04/08/2025
Ми – адам ағзасындағы ең күрделі, ең құпия әрі ең маңызды мүшелердің бірі. Оның саулығы – тек физикалық емес, психикалық, эмоциялық және зияткерлік өміріміздің де тірегі. Дәл осы жүйке жүйесінің түйінін шешіп, адам өмірінің сапасын жақсартуға бағытталған саланың бірі — нейрохирургия.
Осы орайда, Дүниежүзілік ми күніне орай біз ҚР ПІБ Медорталығы ауруханасының нейрохирургі, ми ісіктері мен бассүйек патологияларын емдеуде инновациялық тәсілдерді қолданып жүрген Абылай Серікбаймен сұхбаттасып, оның тәжірибесі, заманауи технологиялардың маңызы және нейрохирургияның болашағы жайлы сұрап білдік.
