16/05/2025
👨⚕️Хоол боловсруулах эрхтний эмч Пак Сан Жун
6 сарын 5-6нд Монголд үнэгүй зөвлөгөө өгөх тул үзүүлэх хүсэлтэй бол доорх линкээр бүртгүүлээрэй.
https://forms.gle/jXZ22XUpHqdNaopv5
✅Эмчийн зөвлөгөө : Солонгост элэгний хорт хавдрыг хэрхэн эмчилдэг вэ?
🔹Элэгний өөхлөлтийг эмээр эмчлэх боломжтой юу?
Элэгний өөхлөлт нь ихэвчлэн тарган, архи пивоны хэрэглээ өндөр хүмүүст үүсдэг. Энэ тохиолдолд эмийн эмчилгээнээс илүү амьдралын хэв маягаа өөрчлөхийг санал болгоно. Архи уухаа болих, турах , эрүүл хүнсээр хооллох зэрэг арга хэмжээ авах шаардлагатай. Гэвч элэгний өөхлөлтийн улмаас элэгний үйл ажиллагаа муудаж, өөрөөр арга хэмжээ авах боломжгүй бол эм тариатай хослон эмчилж болно.
🔹Элэгний В вирустэй бол ямар эмчилгээ хийх вэ?
Элэгний В вирус нь ихэвчлэн төрөх үед эхээсээ халдварлан авдаг. Эхээсээ халдварлан авлаа ч гэсэн идэвхгүй В вирус болон идэвхтэй В вирус гэж 2 ангилагдана. Идэвхтэй В вирус бол шууд эмчилгээ шаардагдах бөгөөд В вирусийн эсрэг эм тариагаар эмчилдэг. Харин идэвхгүй В вирус бол шууд эмчилгээ хийхгүй ч цаашдаа хорт хавдар үүсэх магадлал өндөр тул байнгын эмчийн хяналтанд байх шаардлагатай. Мөн эх нь элэгний В вирустэй бол хүүхдийг төрөнгүүт шууд В вирусийн вакцин болон иммуноглобулин хийж халдвараас хамгаалж болно.
🔹Элэгний хорт хавдрыг эмчлэх ямар аргууд байдаг вэ?
Элэгний хорт хавдар эхний үе шат дээр оношлогдвол мэс засал хийж хавдартай хэсгийг тайран авдаг. Мэс засал хийх боломжгүй, 2-р шатруу орсон бол радиоэмболизаци буюу дулааны бичил долгион ашиглан хорт хавдрыг шарах эмчилгээ хийж хорт эсүүдийг устгах эмчилгээ хийдэг. Гэвч хорт хавдартай өвчтөнүүдийн ихэнх нь хорт хавдраас өмнө элэгний хатуурал үүссэн, элэгний үйл ажиллагаа муудсан байдаг тул боломжтой бол элэг шилжүүлэн суулгах мэс заслыг санал болгодог.
Хэрвээ элэгний хатуурал явагдаагүй бол хавдрын судас боох эмчилгээг хамгийн их хийгдэнэ. Элэгний хавдрын судас боох эмчилгээг нийт элэгний хорт хавдартай өвчтөнүүдийн 70% нь хийдэг бөгөөд хавдрыг тэжээж байгаа артери судасруу химийн тариа хийж судсыг боосноор хавдрын тэжээлийг зогсоож улмаар хорт хавдрыг өлсгөн үхүүлдэг эмчилгээ гэж ойлгож болно.
🔹Элэгний өвчнөөс яаж урьдчилан сэргийлэх вэ?
Хүмүүс элгэнд сайн гэнэ гэж их янз бүрийн ургамал, витамин хэрэглэдэг болсон. Гэвч элгээ эрүүл бүтэн авч үлдэхийн тулд хамгийн чухал зүйл бол элгэнд муу зүйлс хэрэглэхгүй байх юм. Жишээ нь архи дэндүү хэтрүүлэн уухгүй байх болон архинаас гарах, хэт их таргалахгүй байж жингээ барих зэрэг энгийн зүйлсийг сайн баримтлахад та элэгний өвчин эмгэгээс маш сайн урьдчилан сэргийлж чадна. Мөн байнгын эмчийн үзлэгт орох нь хамгийн зөв арга юм.
☎️ +82-31-779-5064
📧 dmcihc@gmail.com
