merke_crb

04/04/2026

Меркі ауданында «Бүгінгі жасөспірімдерді тәрбиелеудегі өзекті мәселелер және оны шешу жолдары» тақырыбында аудандық семинар-кеңес өткізілді. Аталған іс-шараның мақсаты – жасөспірімдер тәрбиесіндегі өзекті мәселелерді талқылау, олардың алдын алу жолдарын қарастыру және мекемеаралық ынтымақтастықты нығайту.

Семинар барысында Меркі аудандық көпбейінді орталық ауруханасының бас дәрігері Қазанғапова Гульнур Қалдыбекқызы «Жасөспірім қыздардың репродуктивті денсаулығы. Ерте жүктіліктің алдын алу шаралары» тақырыбында баяндама жасады. Баяндаманың мақсаты – жасөспірім қыздардың репродуктивті денсаулығын сақтау, ерте жүктіліктің алдын алу жолдарын түсіндіру, денсаулыққа қауіп факторлары туралы ақпарат беру және жауапты мінез-құлық қалыптастыру арқылы салауатты өмір салтын насихаттау.

Семинар-кеңеске Меркі ауданы әкімінің орынбасары М.А.Өмірбек, Жамбыл облысы балалардың құқықтарын қорғау уәкілі Д.О.Бағжанов, Жамбыл облыстық оқу-әдістемелік орталығының әдіскері А.Даулет, облыстық психологиялық қолдау орталығының психологтары Р.Бейсенбаева мен Ж.Шерметова, сондай-ақ аудандық білім бөлімі қызметкерлері, мектеп басшылары, мектеп медбикелері, құқықтық тәрбие жөніндегі орынбасарлар, педагог-психологтар және әлеуметтік педагогтер қатысты.

Іс-шара барысында жасөспірімдер арасындағы өзекті әлеуметтік-педагогикалық мәселелер талқыланып, олардың алдын алу бағытында нақты ұсыныстар берілді. Семинар-кеңес қатысушылары тәжірибе алмасып, өзара тиімді ынтымақтастықты арттыру қажеттігін атап өтті.

02/04/2026

Облыс әкімінің орынбасары С.Сәлемовтың 2025 жылғы 7 қазанындағы № 8 хаттамалық тапсырма бойынша денсаулық сақтау мекеме қызметкерлері Ақарал аулдық округінде ауыл тұрғындарымен отбасы құндылықтарын насихаттау мақсатында «Отбасы сағаты» атты тақырыбында іс шара ұйымдастырылып өткізілді.

01/04/2026

Жамбыл облысы әкімдігінің денсаулық сақтау басқармасы Меркі аудандық көпбейінді орталық ауруханасының Сыбайлас жемқорлыққа қарсы комплеанс қызметінің 2026жылғы жұмыс жоспарына сәйкес,01.04.2026жылы
аурухананың әкімшілік қызметкерлеріне және жұмысшыларына ,кәсіпорынның комплеанс офицері Ж.К.Даулетова сыбайластықтың алдын алу мақсатында, түсіндіру жұмыстарын жүргізді.

01/04/2026

Бүгін медициналық ұйым қызметкерлерінің қатысуымен жалпы жиналыс өткізілді.

Бас дәрігер Казангапова Г.К. мекемеде инсульт қызметін дамытуға байланысты енгізілген маңызды өзгерістерді жан-жақты түсіндірді.
Атап айтқанда, заманауи медициналық жабдықтар — МРТ және КТ-, Ангиограф іске қосылды. Бұл өз кезегінде жедел ми қан айналымының бұзылысына (ОНМК) күдігі бар пациенттерге тәулік бойы сапалы әрі толыққанды медициналық көмек көрсетуге мүмкіндік береді.

Жиналыс барысында келесі бағыттарға ерекше назар аударылды:
-инсультті уақтылы диагностикалау;
-тромболитикалық терапияны (ТЛТ) дер кезінде жүргізу;
-көрсетілімдер бойынша тромбоэкстракция жасау;
-ерте медициналық оңалтуды ұйымдастыру.
Сонымен қатар, медициналық ұйымға ауданаралық аурухана мәртебесі берілетіні атап өтілді. Бұл қызмет сапасына қойылатын талаптарды күшейтіп, жауапкершілікті арттырады.

Бас дәрігер инсульт бөлімшесінің жұмыс тәртібін, науқастарды бағыттау алгоритмдерін және бөлімшелер арасындағы өзара әрекеттестікті толық түсіндірді.
Жиналыс қорытындысы бойынша мекеменің II деңгейлі инсульт орталығы мәртебесіне өткендігі айтылды. Бұл жоғары технологиялық медициналық көмектің қолжетімділігін арттырып, өңір тұрғындарына көрсетілетін көмектің сапасын жаңа деңгейге көтереді.

30/03/2026

Бас дәрігердің жұмыс жоспарына сәйкес мекеме қызметкерлерімен жиналыс өткізілді. Жиналыс барысында бас дәрігердің орынбасары Мухаева Анеля Курмангазиевна көрсетілетін медициналық қызметтердің сапасы мен толықтығын қамтамасыз ету қажеттігін атап өтті. Сонымен қатар, қызмет барысында кемшіліктер мен ақауларға жол бермеу керектігін ерекше айтты.
Экономика бөлімінің басшысы Касымхан Сағындыкович жоспардың орындалу барысы туралы баяндама жасады.
Жиналыс соңында деректерді уақтылы және сапалы ұсынбаған қызметкерлерге қатысты әкімшілік шаралар қолданылатыны ескертілді.

20/03/2026

Бүгін 20.03.2026 жыл Меркі аудандық көпбейінді орталық ауруханасының бас дәрігерінің орынбасары Аманжолов Алмас Алматович аурухана қызметкерлерімен және ауыл тұрғындарымен «Конституциялық реформалар тұрғысынан ғылым мен қоғамның рөлі» тақырыбында кездесу өткізді.
Кездесу барысында Конституциялық реформалардың маңызы, оның қоғам дамуына тигізетін әсері, сондай-ақ ғылым мен білімнің ел болашағындағы рөлі жан-жақты талқыланды.
Сонымен қатар, тұрғындар өз пікірлерін білдіріп, еліміздегі саяси жаңғыру мен жүргізіліп жатқан реформалардың маңыздылығына тоқталды.
Іс-шара еркін форматта өтіп, қатысушылар өздерін толғандырған сұрақтарын қойып, ой-пікірлерімен ашық бөлісті.

20/03/2026

19/03/2026

19 наурыз Жаңару күніне орай медицина қызметкерлерінің қатысуымен тал егу акциясы ұйымдастырылды 🌱
Бұл игі шараның мақсаты – қоршаған ортаны қорғау, табиғатты аялау және келешек ұрпаққа жасыл әлем қалдыру. Ақ халатты абзал жандар тек адам денсаулығына ғана емес, табиғаттың саулығына да өз үлестерін қосып, белсенділік танытты.
Әр отырғызылған тал – өмірдің, жаңарудың және үміттің символы. Осындай шаралар алдағы уақытта да жалғасын табады деп сенеміз.
#ТалЕгу #Наурыз #ЖасылӘлем #МедицинаҚызметкерлері

18/03/2026

✨ 18 наурыз – Ұлттық киім күні ✨
Ұлттық киім – халқымыздың тарихы мен мәдениетінің айнасы. Әр ою, әр өрнек – ата-бабамыздың аманаты, рухани мұрасы.
Бүгінгі күні ұлттық киім кию – тек дәстүрді сақтау ғана емес, өз тамырымызды ұмытпай, болашаққа жеткізу.
Бүгін медицина қызметкерлері Ұлттық киім күнін ерекше ықыласпен атап өтті. Ақ халаттың астында ұлттық нақыштағы киім киіп, ата-бабамыздан қалған құндылықтарды дәріптеу – біздің парызымыз.
Дәстүр мен заманауи медицинаны ұштастыра отырып, халқымыздың мәдени мұрасын насихаттау әрбір медицина маманы үшін маңызды. Ұлттық киім – тек сән емес, ол тарих, тәрбие және рухани байлық.
Баршаңызды Ұлттық киім күнімен құттықтаймыз! Ұлттық құндылықтарымыз әрдайым ұлықтала берсін ✨
! 🇰🇿