15/08/2025
⚜️ЕҢБЕГІ ЕРЕН ТҰЛҒА МАРАПАТТАЛДЫ!
Бүгін аудан әкімінің орынбасары Олжас Болатханұлы мен ел ағалары ауданымыздың өмірлік әрі қызметтік тәжірбиесі мол азаматы Мұрат Махалұлын мерейлі жасқа толған күніне орай, арнайы құттықтап, сый- сияпат табыс етті. Сонымен қатар облыс пен аудан басшылығы тарапынан марапаттар тапсырды.
Құттықтау барысында әкім орынбасары мен ардагер азаматтар алғыс айта отырып, оның ұйымдастырушылық қабілеті жоғары екенін, әріптестер арасындағы жиынды да шебер басқаратынын, кітапты көп оқитынын, керек-жерін ерінбей-жалықпай қойын дәптеріне түртіп жүретінін, мақал-мәтелге жетік екенін, Абайдың әндерін де қарапайым дауысымен нәшіне келтіре орындайтынын тілге тиек етті.
Ел азаматтары ауданымызға еңбегі сіңген тұлғаның келешекте де елдің әлеуметтік-экономикалық дамуына үлес қосуға мүмкіндігі молдығына, аудан үшін алдағы күнде де аянбайтынына ерекше сенім білдірді.
Мұрат Махалұлының өмір жолын зерделей қарасақ, жоғарғы оқу орнын бітірген күннен Семей облысы, Шұбартау ауданы, “Сарықамыс” кеңшарында құрылыс инженері қызметіне кіріскен, одан кейін де аттан түспеген. 1992 жылдардан бастап Ордабасы аудан әкімдігінде бас маман, бөлім меңгерушісі, аудан әкімінің орынбасары, аудан әкімі, аумақ әкімі, тағы да басқа лауазымдарды абыроймен атқарды. Қазір аудан әкімінің кеңесшісі.
Қажырлы да қайратты Мұрат Махалұлын 63 жасқа толуымен шын жүректен құттықтаймыз!
Ордабасы ауданы әкімінің баспасөз қызметі
