06/02/2024
ӨМІРГЕ ПАЙДАЛЫ 12 КЕҢЕС
1. Біріншіден, таңертең өте ерте ояныңыз. Өйткені, ғалымдар ерте ұйықтап, ерте оянатын адамдардың өмір жасы ұзақ болатындығын бұрын да дәлелдеп қойған. Сонымен қатар, ерте тұратын адамдардың еңбегі де өнімді болады.
2. Екіншіден, таңертеңгі асты тойып ішіп алу керек. Себебі таңертеңгі аспен біз бір күнге қуат жинап аламыз. Екі бутерброд пен бір шынаяқ кофе сізге ас болмайды. Таңертеңгі ас барынша құнарлы әрі тойымды болса, түскі ас пен кешкі асты жұмыс күніңізге қарай ішесіз.
3. Таңертең кішігірім жаттығу жасауды ұмытпаңыз. Таңғы жаттығу денеңізді шынықтырып, ұйқыңызды ашады.
4. Таныстарыңызға да, жай көшеде кетіп бара жатқан адамдарға да күлімсіреп жүріңіз. Ешкім сізді «ақымақ» деп қабылдамайды. Керісінше, сізді күлімсіреп жүретін және «өміріне риза адам» деп қабылдайтын болады. Ал ер кісілерге күлімсіреп жүрген тіпті пайдалы екен. Себебі психологтар күлімсіреп жүретін жігіттер сымбатты болмаса да әйелдерге көңілсіз сымбатты жігіттерге қарағанда көбірек ұнайтындығын дәлелдеген.
5. Ақуызы мол тамақты көбірек, тәтті мен холестерині бар тамақты азырақ жеуге тырысыңыз. Ақуыз ет пен балықта ғана емес, көкөністер мен жұмыртқада да көп. Сонымен қатар, тұзды тағамдарды да аз қолдануға тырысыңыз.
6. Тамақ ішердің алдында аш қарынға бір стақан су ішу қажет. Көптеген диетологтар суды көп ішетін адамдардың емделуге жиі келмейтіндігін айтады. Осыдан-ақ суды көп ішудің пайдасы қандай екендігін аңғару қиын емес.
7. Барлық жаңалықтардан хабардар болып жүруге тырысыңыз. Ол сізге қажет болмаса да жаңалықтарды білетін адам әрдайым жақсы әңгімелесуші және кез-келген ортаның сүйікті қонағы болады.
8. Күнделікті аздаған уақытыңызды өзіңіздің хоббиіңізге арнаңыз. Ол 1-2 сағат сізге теледидардан құр бағдарлама немесе жарнама көргеніңізден әлдеқайда жақсы әсер етеді. Егер хоббиіңіз болмаса, өзіңізге ұнайтын іс тауып алып, күнделікті соған аздаған уақытыңызды бөліп тұруға тырысыңыз.
9. Күн сайын өзіңізді кемелдендіруден талмаңыз. Ұзақ болмаса да күнделікті кітап оқыңыз. Өйткені, біз кітап оқи отырып өзіміздің дүниетанымымызды жетілдіріп, есте сақтау қабілетімізді жақсартамыз. Сонымен қатар, кітап – ақпараттың қайнаркөзі.
10. Ұйықтар алдында таза ауада серуеңдеңіз. Балаларыңызбен немесе итіңізбен бірауық жүріп қайтсаңыз ұйықтар алдында ағзаңызға көбірек оттегі жиналады және де бұл ұйқыңызды шақырады. Тиісінше, таңертең оянуыңыз да жеңіл болады.
11.Ауру астан,дау қарындастан. Сіз тамақ ішудің заңдылығын білуіңіз керек. Таңнан тұрып тамақ ішкенге дейін кем дегенде 700 гр жылы су ішу керек. Бір күнде 2 жарым литрден кем емес су ішу міндеттеледі. Түске дейін көкөніс жеу керек, түстен кейін ет өнімдерін жеу керек, кешке сүт өнім тамақтарын жеген дұрыс болады.
12. Адамзат үшін 5 энергетикалық көз қажет болады. Жер энергетикасы жерден шыққан өнімдерден келеді,Күн энергетикасы,
күн нұрынан , Жұлдыз энергетикасы кештен түн ауғанға дейінгі, Ай энергетикасы таңғы 4,5 ке дейін, Рух энергетикасы ол ата бабаға сиынып тілек дұға жасасаңыз ата бабаңыздың рухы сізді жебейді. Адам жер шарының көшірмесі, 109 элемент неше жүз мыңдаған минералды қосындылардан тұрады. Сол себепті денеміздегі табиғи энергия көзімізді керексіз затқа жұмсап шаршап қалмайық ағайын. Бейне жер шарының бүкіл байлығы азайғанындай адамның да табиғи ресурстары азайады. Сол үшін дер кезінде толықтап энергетика көздерімізді қуаттандырып отыруымыз керек. Ол үшін адам ауырмасада екі айда 10 рет акупунктура немесе алтын ине терапиясын алып отыруы қажет, сонда ғана Алланың берген толық жасын жасап өтуімізге мүмкіндік болады.
Егер осы менің кеңестерімнің болмағанда бірнешеуін күнделікті орындап тұрсаңыз, бір айдың көлемінде сіздің өміріңізде өзгерістер бола бастағанын байқайсыз, әрине, тек жақсы жағына қарай өзгерістер орын алатын болады. Ең үлкен байлық Ұлт саулығы , адамдардың денсаулығы. Аман есен сау болайық ағайын. Осы кеңестерімді орындап жүрсеңіздер өмірлеріңіз жақсы жақа өзгеретініне сенімдімін.
Профессор Жасан Зекейұлы.
