វាយនូវសព្ទសាធុការពរ ក្នុងឱកាសចម្រើនព្រះជន្មព្រះបាទសម្តេច ព្រះបរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់៧០ យាងចូល ៧១ព្រះវស្សា សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះជន្មាយុយឺនយូរ ព្រះបញ្ញាញាណវាងវៃ ដើម្បីទ្រង់គង់ប្រថាប់ជាម្លប់ដ៏ត្រជាក់ថ្លៃថ្លា និងសេចក្តីសុខក្សេមក្សាន្តដល់ប្រជានុរាស្ត្ររបស់ព្រះអង្គជានិច្ចនិរន្តរ៍។

12/05/2023

រីករាយទិវាគិលានុបដ្ឋាក-យិកាអន្តរជាតិ

ទិវាគិលានុបដ្ឋាក-យិកាអន្តរជាតិ ត្រូវបានប្រារព្ធនៅថ្ងៃទី ១២ ខែឧសភា ជារៀងរាល់ឆ្នាំ ដើម្បីគោរព និងទទួលស្គាល់ការរួមចំណែកដ៏ធំធេងរបស់គិលានុបដ្ឋាក គិលានុបដ្ឋាយិកា ចំពោះការថែទាំសុខភាពដល់អ្នកជំងឺជុំវិញពិភពលោក។

គោលបំណងនៃទិវានេះ គឺដើម្បីលើកកម្ពស់ការយល់ដឹងអំពីតួនាទីដ៏សំខាន់ដែលគិលានុបដ្ឋាក គិលានុបដ្ឋាយិកាដើរតួក្នុងប្រព័ន្ធថែទាំសុខភាព ទទួលស្គាល់ការខិតខំប្រឹងប្រែង និងការលះបង់ និងលើកកម្ពស់គិលានុបដ្ឋាក គិលានុបដ្ឋាយិកា ជាក្រមសីលធម៍វិជ្ជាជីវៈមួយ ប្រកបដោយគុណភាពខ្ពស់៕

#ទិវាគិលានុបដ្ឋាកអន្តរជាតិ

08/05/2023

អបអរសាទរ ព្រះរាជពិធីបុណ្យ ច្រត់ព្រះនង្គ័ល!