DMAS Center

19/07/2025

16/07/2025

ການປ່ຽນແປງດິນຟ້າອາກາດແມ່ນມີຜົນກະທົບຕໍ່ກັບໝົດທຸກຄົນ ສະນັ້ນ ຜູ້ທີ່ມີຄວາມພິການເຮົາຍິ່ງມີຄວາມສ່ຽງຫຼາຍເວລາເກີດເຫດສຸກເສີນ ໂດຍອີງໃສ່ສົນທິສັນຍາສາກົນວ່າດ້ວຍຄົນພິການແມ່ນໄດ້ລະບຸຊັດເຈນວ່າຕ້ອງໄດ້ປົກປ້ອງຢາງເທົ່າທຽມກັນ ແລະ ພ້ອມແນະນຳໃຫ້ຮ່ວມມືກັບອົງການຈັດຕັ້ງຂອງຄົນພິການຢ່າງເຕັມສ່ວນ. ຂໍຂອບໃຈ ອົງການອາຫານໂລກທີ່ມີການຝຶກອົບຮົມກ່ຽວກັບການປ່ຽນແປງດິນຟ້າອາກາດແບບມີສ່ວນຮ່ວມຂອງຄົນພິການຄັ້ງນີ້ ຫວັງວ່າຫຼາຍອົງການຈັດຕັ້ງຈະຮ່ວມມືກັນໃນການສົ່ງເສີມຜູ້ທີ່ມີຄວາມພິການໃນອະນາຄົດເຂົ້າວຽກງານດັ່ງກ່າວ.
for all
https://www.facebook.com/WFPlaopdr/posts/pfbid02gNCLw5jXK6MS4saoYkZxhqkvArhGgPYN7AwWhdf5sjsoadV6djzjoYWVopWgJz6Pl?rdid=d9AsQd0Rvic87Tfm #

03/07/2025

ແນວຄວາມຄິດການອອກແບບເພື່ອທຸກຄົນ Universal Desigh for All ບໍ່ແມ່ນການອອກແບບສະເພາະຜູ້ທີ່ມີຄວາມພິການ ແຕ່ມັນແມ່ນຫຼັກການອອກແບບເພື່ອຮອງຮັບສຳຫຼັບໝົດທຸກຄົນ ໂດຍສະເພາະໄລຍະການກ້າວເຂົ້າສູ່ໄວຜູ້ສູງອາຍຸ. ນີ້ແມ່ນຕົວຢ່າງຂອງການອອກແບບທີ່ໄດ້ຄຳນຶງເຖິງກຸ່ມຄົນທີ່ມີຄວາມຫຍຸ້ງຍາກ ໂດຍສະເພາະຜູ້ທີ່ມີຄວາມພິການໃນການເຂົ້າເຖິງພື້ນຖານໂຄງລ່າງ ຫຼື ອາຄານສະຖານທີ່ ໂດຍສະເພາະສະຖານທີ່ສາທາລະນະ ການອອກແບບຜັງເມືອງ, ອາຄານສະຖານທີ່ຕ້ອງໄດ້ຄຳນຶງເຖິງໝົດທຸກກຸ່ມຄົນໃນສັງຄົມເພື່ອເປັນບ່ອນອີງໃສການນຳມາວາງແຜນ ອອກແບບ ແລະ ມີສ່ວນຮ່ວມໃນການປະເມີນຮ່ວມກັນເພື່ອຮັບປະກັນວ່າທຸກຄົນສາມາດເຂົ້າເຖິງ ແລະ ຊົມໃຊ້ໄດ້ຢ່າງເທົ່າທຽມ.
ນີ້ແມ່ນຜົນງານຕົວຢ່າງການອອກແບບເພື່ອທຸກຄົນໂດຍແມ່ນຜົນງານຂອງນ້ອງນັກສຶກສາຄະນະສະຖາປັດຕະຍະກຳສາດ ມະຫາວິທະຍາໄລ ສຸພານຸວົງ ພາຍຫຼັງທີ່ສູນພວກເຮົາໄດ້ມີການໃຫ້ຄວາມຮູ້ໂດຍຈັດການຝຶກອົບຮົມກ່ຽວກັບຫຼັງການອອກແບບສຳຫຼັບທຸກຄົນແລ້ວ ນ້ອງໆ ສາມາດນຳເຊື່ອມຊືມເຂົ້າກັບອອກແບບຂອງເຂົາເຈົ້າ ແລະ ມີຄວາມຄາດຫວັງວ່າເຂົາເຈົ້າສາມາດເອົາໄປນຳໃຊ້ເຂົ້າໃນໜ້າທີ່ຮັບຜິດຊອບໃນອະນາຄົດ.

27/06/2025

ພາບລວມຂອງການແຂ່ງຂັນການອອກແບບສຳຫຼັບທຸກຄົນເດີ.......

13/06/2025

ໃນວັນທີ 9 ມີຖຸນາ 2025 ສູນພວກເຮົາແມ່ນມີຄວາມດີໃຈທີ່ໄດ້ມີໂອກາດເຂົ້າຮ່ວມກອງປະຊຸມ ປຶກສາຫາລືກ່ຽວກັບການຄ້າມະນຸດ ແລະ ຄວາມພິການ ເຊິ່ງເຫັນວ່າ ມີຄວາມຈຳເປັນ ແລະ ສຳຄັນຫຼາຍ ເນື່ອງຈາກວ່າໂດຍລວມຄຳວ່າສິດທິມະນຸດແມ່ນສຳຫຼັບໝົດທຸກຄົນ ເຊິ່ງຫົວຂໍ້ດັ່ງກ່າວແມ່ນມີຄວາມສຳຄັນທີ່ສຸດ ເພາະຮູບແບບການຄ້າມະນຸດແມ່ນມີຫຼາຍຢ່າງ ບາງກໍລະນີກະແມ່ນຜູ້ທີ່ພິການເອງຕົກເປັນເຫຍື່ອ ແຕ່ບາງກໍລະນີກໍ່ແມ່ນເກີດໄປພິການໃນໄລຍະການຄ້າມະນຸດ ສະນັ້ນບັນຫາດັ່ງກ່າວ ຈຳເປັນຢ່າງຍິ່ງທີ່ຕ້ອງໄດ້ມີການໃຫ້ຄວາມຮູ້, ຄວາມເຂົ້າໃຈແກ່ທຸກກຸ່ມຄົນໂດຍສະເພາະກຸ່ມທີ່ມີຄວາມເບາະບາງ ຫຼື ກຸ່ມຜູ້ທີ່ມີຄວາມພິການ ຂໍຂອບໃຈຢ່າງສູງມາຍັງອົງການຈັດຕັ້ງຂອງພາກລັດກໍ່ຄື ສູນກາງສະຫະພັນແມ່ຍິງລາວ ໂດຍການສະໜັບສະໜູນຈາກ ASEAN ACT ທີ່ມີແຜນຍຸດທະສາດ ໂດຍຄຳນຶງເຖິງບໍ່ປະໃຜໄວ້ເບື້ອງຫຼັງ.

#ສູນການສະຫະພັນແມ່ຍິງລາວ

31/05/2025

ຊົມເຊີຍວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 2025 ຢ່າງສຸດໃຈ

28/05/2025

ສຳເລັດການຝຶກອົບຮົມໃນຫົວຂໍ້ #ການເຊື່ອມຕໍ່ລະຫວ່າງສົນທິສັນຍາສາກົນວ່າດ້ວຍຄົນພິການແລະແຜນພັດທະນາແບບຍືນຍົງ Bridge Training on CRPD & SDGs ໃຫ້ກັບນັກຮຽນ, ຄູອາຈານ ຈາກໂຮງຮຽນວິຊາຊີບຄົນພິການສີເກີດ ແລະ ສະມາຊິິກຄົນພິການທີ່ອ້ອມຂ້າງ ເພື່ອໃຫ້ມີຄວາມເຂົ້າໃຈຕໍ່ກັບບັນດານິຕິກຳສາກົນທີ່ພົວພັນເຖິງຄົນພິການໃນການນ້ຳໄປໝຸນໃຊ້ເຂົ້າໃນແຜນພັດທະນາຕົນເອງໃນອະນາຄົດ. ຂໍຂອບໃຈຜູ້ສະໜັບສະໜູນໃຈດີ ຈາກ ແອກຼີ ແລະ ບໍລິສັດໂຮມລາວ ພ້ອມດ້ວຍພະນັກງານອົງການໂຄບ ເຊີ່ງງານດັ່ງກ່າວໄດ້ຈັດຂື້ນໃນວັນທີ 28 ພຶດສະພາ 2025 ຢູ່ທີ່ໂຮງຮຽນວິຊາຊີບຄົນພິການສີເກີດ.

#ໂຮງຮຽນວິຊາຊີບຄົນພິການສີເກີດ #ພະນັກງານອົງການໂຄບ

27/05/2025

ງານແຂ່ງຂັນການອອກແບບເພື່ອທຸກຄົນ Universal Design for All ປະຈຳປີ 2025 ມີຄວາມຄືກຄື້ນ ເຊິ່ງເປັນການການສ້າງຄວາມອາດສາມາດໃຫ້ກັບນ້ອງໆນັກສຶກສາຈາກ 3 ມະຫາວິທະຍາໄລ ເຊັ່ນ: ມະຫາວິທະຍາໄລແຫ່ງຊາດ, ມະຫາວິທະຍາໄລສຸພານຸວົງ ແລະ ມະຫາວິທະຍາໄລຈຳປາສັກ ໂດຍແມ່ນນ້ອງໆ ຄະນະສະຖາປັດຕະຍະກຳສາດ ງານແຂ່ງຂັນໃນມື້ນີ້ ແມ່ນໄດ້ມີແຂກທີ່ມີກຽດເຂົ້າຮ່ວມຫຼາຍພາກສ່ວນເຊັ່ນ: ກົມນະໂຍບາຍຕໍ່ຜູ້ມີຜົນງານ ພິການ ແລະ ຜູ້ສູງອາຍຸ, ສູນສຶກສາຮຽນຮ່ວມ, 3 ມະຫາວິທະຍາໄລ, ຕົວແທນອົງການຈັດຕັ້ງຂອງຄົນພິການ ແລະ ອົງການຈັດຕັ້ງສາມກົນ ເຊິ່ງຜົນຂອງການແຂ່ງຂັນແມ່ນທີມຈາກມະຫາວິທະຍາໄລສຸພານຸວົງເປັນທີມຊະນະເລີດ, ທີມຈາກມະຫາວິທະຍາໄລແຫ່ງຊາດໄດ້ອັນດັບທີສອງ ແລະ ທີມຈາກມະຫາວິທະຍາໄລຈຳປາສັກໄດ້ອັນດັບທີ 3 ເຊິ່ງງານແຂ່ງຂັນໃນມື້ນີ້ແມ່ນເປັນງານທີ່ມີຄວາມໝາຍຄວາມສຳຄັນຫຼາຍຕໍ່ກັບການສົ່ງເສີມສິດຂອງຄົນພິການໃຫ້ສາມາດເຂົ້າເຖິງອາຄານພື້ນຖານໂຄງລ່າງ ເຊິ່ງງານພວກເຮົາແມ່ນໄດ້ຈັດຂື້ນໃນວັນທີ 27 ພຶດສະພາ 2025 ຢູ່ທີ່ໂຮງແຮມ Holiday Inn, ນະຄອນຫຼວງວຽງຈັນ ໃນນາມສູນດີມາສຂໍສະແດງຄວາມຂອບໃຈຢ່າງສູງມາຍັງ ສະຖານທູດອົດສະຕາລີ ປະຈຳ ສປປ ລາວ ທີ່ໄດ້ໃຫ້ການສະໜັບສະໜູນກິດຈະກຳທີ່ມີຄວາມໝາຍຄວາມສຳຄັນນີ້ ຫວັງວ່າຢ່າງວ່າຈະໄດ້ມີການຮ່ວມກັນໃນອະນາຄົດໃນການຂັບເຄື່ອນວຽກງານດັ່ງກ່າວໃຫ້ເກີດເປັນຮູບປະທຳໃນເທື່ອກ້າວ.

22/05/2025

ຂໍເຊີນຊວນທຸກທ່ານທີ່ມີຄວາມສົນໃຈເຂົ້າຮ່ວມຮັບຟັງການຝຶກອົບຮົມໃນຫົວຂໍ້ #ການເຊື່ອມຕໍ່ລລະຫວ່າງສົນທິສັນຍາສາກົນວ່າດ້ວຍຄົນພິການ ແລະ ແຜນພັດທະນາແບບຍືນຍົງ ຈະຈັດຂື້ນທີ່ ໂຮງຮຽນວິຊາຊີບຄົນພິການສີເກີດ ຄັ້ງວັນທີ 28 ພຶດສະພາ 2025,​ ໃນເວລາ: 09:00 - 12:00 ມ.
ຂໍຂອບໃຈຜູ້ທີ່ໃຫ້ການສະໜັບສະໜູນ: #ບໍລິສັດໂຮມລາວ #ແອກລີ

20/05/2025

ໃນສະພາບການປ່ຽນແປງຂອງໂລກກ່ຽວກັບບັນຫາທາງດ້ານສະພາບແວດລ້ອມເຮັດໃຫ້ມີການປ່ຽນແປງທາງດ້ານດິນຟ້າອາກາດເຊິ່ງມັນໄດ້ສົ່ງຜົນກະທົບ ແລະ ຄວາມະເສຍຫາຍຕໍ່ກັບຊີວິດ ແລະ ຊັບສິນຂອງປະຊາຊົນ ສະນັ້ນທາງສູນພວກເຮົາໄດ້ເຫັນບັນຫາທີ່ເກີດຂື້ນ ແລະ ພວກເຮົາຕ້ອງໄດ້ມີການກຽມຄວາມຮັບມືກັບເຫດການທາງໄພພິບັດຈາກທຳມະຊາດ ຫຼື ມະນຸດສ້າງຂື້ນກໍ່ຕາມ ສະນັ້ນ, ວຽກງານດັ່ງກ່າວມີຄວາມຈຳເປັນຈະໄດ້ມີການສົ່ງເສີມໃຫ້ກຽມພ້ອມຮັບມືກັບກຸ່ມຄົນພິການທີ່ມີຄວາມພິການເວລາເກີດເຫດການດັ່ງກ່າວ ສູນພວກເຮົາຈຶ່ງໄດ້ຈັດກອງປະຊຸມກ່ຽວກັບ #ການປ່ຽນແປງດິນຟ້າອາກາດແບບມີສ່ວນຮ່ວມ ເຊິ່ງຈັດຂື້ນໃນວັນທີ 16 ພຶດສະພາ 2025 ຢູ່ທີ່ໂຮງແຮມ ຮໍລິເດອິງ Holiday Inn ເຊິ່ງໄດ້ຮັບທຶນການສະໜັບສະໜູນຈາກ Asean Disability Forum (ADF) ໂດຍເປັນການຝຶກອົບຮົມໃຫ້ກັບຫຼາຍພາກສ່ວນເຊັ່ນ: ຄະນະຄຸ້ມຄອງໄພພິບັດ,​ ກົມອຸຕຸນິຍົມ ແລະ ອຸທົກກະສາດ, ກອງເລຂາຄະນະກຳມະການແຫ່ງຊາດເພື່ອຄົນພິການ, ອົງການຢູເອັນ, ສະຫະພັນແມ່ຍິງລາວ ແລະ ບັນດາອົງການຈັດຕັ້ງຂອງຄົນພິການ. ເຊິ່ງເປັນແລກປ່ຽນຮຽນຮູ້ເຖິງວຽກງານການປ່ຽນແປງດິນຟ້າອາກາດ ແລະ ເປັນການລະດົມແນວຄວາມຄິດຕໍ່ກັບການເຮັດວຽກຮ່ວມກັນໃນການຮັບມືກັບກຸ່ມຄົນທີ່ມີຄວາມພິການລາວໃຫ້ມີຄວາມປອດໄພ ແລະ ມີສ່ວນຮ່ວມໃນການຈັດຕັ້ງປະຕິບັດຮ່ວມກັນໃນອະນາຄົດຂ້າງໜ້າ.

29/04/2025

ການສົ່ງເສີມການຈ້າງງານແບບມີສ່ວນຮ່ວມແມ່ນ ພາລະກິດຂອງພວກເຮົາ ທີ່ມຸ່ງໝັ້ນໃຫ້ມີການຈ້າງງານແບບເທົ່າທຽມ ແລະ ພວກເຮົາຂໍຊົມເຊີຍກັບວັນກຳມະກອນສາກົນນີ້ ຂໍໃຫ້ສ້າງການຈ້າງງານສຳຫຼັບໝົດທຸກຄົນ ໂດຍບໍ່ປະໃຜໄວ້ຢູ່ເບື້ອງຫຼັງ.

24/04/2025

ສູນພວກເຮົາ ເປີດໃຫ້ບໍລິການສ້ອມແປງໂທລະສັບທຸກລຸ້ນ ດ້ວຍທີມງານຊ່າງທີ່ມີສີມືຄຸນະພາບ ແລະ ຮັບປະກັນຫຼັງການໃຊ້ບໍລິການ ແລະ ຍັງຈຳໜ່ວຍອຸປະກອນໂທລະສັບມື້ຖືທຸກລຸ້ນ. ພ້ອມດຽວກັນນັ້ນຍັງຮັບຊ້ອມແປງເຄື່ອງໃຊ້ໄຟຟ້າທຸກຊະນິດ ພ້ອມທັງບໍລິການເຖິງທີ່
ຖ້າລູກຄ້າເຂົ້າມາໃຊ້ບໍລິການພວກເຮົານັບແຕ່ມື້ນີ້ຈົນຮອດວັນທີ 01 ພຶດສະພາ 2025 ຈະໄດ້ຮັບສ່ວນຫຼຸດພິເສດ......
#ສ້ອມແປງມືຖື #ສ້ອມແປງເຄື່ອງໃຊ້ໄຟຟ້າ #ຮັບປະກັນບໍລິການຫຼັງການຂາຍ