Ордабасы ауданы әкімдігі, Kazakhstan, Turkistan oblysy, Shymkent (2026)

05/02/2026

ОРДАБАСЫ: АУДАН ӘКІМІ АЗАМАТТАРДЫ ЖЕКЕ ҚАБЫЛДАДЫ

Бүгін аудан әкімі Азат Оралбаев азаматтарды жеке қабылдап, тұрғындардың өзекті мәселелерін тыңдады. Жеке қабылдау барысында аудан тұрғындары әлеуметтік, инфрақұрылымдық және тұрмыстық сипаттағы бірқатар мәселелерді көтерді.
Қабылдауға Темірлан, Шұбар, Қажымұхан, Қараспан ауылдық округтерінен келген азаматтар қатысып, бірқатар мәселелері бойынша өтініштерін жеткізді.
Атап айтқанда, балалар ойын алаңшасын салу, жер, жарық және ауыз суға қатысты түйткілдер. Сонымен қатар, тұрғын үй алу, тұрғын үй құжаттарын рәсімдеуге көмек көрсету, ауылдан спорт нысандарын салу жөнінде ұсыныстар айтылды.

Аудан әкімі әрбір азаматтың мәселесін мұқият тыңдап, көтерілген сұрақтар бойынша жауапты сала басшыларына нақты тапсырмалар берді. Кейбір мәселелер бойынша сол жерде түсіндірме беріліп, ал күрделі мәселелер заңнама аясында кезең-кезеңімен шешілетін болды. Әрбір өтініш назардан тыс қалмайтынын, олардың орындалуы жеке бақылауында болатынын жеткізді.
Жеке қабылдау қорытындысы бойынша барлық өтініштер тіркеліп, орындалу барысын бақылау және тиісті құжаттандыру жұмыстары жауапты бөлімдерге жүктелді.

Қабылдау барысында көтерілген кейбір мәселелер бойынша аудан әкімі нысан басына барып, жауапты сала басшыларымен және тиісті мекеме өкілдерімен бірге жан-жақты зерделеу жүргізу туралы шешім қабылдады.

Ордабасы ауданы әкімінің баспасөз қызметі

05/02/2026

✔️Ордабасы ауданына қарасты Темірлан ауылында 200 орындық перинаталдық орталық құрылысы басталды. Маңызды шараға облыс әкімі Нұралхан Көшеров қатысып, нысанның капсуласын салу рәсімін өткізіп, құрылыс жұмыстарының барысымен танысты. Ордабасылықтарды қуанышты сәтпен құттықтады.

#ордабасы #түркістан

05/02/2026

🔹ТҮРКІСТАН: ОРДАБАСЫ АУДАНЫ 200 ОРЫНДЫҚ ПЕРИНАТАЛДЫҚ ОРТАЛЫҚПЕН ТОЛЫҒАДЫ

🔹Түркістан облысы Ордабасы ауданына қарасты Темірлан ауылында 200 орындық перинаталдық орталық құрылысы басталды. Маңызды шараға облыс әкімі Нұралхан Көшеров қатысып, нысанның капсуласын салу рәсімін өткізіп, құрылыс жұмыстарының барысымен танысты. Ордабасылықтарды қуанышты сәтпен құттықтады.

– Бүгін Түркістан өңірінде тағы бір игі бастаманың куәсі болып тұрмыз. Тарихи Ордабасы жерінде жаңа медициналық нысанның құрылысы басталды. Мемлекет басшысы Қасым-Жомарт Кемелұлы Тоқаев Қазақстан халқына арнаған Жолдауында «Медициналық инфрақұрылымды кешенді түрде жақсартуға баса назар аудару керек» деген болатын. Осы бағытта Түркістан облысында ауқымды жұмыс атқарылып келеді. Мәселен, былтыр өңірдегі шалғай елді мекендерде фельдшерлік-акушерлік пункттер ашылып, ел игілігіне берілді. Ал бүгін Темірлан ауылында 200 орындық облыстық перинаталдық орталықтың уақыт капсуласы салынуда. Бұл медициналық мекеме болашақта Ордабасы, Бәйдібек, Сайрам, Түлкібас аудандары мен Арыс қаласының тұрғындарына қызмет етеді. Осы аймақтардың тұрғындары енді облыс орталығына сабылмай, Темірланда қажетті емді қабылдайды. Өйткені, жаңа перинаталдық орталық жүкті әйелдер мен нәрестелерге жоғары деңгейдегі заманауи медициналық көмек көрсетеді. Бұл – ана мен бала денсаулығын сақтап, демографияны жақсартуға серпін беретін маңызды бастама. Перинаталды орталық уақтылы әрі сапалы салынып, халыққа жоғары деңгейде қызмет көрсетеді деп сенеміз, – деді Нұралхан Көшеров.

🔹Аталған жобаның мердігер мекемесі – «ВД Строй-Инжиниринг» жауапкершілігі шектеулі серіктестігі. Перинаталдық орталық 200 орынға есептелген. Ғимараттың жалпы алаңы 34 233,30 шаршы метр болса, құрылыс ауданы 12 009,73 шаршы метрді құрайды. Құрылыс жүргізілетін жер телімінің жалпы аумағы – 8 гектар.

🔹Перинаталдық орталықтың басты ерекшелігі – облыстық деңгейде жүкті әйелдер мен нәрестелерге жоғары сапалы, заманауи медициналық көмек көрсетуге бағытталған. Жоба ана мен бала денсаулығын қорғау жүйесін жетілдіруге және өңір тұрғындарына қолжетімді медициналық қызмет көрсетуге зор мүмкіндік береді.

Түркістан облысы әкімінің баспасөз қызметі

04/02/2026

✔️ОРДАБАСЫ: АУДАНДА КӨКПАР ФЕДЕРАЦИЯЛАРЫ ӨКІЛДЕРІМЕН КЕЗДЕСУ ӨТТІ

✔️Ұлттық ойындар қазақ халқының мәдени мұрасы ретінде ұрпақ сабақтастығын сақтауда маңызды рөл атқарады. Алайда соның ішінде экстримдік сипатқа ие көкпар ойынын ұйымдастыру мен өткізу барысында белгіленген ережелерді сақтау, қатысушылар мен көрермендердің қауіпсіздігін қамтамасыз ету басты назарда болуы тиіс. Аудан әкімі Азат Оралбаевтың осы бағыттағы тапсырмасына сәйкес көкпар ойындарын заң талаптарына сай, қауіпсіз түрде өткізу мақсатында көкпар федерациялары өкілдерінің қатысуымен жұмыс жиыны ұйымдастырылды.

✔️Аталған жиында көкпар федерацияларының басшылары, төрешілер, салалық бөлім жетекшілері және құқық қорғау органдары өкілдері бас қосып, көкпар өткізу кезіндегі тәртіп, қауіпсіздік талаптары және алдағы жоспарларды талқылады.

✔️Жиынға аудан әкімінің орынбасары Илияс Тұрнияз төрағалық етіп, ұлттық спортты дамытуда жауапкершілік пен тәртіптің маңызын атап өтті. Сонымен қатар, аудандық прокуратура өкілі Ердос Әріпбай қоғамдық тәртіп пен қауіпсіздікті сақтау, заң талаптарын қатаң орындау қажеттігін жеткізді.

✔️Кездесу қорытындысында көкпар ойындарын өткізу тәртібін жетілдіру, алдын ала келісу тетіктерін күшейту және жауапты органдармен өзара үйлесімді жұмыс жүргізу бойынша нақты тапсырмалар берілді.

Ордабасы ауданы әкімінің баспасөз қызметі

04/02/2026

🔰ОРДАБАСЫ: КӨКТЕМГІ ДАЛА ЖҰМЫСТАРЫНА ДАЙЫНДЫҚ ПЕН МЕМЛЕКЕТТІК ҚОЛДАУ ЖҮЙЕЛЕРІН ТҮСІНДІРУ БОЙЫНША АУҚЫМДЫ ШАРАЛАР БАСТАЛДЫ

🔰Бүгін ауданға қарасты Қарақұм ауылында көктемгі дала жұмыстарына дайындық барысы және мемлекет тарапынан көрсетілетін қолдау тетіктері бойынша маңызды жиын өтті.

🔰Аталған жиынға аудандық ауыл шаруашылығы және жер қатынастары бөлімінің басшысы Берік Алтынбеков, Облыстық фермерлер одағының төрағасы Тұрғанбек Оспанов, Облыстық ауыл шаруашылығы басқармасының егін шаруашылығы бөлімінің бас маманы Даулетияр Алшынбай, Ордабасы аудандық фермерлер одағының төрағасы Ермекбай Сәтенов, сондай-ақ қаржы институттары мен жеке компаниялардың өкілдері және ауыл шаруалары қатысты.

🔰Жиында Мемлекет басшысы Қасым-Жомарт Тоқаевтың Жолдауындағы ауыл шаруашылығын жаңа деңгейге көтеру, салаға инвестиция тарту және бөлінген қаржыны тиімді пайдалану міндеттері аталып өтті. Осы бағытта Ордабасы ауданының аграрлық әлеуеті мен даму жоспарлары таныстырылды.

🔰Баяндамаларда ауданның жалпы жер көлемі, агроқұрылымдар саны, 2025 жылғы өндірілген өнім көлемі және 2026 жылға қойылған жоспарлар кеңінен сөз болды. Атап айтқанда, биыл ауыл шаруашылығы өнімінің көлемін 88,3 млрд теңгеге жеткізу көзделіп отыр.
Шаруаларға көрсетілетін мемлекеттік қолдаулар нақты түсіндірілді. «Кең дала» бағдарламасы арқылы көктемгі дала жұмыстарына 5 пайызбен несие беру, арзандатылған жанар-жағармай, тұқым, тыңайтқыш және ауыл шаруашылығы техникаларына субсидиялар қарастырылғаны айтылды. Сонымен қатар, «ҚазАгроҚаржы» АҚ арқылы техника алудың тиімді тетіктері таныстырылды.

🔰Жүгері дақылын ұлғайту мәселесі де күн тәртібінен тыс қалған жоқ. Биыл жүгері егіс көлемін 8 400 гектарға дейін арттыру жоспарланып отыр. Осыған байланысты «ҚазКрахмал» ЖШС өкілдері өнім қабылдау және қайта өңдеу мүмкіндіктері туралы ақпарат берді. Жүгеріні зауытқа өткізген шаруаларға тоннасына 30 мың теңге субсидия берілетіні аталып өтті.

🔰Су тапшылығы мәселесіне байланысты су үнемдеу технологияларын енгізудің маңыздылығы айтылып, тамшылатып және жаңбырлатып суару жүйелеріне 80 пайызға дейін субсидия қарастырылғаны жеткізілді.

🔰Сондай-ақ мал шаруашылығын дамытуға арналған «Игілік» бағдарламасы, асыл тұқымды мал сатып алуға және мал шаруашылығы өнімін өндіруге берілетін жеңілдіктер жан-жақты түсіндірілді.

🔰Жиын соңында шаруалар тарапынан қойылған сұрақтарға сала мамандары нақты жауап беріп, көктемгі дала жұмыстарын ұйымдастыруда бірлесіп жұмыс істеудің маңыздылығын айтты.

Ордабасы ауданы әкімінің баспасөз қызметі

04/02/2026

МҰҚАҒАЛИ МАҚАТАЕВТЫҢ 95 ЖЫЛДЫҒЫНА АРНАЛҒАН ӘДЕБИ-САЗДЫ КЕШКЕ ШАҚЫРАМЫЗ

Құрметті өнер мен жырсүйер қауым!
Қазақ поэзиясының заңғар тұлғасы, жыр әлемінің жарық жұлдызы Мұқағали Мақатаевтың 95 жылдығына арналған әдеби-сазды кешке сіздерді шын жүректен шақырамыз.
Кеш барысында ақынның мәңгілік өлеңдері оқылып, сырлы әндері шырқалып, рухани мұрасына тағзым жасалады.
Жырды сүйген жүректер тоғысатын тағылымды кештен қалыс қалмаңыздар!
Өтетін орны: Темірлан елді мекені, Ордабасы аудандық Мәдениет үйі

03/02/2026

🔹ОРДАБАСЫ: АППАРАТТЫҚ МӘЖІЛІСТЕ БЮДЖЕТ КІРІСТЕРІ ЖӘНЕ АУЫЛ ШАРУАШЫЛЫҒЫ МӘСЕЛЕЛЕРІ ҚАРАЛДЫ

🔹Бүгін аудан әкімі Азат Оралбаевтың төрағалығымен кезекті аппараттық мәжіліс өтті. Мәжілісте ауданның әлеуметтік-экономикалық даму көрсеткіштері, жергілікті бюджет кірістерінің орындалуы, ауылшаруашылық ресурстарын тиімді пайдалану және инфрақұрылымға қатысты өзекті мәселелер жан-жақты қаралды.

🔹Күн тәртібіндегі негізгі мәселенің бірі – жергілікті бюджет кірістерін арттыру және қаржылық тәртіпті күшейту. Деректерге сәйкес, аудан бойынша кірістердің жалпы өсімі қамтамасыз етілгенімен, ауыл округтері арасында кіріс жоспарының орындалу деңгейі әркелкі екені анықталды.
Аудан әкімі бюджет кірістері бойынша ауыл округтері арасындағы рейтингтерге жеке тоқталып, төмен көрсеткіш көрсеткен аумақтарда жұмысты күшейту қажеттігін атап өтті.
Өзекті мәселелер қатарында жер және мүлік салығы бойынша берешектер, тіркелмеген кәсіпкерлік нысандарға байланысты түйткілдер айтылды.
Аудан әкімі бұл мәселелерді шешу үшін салық базасын кеңейту, көлеңкелі экономиканы азайту, құжаттарды жүйелеу бойынша нақты тапсырмалар берді.

🔹Мәжілісте сонымен қатар көктемгі дала жұмыстарына дайындық, егіс көлемдері, ауыл шаруашылығы техникаларының дайындығы, жанар-жағармай және тыңайтқыш қоры жөнінде талқыланды. Пайдаланылмай жатқан ауыл шаруашылығы жерлерін мемлекет меншігіне қайтару және тиімді айналымға енгізу жөнінде нақты тапсырмалар жүктелді.
Су ресурстарын басқару және су қоймаларын салу мәселесі ерекше назарға алынды. Ауданда суармалы жер көлемін ұлғайту мақсатында Боралдай су қоймасымен қатар Ақдала және Бадам су қоймаларын салу жоспарланып отыр. Осыған орай жиында су қоймалары салынатын аумақтардағы жер қатынастарына байланысты заң талаптарына сай рәсімдеу мәселелері де қозғалды.

🔹Аудан әкімі су қоймаларын салуға қатысты жобалардың тиімді жүзеге асуы құжаттамалардың уақытылы әрі сапалы әзірленуіне тікелей байланысты екенін атап өтті. Су қоймаларына қатысты жер мәселелері толық шешілмейінше, жобалардың уақтылы іске асуы қиынға соғатынын айтып, жер қатынастары бөліміне, ауыл округтері әкімдеріне және жауапты құрылымдарға құжаттарды түгендеу, шекараларды нақтылау, қажет болған жерлерді мемлекет меншігіне қайтару жұмыстарын жеделдетуді тапсырды.
Бұл жобалар іске асқан жағдайда ауыл шаруашылығы айналымына қосымша жерлер енгізіліп, егін шаруашылығының өнімділігі артады. Бұдан бөлек, қоғамдық-саяси ахуал, жылу маусымының өту барысы, орындаушылық тәртіп мәселелері егжей -тегжейлі қаралып, сала басшыларына бақылауды күшейту міндеттелді.

🔹Мәжілісті қорытындылаған аудан әкімі барлық мәселелер бойынша оңтайлы әрі нақты шешу жолдарын ұсынып, жоспарлы жұмыстар нақты нәтижеге бағытталуы керектігін атап өтті.

Ордабасы ауданы әкімінің баспасөз қызметі

02/02/2026

⚜️2 ақпан – Ұлттық басылым күні!

30/01/2026

🔹Бүгін аудан әкімі Азат Оралбаевтың төрағалығымен аудан аумағында жүзеге асырылып жатқан және алдағы кезеңге жоспарланған инфрақұрылымдық жобалар бойынша жиын өтті.
#әкімсағаты #ордабасы

30/01/2026

🔹ОРДАБАСЫ: ИНФРАҚҰРЫЛЫМДЫҚ ЖОБАЛАР ПЫСЫҚТАЛДЫ

🔹Бүгін аудан әкімі Азат Оралбаевтың төрағалығымен аудан аумағында жүзеге асырылып жатқан және алдағы кезеңге жоспарланған инфрақұрылымдық жобалар бойынша жиын өтті.

🔹Жиынға аудан әкімінің орынбасарлары, тиісті бөлім басшылары, коммуналдық сала мекемелерінің өкілдері және жауапты мамандар қатысты.

🔹Күн тәртібінде аудан көлемінде іске асырылып жатқан сумен жабдықтау, кәріз жүйесі, газдандыру, жол жөндеу және абаттандыру бағытындағы жобалардың орындалу барысы жан-жақты қаралды. Атап айтқанда, бірқатар ауылдық елді мекендердегі ауыз су жүйелерін жаңғырту, Темірлан ауылындағы кәріз жүйесінің құрылысы, Шұбарсу елді мекенін газдандырудың кезеңдік жобалары, сондай-ақ жол және қоғамдық кеңістіктерді абаттандыру жұмыстары талқыланды.

🔹Жиын барысында жауапты сала басшылары атқарылып жатқан жұмыстар туралы баяндап, өтпелі жобалар мен 2026 жылға жоспарланған іс-шаралар жөнінде ақпарат берді. Кейбір нысандар бойынша қаржыландыру, мерзім және сапа мәселелері көтеріліп, оларды шешу жолдары пысықталды.

🔹Аудан әкімі әрбір жоба бойынша нақты тапсырмалар беріп, инфрақұрылымдық жұмыстардың уақтылы әрі сапалы орындалуы қатаң бақылауда болатынын атап өтті. Сондай-ақ тұрғындардың өмір сапасын арттыруға бағытталған жобалардың тиімді жүзеге асырылуы – басты міндет екенін жеткізді.

🔹Жиын қорытындысында жауапты мекемелерге жұмыстарды жүйелі түрде жалғастыру, анықталған кемшіліктерді жою және белгіленген мерзімдерден кешікпеу жөнінде нақты тапсырмалар жүктелді.

Ордабасы ауданы әкімінің баспасөз қызметі

30/01/2026

✔️Бүгін аудан аумағында іске асырылуы жоспарланған инвестициялық жобаларға арналған инвест штабтың кезекті отырысы өтті.
#ордабасы #әкімсағаты

30/01/2026

ОРДАБАСЫ: АУДАНДА ИНВЕСТ ШТАБ ОТЫРЫСЫ ӨТТІ

Бүгін аудан аумағында іске асырылуы жоспарланған инвестициялық жобаларға арналған инвест штабтың кезекті отырысы өтті. Жиынға аудан әкімі Азат Оралбаев төрағалық етті.

Инвест штаб отырысына «Түркістан» әлеуметтік-кәсіпкерлік корпорациясы» АҚ, «QAZAQGAZ AIMAQ» АҚ Шымкент өндірістік филиалы, коммуналдық және энергетика саласының мекемелері, индустриалды аймақтардың басқарушы компаниялары, тиісті бөлім басшылары, инвесторлар мен жоба иелері қатысты.

Жиынды ашқан аудан әкімі Мемлекет басшысы Қасым-Жомарт Тоқаевтың халыққа Жолдауында кәсіпкерлікті қолдауға, әсіресе бәсекеге қабілетті шағын және орта бизнесті дамытуға басымдық берілгенін атап өтті. Осы бағытта аудан әкімдігі тарапынан әкімшілік кедергілерге жол бермеу, рұқсат құжаттарын рәсімдеуді жеделдету және мемлекеттік қолдау тетіктері бойынша инвесторларға жан-жақты сүйемелдеу көрсету басты міндет екені айтылды.

Күн тәртібіне сәйкес, бірінші мәселе бойынша 2026 жылы аудан аумағында жүзеге асырылуы жоспарланған инвестициялық жобалардың иелері тыңдалды. Жиын барысында электр энергиясы, газ және су мәселелеріне қатысты түйткілдер көтеріліп, оларды шешу жолдары жан-жақты талқыланды. Инвесторлар өз жобаларының барысы мен қажетті инфрақұрылым мәселелері жөнінде ақпарат берді.

Атап айтқанда, «Югстройтехнология», «Grand pro», «Технадзор К», «AMG Park», «Steel Frame», «Bolashak-bаl», «Kazgarden», «ASIA ENERGY Co», «Alem Euro PIR», «Карьер Табыс», «Керуен products» және өзге де кәсіпорын өкілдері сөз сөйлеп, ұсыныс-пікірлерін ортаға салды.

Күн тәртібіндегі екінші мәселе аясында Бадам және Темірлан өндірістік парктерінің құрылыс жұмыстарының барысы қаралды. Бұл бағытта «Түркістан» әлеуметтік-кәсіпкерлік корпорациясы» АҚ директорының орынбасары Бауыржан Кенжеқулов және мердігер мекеме өкілдері атқарылып жатқан жұмыстар жөнінде баяндама жасады.

Жиын қорытындысында аудан әкімі көтерілген мәселелер бойынша тиісті мекемелерге нақты тапсырмалар беріп, әрбір инвестициялық жобаның уақытылы әрі сапалы жүзеге асырылуы қатаң бақылауда болатынын атап өтті. Сондай-ақ инвесторларға қолайлы жағдай жасау – аудан дамуының басты басымдықтарының бірі екенін жеткізді.

Ордабасы ауданы әкімінің баспасөз қызметі

Ордабасы ауданы әкімдігі

05/02/2026

05/02/2026

05/02/2026

04/02/2026

04/02/2026

04/02/2026

03/02/2026

02/02/2026

30/01/2026

30/01/2026

30/01/2026

30/01/2026

Address

Telephone

Website

Alerts

Shortcuts

Share