Ордабасы ауданы әкімдігі, Kazakhstan, Turkistan oblysy, Shymkent (2026)

07/03/2026

✔️КӨКТЕМГІ ДАЛА ЖҰМЫСТАРЫ МЕН МЕМЛЕКЕТТІК ҚОЛДАУ ШАРАЛАРЫ ТҮСІНДІРІЛДІ

Ауданда көктемгі дала жұмыстарына дайындық барысы мен ауыл шаруашылығы саласына көрсетілетін мемлекеттік қолдау шараларын түсіндіруге арналған кездесу өтті. Жиын Бөржар ауыл округіндегі мәдениет үйінде ұйымдастырылып, оған аудандық ауыл шаруашылығы және жер қатынастары бөлімінің басшысы Берік Алтынбеков төрағалық етті.

Кездесудің басты мақсаты – шаруаларға мемлекет тарапынан берілетін жеңілдіктер мен қолдау тетіктерін кеңінен түсіндіру, сондай-ақ көктемгі дала жұмыстарын сапалы ұйымдастыруға бағытталған мүмкіндіктер туралы ақпарат беру.

Жиынға аудандық фермерлер одағының төрағасы Ермекбай Сәтенов, қаржы ұйымдарының өкілдері, су үнемдеу технологияларын орнатумен айналысатын компаниялар, агродрон және ауыл шаруашылығы техникаларын жеткізуші кәсіпорындардың мамандары қатысты. Сондай-ақ Бадам, Бөржар, Шұбар, Қараспан, Қажымұхан ауыл округтерінің жауапты мамандары мен агроқұрылым жетекшілері, мақта шаруашылығымен айналысатын шаруалар жиналды.

Кездесу барысында қаржы ұйымдарының өкілдері көктемгі дала жұмыстарын жүргізуге арналған жеңілдетілген несиелер, ауыл шаруашылығын қолдауға бағытталған субсидиялар мен қаржыландыру тетіктері жөнінде түсіндірме жұмыстарын жүргізді.

Сонымен қатар, жиында су тапшылығы мәселесін ескере отырып, су үнемдеу технологияларын кеңінен енгізудің маңыздылығы айтылды. Бұл бағытта заманауи тамшылатып суару жүйелері, оларды орнату мен пайдаланудың тиімді жолдары таныстырылып, мемлекет тарапынан қарастырылған субсидиялар туралы мәлімет берілді.

Бұдан бөлек, агродрондарды қолданудың артықшылықтары, егістік алқаптарына тыңайтқыш пен химиялық өңдеу жұмыстарын жүргізудегі тиімділігі таныстырылды. Ауыл шаруашылығы техникаларын жеткізуші компаниялар да шаруаларға заманауи техникалардың мүмкіндіктері мен лизингтік жолмен алу тәсілдерін түсіндірді.

Жиын барысында шаруалар өздерін толғандырған сұрақтарын қойып, мамандардан нақты жауап алды.
Мұндай кездесулер ауыл шаруашылығы саласында еңбек етіп жүрген шаруаларға жаңа мүмкіндіктерді таныстырып, мемлекеттік қолдау шараларын тиімді пайдалануға жол ашатыны атап өтілді.

Ордабасы ауданы әкімінің баспасөз қызметі

07/03/2026

🎭 ОРДАБАСЫ: ТЕМІРЛАНДА МЕРЕКЕ ҚАРСАҢЫНДА ТЕАТР ӨНЕРІНІҢ ӘСЕРЛІ КЕШІ ӨТТІ

Аудан орталығы Темірландағы аудандық Мәдениет үйінде тұрғындарға ерекше рухани әсер сыйлаған мәдени кеш ұйымдастырылды.

Астана қаласы әкімдігінің Музыкалық жас көрермендер театрының өнер ұжымы жергілікті көрермендерге қазақ әдебиетіндегі көрнекті шығармалардың бірі – «Гауһартас» желісі бойынша сахналанған қойылымды ұсынды.

Қойылым барысында адамгершілік, адалдық, махаббат пен отбасы құндылықтары терең бейнеленіп, актерлердің кәсіби шеберлігі мен шынайы ойыны көрермендердің ыстық ықыласына бөленді.

Іс-шараға аудан әкімінің орынбасары Ілияс Тұрнияз қатысып, өнер ұжымына аудан тұрғындары атынан алғыс білдіріп, шығармашылық табыс тіледі.

Кеш соңында қойылымды тамашалаған ауыл тұрғындары театр әртістеріне ризашылықтарын жеткізіп, мұндай мәдени кездесулер өңірдің рухани өмірін байыта түсетінін атап өтті.

Ордабасы ауданы әкімінің баспасөз қызметі

06/03/2026

⚜️Ордабасы ауданында 8 наурыз – Халықаралық әйелдер күніне орай «Әлемнің жарығы – ана» атты мерекелік іс-шара ұйымдастырылды.

⚜️Мерекелік жиында ауданның әлеуметтік-экономикалық дамуына үлес қосып жүрген ардақты аналар мен нәзікжандыларға құрмет көрсетілді.
#ордабасы #8наурыз

06/03/2026

🌷КӨКТЕМ ШУАҒЫМЕН ӘСПЕТТЕЛГЕН МЕРЕКЕ: АУДАН ОРТАЛЫҒЫНДА 8 НАУРЫЗ МЕРЕКЕСІНЕ ОРАЙ «ӘЛЕМНІҢ ЖАРЫҒЫ – АНА» АТТЫ САЛТАНАТЫ ШАРА ӨТТІ

⚜️Бүгін аудандық Мәдениет үйінде 8 наурыз – Халықаралық әйелдер күніне арналған «Әлемнің жарығы – Ана» атты салтанатты мерекелік іс-шара жоғары деңгейде өтті. Көктемнің шуағымен астасқан бұл кеш аналар мен аруларға деген құрмет пен ризашылыққа толы әсерлі сәттерге ұласты.

⚜️Мерекелік кештің шымылдығы «Бәйтерек» би тобының орындауындағы әсем «Тойбастар» биімен түріліп, көрермендерге көтеріңкі көңіл күй сыйлады. Салтанатты жиынды жүргізушілер жүрекжарды лебізбен ашып, көктем мерекесінің мән-маңызына тоқталды.

⚜️Аудан әкімі Азат Оралбаев нәзік жандыларды төл мерекесімен құттықтап, қоғамдағы орны мен еңбектерін ерекше атап өтті. Аналардың отбасы берекесі мен ел дамуына қосып жүрген үлесіне тоқталды. Аудан басшысы аналар мен аруларға зор денсаулық, шаңырақтарына бақ-береке, еңбектеріне табыс тіледі.

⚜️Салтанатты кеш барысында аудандық мәслихат төрағасы Бақләулет Жұмабеков те құттықтау сөз сөйлеп, аналардың мейірімі мен тәрбиесінің қоғамдағы орны айрықша екенін атап өтті.

⚜️Мерекелік бағдарлама аясында өнерпаздар әсем ән мен биден шашу шашты. «Көктем вальсі» композициясы, эстрадалық әндер, «Қыздар-ай», «Не забывай», «Мен нағыз махаббатты армандаймын» секілді әндер орындалып, көрермендерге ерекше әсер сыйлады. Сондай-ақ «Шаттық» би ансамблінің өнері кештің көркін аша түсті.

⚜️Кештің әсерлі сәттерінің бірі – мәдениет үйінің өнерпаздары орындаған «Анаға хат» атты финалдық композиция болды. Бұл туынды аналарға деген шексіз құрмет пен перзенттік алғыстың символына айналып, залдағы көрермендердің жүрегіне ерекше әсер қалдырды.

⚜️Жалпы, «Әлемнің жарығы – Ана» атты мерекелік кеш – аналар мен аруларға деген шынайы құрметтің, мейірім мен ізгіліктің жарқын көрінісі болды. Көктем мерекесі аудан тұрғындарына ерекше көңіл күй сыйлап, аналарға деген алғыс пен ілтипатты тағы бір мәрте айқындай түсті.

Ордабасы ауданы әкімінің баспасөз қызметі

06/03/2026

⚜️ОРДАБАСЫ: АУДАНДА 8 НАУРЫЗҒА ОРАЙ ҚЫЗ-КЕЛІНШЕКТЕР АРАСЫНДА СПОРТТЫҚ ЖАРЫС ӨТТІ

⚜️8 наурыз – Халықаралық әйелдер күніне орай ауданымызда мекеме қызметкерлері арасындағы қыз-келіншектердің қатысуымен спорттық жарыс ұйымдастырылды.

⚜️Мерекелік шараның негізгі мақсаты – нәзік жандылардың белсенділігін арттыру, бұқаралық спортты дамыту және салауатты өмір салтын насихаттау.

⚜️Жарыс барысында қатысушылар стритбол, кіші футбол, қол күресі және арқан тартыс секілді спорт түрлерінен өзара бақ сынап, жоғары дайындықтарын көрсетті. Әрбір команда тартысты әрі қызықты ойын өрнегін көрсетіп, жарыс алаңы нағыз спорттық рух пен мерекелік көңіл-күйге бөленді.

⚜️Байқауға ауданның түрлі мекемелерінен құралған командалар қатысып, ұйымшылдықтарын, жігері мен қайсарлықтарын танытты.

⚜️Нәтижесінде командалық есеп бойынша І орынды Амангелді жалпы орта мектебі иеленсе, ІІ орын Аудандық орталық аурухана командасына бұйырды. Ал ІІІ орынды Жұмыспен қамту және әлеуметтік бағдарламалар бөлімі мен Темірлан абаттандыру мекемесінің қыз-келіншектері жеңіп алды.
Жеңімпаздар мен жүлдегерлер арнайы марапатталып, барлық қатысушыларға алғыс білдірілді.

⚜️Осындай игі шаралар әйелдер қауымының тек нәзіктігімен ғана емес, қайсарлығы мен белсенділігімен де ерекшеленетінін айқын көрсетті.

Ордабасы ауданы әкімінің баспасөз қызметі

05/03/2026

АУЫЛ ШАРУАШЫЛЫҒЫ ЖӘНЕ ЖОЛ-ҚҰРЫЛЫСЫ ТЕХНИКАЛАРЫ ИЕЛЕРІНІҢ НАЗАРЫНА-ТЕХНИКАЛЫҚ БАЙҚАУ!

Ауылдық округтеріндегі ауыл шаруашылығы және жол-құрылысы техникаларын пайдаланушы субьектілер, заңды және жеке тұлғалардың меншігіндегі тракторлар, өздігінен жүретін ауыл шаруашылығы машиналары, трактор тіркемелеріне, жол-құрылысы техникаларына техникалық байқау өткізіледі.

Қазақстан Республикасы Ауыл шаруашылығы Министрлігінің 2015 жылғы 6 мамырдағы №4-3/421 бұйрығымен бекітілген «Тракторларды және олардың базасында жасалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылысы машиналары мен механизмдерін, сондай-ақ жүріп өту мүмкіндігі жоғары арнайы машиналарды жыл сайынғы мемлекеттік техникалық байқаудан өткізу» мемлекеттік көрсетілетін қызмет стандартына сай 2026 жылғы техникалық байқауы жүргізіледі:
✔️Ауыл шаруашылығы техникаларын жыл сайынғы техникалық байқауға келесі құжаттар ұсынылу қажет:
✔️машиналарды техникалық байқаудан өткізуге асыру үшін заңды және жеке тұлғалар мынадай құжаттар ұсынады:
жеке тұлға (не оның оның сенімхат бойынша өкілі):
✔️осы стандартың 1-қосымшасына сәйкес нысан бойынша өтінішті;
машинаны тiркеу құжаты (техникалық паспорт);
✔️заңды тұлға (не оның оның сенімхат бойынша өкілі):
✔️осы стандартын 1-қосымшаға сәйкес нысан бойынша өтінішті;
✔️машинаны тiркеу құжаты (техникалық паспорт);
✔️осы стандартын 2-қосымшасына сәйкес нысан бойынша машиналарды мемлекеттік техникалық қарап-тексеру актісіне енгізу үшін машиналар туралы мәліметтер.

Техникалық байқау 2026 жылдың наурыз айының 1–нен сәуір айының 28-не дейінгі аралықта өтеді.

Биылғы жылы ауылдық округтеріндегі ауыл шаруашылығы техникаларын пайдаланушы субъектілер, заңды және жеке тұлғалардың меншігіндегі тракторлар, өздігінен жүретін ауыл шаруашылығы машиналары, трактор тіркемелеріне өткізілетін техникалық байқаудың өткізілетін күндері бойынша арнайы кесте құрылды.

Ордабасы ауданы әкімдігінің баспасөз қызметі

05/03/2026

✅ ТҰРҒЫНДАР МӘСЕЛЕСІ НАЗАРДА: АУДАН ӘКІМІ ЖЕКЕ ҚАБЫЛДАУ ӨТКІЗДІ

Бүгін аудан әкімі Азат Оралбаев тұрғындарды жеке мәселелері бойынша қабылдап, азаматтардың өтініш-тілектерін тыңдады. Қабылдау барысында аудан тұрғындары түрлі әлеуметтік және тұрмыстық мәселелерін көтерді.

Кездесуде азаматтар тарапынан тұрғын үй алу, жер телімі мәселесі, ауыз су тарту, балалар ойын алаңшасын салу, сондай-ақ демалыс орнын ашу үшін жер учаскесін бөлу сияқты бірқатар өтініштер айтылды. Сонымен қатар әлеуметтік салаға қатысты мәселелер де қозғалды.

Аудан басшысы әрбір өтінішті мұқият тыңдап, көтерілген мәселелердің мән-жайын нақтылап, тиісті бөлім басшылары мен жауапты мекеме өкілдеріне заң аясында зерделеп, шешу жолдарын қарастыруды тапсырды.

Жеке қабылдау барысында айтылған ұсыныстар мен өтініштер бақылауға алынып, олардың орындалуы бойынша тиісті жұмыстар жүргізілетіні аталып өтті.

Ордабасы ауданы әкімінің баспасөз қызметі

05/03/2026

🌷8 НАУРЫЗ МЕРЕКЕСІ ҚАРСАҢЫНДА АУДАН ӘКІМІ АУЫЛ ОКРУГТЕРІНДЕ ТҰРҒЫНДАРДЫ ҚҰТТЫҚТАДЫ

🌷Бүгін 8 наурыз Халықаралық әйелдер күні қарсаңында аудан әкімі Азат Оралбаев ауыл округтерін арнайы аралап, мерекелік кездесулерге қатысты.

🌷Мерекелік іс-шаралар Шұбар, Шұбарсу, Бөржар, Бадам ауыл округтерінде ұйымдастырылып, мәдениет үйлері мен білім беру мекемелерінде салтанатты жиындар өтті. Аудан басшысы әр округтегі басқосуларға қатысып, тұрғындарды көктем мерекесімен құттықтап, жылы лебізін білдірді.

– Бұл мереке – адамгершілік пен мейірімділіктің, ізгілік пен сыйластықтың айқын көрінісі. Сіздердің қоғамдағы жауапкершіліктеріңіз бен еңбектеріңіз ерекше құрметке лайық. Күнделікті тіршілікте атқарып жүрген адал қызметтеріңіз, отбасы мен қоғамдағы орнықтылыққа қосып отырған үлестеріңіз ауданымыздың дамуына да оң әсерін тигізіп келеді. Баршаңызға зор денсаулық, еңбектеріңізге табыс, шаңырақтарыңызға бақ-береке тілеймін, – деді аудан әкімі құттықтау сөзінде.

🌷Салтанатты жиындар барысында түрлі салада жемісті еңбек етіп жүрген жандарға құрмет көрсетіліп, алғыс хаттар мен сый-сияпаттар табысталды. Сонымен қатар мерекелік концерттік бағдарламалар ұйымдастырылып, әсем әндер шырқалып, көтеріңкі көңіл күй сыйлады.

🌷Әр округте ұйымдастырылған басқосулар тұрғындардың көңілінен шығып, мерекелік атмосферамен өрбіді.

Ордабасы ауданы әкімінің баспасөз қызметі

05/03/2026

Референдумға дайындық барысын бақылау мақсатында Азат Оралбаев аудан аумағындағы бірқатар ауылдық округтердегі дауыс беру учаскелерін аралап, олардың әзірлік деңгейімен танысты.

Іс-сапар барысында Төрткүл, Қарақұм, Жеңіс, Бөген және Қараспан ауылдарында орналасқан учаскелердің материалдық-техникалық базасы, ұйымдастыру жұмыстары және белгіленген талаптарға сәйкестігі тексерілді.
#ордабасы #әкімсағаты

04/03/2026

✅ РЕФЕРЕНДУМ: ДАЙЫНДЫҚ ЖҰМЫСТАРЫ ЖҮЙЕЛІ ЖҮРГІЗІЛУДЕ

Референдумға дайындық барысын бақылау мақсатында Азат Оралбаев аудан аумағындағы бірқатар ауылдық округтердегі дауыс беру учаскелерін аралап, олардың әзірлік деңгейімен танысты.

Іс-сапар барысында Төрткүл, Қарақұм, Жеңіс, Бөген және Қараспан ауылдарында орналасқан учаскелердің материалдық-техникалық базасы, ұйымдастыру жұмыстары және белгіленген талаптарға сәйкестігі тексерілді.

Қазіргі таңда ауданда референдумды өткізуге бағытталған дайындық шаралары толық көлемде жүзеге асырылуда. Барлық дауыс беру учаскелері қолданыстағы заңнама талаптарына сәйкес жабдықталып, саяси науқанды жоғары деңгейде ұйымдастыруға дайындалуда.

Ордабасы ауданы әкімінің баспасөз қызметі

04/03/2026

🌷КӨКТЕМ МЕРЕКЕСІНДЕГІ ҚҰРМЕТ: АУДАН ӘКІМІ АРНАЙЫ БАРЫП НӘЗІК ЖАНДЫЛАРДЫ 8 НАУРЫЗ МЕРЕКЕСІМЕН ҚҰТТЫҚТАДЫ

🌷Көктемнің шуақты мерекесі – 8 наурыз Халықаралық әйелдер күні қарсаңында аудан әкімі Азат Оралбаев ауыл округтерін арнайы аралап, тұрғындарды мерекемен құттықтады.

🌷Мерекелік кездесулер Төрткүл, Қарақұм, Жеңіс, Бөген және Қараспан ауыл округтерінде өтіп, салтанатты жиындарға ұласты. Аудан басшысы әр округтегі басқосуларда жүрекжарды лебізін білдірді.

– Сіздер – қоғамдағы ізгіліктің, жауапкершілік пен парасаттың үлгісісіздер. Еңбектеріңізбен ауданымыздың дамуына сүбелі үлес қосып келесіздер. Әр шаңырақтың берекесі мен татулығы, тіршіліктің үйлесімі сіздердің қажырлы еңбектеріңіз бен ақ ниеттеріңіздің арқасында нығая түседі. Баршаңызға мықты денсаулық, толайым табыс және отбасыларыңызға амандық тілеймін, – деді аудан әкімі құттықтау сөзінде.

🌷Салтанатты жиын барысында мерекелік концерттік бағдарламалар ұйымдастырылып, аяулы аналарымызға көтеріңкі көңіл күй сыйланды.

🌷Іс-шаралар ауылдық мәдениет үйлері мен білім беру мекемелерінде өтті. Әр округте мерекелік жиын жоғары деңгейде ұйымдастырылып, тұрғындарға ерекше құрмет көрсетілді.

🌷8 наурыз – сұлулық пен ізеттіліктің, мейірім мен парасаттың мерекесі. Аудан көлемінде өткен бұл кездесулер қоғамдағы бірлік пен сыйластықтың айқын көрінісіне айналды.

Ордабасы ауданы әкімінің баспасөз қызметі

Ордабасы ауданы әкімдігі

07/03/2026

07/03/2026

06/03/2026

06/03/2026

06/03/2026

05/03/2026

05/03/2026

05/03/2026

05/03/2026

04/03/2026

04/03/2026

Address

Telephone

Website

Alerts

Shortcuts

Share