المركز الالماني المتقدم GAC

17/11/2025

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025

🎥 أعراض طيف التوحّد – بشكل مبسّط:

🔹 اجتماعيًا:
تحسين الطفل ما يطالع بعينك كثير؟ ما يتفاعل مع الناس زي باقي الأطفال؟ هذي ممكن تكون علامة.

🔹 لغويًا:
يتأخر بالكلام؟ أو يكرر نفس الكلمة أو الجملة كثير بدون معنى؟ برضو هذي من العلامات.

🔹 سلوكيًا:
يسوي حركات مكررة؟ زي يرفرف بيده أو يدور حول نفسه؟ أو يتضايق لو تغير عليه الروتين؟ كمان لو مهتم بشيء واحد بس اهتمام زايد عن اللزوم.

🔹 حسيًا:
يتضايق من الأصوات، أو النور، أو اللمس؟ أو العكس، تحسينه ما يتأثر فيها أبد؟ كلها تدخل ضمن الحسّ الحسي عند أطفال التوحّد.

🩺 كيف يتم التشخيص؟

مو أي تصرّف غريب يعني توحد، التشخيص يتم عن طريق فريق مختص:

دكتور نفسي أطفال

أخصائي أعصاب

أخصائي نفسي إكلينيكي

يعتمدون على:

ملاحظة سلوك الطفل وتطوره

مقابلات مع الأهل

اختبارات زي: ADOS أو CARS

وغالبًا يتم التشخيص من عمر ٣ سنوات وطالع.

💡 طيب، والعلاج؟

ما فيه علاج نهائي، لكن التدخل المبكر يفرق كثييير! أهم الطرق:

🔸 العلاج السلوكي (ABA):
يساعد الطفل يتعلم المهارات، ويعدل سلوكياته.

🔸 العلاج الوظيفي:
يطوّر المهارات الحركية والحسية.

🔸 الأدوية:
مو أساسية، بس ممكن تُستخدم لو فيه أعراض مصاحبة زي القلق أو فرط الحركة.

💛 كل طفل له طريقته وتطوره، والمهم نبدأ بدري ونفهمه صح.

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025

1. الأسباب

خلقيّة: يعني من الولادة، مثل العامل الوراثي أو لو الأم انصابت بعدوى وهي حامل، مثل الحصبة الألمانية أو CMV.

مكتسبة: مثل التهابات الأذن الوسطى اللي ترد، أو أدوية تأثر على السمع، أو ضربة قوية بالرأس، أو صوت عالي وايد.

مشاكل وقت الولادة: مثل الولادة المبكرة، أو نقص بالأوكسجين، أو وزن البيبي كان واطي.

2. التشخيص

الفحص المبكر: مهم وايد، خصوصاً فحص السمع للمواليد اليداد.

الاختبارات الطبية: مثل تخطيط السمع (Audiometry)، وفحص استجابة المخ للصوت (ABR)، وفحص الأذن (OAE).

3. العلاج

طبي أو دوائي: مثل علاج الالتهابات أو الماي اللي ورا طبلة الأذن.

أجهزة السمع: مثل السماعات الطبية أو زراعة القوقعة، يعتمد على حالة السمع.

تأهيل سمعي ولغوي: جلسات تخاطب، دعم من الأهل، وتعليم خاص إذا احتاج الطفل

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025

🧩 أعراض اضطراب طيف التوحّد:

👥 من الناحية الاجتماعية:
تلاقين الطفل يصعب عليه التواصل بالنظر، وما يتفاعل وايد مع الناس حواليه.

🗣️ من الناحية اللغوية:
يتأخر بالكلام، أو يستخدم كلمات بطريقة غريبة مثل يعيد نفس الجمل أو الكلمات أكثر من مرّه.

🤲 من الناحية السلوكية:
يسوي حركات متكرّرة مثل رفرفة اليدين أو الدوران، يحب الروتين وما يحب التغيير، ودايم مهتم بشي واحد بس بشكل كبير.

👂 من الناحية الحسيّة:
يا إمّا يكون حساس زيادة من الأصوات أو اللمس أو الإضاءة،
أو العكس.. ما يتفاعل معاهم نهائي.

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025

تحليل السلوك التطبيقي (ABA) هو علاج وتدريب مبني على مبادئ علم السلوك، يركّز على فهم سلوك الإنسان وتعديله بشكل منظّم، عن طريق تقوية السلوك الزين وتقليل السلوك الغلط.

يعتمد على شي يسمونه التعزيز الإيجابي، يعني إذا الشخص سوّى شي زين، نعطيه مكافأة علشان يعيده مرة ثانية.

يشتغل بخطوات واضحه ومقاسة، علشان نعلم مهارات جديدة، وكل حالة لها طريقتها حسب احتياج الشخص.

وين يستخدمونه؟

التوحد واضطرابات النمو: وهو أكثر مجال يستخدمون فيه التحليل السلوكي، يساعد عيال التوحد على التواصل، والتفاعل مع الناس، ويقلل من الحركات التكرارية.

بالمدارس: يعلم الأطفال مهارات دراسية وسلوكية بشكل مرتّب.

بالتأهيل: يدرب الأشخاص اللي عندهم إعاقات ذهنية أو حركية على أشياء مهمة بالحياة مثل اللبس، الأكل، والنظافة.

شنو فايدة برنامج تحليل السلوك التطبيقي؟

يساعد الطفل يتعلم يتواصل، بالكلام أو حتى بالإشارة.

يزيد من استقلاليته بالحياة اليومية (مثل ياكل بروحه، يلبس، يهتم بنفسه).

يحسن من قدرته على التعلم والدراسة.

يقلل من السلوكيات الغلط (مثل الصراخ، العصبية، أو العزلة).

يخليه يتفاعل أكثر مع أهله وربعَه.

17/11/2025

17/11/2025

📚 اضطرابات النطق واللغة تأثر وايد على تحصيل الطفل الدراسي، لأنها تعيق قدرته على التواصل مع المعلم وزملاءه، وبهالطريقة يقل تفاعله ومشاركته بالصف 😕
بعد، صعوبات النطق ممكن تأثر على تعلم القراءة والكتابة، لأن اللغة مرتبطة بشكل مباشر بفهم الكلام وكتابة الجمل.

👂 الطفل اللي يعاني من تأخر أو مشكلة بالنطق، ممكن يواجه صعوبة بالاستيعاب، وما يعرف يعبر عن أفكاره عدل، وهذا يأثر على مستواه الدراسي بشكل واضح.

📌 إذا لاحظتوا إن ولدكم أو بنتكم عنده/عندها صعوبة بالكلام أو اللغة، لا تنطرون... التدخل المبكّر مهم!
راجعوا أخصائي تخاطب علشان يسوي التقييم ويحط خطة علاج تناسب حالة الطفل.

🗣 وبالبيت، شجّعوا عيالكم على الكلام، اسمعوا لهم بصبر، واقروا لهم قصص بشكل منتظم.
تعاون الأهل مع أخصائي التخاطب يساعد الطفل يتغلب على هالمشاكل، ويوصل للنجاح إن شاء الله 🌟

📍 في الكويت؟
مركز GAC يجمع لك نخبة من أفضل الأخصائيين تحت سقف واحد 👨‍⚕️👩‍⚕️

📞 للحجز والاستفسار تقدرون تتواصلون على الرقم:
65656986

خلكم على الموعد مع التميز

#الكويت

17/11/2025