10/09/2025
Хэлмээр байдаг үгс минь 🤭🤭🤭
Хэрэв ажлын уур амьсгал таагүй байдаг бол үүнийг хуваалцаарай
Саяхан Монголоос Солонгост ирсэн найз маань “Энэ улсад чинь ууртай хүн нэг ч алга, яасан сонин юм бэ?!” Гэж байв. 😀
Эелдэг харилцаа ийм гоё байдаг юм байна? Ийм гоё байж болдог юм байна шдээ?! Гэж бодож байсан үе маань - хамгийн анх резидентээ сурахаар БНХАУ ыг зорьсон үе байв.
Оюутан үе дарамттай байсан гэж хэлбэл дургүйцэх хүн их байх. Гэхдээ миний санаж байгаагаар зүгээр л сургалтын алба руу орж юм асуух гэж хамаг үс гэзгээ боож, гадуур хувцас хунараа тайлж, хамаг дуулгавартай царай дээрээ тавьж, пялдаганах нь холгүй гардаг байсан санагдаж байна 🥲
Наад үс гэзгээ боогоод орж ир! Гэж загнуулж ч байв.
Төгсөөд урагшаа сурахаар очиход яасан стрессгүй гоё газар ороод ирэв ээ гэж хэсэгтээ шоконд орж байв.
За стрессгүй сайхан газарт хэсэг чиллерч сурах юмаа сурч аваад буцаад Монголдоо очиход “ Мэргэжилдээ үнэхээр их хайртай, Хүсэл зорилго нь тулчихсан, хийж бүтээх юмсан гэсэн л эмч очиж байв”. 🧑🏻⚕️☺️😊
Тэгтэл яг ажилд орох болоход нөгөө л үс гэзгээ боо, ингэ тэг, энийг ч битгий, тэрийг ч битгий, нэг л их өө сэв хайсан, залуу эмч юугаа мэддэг юм гэсэн хандлага угтаж авч байв. Мэдээж бүх хүн тийм байгаагүй ч уур амьсгал нь тийм. Эхэндээ үнэхээр халширч байв.
Соёлтой, эерэг хүмүүстэй ажиллах тусам эргээд өмнөх уур амьсгалтай газарлуу очмооргүй санагдах…
Нэг Солонгос профессор маань манай эхнэр ажил дээрээ очиж амардаг гэж байсан ккк Гэрт хадам аав ээж нь байдаг болохоор амрах цаг олддоггүй. Ажил дээрээ очоод амарч, стрессээ тайлдаг гэж байв 😅.
Эерэг уур амьсгал бол бүхний эхлэл!
Эерэг орчинд ажилласан хүний тархи 🧠 илүү үр дүнтэй ажилладаг.
Эерэг уур амьсгалтай газар тархи тайвширч, амар амгаланг олдог.♥️
Харин тархины амар амгалан бол аз жаргал, бүтээлч байдал, амжилтын үндэс юм.😊
📌Хүмүүс минь ажлын гараагаа хүсэл мөрөөдлөөр дүүрэн ,урам зориг нь дээд цэгтээ, хийе, бүтээе гэж орж ирсэн залуусын урмыг сөрөг хандлага, уур уцаараараа бүү мохоогоорой‼️
Хүсэл эрмэлзлэлийг нь бүү унтраагаарй‼️
