د. ممدوح حمدي - استشارى الصحة النفسية

12/01/2025

12/01/2025

هل المرأة بتذداد جمال بعد الطلاق ؟
ـــــــ
بداية مساء الخير للجميع
فيه جملة كدا منتشرة بتقول " إن الستات بتحلو بعد الطلاق " !!
ولو ركزت هتلاقى الكلام صحيح لحد ما
نسبة كبيرة من الستات بعد الإنفصال بتلاحظ
إن شكلها ولبسها بقى مرتب أكتر من الأول
إهتمامها بنفسها بقى أكتر شويتين تلاته !!
والجميع وكل المحيطين بيها بيلاحظوا دا
وتبدأ تنهال عليها جمل زى :
- شوفى وشك نور بعد الطلاق
-احلويتى بعد ما طللقك
-والله انتى تحمدى ربنا إنك خلصتى منه !!
ـــــ
والكلام دا بيدى ثقة أكتر للمرأة المطلقة
إ‘نها كانت صح وقرارها صح
ولازم تكمل فى طريقها بكل قوة
وتثبت للجميع إنها مش ضعيفة
وإنها لوحدها دولة !!
وتقدر تسد فى الحياة كلها بطولها !!
وإن مش ذنبها إنها إرتبطت براجل
فاشل ضعيف ابن أمه مقدرهاش صح !!
ــــــ
لحد هنا كل اللى فات دا تمام
راوية بتكرر كل يوم مع ست مختلفة
والإنفصال قرار بنخده فى حياتنا
وبنتحمل عواقبه
قرار بنخده بسبب سوء اختيارنا
او بسبب ظروف اتحطينا فيها
ومكنش لنا فيها أى ذنب فى أوقات كتير .
ـــــــ
ولكن خلينا نشوف الأمر من زواية تانية
بداية مافيش ست بتحلو بعد الطلاق ولا حاجة
مبيحصلش للستات طفرة جينية ولا بيولوجية مثلا
اللى بيحصل إن دا بيكون نوع من التلاعب النفسى
المرأة المطلقة بتكون مهتمه توصل رساله للجميع
أنا من غيره أجمل وأِشيك وأجمد
وجودى معاه كان دافنى بالحيا !!
حتى شوفو
بحط مانكير طول الوقت
وبلبس هليز
ولبسى بقى مظبوط عليا
وخسيت كمان
وبنزل كل يوم استورى
وفرحانه ومبسوطة
وبقيت أجمد واحده فى الحياة !!
ويبدأ القرود الطائرة اللى حوليها
يمطروها بعبارات الإطراء
والقرود الطائرة زى :
زملائها فى العمل
جيرانها
قريبها
آسرتها
وتبدأ تسمع منهم كلام زى :
أه فعلا احلويتى اوى بعد الطلاق
حقيقى كنتى خساره فيه
بصراحه ربنا نجاكى منه !!
ـــــ
الحقيقة الشخص الوحيد اللى خسران
هى المرأة المطلقة
لأنها بعد الطلاق هتدخل فى صراعات نفسية
كبيرة وصعبة وتقلية
1- محتاجة الأول إنها تداوى جرح الإنفصال
2- محتاجه تثبت للجميع إنها مش السبب ولا الفشل منها
3- محتاجه تقف على رجليها تانى عشان تقدر تعيش
4- محتاجة تتحمل مسؤلية أولادها لو عندها أولاد
5- محتاجه تواجه كل اليوم الناس اللى طمعانه فيها
6- محتاجة تستحمل ضغط نفسى رهيب بتشوفه
فى عيون كل اللى يعرف انها مطلقة وحابب يسمع
الحكاية من البداية
7- محتاجة تفاضل بين خيارات إرتباط وكلها
لا تليق بها ولكن اللى بيتقدم لها شايف إنها
مطلقة فترضى بأى حاجة
8- محتاجة تنزل الشارع وتشتغل عشان تقدر
تسد احتياجاتها
9- محتاجة تصبر وتتحمل صراعات الإنفصال وخصوصا
لوكان فيه محاكم
10- لوحظها السىء كانت وسط أسرة بدل ما تكون دعم لها
بتلومها وتحملها مسؤلية اللى حصل
كل دا بتواجه المرأة المطلقة ولوحدها وحط تحت لوحدها ميت خط
ــــــ
طيب إيه الهدف من كلامى اللى فات ؟
الهدف إن فكرة الطلاق والإنفصال حاليا ً
بقت أول وأسهل خيار لحل المشكلات والخلافات الزوجية
أنا بتكلم هنا بصفتى : استشارى نفسى
وعايز أقول ان نسبة كبيرة جدااا من الحالات اللى
بتعامل معاهم يومياً بتكون للستات
وصدمات ما بعد الإنفصال والطلاق
فى مسيرتى المهنية دى كلها يمكن حالات تتعد على صوابعى
اللى جالى فيها رجاله تتعالج نفسياً بعد الطلاق !!
الرجاله اللى بتجى عيادتى للعلاج النفسى
يا مدمن مخـ.ـدارت
يامدمن أفلام إباحـ.ـية
يا عنده مشكلة فى الجــ.ــنس
يا عنده شــ.ــذوذ
يا عنده اضطرابات نفسية
الخ الخ
أما الستات اللى بتجى عيادتى 60 % منهم
مشكلات نفسية بعد الطلاق !!
دا غير طبعاً الأطفال اللى مستحيل هيطلعوا
أسوياء مهما يتوفر لهم من رفاهيه واهتمام
وأكل ولبس وتعليم !!
الطفل بيطلع سوى نفسياً بشكل كبير لما بيكون
متربى فى أسرة كامله من أب وأم
حتى لو الأسرة دى كانت فيها خلافات بيطلع
برضه الطفل لحد ما سوى نفسياً
أما الطفل اللى اتربى فقط مع امه
أو اتربى فقط مع ابوه
لازم يطلع طفل ضعيف ومهزوز وعنيف
إنها العائلة يا تجعلك شخص متزن
يا تجعلك شخص ملىء بالعقد والندوب
ـــــ
وأنا فى كلامى لا ألوم الستات فقط على الطلاق
بل الرجاله هما كمان عليه لوم أكبر من الستات بكتير
وعارف كويس جداا ان فيه ستات اتظلمت وانقهرت
بسبب سوء اختيار مع رجل لا يصح أنا نقول عليه رجل أصلا
الرجل المدمن مينفعش زوج
الرجل اللى مبيصرفش على بيته مينفعش زوج
الرجل اللى ميحترمش زوجته ويقدرها مينفعش زوج
الرجل اللى يسيب زوجته تصرف عليه مينفعش زوج
الرجل اللى يضرب مراته ويبهدلها مينفعش زوج
الرجل اللى يتجاهل احتياج زوجته العاطفية والجنــ.ــسيــ.ـة
بدون عذر يمنعه زى المرض والسفر مينفعش زوج
ـــــ
الحياة الزوجية محتاجة نصبر على بعض
محتاجه نفوت ونتغاطى محتاجة منقفش لبعض
على الوحده عشان نقدر نعيش
الحياة الزوجية محتاجة مدخلش حد فيها لا قريب
ولا غريب ولا حتى امك خلى حياتك الزوجية
مثل القبر وأفعاله محدش يعرف بيحصل جواه ايه
الحياة الزوجية محتاجه نبذل جهد اكبر
من الزوج والزوجه الاتنين سوا
مينفعش طرف بيصبر ويصلح
والطرف التانى بيهد وبايع
ــــــ
لأن اللى بيدفع الثمن هما اتنين
الزوجة والأولاد
لأن المجتمع بتاعنا بيستضعف الست وخصوصاً
لو مطلقه ونظرته لها قاسية
كلامى موجه أكتر لكل الناس اللى عندها مشاكل زوجية
حولى تصبري وتصلحي
حولى تتشبتي بأى طوق نجاه
لعل الله يبدل الحال بكل خير ❤
ـــــــ
د. ممدوح حمدي
استشارى الصحة النفسية
وتعديل السلوك وعلاج الإدمان

12/01/2025

السفن لا تغرق
بسبب الماء الذى حولها ..
السفن تغرق
بسبب الماء الذى يدخل فيها ..
لذا لا تدع ما يحدث من حولك
يدخل بداخلك ويحبطك .. فتغرق 💔
ـــــ
د. ممدوح حمدي
استشارى الصحة النفسية
وتعديل السلوك

12/01/2025

الحاسد .. والحاقد !!
ـــ
فيه مرض كدا منتشر اليومين دول , مرض فى النفوس مرض في القلوب للأسف اسمه " الحقد " !! هتلاقى ناس بتكرهك بدون سبب !! بتحقد عليك بدون سبب !! بتكرهك بدون سبب!!
ــ

بتحسدك وتكرهك عشان ذنبك الوحيد إن ربنا أنعم عليك بنعمه من نعمه !! ربنا أكرمك برزق من فضله !! ربنا حن عليك ورزقك بوظيفة كويسة ولا بمال ولا بسيارة ولا بزوجة بنت حلال !!
ــ
فإزاى بقى تكون أنت كويس وهو لاء ؟ إزاى أنت اتوظفت وهو لسه !! أو إزاى صبرت وخدت شهادة أعلى منه !! ولا إزاى أنت شاطر فى شغلك ومحبوب !! ولا إزاى أنت الناس بتحبك وبتحترمك أو إزاى إنتى اتجوزتى شاب كويس بوظيفة كويسة وهى جوزها مش زيه !! أو إزاى إنتى بتشتغلى وعندك وظيفة !! ولا إزاى جوزك بيحبك وبيحترمك وهى لاء !!
ــ
هتلاقى فجأة بدون سبب ناس بدأت تكرهك وتكلم عنك وحش وتعملك وحش بدون سبب !! وهتلاقى ناس تانية كل دورها برضه تشوفك لبست إيه كلت إيه معاك كم صرفت كام روحت فين جيت منين !!
ــ
هو مش شايف ولا عارف إزاى أنت تعبت وإشتغلت على نفسك عشان توصل لهدفك !! متعبش زيك , متوجعش زيك , متحرمش زيك !! أنت مسافر وبعيد عن اهلك وزوجتك وأولادك وهو نايم وسط أهله , أنت بالليل لما تليفونك يرن تقوم مرعوب وخايف ترد لا يكون خبر وحش عن أهلك وهو نايم مطمئن وباله مرتاح !!
ــ
هتلاقيه واخد رزق زيك وأكتر منك هتلاقى ربنا مراضيه ومعوضه هتلاقى عنده نعم وخير ورزق بس هو عينه على النعمه اللى عندك مش شايف غيرها !!
ــ
فربنا يكفينى ويكفيكم شر الحاسد والحاقد وابن الحرام , وأختم كلامى بالدعاء دا :
«اللهم احفظني يا خير حافظ من كل شر، ومن كل حسد وعين، واجعلني في ضمانك وحرزك وأمانك يا أرحم الراحمين - اللهم اصرف عنّي كل مَنْ أراد بي شرّاً، وأشغلهم في نفوسهم، وكُفّ أيديهم» اللهم آمين .
ــ
د. ممدوح حمدي
استشارى الصحة النفسية
وتعديل السلوك

12/01/2025

هل ترى هذه اللطيفة ذو النظرة البريئة :
لدغة واحدة منها ستجعل الإنسان ينزف من كل ثقب في جسده حتى مسام الجلد نفسها !!
انها كابوس جنوب إفريقيا الخجول 🇿🇦
انها ثعبان " بومسلانغ " المرعب !!
هكذا بعض الأشخاص غاية اللطف معك ويمتلكون نظرات بريئة ولكنهم في الحقيقة ( بومسلانغ )!!
فكم (بومسلانغ) في حياتك ؟!
ـــ
د. ممدوح حمدي
استشاري الصحة النفسية
وتعديل السلوك

12/01/2025

قصة : الفأر ومخزن الحبوب
ــــ
كان فيه فار بيعيش تحت مخزن للحبوب وفى أرضية المخزن كان فيه ثقب صغير بينزل منه القمح حبة حبة فياكلها الفار ويشبع .
كان هذا الفار بيعيش أيام سعيدة كلها أكل وشبع وراحة , وفى مره من المرات حب يتباهي الفار برفاهيته والعيشة السعيدة اللى هو عايشها !!
فقام يقرقض الخشب ووسع الفتحة اللى بينزل منها حبة القمح !! , ودعا كل أصحابه الفران لــ زيارته :
وقال لهم تعالو شوفوا بيتى واعملوا جولة هتلاقو فيه أكل كتير , والأكل هيكفى الجميع
ولكن اللى حصل بعد لما الفار دخل صحابه البيت اكتشف ان الفتحة اللى بينزل منها حبوب القمح مبقتش موجودة !! ودا لأن لما الفتحتة كبرت شافها الفلاح سدها .
العبرة :-
من أسباب انقطاع الأرزاق هو الرغبة بإظهار البذخ والمبالغة في ذلك، فيكون ذلك سببًا لتسليط الأضواء على من يفعل هذا ويكون بعد ذلك الهلاك!
ما دامت أعمالك تسير على ما يرام، فاكتم أخبارك عن الآخرين وتمتع بما لديك.
- قصة من الأدب الروسي لتولستوي -
ـــــ
د. ممدوح حمدي
استشارى الصحة النفسية
وتعديل السلوك