01/10/2025
ພວກເຮົາມີໂອກາດພິເສດທີ່ຈະໄດ້ຮູ້ຈັກກັບ ປອ ດຣ. ພິມພາ ປາບໍລິບູນ ຮອງຫົວໜ້າສູນວິໄຈພະຍາດຊຶມເຊື້ອ ລາວ-ຄຣິສຕົຟ ເມຣີເອີ ທີ່ເປັນຕົວຢ່າງທີ່ດີຂອງ Champion of Sciences ຄົນໜຶ່ງ. ເອື້ອຍເພິ່ນບໍ່ພຽງແຕ່ເປັນແພດຜູ້ປິ່ນປົວທີ່ໃກ້ຊິດກັບຄົນເຈັບເທົ່ານັ້ນ, ແຕ່ຍັງເປັນແພດວິເຄາະ ແລະ ນັກຄົ້ນຄວ້າວິທະຍາສາດທີ່ອຸທິດຕົນເພື່ອຊອກຫາຄຳຕອບໃນການປິ່ນປົວພະຍາດຊຶມເຊື້ອຕ່າງໆ. ການເຮັດວຽກສາມບົດບາດໄປພ້ອມໆກັນແມ່ນສິ່ງທີ່ບໍ່ງ່າຍ, ແຕ່ເອື້ອຍເພິ່ນໄດ້ບອກກັບພວກເຮົາວ່າ:
"ສຳຄັນແມ່ນຖ້າຫາກວ່າເຈົ້າມັກ ແລະ ມາດ້ວຍໃຈແລ້ວ ລຸຍເລີຍ, ເຖິງວ່າມັນສິຍາກ ແຕ່ກະພູມໃຈທີ່ໄດ້ຊ່ວຍຊີວິດຄົນ"
ຄຳເວົ້ານີ້ສະແດງໃຫ້ເຫັນເຖິງຈິດໃຈທີ່ເຂັ້ມແຂງ ແລະ ຄວາມມຸ່ງໝັ້ນໃນການເຮັດວຽກເພື່ອສັງຄົມ. ເບື້ອງຫຼັງຄວາມສຳເລັດນີ້ມີເລື່ອງລາວທີ່ໜ້າສົນໃຈ, ມີສິ່ງທ້າທາຍ ແລະ ບົດຮຽນອັນລ້ຳຄ່າຫຼາຍຢ່າງ.
ຈຸດເລີ່ມຕົ້ນຂອງເອື້ອຍເພິ່ນໃນສາຍອາຊີບນີ້ເລີ່ມຈັ່ງໃດ? ມີສິ່ງທ້າທາຍແນວໃດແດ່ທີ່ຜ່ານມາ?
ມາຟັງເລື່ອງລາວທີ່ສ້າງແຮງບັນດານໃຈ ແລະ ປະສົບການອັນລ້ຳຄ່າຈາກ ປອ ດຣ. ພິມພາ ກັນເລີຍ! 🎙️
