16/06/2025
Маңғыстау облысында медицина қызметкерлері арасында шағын футбол мен волейболдан турнир өтті.
Үстіміздегі жылдың 14-15 маусым күндері "Маңғыстау Арена" спорт кешенінде «Senim» Денсаулық сақтау жүйесі жұмыскерлерінің салалық кәсіптік одағы РҚБ Маңғыстау облыстық филиалының ұйымдастыруымен медицина ұйымдары арасында шағын футбол мен волейболдан дәстүрлі турнир өтті.
Турнирдің салтанатты ашылу рәсіміне қадірлі меймандар – Маңғыстау облысы денсаулық сақтау басқармасы басшысының орынбасары Бибізада Дүйсенбаева және «Senim» кәсіподағының Маңғыстау облыстық филиалының төрағасы Қайрат Бейсенов қатысып, қатысушыларға сәттілік тіледі және мұндай спорттық шаралардың медицина қызметкерлері арасында бірлік пен сергектікті арттыруда маңызды екенін атап өтті.
Сонымен қатар, аталған турнирге осы екі күн ішінде жанкүйер ретінде Маңғыстау облыстық стоматологиялық орталығының директоры Қуат Машырықов қатысты.
Жарысқа футболдан 8 команда, волейболдан 16 команда қатысып, жоғары деңгейдегі дайындықтарын көрсете білді. Тартысты кездесулер мен қызықты сәттерге толы турнир нәтижесінде келесі жеңімпаздар анықталды:
🏐 Волейбол (ерлер) бойынша нәтижелер:
🥇 1 орын – Облыстық стоматологиялық орталық – 100 000 теңге.
🥈 2 орын – Жаңаөзен қаласы медицина қызметкерлерінің құрамасы – 80 000 теңге.
🥉 3 орын – Бейнеу аудандық ауруханасы – 60 000 теңге.
🏅 Үздік ойыншы – Облыстық стоматологиялық орталығының ойыншысы Лапов Дамир.
🏐 Волейбол (әйелдер) бойынша нәтижелер:
🥇 1 орын – Бейнеу аудандық ауруханасы – 100 000 теңге.
🥈 2 орын – Жаңаөзен қаласы медицина қызметкерлерінің құрамасы – 80 000 теңге.
🥉 3 орын – Маңғыстау аудандық ауруханасы – 60 000 теңге.
🏅 Үздік ойыншы – Бейнеу аудандық ауруханасының ойыншысы Қаратаева Сапаргүл.
⚽ Футбол бойынша нәтижелер:
🥇 1 орын – Маңғыстау облыстық онкологиялық диспансері – 100 000 теңге.
🥈 2 орын – Жаңаөзен қаласының құрамасы – 80 000 теңге.
🥉 3 орын – №2 Ақтау қалалық емханасы – 60 000 теңге.
Жеке номинациялар:
🏅 Үздік шабуылшы – Жолдасов Нұрсұлтан, Маңғыстау облыстық онкологиялық диспансері – 20 000 теңге.
🏅 Үздік қақпашы – Малибаев Бақытжан, №2 Ақтау қалалық емхана – 20 000 теңге.
🏅 Үздік қорғаушы – Көптілеуов Амантай, Жаңаөзен қаласының құрамасы – 20 000 теңге.
Турнир қорытындысы бойынша барлық жеңімпаздар мен үздік ойыншыларға дипломдар, кубоктар мен ақшалай сыйлықтар табысталды.
Турнир соңында "Маңғыстау облысы Денсаулық сақтау ардагерлерінің қауымдастығы" қоғамдық бірлестігінің төрағасы Қуат Сағидоллаұлы Машырықов сөз алып, жүрекжарды тілегін жеткізді.
Сонымен қатар, "Senim" кәсіподағының Маңғыстау облыстық филиалының төрағасы К
Қайрат Бейсеновке спорттық турнирді жоғары деңгейде ұйымдастырғаны және өткізгені үшін алғысын білдірді.
«Senim» кәсіподағы алдағы уақытта да медицина қызметкерлері арасында ұжымдық рухты көтеретін, салауатты өмір салтын насихаттайтын шараларды тұрақты түрде өткізе беретін болады.
