សេវ៉ាកម្មថែទាំជំងឺដល់គេហដ្ធាន Home Nursing Services

02/04/2021

02/04/2021

ក្រុមហ៊ុនអាយុឃែរ៍ ផ្តល់សេវាកម្មថែទាំអ្នកជំងឺនិងមនុស្សចាស់តាមផ្ទះ ២៤ ម៉ោង

30/12/2020

24/12/2020

ស្អែកសុំទៅ relax តែ២នាក់យាយបានហើយ
ចៅៗទុកម៉ាលែកសិន

23/12/2020

#តើអ្នកជំងឺបែបណាដែលត្រូវជួបគ្រូពេទ្យមុន
ការបែងចែកលំដាប់មុនក្រោយក្នុងការព្យាបាលអ្នកជំងឺគឺជារឿងសំខាន់បំផុតរបស់គ្រូពេទ្យដើម្បីធ្វើការព្យាបាលអោយទាន់ពេលវេលា។ អ្នកមកមុន មិនមែនបានន័យថាគាត់ត្រូវជួបគ្រូពេទ្យមុននោះឡើយ គឺអាស្រ័យលើស្ថានភាពរបស់អ្នកជំងឺម្នាក់ៗ ថាតើគាត់ធ្ងន់ស្រាលក្នុងកម្រឹតណា។
ដើម្បីអោយងាយយល់ យើងធ្វើការបែងចែកស្ថានភាពអ្នកជំងឺជា៤កម្រឹត(ខ្លះ៥កម្រឹត)ដូចខាងក្រោម:
១.អ្នកជំងឺពណ៍ក្រហម( ):ពេទ្យត្រូវជួយភ្លាមៗ
២.អ្នកជំងឺពណ៍លឿង( ): ពេទ្យត្រូវជួយក្នុងចន្លោះពី ៥-១០ នាទី
៣.អ្នកជំងឺពណ៍ខៀវ( ): អ្នកជំងឺដែលអាចរងចាំគ្រូពេទ្យចន្លោះពី ៣០-៦០ នាទី
៤.អ្នកជំងឺពណ៍ស( ): អ្នកជំងឺដែលអាចរងចាំគ្រូពេទ្យចន្លោះពី ២-៣ ម៉ោង

រាល់ពេលដែលអ្នកជំងឺមកទទួលសេវាកម្មរបស់មន្ទីពេទ្យមានអ្នកជំងឺមួយចំនួនខ្លះមិនពេញចិត្តចំពោះការចាំរបស់ខ្លួននោះទេ ព្រោះគិតថាពេលខ្លួនចូលសង្រោះបន្ទាន់ គ្រូពេទ្យត្រូវតែធ្វើការព្យាបាលអោយលឿនដូចការរំពឹងទុករបស់ខ្លួន ហើយបញ្ហានេះតែងកើតមានឡើងជាញឹកញាប់នៅក្នុងផ្នែកសង្រោះបន្ទាន់ មិនថាជាពេទ្យរដ្ធឬពេទ្យឯកជននោះទេ។

បើអ្នកឈឺពោះ ក្តៅខ្លួន ក្អក ឈឺក រាករូស ហើយរងចាំពេទ្យយូបន្តិច សូមកុំអាលជេរគ្រូពេទ្យ ព្រោះខណះពេលដែលអ្នកជេរពួកគាត់ ខ្លួនប្រាណរបស់ពួកគាត់កំពុងតែប្រឡាក់ឈាមជួយអ្នកជំងឺកម្រឹតធ្ងន់ផ្សេងៗទៀតអោយរួចផុតពីសេចក្តីស្លាប់ ។

បើអ្នកឈឺតិចតួចហើយនៅរឹងទទឹងចូលមកផ្នែកសង្រោះបន្ទាន់ដោយចង់បានការព្យាបាលលឿននោះ ជាការគិតខុសហើយ ព្រោះអ្នកអាចនឹងត្រូវរងចាំយូជាជាងការដែលអ្នកទៅជួបគ្រូពេទ្យជំនាញនៅផ្នែកពិគ្រោះជំងឺក្រៅម៉ោងទៅទៀតផង។

បើប្រជាពលរដ្ធរបស់យើងដឹងខ្លួនឯងថាខ្លួនឈឺក្នុងកម្រឹតមួយណា នោះគាត់នឹងចេះយោគយល់ អាធ្យាស្រ័យដល់គ្រូពេទ្យជាក់ជាមិនខាន ហើយកាន់តែផ្តល់តម្លៃដល់ក្រុមគ្រូពេទ្យថែមទៀតផង។

16/12/2020

#យល់ដឹងអំពីជំងឺទឹកនោមផ្អែម (Diabetes)
ជំងឺទឹកនោមផ្អែមសំដៅទៅលើក្រុមនៃជំងឺដែលរាងកាយរបស់អ្នកមានបញ្ហាក្នុងការប្រើប្រាស់ជាតិស្ករក្នុងឈាម (គ្លុយកូស) ។ គ្លុយកូសមានសារៈសំខាន់ខ្លាំងណាស់សម្រាប់សុខភាពរបស់យើងព្រោះវាជាប្រភពថាមពលដ៏សំខាន់សម្រាប់កោសិកាដែលបង្កើតសាច់ដុំនិងជាលិកាផ្សេងៗផងដែរ។

#មូលហេតុនៃជំងឺទឹកនោមផ្អែម យើងអាចបែងចែកតាមមូលហេតុធំៗបួនសំខាន់ៗ៖
1•កត្តាតំណពូជឬសែន: បើជីដូនជីតា ឬឳពុកម្តាយ ធ្លាប់មានកើតជំងឺទឹកនោមផ្អែម កូនចៅជំនាន់ក្រោយក៏អាចមានភាគរយក្នុងការកើតជំងឺនេះដែរ
2•សកម្មភាពការទទួលទានអាហារ: ការបរិភោគសារធាតុប៉ូវកំលាំងច្រើននិងជាប្រចាំ ការទទួលទានកាហ្វេជារាងរាល់ថ្ងៃ ការទទួលទានកាបូអ៊ីដ្រាតច្រើន ជាពិសេសពេលល្ងាច
3•ការកើតរោគផ្សេងៗ: ការកើតរោគតម្រងនោម ធ្វើអោយការផលិតអរម៉ូន Insulin មិនគ្រប់គ្រាន់ ក្នុងការចាប់យកជាតិស្ករដើម្បីយកថាមពលទៅប្រើប្រាស់នៅក្នុងកោសិកា
4•ភាពខុសប្រក្រតីនៃអរម៉ូន: ការចាប់យកជាតិស្ករដោយInsulin ខុសប្រក្រតី ហៅថា Insulin resistance

#រោគសញ្ញានៃជំងឺទឹកនោមផ្អែម
- បត់ជើងតូចញឹកញាប់
- ផឹកទឹកច្រើន
- ស្រែកទឹក ស្ងួតក
- ញាំអាហារច្រើនតែនៅឃ្លាន
- អស់កម្លាំង
- វិលមុខ រកក្អួត
- ស្រវាំងភ្នែក មើលឃើញព្រិលៗ
- ធាត់ហួសមាត្រដ្ធាន

#ការវិនិច្ឆ័យជំងឺទឹកនោមផ្អែម
- ជាតិស្ករក្នុងឈាម លើសពី 110 mg/dL ក្រោយពីអត់អាហារ៨ម៉ោង (Fasting blood)
- ជាតិស្ករក្នុងឈាម លើស 200 mg/dL ដោយមិនបានអត់អាហារ ( Glucose Random)
- OGTT ចន្លោះ 140-149 mg/dL បន្ទាប់ពីតេស្តដំបូង
- ប្រសិនបើ hemoglobin A1c(HbA1c) នៅចន្លោះពី 5.7% 6.4%, អ្នកអាចកើតជំងឺទឹកនោមផ្អែមហៅថា prediabetes មានន័យថាអ្នកមានជាតិស្ករលើសពីកម្រិតធម្មតាហើយ តែមិនទាន់លើសដល់ថ្នាក់វិនិច្ឆ័យកើតជំងឺទឹកនោមផ្អែមនោះទេ។

#វិធីការពារឬកាត់បន្ថយហានិភ័យនៃការកើតជំងឺទឹកនោមផ្អែម
- ហាត់ប្រាណជាប្រចាំយ៉ាងតិច ៣ដងក្នុង១អាទិត្យ
- ទទួលទានតែអាហារប្រភេទណាដែលមានប្រយោជន៍
- មិនត្រូវបណ្តែតបណ្តោយខ្នួនអោយលើសទំងន់នោះទេ
- បញ្ឈប់ ឬបន្ថយការទទួលទានជាតិអាល់កុល ការជក់បារីដែលជាកត្តាជំរុញអោយកើតជំងឺនេះ
- ឆែកសុខភាពប្រចាំឆ្នាំ( annual health check up)
- ជួបគ្រូពេទ្យតាមការណាត់

(អាយុឃែរ៍៖ សេវាកម្មថែទាំមនុស្សចាស់ ឡានពេទ្យ យន្តហោះពេទ្យ)

15/12/2020

រោគសញ្ញាដែលអ្នកអាចកើតជំងឺស្ទះសរសៃឈាមបេះដូង(គាំងបេះដូង)

១. ឈឺទ្រូង ត្រង់ក ត្រង់ថ្គាម ចុករោយស្មា ចាក់ទៅចុងដៃ
២. ឈឺចុកពោះនៅម្តុំចុងដង្ហើមខ្លាំង
៣. បែកញើសគ្មានមូលហេតុ
៤.ញ័រទ្រូង ដកដង្ហើមមិនដល់គ្នា និងវិលមុខ ចង់ក្អួត
៥. គ្មានកម្លាំងកំហែង ហត់នឿយ

របបចំណីអាហារ និងរបៀបរបបនៃការរស់នៅៈ ជាកត្តាសំខាន់ក្នុងការ ការពារជំងឺបេះដូង
– កុំបរិភោគអាហារសម្បូរជាតិប្រៃខ្លាំង
– ឈប់ជក់បារី
– រក្សាទំងន់ឲ្យសមស្រប (កុំឲ្យធាត់ជ្រុល)
– កាត់បន្ថយ ឬបញ្ឈប់ការពិសារគ្រឿងស្រវឹង
– កាត់បន្ថយការបរិភោគអាហារសម្បូរខ្លាញ់
– បរិភោគបន្លែ ផ្លែឈើ ឲ្យបានច្រើន
– ហាត់ប្រាណឲ្យបានទៀងទាត់
– កាត់បន្ថយភាពតានតឹងអារម្មណ៍ (Stress)
– គ្រប់គ្រងសម្ពាធឈាមឲ្យបានត្រឹមត្រូវ ប្រសិនបើលោកអ្នកមានជំងឺលើសឈាម
– ត្រូវទៅជួបគ្រូគ្រូពេទ្យឯកទេសអោយបានលឿនបំផុត

( #អាយុឃែរ៍៖ សេវាកម្មថែទាំមនុស្សចាស់ ឡានពេទ្យ យន្តហោះពេទ្យ)