wecare ຈິດທີ່ດີເລີ່ມຈາກການຮັບຟັງ

02/12/2025

✨ ຂໍເຊີນເຂົ້າຮ່ວມ it's okay space — listen, talk and share 2025 ✨
ຫົວຂໍ້: "ສຳຫຼວດໂລກອາລົມຜ່ານ Inside Out 2" (ເຂົ້າໃຈອາລົມຕົນເອງຜ່ານຮູບເງົາ)
ຮ່ວມສຳຫຼວດຕົວຕົນ, ຮູ້ຈັກ ແລະ ເຂົ້າໃຈອາລົມຄວາມຮູ້ສຶກຂອງຕົວເອງ ຜ່ານຕົວລະຄອນໃນຮູບເງົາເລື່ອງ: “Inside out 2”!

🎯 ຈຸດປະສົງ
- ເພື່ອໃຫ້ຜູ້ເຂົ້າຮ່ວມໄດ້ຮຽນຮູ້ ແລະ ເຂົ້າໃຈອາລົມຄວາມຮູ້ສຶກຜ່ານຕົວລະຄອນໃນຮູບເງົາ.
- ໄດ້ສັງເກດ ຫຼື ທົບທວນຕົນເອງເວລາອາລົມຕ່າງໆເກີດຂຶ້ນເຊັ່ນ: ເຫງົາ, ເສົ້າ, ມີຄວາມສຸກ....
- ປັບປ່ຽນຄວາມຄິດກ່ຽວກັບອາລົມ.

🧠 ກິດຈະກຳຫຼັກທີ່ທ່ານຈະໄດ້ສຳຜັດ:
- Movie Session: ຮັບຊົມຮູບເງົາເລື່ອງ “Inside out 2”.
- Reflex Session: ແບ່ງປັນຄວາມຮູ້ສຶກ, ວິເຄາະ ແລະ ປຽບທຽບຕົວລະຄອນອາລົມຕ່າງໆກັບຕົວເອງ.
- ກິດຈະກຳພິເສດ: ຫ້ອງປະຊຸມໃນຫົວຂອງຂ້ອຍ (ສຳຫຼວດວ່າອາລົມໂຕໃດກຳລັງເປັນ "ຫົວໜ້າໂຕະ" ແລະ ຈັດທີ່ນັ່ງໃໝ່ໃຫ້ກັບອາລົມເຫຼົ່ານັ້ນ)
- ການເຮັດຂໍ້ຕົກລົງກັບຕົນເອງ
👉 ປລ. ເຂົ້າຮ່ວມຟຣີ! ບໍ່ມີຄ່າໃຊ້ຈ່າຍ
ງານນີ້ຮັບຈຳນວນຈຳກັດພຽງ 15 ຄົນເທົ່ານັ້ນ!
ເມື່ອໄດ້ຜູ້ເຂົ້າຮ່ວມຄົບແລ້ວເຮົາຈະປິດຟອມລົງທະບຽນທັນທີ!
👇
ດັ່ງນັ້ນ, ຮີບລົງທະບຽນເລີຍ ຈຶ່ງຈະບໍ່ໄດ້ພາດໂອກາດດີໆແບບນີ້!

📌ລົງທະບຽນທີ່:
https://forms.gle/xeKH9fX15kPCkXTj9

🗓ວັນທີ: 07 ທັນວາ 2025 (ທິດ)
⏰ເວລາ: 13:00 – 16:30
📍ສະຖານທີ່: The Art Of Living Laos ຫຼື https://maps.app.goo.gl/d3fZgLx3fxzsYnWP6?g_st=aw
ດ້ວຍຮັກ ແລະ ຫ່ວງໃຍ,
wecare 💚


#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ

14/11/2025

10/10/2025

ສິບເດືອນສິບ, ວັນສຸຂະພາບຈິດ, ເປັນພຽງຊື່,
ຫົວໃຈທີ່ຕໍ່ສູ້ ບໍ່ເຄີຍສິ້ນສຸດພຽງມື້ດຽວ.
ສາມຮ້ອຍຫົກສິບຫ້າວັນ, ຄືການຕໍ່ສູ້ງຽບໆຢູ່ຂ້າງໃນ,
ເຈົ້າຜ່ານຜ່າທຸກສິ່ງ, ໂດຍບໍ່ຮູ້ວ່າໂຕເອງເຂັ້ມແຂງພຽງໃດ.

ຍາມທີ່ໃຈອິດເມື່ອຍ, ບໍ່ມີແຮງຈະຍິ້ມສູ້,
ຄວາມທຸກທໍລະມານໃນໃຈ ນັ້ນບໍ່ມີໃຜຮູ້ເຫັນ.
ຈົ່ງເປີດປາກເວົ້າ, ຍື່ນມືຂໍຄວາມຊ່ວຍເຫຼືອດ້ວຍໃຈເຢັນ,
ການເປີດເຜີຍຄວາມຈິງນັ້ນ ຄືພະລັງອັນຍິ່ງໃຫຍ່ ທີ່ເຮົາຕ້ອງເນັ້ນ.

ເຈົ້າອາດຄິດວ່າໂຕເອງໝົດຄ່າ, ບໍ່ຄູ່ຄວນໃນໂລກນີ້,
ແຕ່ຈົ່ງຈື່ໄວ້: "ເຈົ້າມີຄ່າ ແລະ ສົມຄວນທີ່ຈະຢູ່ທີ່ນີ້ ທີ່ສຸດແລ້ວ."
ວັນສຸຂະພາບຈິດ ບໍ່ແມ່ນພຽງວັນດຽວ,
ແຕ່ຄືຄວາມຮັກ, ຄວາມເບິ່ງແຍງທີ່ເຈົ້າຄວນໄດ້ຮັບ.

ຂໍໃຫ້ພວກເຮົາທຸກຄົນ ຈົ່ງຍື່ນມືເຂົ້າຫາກັນຢ່າງພ້ອມພຽງ,
ໃສ່ຄວາມເມດຕາ, ຄວາມເຂົ້າໃຈ, ແລະ ການເບິ່ງແຍງກັນ.
ເພື່ອສ້າງໂລກທີ່ໃຈຂອງທຸກຄົນ ຖືກປົກປ້ອງ ຢ່າງເທົ່າທຽມ,
ໃຫ້ສຸຂະພາບຈິດເປັນສິ່ງສຳຄັນຕະຫຼອດໄປ ບໍ່ວ່າວັນເວລາໃດກໍ່ຕາມ.
- ສຽງໃນໃຈ 365 ວັນ 💚
📌 ຫາກຕ້ອງການຄວາມຊ່ວຍເຫຼືອ ຫຼື ປຶກສາບັນຫາສຸຂະພາບຈິດສາມາດຕິດຕໍ່ໄດ້ທີ່:
☎️ ສາຍດ່ວນຂອງສະຫະພັນແມ່ຍິງ 1362
☎️ ສາຍດ່ວນສຳລັບໄວໜຸ່ມທີ່ຕ້ອງການປຶກສາກ່ຽວກັບສຸຂະພາບຈິດໂດຍສູນກາງຊາວໜຸ່ມ 1554
☎️ ສາຍດ່ວນປຶກສາຫາບັນຫາສຸຂະພາບຈິດສຳລັບທ່ານຍິງ 1361
☎️ ສາຍດ່ວນປຶກສາຫາບັນຫາສຸຂະພາບຈິດສຳລັບທ່ານຊາຍ 137
🏥 ພະແນກສຸຂະພາບຈິດ ໂຮງໝໍ 103 ແລະ ໂຮງໝໍມະໂຫສົດ
ດ້ວຍຮັກ ແລະ ຫ່ວງໃຍ,
wecare 💚
#ວັນສຸຂະພາບຈິດສາກົນ

#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ
💚

10/10/2025

10/10/2025

ອົງການອະນາໄມໂລກ ໄດ້ກຳນົດໃຫ້ວັນທີ 10 ຕຸລາ ຂອງທຸກໆປີແມ່ນ “ວັນສຸຂະພາບຈິດສາກົນ” ຫຼື “World Mental Health Day”.
"ເພາະຄວາມຮູ້ສຶກຂອງເຮົາມີຄ່າ ການໄປຫາຜູ້ຊ່ຽວຊານ ຫຼື ພົບຈິດຕະແພດເພື່ອຂໍຄຳປຶກສາຈຶ່ງເປັນເລື່ອງສຳຄັນທີ່ພວກເຮົາຄວນເອົາໃຈໃສ່"

ການໄປພົບຈິດຕະແພດກໍຄືການໄປພົບແພດໝໍທົ່ວໄປ, ຢ່າຄິດວ່າມັນເປັນເລື່ອງຕະຫຼົກ, ເມື່ອຮູ້ສຶກວ່າຕົວເອງບໍ່ສະບາຍໃຈ, ບໍ່ສາມາດແກ້ໄຂບັນຫາທາງໃຈດ້ວຍຕົວເອງກໍຕ້ອງໄປພົບຜູ້ຊ່ຽວຊານເພື່ອຂໍຄຳປຶກສາ,
ຫາກມີຄົນຮູ້ຈັກ ຫຼື ຄົນໃກ້ຕົວຂອງທ່ານຢາກໄປພົບຈິດຕະແພດ ທ່ານຄວນໃຫ້ກຳລັງໃຈ ແລະ ສະໜັບສະໜູນພວກເຂົາ, ຢ່າຫ້າມໃຫ້ເຂົາໄປພົບ, ຢ່າຫ້າມໃຫ້ເຂົາສະແດງຄວາມຮູ້ສຶກ, ແຕ່ຈົ່ງເປີດໃຈຮັບຟັງ ແລະ ເຂົ້າໃຈພວກເຂົາດ້ວຍໃຈທີ່ບໍ່ຕັດສິນ ນອກຈາກຮັບຟັງຄົນອື່ນແລ້ວ ເຮົາຕ້ອງຮັບຟັງຕົວເອງນຳ ຫາກມີບັນຫາທາງໃຈກໍຮີບປຶກສາຄົນອ້ອມຂ້າງ ຫຼື ໄປພົບຜູ້ຊ່ຽວຊານ ແລະ ຈິດຕະແພດຈະດີທີ່ສຸດ.
"ການມີສຸຂະພາບຈິດທີ່ດີແມ່ນມີຄວາມສຳຄັນບໍ່ຕ່າງກັບການມີສຸຂະພາບຮ່າງກາຍທີ່ດີ"
ດັ່ງນັ້ນ, ພວກເຮົາ wecare ຈຶ່ງຂໍໃຫ້ວັນສຸຂະພາບຈິດໂລກໃນມື້ນີ້
ເປັນເຄື່ອງເຕືອນໃຈທີ່ດີໃນການທີ່ທຸກຄົນຈະກັບມາ ເບິ່ງແຍງຈິດໃຈ, ຄວາມຮູ້ສຶກຂອງຕົວເອງ ແລະ ຜູ້ອື່ນ.

📌 ຫາກຕ້ອງການຄວາມຊ່ວຍເຫຼືອ ຫຼື ປຶກສາບັນຫາສຸຂະພາບຈິດສາມາດຕິດຕໍ່ໄດ້ທີ່:
☎️ ສາຍດ່ວນຂອງສະຫະພັນແມ່ຍິງ 1362
☎️ ສາຍດ່ວນສຳລັບໄວໜຸ່ມທີ່ຕ້ອງການປຶກສາກ່ຽວກັບສຸຂະພາບຈິດໂດຍສູນກາງຊາວໜຸ່ມ 1554
☎️ ສາຍດ່ວນປຶກສາຫາບັນຫາສຸຂະພາບຈິດສຳລັບທ່ານຍິງ 1361
☎️ ສາຍດ່ວນປຶກສາຫາບັນຫາສຸຂະພາບຈິດສຳລັບທ່ານຊາຍ 137
🏥 ພະແນກສຸຂະພາບຈິດ ໂຮງໝໍ 103 ແລະ ໂຮງໝໍມະໂຫສົດ
ດ້ວຍຮັກ ແລະ ຫ່ວງໃຍ,
wecare 💚

#ວັນສຸຂະພາບຈິດສາກົນ

#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ
💚

30/09/2025

💚It's Okay to Not Be Okay Season 3 - workshop💚

ຮ່ວມສ້າງຄວາມເຂັ້ມແຂງໃນການເປັນຜູ້ຟັງດ້ວຍໃຈ ແລະ ຍົກລະດັບການສື່ສານໃນການຝຶກອົບຮົມພິເສດ!

ໃນຫົວຂໍ້ "ທັກສະການສື່ສານ" ເພື່ອໃຫ້ອາສາສະໝັກທຸກຄົນໄດ້ສຳຫຼວດວິທີການສ້າງຄວາມໄວ້ວາງໃຈ, ການຟັງຢ່າງຕັ້ງໃຈ, ແລະ ການສື່ສານທີ່ເຫັນອົກເຫັນໃຈ.

🔰ລາຍລະອຽດການຝຶກອົບຮົມ:
ຫົວຂໍ້: "ທັກສະການສື່ສານ"
📆ວັນທີ: ວັນເສົາ ທີ4 ຕຸລາ 2025
🕑ເວລາ: 09:00 - 12:00 ໂມງ
📍ສະຖານທີ່: ສູນພັດທະນາຊົນນະບົດ Rural Developmemt Agency (RDA) ແລະ Facebook Group Live

📣ບັນຍາຍໂດຍ: ທ່ານ ນາງ ຮສ. ດຣ. ບົວເທບ ພູມິນ - ຊ່ຽວຊານການແພດຟື້ນຟູໜ້າທີ່ການ ອະດີດຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ.

🎙ດໍາເນີນລາຍການໂດຍ: ໄມຢາງ ເຮີ່ຈະເລີນ - ອາສາສະໝັກຜູ້ຟັງດ້ວຍໃຈຂອງພວກເຮົາ

🫶 ການຝຶກອົບຮົມນີ້ແມ່ນຈຳກັດສະເພາະຜູ້ທີ່ເປັນອາສາສະໝັກ
ໃນໂຄງການ It’s Okay to Not Be Okay ແລະ ອາສາສະໝັກຂອງ wecare ເທົ່ານັ້ນ!
ດ້ວຍຮັກ ແລະ ຫ່ວງໃຍ,
wecare 💚


#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ
💚

29/09/2025

💚It's Okay to Not Be Okay Season 3 - workshop💚
ປົດປ່ອຍພະລັງຂອງປາກກາ ເພື່ອສ້າງການຮັບຮູ້ເລື່ອງສຸຂະພາບຈິດ!

ພວກເຮົາຂໍເຊີນອາສາສະໝັກນັກຂຽນຂອງ wecare ທຸກຄົນ ມາຮ່ວມຝຶກອົບຮົມ: Short Story Writing Workshop ເພື່ອຮຽນຮູ້ວິທີການນຳພາເລື່ອງເລົ່າໄປສູ່ການສ້າງຄວາມເຂົ້າໃຈ ແລະ ຫຼຸດຜ່ອນການຕີຕາທາງສັງຄົມ.

🔰ລາຍລະອຽດການຝຶກອົບຮົມ:
ຫົວຂໍ້: "Short Story Writing Workshop"
📆ວັນທີ: ວັນທິດ ທີ 5 ຕຸລາ 2025
🕑ເວລາ: 09:00 - 12:00
📍Online Training: StreamYard

📣ບັນຍາຍໂດຍ: ທ່ານ ສ. ຈັນສີລາ (ນາມປາກກາ ) - ນັກຂຽນຜູ້ສ້າງສັນ ເຈົ້າຂອງຜົນງານນະວະນິຍາຍ
ເລື່ອງ "ວິມົນທາ ແລະ ສັນຍາຕ່າງພິພົບ" ແລະ ເປັນເຈົ້າຂອງເພຈ ລົມເຫງົາ

🎙ດໍາເນີນລາຍການໂດຍ: ສຸລິນທອງ ສັນຍາແດງ - ອາສາສະໝັກນັກຂຽນຂອງພວກເຮົາ

🫶 ການຝຶກອົບຮົມນີ້ແມ່ນຈຳກັດສະເພາະຜູ້ທີ່ເປັນອາສາສະໝັກ
ໃນໂຄງການ It’s Okay to Not Be Okay ແລະ ອາສາສະໝັກຂອງ wecare ເທົ່ານັ້ນ!
ດ້ວຍຮັກ ແລະ ຫ່ວງໃຍ,
wecare 💚

#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ
💚

27/09/2025

It's okay, let's joy! ມາແລ້ວທຸກຄົນ!
ເຂົ້າມາຟັງນຳກັນໄດ້ເດີ້ 👇
ກົດເຂົ້າລິ້ງ: https://discord.gg/WSR77Z25T

26/09/2025

"it's okay, community by wecare"
ເປັນພື້ນທີ່ໜຶ່ງໃນແອັບ Discord ທີ່ຖືກສ້າງຂຶ້ນມາ
ເພື່ອຈັດລາຍການ It’s Okay, Let’s Joy! ບໍ່ເປັນຫຍັງ, ມາຈອຍກັນ!
ເປັນລາຍການທີ່ຈະພາທຸກຄົນມາໂອ້ລົມ, ແບ່ງປັນເລື່ອງລາວ, ແລກປ່ຽນປະສົບການ, ເປັນພື້ນທີ່ປອດໄພໃນການລະບາຍຄວາມຮູ້ສຶກ, ຮັບຟັງກັນ, ໃຫ້ກຳລັງໃຈກັນ ແລະ ກັນ.

ພາຍໃນ Server, ທຸກຄົນສາມາດເຂົ້າຮ່ວມການສົນທະນາ, ຖາມຄຳຖາມ, ແລະ ສະເໜີຫົວຂໍ້ສຳລັບລາຍການຕ່າງໆ. ນອກຈາກນີ້, ຍັງມີຫ້ອງສະເພາະສຳລັບການຜ່ອນຄາຍ ເຊັ່ນ: ຫ້ອງສົນທະນາກ່ຽວກັບເກມ ແລະ ເພງ, ເຮັດໃຫ້ Server ນີ້ເໝາະສຳລັບທັງການຮຽນຮູ້ ແລະ ການພົບປະກັບໝູ່ໃໝ່ໆ.

👉 ເຂົ້າຮ່ວມກິດຈະກຳໄດ້ງ່າຍໆຜ່ານ Discord Server ຂອງພວກເຮົາທີ່: https://discord.gg/hFfE9Bf5bG

ປລ. ລາຍລະອຽດຕ່າງໆຢູ່ໃນຄອມເມັ້ນເດີ້!

ດ້ວຍຮັກ ແລະ ຫ່ວງໃຍ,
wecare 💚

#ຈິດທີ່ດີເລີ່ມຈາກການຮັບຟັງ


#ສຸຂະພາບຈິດ #ຈິດຕະແພດ
💚

24/09/2025

📣ປະກາດສຳຄັນ🥰
✨ ພວກ​ເຮົາ​ກັບ​ມາ​ແລ້ວ! ✨
ພົບ​ກັບ​ລາຍ​ການ It’s Okay, Let’s Joy! ບໍ່​ເປັນ​ຫຍັງ, ມາ​ຈອຍ​ກັນ! ອີກ​ຄັ້ງ
ໃນ​ວັນ​ເສົາ​ນີ້ ເວລາ 20:00 - 21:00 ໂມງ.

✨ ຂໍເຊີນທຸກຄົນມາຈອຍ! ✨
ເຂົ້າຮ່ວມຮັບຟັງລາຍການ It’s Okay, Let’s Joy! ລາຍການທີ່ຈະພາທຸກຄົນມາໂອ້ລົມ, ແບ່ງປັນປະສົບການ ແລະ ເປັນພື້ນທີ່ປອດໄພໃນການລະບາຍຄວາມຮູ້ສຶກ, ຮັບຟັງ ແລະ ໃຫ້ກຳລັງໃຈກັນ. ພ້ອມສຳພາດແຂກຮັບເຊີນພິເສດທີ່ຈະມາແບ່ງປັນຄວາມຮູ້ດ້ານສຸຂະພາບຈິດ!

🕑 ພົບກັນທຸກວັນເສົາ ເວລາ 20:00 - 21:00 ໂມງ.
👉 ເຂົ້າຮ່ວມກິດຈະກຳໄດ້ງ່າຍໆຜ່ານ Discord Server ຂອງພວກເຮົາທີ່: https://discord.gg/hFfE9Bf5bG
#ຈິດທີ່ດີເລີ່ມຈາກການຮັບຟັງ


#ສຸຂະພາບຈິດ #ຈິດຕະແພດ
💚

24/09/2025

wecare ເຊື່ອວ່າ ຈິດທີ່ດີເລີ່ມຈາກການຮັບຟັງ.
ແລະ ພວກເຮົາຢາກຮັບຟັງສຽງຂອງທ່ານ! ✨
ເພາະສຸຂະພາບຈິດຂອງທ່ານສຳຄັນກັບພວກເຮົາ! 🫂💚

ທີມງານ wecare ກຳລັງສຶກສາເພື່ອພັດທະນາໂຄງການຊ່ວຍເຫຼືອສຸຂະພາບຈິດໃຫ້ເໝາະສົມກັບຄວາມຕ້ອງການຂອງຄົນລາວ.

🙏ພວກເຮົາຂໍເຊີນທ່ານມາຮ່ວມແບ່ງປັນຄວາມຄິດເຫັນຜ່ານແບບສອບຖາມສັ້ນໆ ພຽງແຕ່ 5 ນາທີ.

🤗ແບບສອບຖາມນີ້ແມ່ນເພື່ອເກັບກຳຂໍ້ມູນຄວາມຄິດເຫັນແບບບໍ່ລະບຸຊື່,
ເພື່ອເປັນປະໂຫຍດໃນການອອກແບບໂຄງການຊ່ວຍເຫຼືອສຸຂະພາບຈິດໃນອະນາຄົດ.
ແລະ ຂໍ້ມູນຂອງທ່ານຈະຖືກເກັບຮັກສາໄວ້ເປັນຄວາມລັບ.

✅ທຸກຄຳຕອບຂອງທ່ານຈະເປັນສ່ວນສຳຄັນໃນການສ້າງພື້ນທີ່ປອດໄພໃຫ້ກັບຄົນໃນສັງຄົມ.
👇
📍ກົດເຂົ້າຕອບໄດ້ທີ່ນີ້: https://form.jotform.com/252658507665064

#ຈິດທີ່ດີເລີ່ມຈາກການຮັບຟັງ
#ສຸຂະພາບຈິດ #ສຸຂະພາບຈິດລາວ

Please click the link to complete this form.

11/09/2025

🎉 06.09.2025
ສຳເລັດໄປດ້ວຍດີສຳລັບ "ວົງສົນທະນາ wecare: ຮຽນຮູ້ຢ່າງປອດໄພ, ດ້ວຍໃຈທີ່ອົບອຸ່ນ ໃນຫົວຂໍ້ ການສ້າງພື້ນທີ່ຮັບຟັງ" ທີ່ໄດ້ຈັດຂຶ້ນ ໃນວັນເສົາທີ 6 ກັນຍາ ຜ່ານມາ.

🙏 ຂໍສະແດງຄວາມຂອບໃຈຢ່າງສຸດຊຶ້ງມາຍັງ:
- ທ່ານໝໍ ນໍລະວີ ພຸ່ມຈັນ, ແພດຊ່ຽວຊານສະຖາບັນຈິດຕະເວດສົມເດັດເຈົ້າພະຍາ
- ຜູ້ຊ່ວຍສາດສະດາຈານ ພັນຕີຍິງ ພະນົມພອນ ພຸ່ມຈັນ, ນາຍົກສະມາຄົມສະມາຣິຕັນສ໌ແຫ່ງປະເທດໄທ, ຫົວໜ້າສາຂາວິຊາຈິດຕະວິທະຍາຄລີນິກ ພາກວິຊາຈິດຕະວິທະຍາ ຄະນະສັງຄົມສາດ ມະຫາວິທະຍາໄລກະເສດສາດ.

ທີ່ໄດ້ໃຫ້ກຽດມາເປັນວິທະຍາກອນ ແລະ ມອບຄວາມຮູ້ອັນລ້ຳຄ່າ, ເປັນປະໂຫຍດ ແລະ ສ້າງແຮງບັນດານໃຈໃຫ້ແກ່ກຸ່ມອາສາສະໝັກຜູ້ຟັງດ້ວຍໃຈຂອງ wecare ແລະ ອົງກອນເຄືອຂ່າຍທຸກຄົນ. ຄວາມຮູ້ທີ່ໄດ້ຮັບຈະຊ່ວຍເພີ່ມຄວາມສາມາດໃນການຮັບຟັງຢ່າງມີຄຸນນະພາບ ແລະ ເບິ່ງແຍງຈິດໃຈຂອງຕົນເອງໄດ້ດີຂຶ້ນ.

🫶 ພິເສດ, ຂໍຂອບໃຈ ມະໄໝ ມະນັດສະວີ ສຸຣະສະຣາງ, ນັກບຳບັດແນວທາງທຳມະຊາດ ແລະ ອາສາສະໝັກຮັບຟັງ, ເຈົ້າຂອງ Page "ManassaMai Self care & Holistic Healing Workshop" ຜູ້ດຳເນີນລາຍການທີ່ໄດ້ນຳພາການສົນທະນາ ເຮັດໃຫ້ບັນຍາກາດເປັນໄປຢ່າງມີຊີວິດຊີວາ ແລະ ເປັນກັນເອງ.

🥰wecare ຫວັງຢ່າງຍິ່ງວ່າທຸກຄົນທີ່ເຂົ້າຮ່ວມຈະໄດ້ນຳເອົາຄວາມຮູ້ທີ່ໄດ້ໄປນຳໃຊ້ໃຫ້ເກີດປະໂຫຍດ ແລະ ຮ່ວມກັນສ້າງພື້ນທີ່ທີ່ປອດໄພເພື່ອຮັບຟັງຜູ້ຄົນໃນສັງຄົມຕໍ່ໄປ.🫂

ດ້ວຍຮັກ ແລະ ຫ່ວງໃຍ,
wecare 💚


#ຈິດທີ່ດີເລີ່ມຈາກການຮັບຟັງ

#ສຸຂະພາບຈິດ #ຈິດຕະແພດ
💚