ໂຮງໝໍມິດຕະພາບສະຫວັນນະເຂດລາວ-ຈີນ

17/08/2018

ຂໍ້ມູນຄວນອ່ານ ຢ່າອ່ານຜ່ານກ່ຽວກັບໂລກໃກ້ໂຕ
ຂໍ້ມູນກ່ຽວກັບ ເຊື້ອເຮັດໄອວີ/ໂລກເອດ ແລະ ພະຍາດຕິດຕໍ່ທາງເພດສຳພັນຕ່າງໆ ແລະ ວິທີການປ້ອງກັນພະຍາດດັ່ງກ່າວ. ດ້ວຍຂໍ້ມູນຂ່າວສານທີ່ດີ, ແມ່ຍິງສາມາດ ດຳເນີນການຕ່າງໆ ເພື່ອປົກປ້ອງເຂົາເຈົ້າເອງ ແລະ ມີຄວາມສຸກກັບການມີເພດສຳພັນທີ່ດີໄດ້. ພະຍາດຕິດຕໍ່ທາງເພດສຳພັນແມ່ນຫຍັງ? ພະຍາດຕິດຕໍ່ທາງເພດສຳພັນ ຫຼື ພຕພ ແມ່ນການຕິດເຊື້ອ ທີ່ແຜ່ຈາກຄົນໜຶ່ງໄປຫາຄົນອີກ ຄົນໜຶ່ງໃນລະຫວ່າງການມີເພດສຳພັນ. ພະຍາດຕິດຕໍ່ທາງເພດສຳພັນ ສາມາດທີ່ຈະແຜ່ຈາກ ຄົນໜຶ່ງໄປຫາອີກຄົນໜຶ່ງໄດ້ ດ້ວຍການມີເພດສຳພັນໃນຮູບແບບໃດໜຶ່ງ ເຊັ່ນ: ການຮ່ວມເພດດ້ວຍໂຄຍກັບຊ່ອງຄອດ, ການຮ່ວມເພດ ດ້ວຍໂຄຍກັບຮູທະວານ ຫຼື ການຮ່ວມເພດດ້ວຍການໃຊ້ປາກ (ປາກຍິງກັບໂຄຍ ຫຼື ປາກຊາຍກັບຊ່ອງຄອດ). ບາງຄັ້ງພະຍາດຕິດຕໍ່ ທາງເພດສຳພັນສາມາດແຜ່ເຊື້ອໄດ້ ພຽງແຕ່ຮຸກຖູໂຄຍ ຫຼື ຊ່ອງຄອດທີ່ໄດ້ຕິດເຊື້ອ ກັບອະໄວຍະວະເພດຂອງອີກຄົນໜຶ່ງ. ການຕິດເຊື້ອທີ່ບໍ່ໄດ້ຮັບການປິ່ນປົວແມ່ນອັນຕະລາຍ ພະຍາດຕິດຕໍ່ທາງເພດສຳພັນຫຼາຍຊະນິດສາມາດປິ່ນປົວໄດ້ດ້ວຍຢາ. ແຕ່ຖ້າພະຍາດດັ່ງກ່າວຫາກບໍ່ໄດ້ຮັບການປິ່ນປົວຕັ້ງແຕ່ຕົ້ນແລ້ວ, ມັນກໍ່ສາມາດເປັນຕົ້ນເຫດຂອງ: ການເປັນໝັນທັງໃນຜູ້ຊາຍ ແລະ ແມ່ຍິງ; ການເກີດລູກກ່ອນກຳນົດ, ນ້ຳໜັກໜ້ອຍເກີນໄປ ຫຼື ຕາບອດ; ການຖືພານອກພົກ, ເຈັບທ້ອງນ້ອຍແກ່ຍາວ; ມະເຮັງປາກມົດລູກ, ເສຍຊີວິດຈາກ ການຕິດເຊື້ອຮຸນແຮງ
ສອບຖາມໄດ້ທີ່ ໂຮງໝໍມິດຕະພາບສະຫວັນນະເຂດລາວ-ຈີນ
ໂທ 020 58528222 030 9810403

14/08/2018

ມື້ນີ້ເຮົາມາຮຽນຮູ້ການປ້ອງກັນພະຍາດຕິດຕໍ່ທາງ ເພດສຳພັນ ລວມທັງ ເຊື້ອເຮັດໄອວີ (HIV) ແລະ ໂລກເອດ (AIDS) ສຸຂະພາບທາງເພດ ໝາຍເຖິງສະພາບຄວາມເປັນຢູ່ທີ່ດີ ທາງດ້ານຮ່າງກາຍ ແລະ ອາລົມ ທີ່ເຮັດໃຫ້ພວກເຮົາມີຄວາມສຸກ ແລະ ຕອບສະໜອງ ຄວາມຮູ້ສຶກທາງເພດຂອງພວກເຮົາ. ພວກ ເຮົາສາມາດທີ່ຈະຮັກສາສຸຂະພາບທາງເພດໃຫ້ດີໄດ້ ດ້ວຍການຮຽນຮູ້ກ່ຽວກັບຮ່າງກາຍ, ສິ່ງທີ່ໃຫ້ ຄວາມພໍໃຈແກ່ພວກເຮົາ ແລະ ການຫຼຸດຜ່ອນຄວາມສ່ຽງ ຂອງການຖືພາທີ່ບໍ່ໄດ້ຕັ້ງໃຈ ແລະ ການ ຕິດເຊື້ອພະຍາດຕິດຕໍ່ທາງເພດສຳພັນ. ໃນຫຼາຍຊຸມຊົນ ຄວາມເຊື່ອທີ່ເປັນອັນຕະລາຍກ່ຽວກັບຄວາມເປັນແມ່ຍິງຈະມີຄວາມໝາຍ ແນວໃດນັ້ນ ສາມາດສ້າງຄວາມຫຍຸ້ງຍາກໃຫ້ກັບແມ່ຍິງ ໃນການທີ່ຈະມີເພດສຳພັນທີ່ດີໄດ້. ເປັນເພາະວ່າສ່ວນຫຼວງຫຼາຍແລ້ວ ແມ່ຍິງຈະມີອຳນາດໃນການຕັດສິນໃຈກ່ຽວກັບການຮ່ວມເພດ ໜ້ອຍ ແລະ ສ່ວນໃຫຍ່ກໍ່ບໍ່ສາມາດທີ່ຈະປະຕິເສດການມີເພດສຳພັນ ເຊິ່ງເຮັດໃຫ້ແມ່ຍິງຫຼາຍ ລ້ານຄົນໃນທົ່ວໂລກ ຕິດເຊື້ອເຮັດໄອວີ/ໂລກເອດ ແລະ ພະຍາດຕິດຕໍ່ທາງເພດສຳພັນອື່ນໆ ອີກໃນແຕ່ລະປີ. ບາງຄັ້ງ ຄົນເຮົາມັກຄິດວ່າ ແມ່ຍິງພິການບໍ່ສາມາດທີ່ຈະຕິດເຊື້ອພະຍາດ ເຊິ່ງເລື່ອງນີ້ບໍ່ເປັນ ຄວາມຈິງເລີຍ. ແມ່ຍິງພິການ ກໍ່ສາມາດທີ່ຈະຕິດເຊື້ອພະຍາດ ຄືກັນກັບແມ່ຍິງທີ່ບໍ່ພິການ. ຄວາມຈິງແລ້ວ ເດັກຍິງ ແລະ ແມ່ຍິງພິການມີຄວາມສ່ຽງຕໍ່ການຕິດເຊື້ອພະຍາດຕິດຕໍ່ທາງ ເພດສຳພັນ ຫຼາຍກວ່າແມ່ຍິງທີ່ບໍ່ພິການ. ພວກເຂົາເຈົ້າບໍ່ພຽງແຕ່ມີຄວາມຫຍຸ້ງຍາກໃນການໄດ້ ຮັບຂໍ້ມູນຂ່າວສານກ່ຽວກັບສຸຂະພາບທາງເພດເທົ່ານັ້ນ, ແຕ່ເຂົາເຈົ້າມີອຳນາດໃນການຄວບຄຸມ ກ່ຽວກັບວິທີ ແລະ ຄົນທີ່ເຂົາເຈົ້າຈະມີເພດສຳພັນນຳນັ້ນໜ້ອຍ ເຊິ່ງເຮັດໃຫ້ເຂົາເຈົ້າອ່ອນໄຫວ ຫຼາຍຂຶ້ນຕໍ່ກັບການຖືກເອົາປຽບທາງເພດ ແລະ ເປັນໄດ້ສູງທີ່ຈະຕິດເຊື້ອພະຍາດຕິດຕໍ່ທາງເພດ
ສອບຖາມໄດ້ທີ່ ໂຮງໝໍມິດຕະພາບສະຫວັນນະເຂດລາວ-ຈີນ
020 58528222 030 9810403

13/08/2018

13/08/2018

ສະບາຍດີ🙏🏻🙏🏻🙏🏻
ມື້ນີ້ທາງໂຮງໝໍມິດຕະພາບສະຫວັນນະເຂດລາວ-ຈີນ ຈະມາແນະນຳກ່ຽວກັບພະຍາດທີ2 ຂອງສາວໆຄວນຮູ້ຄືພະຍາດຊີດສຮັງໄຂ່
ໂລກຊີດສຮັງໄຂ່
ຮັງໄຂ່ເປັນອະໄວຍະວະຂະໜາດນ້ອຍ ທີ່ຢູ່ບໍລິເວນປີກມົດລູກທັງ 2 ຂ້າງ ເຮັດໜ້າທີ່ໃນການສ້າງຮໍໂມນຕ່າງໆຂອງຜູ້ຍິງໃຫ້ສົມດູນ ໃນທຸກໆເດືອນ ຮັງໄຂ່ຈະຜະລິດໄຂ່ໃບນ້ອຍໆອອກມາ ໂດຍທີ່ໄຂ່່ຈະເຄື່ອນຈາກທາງລຸ່ມຜ່ານທໍ່ນຳໄຂ່ ເພື່ອມພ້ມປະສົມກັບອະສຸຈິຂອງເພດຊາຍ, ສ່ວນຊີດສ ມີລັກສະນະເປັນຖົງທີ່ເຕັມໄປດ້ວຍຂອງແຫຼວ ທີ່ສາມາດກໍ່ຕົວຂຶ້ນໄດ້ໃນຮັງໄຂ່ ເມື່ອເກີດອາການຕົກໄຂ່ຜິດປົກກະຕິ ຈຶ່ງເຮັດໃຫ້ເກີດການຄັ່ງຂອງຖົງນ້ຳໃນຮັງໄຂ່ ເກີດໄຂ່ບໍ່ຕົກ ເກີດເປັນຖົງນ້ຳຂະໜາດນ້ອຍໃນຮັງໄຂ່ມີການແບ່ງເຊລທີ່ຜິດປົກກະຕິ.
ຊີດສໃນຮັງໄຂ່ມີ2ຊະນິດ
1.ຊີດສທີ່ສາມາດຫາຍເອງໄດ້ ແມ່ນຊີດສທີ່ເກີດຈາກຮໍໂມນຂອງຜູ້ຍິງໃນທຸກຮອບເດືອນ.
2.ຊີດສທີ່ບໍ່ສາມາດຫາຍເອງໄດ້ ເປັນຊີດສທີ່ພົບຫຼາຍທີ່ສຸດ ຕ້ອງໄດ້ຮັບການຜ່າຕັດ ເຊັ່ນ: ຊອກໂກແລັດຊີດສ: ເດີມອຍຊີດສ ແລະ ອື່ນທ ມີທັງກຸ່ມມະເຮັງ ແລະ ບໍ່ແມ່ນມະເຮັງເປັນຕົ້ນ.
ຊີດສໃນຮັງໄຂ່ທີ່ເປັນຕາຍ້ານຄື “ມະເຮັງ” ເພາະບໍ່ສາມາດວິນິໄສພຽງແຕ່ອັນຕ້າຊາວ(ultrasound) ການຢືນຢັນການວິນິໄສໂລກເພື່ອໃຫ້ຮູ້ຜົນໄດ້ຄືຕ້ອງຕັດເນື້ອໄປກວດດ້ວຍວິທີການຜ່າຕັດສ່ອງກ້ອງເທົ່ານັ້ນ.
ສຳລັບ ຊອກໂກແລັດຊິດສ ເປັນຊີດສທີ່ມີອາການ ຄ້າຍປວດທ້ອງປະຈຳເດືອນ ສ່ວນຊີດສອື່ນແມ່ນບໍ່ຄ່ອຍມີອາການ ໂດຍສະເພາະ ມະເຮັງ 80% ແມ່ນບໍ່ຄ່ອຍມີອາການ ແຕ່ຄົນເຈັບມັກມາຫາໝໍດ້ວຍການການທ້ອງບວມ, ທ້ອງອືດ, ແໜ້ນທ້ອງ ນ້ຳໜັກບໍ່ຄ່ອຍລົງ.
ສຳລັບອາການປວດທ້ອງນ້ອບຢ່າງຮຸນແຮງ ອາດເກີດຈາກຊີດສຮົ່ວ ຫຼື ບີບຂົ້ວ ເຮັດໃຫ້ເກີດອາການປວດ ບາງຄົນເຄາະຮ້າຍຊີດສທີ່ເປັນມະເຮັງແຕກ ສົ່ງຜົນໃຫ້ມະເຮັງແຜ່ກະຈາຍລາມໄປທົ່ວອະໄວຍະວະອື່ນໆ ຕ້ອງໄດ້ຕັດຮັງໄຂ່ອອກ ຫຼັງຜ່າຕັດຕ້ອງໄດ້ຮັບການບຳບັດດ້ວຍ ຄີໂມ ຕໍ່ ຫຼື ບາງຄົນເປັນຊີດສແບບບີບຂົ້ວ ກໍຕ້ອງໄດ້ຕັດຮັງໄຂ່ອອກເຊັ່ນກັນ ເພາະເນື້ອຕາຍເນື່ອງຈາກເລືອດໄປລ້ຽງບໍ່ໄດ້, ບາງຄົນບໍ່ຢາກມີລູກແລ້ວ ແລະ ບໍ່ຢາກກັບໄປເປັນຊີດສອີກກໍຕັດຮັງໄຂ່ອອກ ຫຼື ຜູ້ສູງອາຍຸໄວທອງແລ້ວ ກໍສາມາດຕັດອອກໄດ້. ກໍລະນີຄົນທີ່ຕັດແຕ່ຊີດສອອກ ແຕ່ບໍ່ໄດ້ເອົາຮັງໄຂ່ອອກກໍມີໂອກາດກັບມາເປັນໄດ້ອີກ, ການຮັກສາແມ່ນສາມາດສ່ອງກ້ອງຜ່າຕັດໄດ້ ຄ້າຍຄືການຮັກສາເນື້ອງອກໃນມົດລູກ.
ສາມາຕິດຕໍ່ສອບທ່ານກັບທາງແພດເບື້ອງຕົ້ນໄດ້ຫຼື ໂທ
030 9810403 / 020 58528222

13/08/2018

ມື້ນີ້ມາຟັງເລື່ອງປ້ອງກັນແລະຮັກພະຍາດຂໍ້ກະດູກ ເກີດຈາການມີກົດຢູຣິກໃນເລືອດຫຼາຍເກີນໄປ ຊຶ່ງຈະພົບເຫັນຫຼາຍໃນກຸ່ມທີ່ມີນ້ຳ ໜັກເກີນມາດຕະຖານ, ຮັບປະທານທີ່ມີພິວລີນສູງ ເຊັ່ນ: ອາຫານທະເລ ແລະຊີ້ນສັດ, ນອກນັ້ນ ດື່ມ ເຄື່ອງດື່ມແອລກໍຮໍຫຼາຍເກີນໄປ, ຢາບາງຊະນິດທີ່ອາດເພີ່ມລະດັບຂອງກົດຢູຣິກ ຄື ແອສໄພລິນ, ໄນອາຊິນ ຫຼື ການໃຊ້ຢາຂັບປະສະວະ ແລະຄວາມເຈັບເປັນ ຫຼື ສະພາວະທາງການແພດບາງຢ່າງ ເຊັ່ນ ການຫຼຸດນ້ຳໜັກຢ່າງວ່ອງໄວ, ໂລກຄວາມດັນເລືອດສູງ
ພະຍາດດັ່ງກ່າວ, ຕາມປົກກະຕິ ຮ່າງກາຍຂອງເຮົາຈະເປັນຄົນສ້າງເອງ ເຖິງ 80% ແລະອີກ 20% ເກີດຈາກການຮັບປະທານອາຫານ, ສະນັ້ນ ການຮັກສາພະຍາດນີ້ໃຫ້ເຊົາຂາດນັ້ນຈະຍາກຄືກັນກັບ ພະຍາດເບົາຫວານ, ຄວາມດັນເລືອດສູງ, ພໍເປັນແລ້ວຜູ້ປ່ວຍຈະຮູ້ວ່າມັນທໍລະມານເທົ່າໃດ, ຈະກິນອັນ ໃດກໍຕ້ອງໄດ້ລະວັງບໍ່ດັ່ງນັ້ນ ຈະເຮັດໃຫ້ອາການເຈັບນັ້ນບວມຂຶ້ນ, ແຕ່ກໍມີສະໝຸນໄພບາງຊະນິດສາມາດ ຊ່ວຍໄດ້ ເຊັ່ນ: ໝາກເຟືອງສົ້ມ ຊຶ່ງເປັນສູດຢາສະໝຸນໄພທີ່ໃຊ້ກັນມາດົນນານແລ້ວ
ສ່ວນຂັ້ນຕອນເຮັດກໍງ່າຍໆ ພຽງແຕ່ເອົາໝາກເຟືອງສົ້ມ 1 ໜ່ວຍ, ເກືອ ນ້ອຍໜຶ່ງ, ນ້ຳເຜີ້ງ 1 ບ່ວງ ແລະນ້ຳຕົ້ມສຸກ ກະໃຫ້ໄດ້ 2 ຈອກຕໍ່ມື້ ຈາກນັ້ນ ກໍເອົາສ່ວນປະສົມນີ້ໄປປັ່ນໃຫ້ເຂົ້າກັນຈົນລະອຽດ ແລະກິນເທື່ອລະເກືອບເຕັມຈອກ ເຊົ້າ-ແລງ ກ່ອນອາຫານ, ເຮັດກິນແບບນີ້ຕິດຕໍ່ກັນ 6 ມື້ ພະຍາດຂໍ້ ກະດູກ ກໍຈະເຊົາໄດ້
ໝາກເຟືອງ ຖືເປັນໝາກໄມ້ຊະນິດໜຶ່ງທີ່ມີສັບພຄຸນທາງການຢາຫຼາຍຢ່າງເຊັ່ນ: ຍອດໝາກເຟືອງ ກັບຍອດໝາກພ້າວ ຖ້າຕົ້ມປະສົມກັນ ສາມາດແກ້ໄຂ້ຫວັດໃຫຍ່ໄດ້, ສ່ວນໃບຕົ້ມອາບແກ້ອອກຕຸ່ມຄັນ ຫຼື ໝາກສຸກໝາກໄສ, ແກ່ນ ກັບຮາກ ຕົ້ມກິນແກ້ຖອດທ້ອງ, ແກ້ເຈັບເສັ້ນເອັນ ແລະໝາກ ຍັງສາມາດ ນຳມາສະຜົມບຳລຸງເສັ້ນຜົມ, ກຳຈັດລັງແຄໄດ້ອີກດ້ວຍ
ປືກສາໄດ້ທີ່ 030 9810403 020 58528222

11/08/2018

ຍິນດີໃຫ້ຄຳປຶກສາກ່ຽວກັບບັນຫ່ສຸກຂະພາບທຸກຢ່າງ,ບໍ່ວ່າຈະເປັນພະຍາດຕິດຕໍ່ທາງເພດສຳພັນ,ມີລູກຍາກແລະອື່ນໆ..
ສອບຖາມຂໍມູນເພີ່ມເຕີມຫຼືປຶກສາເລື່ອງສຸກຂະພາບ:
📲030 9810403;020 58528222
(ຕະຫຼອດ24ຊົ່ວໂມງ🕛)