ອົງການກາແດງແຫ່ງຊາດລາວ Lao Red Cross

ອົງການກາແດງແຫ່ງຊາດລາວ Lao Red Cross Lao Red Cross program areas include:
1. Emergency Ambulance & First Aid Training
2. Blood Transfusion Services at the National Blood Transfusion Centre
3.

ອົງການກາແດງແຫ່ງຊາດເປັນ ອົງການຈັດຕັ້ງທາງສັງຄົມ, ຊ່ວຍລັດຖະບານໃນວຽກງານມະນຸດສະທຳ ຊ່ວຍເຫຼືອປະຊາຊົນຜູ້ດ້ອຍໂອກາດ ແລະ ປະສົບໄພໃຫ້ທັນເວລາຕາມຄວາມຕ້ອງການຂັ້ນພຶ້ນຖານ ເພື່ອແກ້ໄຂບັນເທົາທຸກຊີວິດການເປັນຢູ່, ສຸຂະພາບ ໃຫ້ຄວາມປອດໄພ ແລະ ມີກຽດສັກສີຂອງມະນຸດ. Disaster Preparedness and Relief
4. Water and Sanitation & Health Education Programs
5. Red Cross Youth

How can you make a positive impact? Make a monetary, clothing or non-perishable food donation in person to the Lao Red Cross Headquarters Fundraising Division. Donate directly into the Lao Red Cross bank account (please see website for details) or any one of the Lao Red Cross donation boxes located at key destinations such as the Wattay Airport, large shopping malls and each branch office. As part of the International Red Cross and Red Crescent Movement we are proud to work alongside the International Committee of the Red Cross (ICRC), the International Federation of the Red Cross and Red Crescent Societies (IFRC) and National Red Cross and Red Crescent Societies (NS). The Lao Red Cross is a National Red Cross Society working in collaboration with the Australian, French, Danish, Swiss and German Red Cross Societies in Laos.

#່ອົງການກາແດງແຫ່ງຊາດລາວ ຈັດພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ..................................................
11/03/2026

#່ອົງການກາແດງແຫ່ງຊາດລາວ ຈັດພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ...........................................................................................
ຕອນເຊົ້າ,ວັນທີ 11 ມີນາ 2026 ນີ້ ສະຫະພັນແມ່ຍິງ ອົງການກາແດງແຫ່ງຊາດລາວ ໄດ້ຈັດພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ (8 ມີນາ 1910 – 8 ມີນາ 2026) ພາຍໃຕ້ຄຳຂວັນ "ສິດທິ, ຄວາມຍຸຕິທຳ, ການລົງມືປະຕິບັດ, ເພື່ອແມ່ຍິງ ແລະ ເດັກຍິງທຸກຄົນ". ພ້ອມທັງປະກາດແຜນການຈັດຕັ້ງປະຕິບັດຂໍ້ແຂ່ງຂັນ “3 ດີ” ຂຶ້ນຢ່າງສົມກຽດ.
ພິທີໄດ້ຮັບກຽດຈາກ ທ່ານ ຄຳລາວັນ ຈັນທະລາວັນ ກຳມະການສູນກາງພັກ, ເລຂາຄະນະບໍລິຫານງານພັກອົງການກາແດງແຫ່ງຊາດລາວ , ປະທານອົງການກາແດງແຫ່ງຊາດລາວ ເຂົ້າຮ່ວມເປັນປະທານ. ມີທ່ານຮອງປະທານ, ຮອງເລຂາພັກ, ພ້ອມດ້ວຍບັນດາທ່ານ ເລຂາໜ່ວຍພັກ, ປະທານສະຫະພັນແມ່ຍິງ ອົງການກາແດງແຫ່ງຊາດລາວ ພ້ອມດ້ວຍສະມາຊິກເຂົ້າຮ່ວມ.
ໃນພິທີ ທ່ານ ນາງ ຈີລະພາ ແກ້ວຄຳຜຸຍ ປະທານສະຫະພັນແມ່ຍິງອົງການກາແດງແຫ່ງຊາດໄດ້ຂຶ້ນເຜີຍແຜ່ປະຫວັດ ແລະ ຄວາມເປັນມາຂອງວັນແມ່ຍິງສາກົນ 8 ມີນາ ຄົບຮອບ 116 ປີ. ທ່ານໄດ້ກ່າວວ່າ ວັນແມ່ຍິງສາກົນເກີດຂຶ້ນຈາກການຕໍ່ສູ້ຂອງກຳມະກອນແມ່ຍິງ ທີ່ຖືກກົດຂີ່ ແລະ ຂູດຮີດທາງແຮງງານ. ໃນວັນທີ 8 ມີນາ 1908 ແມ່ຍິງໄດ້ເດີນຂະບວນປະທ້ວງຢູ່ນະຄອນນິວຢອກ ເພື່ອທວງໃຫ້ຫຼຸດຜ່ອນຊົ່ວໂມງເຮັດວຽກ, ຢຸດເຊົາການຂູດຮີດແຮງງານເດັກ ແລະ ຮຽກຮ້ອງໃຫ້ແມ່ຍິງມີສິດອອກສຽງເລືອກຕັ້ງ.
ຕໍ່ມາ ໃນປີ 1910 ໄດ້ມີການຈັດກອງປະຊຸມສາກົນກ່ຽວກັບບັນຫາແມ່ຍິງ ທີ່ປະເທດເດັນມາກ ໂດຍມີຜູ້ແທນກວ່າ 100 ຄົນ ຈາກ 17 ປະເທດເຂົ້າຮ່ວມ ແລະ ໄດ້ຮັບຮອງເອົາວັນທີ 8 ມີນາ ເປັນວັນແມ່ຍິງສາກົນ ເພື່ອເປັນຂີດໝາຍແຫ່ງການຕໍ່ສູ້ຂອງແມ່ຍິງໃນການທວງເອົາສິດ ແລະ ຜົນປະໂຫຍດອັນເປັນທຳ.
ໃນໂອກາດດັ່ງກ່າວ ຍັງໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ “3 ດີ” ປະຈຳປີ 2025 ຂອງສະຫະພັນແມ່ຍິງ ອົງການກາແດງແຫ່ງຊາດລາວ ເຊິ່ງສະຫະພັນແມ່ຍິງ ອົງການກາແດງແຫ່ງຊາດລາວ ມີສະມາຊິກທັງໝົດ 56 ສະຫາຍ ,ໄດ້ແບ່ງອອກເປັນ 4 ໜ່ວຍ ປະກອບມີ ສະມາຊິກພັນສົມບູນ 25 ສະຫາຍ, ສະມາຊິກພັກສຳຮອງ 03 ສະຫາຍ, ຮຽນກົດລະບຽບ 02ສະຫາຍ , ຮຽນສະໜັບສະໜູນ 01 ສະຫາຍ,ມະຫາຊົນກ້າວໜ້າ 03 ສະຫາຍ. ເຊິ່ງໃນປີ 2025ນີ້ ມີແມ່ຍິງໄດ້ຮັບໃບຢັ້ງຢືນ 3 ດີ ຖ້າທຽບໃສ່ຈຳນວນແມ່ຍິງທີ່ມີເຫັນວ່າ ກວມເອົາ99 % ພ້ອມມອບໃບຢັ້ງຢືນ “3 ດີ” ໃຫ້ແກ່ບຸກຄົນດີເດັ່ນ ແລະ ພ້ອມກັນລົງນາມຈັບມືແຂ່ງຂັນ “3 ດີ” ປະຈຳປີ 2026
ໃນຕອນທ້າຍຂອງພິທີ ທ່ານ ຄຳລາວັນ ຈັນທະລາວັນ ໄດ້ໃຫ້ກຽດກ່າວໂອ້ລົມ ແລະ ຊົມເຊີຍບົດບາດຂອງສະຫະພັນແມ່ຍິງ ທີ່ໄດ້ມີການເຄື່ອນໄຫວວຽກງານຢ່າງຕັ້ງໜ້າ ແລະ ຄຽງບ່າຄຽງໄລ່ກັບພະນັກງານເພດຊາຍໃນການປະຕິບັດໜ້າທີ່ຕາມການມອບໝາຍ.
ພ້ອມນັ້ນ ທ່ານຍັງໄດ້ເນັ້ນໃຫ້ເອື້ອຍນ້ອງແມ່ຍິງສືບຕໍ່ຍຶດໝັ້ນໃນການສຶກສານະໂຍບາຍພັກ-ລັດ, ເຊື່ອມຊຶມເນື້ອໃນມະຕິກອງປະຊຸມໃຫຍ່ຄັ້ງທີ XII ຂອງພັກ, ພັດທະນາວຽກງານວິຊາສະເພາະໃຫ້ມີປະສິດທິພາບ, ພ້ອມທັງຮັກສາສິນລະທຳປະເພນີອັນດີງາມຂອງຊາດ, ສ້າງຄວາມສາມັກຄີພາຍໃນອົງການ ແລະ ປະສານສົບທົບກັບກຳມະບານ ແລະ ຊາວໜຸ່ມ ເພື່ອສ້າງຂະບວນການຕ່າງໆໃຫ້ຟົດຟື້ນ ແລະ ບັນລຸຜົນສຳເລັດຕາມແຜນທີ່ວາງໄວ້.

#່ກາແດງຮົງກົງຕິດຕາມໂຄງການຢູ່ ສປປ ລາວ......................................................................................
11/03/2026

#່ກາແດງຮົງກົງຕິດຕາມໂຄງການຢູ່ ສປປ ລາວ............................................................................................
ໃນວັນທີ 10 ມີນາ 2026 ນີ້ ທ່ານ ນາງ ໄອ່ຄຳ ສຳອິນໄຊ ຮອງຫົວໜ້າຫ້ອງການໂຄສະນາ ແລະ ຊ່ວຍເຫຼືອບັນເທົາທຸກ ອົງການກາແດງແຫ່ງຊາດລາວ ໄດ້ຕ້ອນຮັບ ຄະນະເຮັດວຽກຈາກ ສະພາກາແດງຮົງກົງ ໃນໂອກາດທີ່ເດີນທາງມາ ເຮັດວຽກຮ່ວມກັບ ອົງການກາແດງແຫ່ງຊາດລາວ ເພື່ອຕິດຕາມ ແລະ ຊຸກຍູ້ ບັນດາກິດຈະກຳໃນໂຄງການ ທີ່ກຳລັງຈັດຕັ້ງປະຕິບັດຢູ່ 3 ແຂວງ ຄື: ຫຼວງນ້ຳທາ, ບໍ່ແກ້ວ ແລະ ຜົ້ງສາລີ ໄດ້ຮັບງົບປະມານ ຈາກກາແດງຮົງກົງ ໂດຍຜ່ານ ສະຫະພັນກາແດງ ແລະ ຊີກວົງເດືອນແດງສາກົນ ເພື່ອສ້າງຄວາມເຂັ້ມແຂງ ໃນການຮັບມືກັບໄພພິບັດ ໂດຍ ເພື່ອສ້າງຄວາມທົນທານໃຫ້ແກ່ຊຸມຊົນ ໂດຍສ້າງຄວາມພ້ອມໃຫ້ແກ່ ອົງການກາແດງແຫ່ງຊາດລາວ ໃນການຮັບມືກັບໄພພິບັດ ຢູ່ 3 ແຂວງ ຈຳນວນ 11 ບ້ານ ເປົ້າໝາຍ.
ກິດຈະກຳສຳຄັນຂອງໂຄງການ ປະກອບມີ: ການຈັດກອງປະຊຸມແນະນຳການຈັດຕັ້ງປະຕິບັດໂຄງການ; ການພັດທະນາ ປັບປຸງ ແລະ ແຈກຢາຍຄູ່ມື ສຳລັບວຽກງານການຫຼຸດຜ່ອນຄວາມສຽງໄພພິບັດໃນຊຸມຊົນ (CBDRR) ແລະ ວຽກງານສຸຂະພາບຊຸມຊົນ; ການດຳເນີນງານແຜນປະຕິບັດການລ່ວງໜ້າ (Early Action Protocol); ການອົບຮົມການປະເມີນຄວາມອ່ອນແອ ແລະ ຄວາມສາມາດໃນຊຸມຊົນ (VCA) ໃຫ້ແກ່ອາສາສະໝັກບ້ານ; ການອົບຮົມການກຽມພ້ອມໄພພິບັດໃນຊຸມຊົນ; ການອົບຮົມວິທີການຕອບໂຕ້ໄພພິບັດ ແລະ ການຝຶກຊ້ອມຈຳລອງເຫດການ.
ໃນໂອກາດຢ້ຽມຢາມນີ້, ທັງສອງຝ່າຍ ຍັງໄດ້ແລກປ່ຽນຄວາມຄິດເຫັນ ແລະ ປຶກສາຫາລື ກ່ຽວກັບ ການເຄື່ອນໄຫວວຽກງານໂຄງການ ເພື່ອໃຫ້ການດຳເນີນງານ ສາມາດບັນລຸຜົນ ແລະ ມີປະສິດທິຜົນ ພ້ອມທັງ ສ້າງຄວາມຮ່ວມມືອັນດີ ໃນການພັດທະນາ ແລະ ຂະຫຍາຍວຽກງານມະນຸດສະທຳ ໃນອະນາຄົດ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ອົງການກາແດງແຫ່ງຊາດລາວ ເຂົ້າຮ່ວມກອງປະຊຸມເຄືອຂ່າຍການປະຖົມພະຍາບານ ອາຊີຕາເວັນອອກສ່ຽງໃຕ້ (SEAFAN) ຄັ້ງທີ 3 ເພື່ອຍົກລະດັບວຽກ...
05/03/2026

#ອົງການກາແດງແຫ່ງຊາດລາວ ເຂົ້າຮ່ວມກອງປະຊຸມເຄືອຂ່າຍການປະຖົມພະຍາບານ ອາຊີຕາເວັນອອກສ່ຽງໃຕ້ (SEAFAN) ຄັ້ງທີ 3 ເພື່ອຍົກລະດັບວຽກງານກູ້ຊີບພາຍໃນປະເທດ...........................................................
ວັນທີ 24–26 ກຸມພາ 2026 ຜ່ານມາ, ຜູ້ຕາງໜ້າຈາກອົງການກາແດງແຫ່ງຊາດລາວ ໄດ້ເຂົ້າຮ່ວມກອງປະຊຸມເຄືອຂ່າຍການປະຖົມພະຍາບານອາຊີຕາເວັນອອກສ່ຽງໃຕ້ (Southeast Asia First Aid Network – SEAFAN) ຄັ້ງທີ 3 ທີ່ປະເທດ ຟິລິບປິນ ເຊິ່ງເປັນເວທີລະດັບພາກພື້ນທີ່ສຸມໃສ່ການພັດທະນາມາດຕະຖານການຊ່ວຍເຫຼືອເບື້ອງຕົ້ນ ແລະ ການກຽມພ້ອມຮັບມືກັບເຫດສຸກເສີນ.
ກອງປະຊຸມ SEAFAN ຄັ້ງນີ້ ເປັນເຈົ້າພາບໂດຍ ສະພາກາແດງຟິລິບປິນ ຊຶ່ງໄດ້ເຕົ້າໂຮມເອົາບັນດາຜູ້ຊ່ຽວຊານດ້ານການປະຖົມພະຍາບານຈາກອົງການກາແດງ ແລະ ຊີກວົງເດືອນແດງ ໃນທົ່ວພາກພື້ນອາຊີຕາເວັນອອກສ່ຽງໃຕ້ ເພື່ອຮ່ວມກັນທົບທວນຄືນຜົນການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ວາງທິດທາງຮ່ວມກັນໃນການສ້າງສັງຄົມທີ່ມີຄວາມປອດໄພ.
ຈຸດປະສົງສຳຄັນຂອງການເຂົ້າຮ່ວມໃນຄັ້ງນີ້ ເພື່ອ ຮຽນຮູ້ ແລະ ແລກປ່ຽນ ຊຶ່ງ ອົງການກາແດງແຫ່ງຊາດລາວ ໄດ້ຮ່ວມແລກປ່ຽນບົດຮຽນກ່ຽວກັບການຝຶກອົບຮົມການປະຖົມພະຍາບານໃຫ້ແກ່ຊຸມຊົນ ແລະ ໂຮງຮຽນໃນ ສປປ ລາວ ພ້ອມທັງຖອດຖອນບົດຮຽນອັນດີເດັ່ນຈາກປະເທດສະມາຊິກອື່ນໆ ເພື່ອມານຳໃຊ້ເຂົ້າໃນການປັບປຸງຫຼັກສູດພາຍໃນ; ເນັ້ນການປັບປຸງຄູ່ມືການປະຖົມພະຍາບານໃຫ້ສອດຄ່ອງກັບມາດຕະຖານສາກົນ (Evidence-based First Aid), ເພື່ອຮັບປະກັນວ່າການຊ່ວຍເຫຼືອຜູ້ປະສົບໄພແມ່ນມີຄວາມຖືກຕ້ອງ ແລະ ປອດໄພສູງສຸດ ແລະ ການ ສຶກສາກ່ຽວກັບການນຳໃຊ້ສື່ດິຈິຕອນ ແລະ ແອັບພລິເຄຊັນ ເຂົ້າໃນການສອນການປະຖົມພະຍາບານ ເພື່ອໃຫ້ປະຊາຊົນລາວ ໂດຍສະເພາະແມ່ນຊາວໜຸ່ມ ສາມາດເຂົ້າເຖິງຄວາມຮູ້ໄດ້ງ່າຍ ແລະ ວ່ອງໄວ.
ຜ່ານການເຂົ້າຮ່ວມກອງປະຊຸມຄັ້ງນີ້, ອົງການກາແດງແຫ່ງຊາດລາວ ມີແຜນທີ່ຈະນຳເອົາເນື້ອໃນ ແລະ ເຕັກນິກໃໝ່ໆ ມາຜັນຂະຫຍາຍເຂົ້າໃນແຜນງານປະຈຳປີ ໂດຍສະເພາະແມ່ນການເພີ່ມທະວີການຝຶກອົບຮົມໃຫ້ແກ່ອາສາສະໝັກກາແດງໃນຂອບເຂດທົ່ວປະເທດ ໃຫ້ມີຄວາມຊຳນານງານໃນການຊ່ວຍເຫຼືອສຸກເສີນຢູ່ກັບທີ່ ກ່ອນຈະນຳສົ່ງໂຮງໝໍ.
ການເຂົ້າຮ່ວມກອງປະຊຸມ SEAFAN ຄັ້ງທີ 3 ນີ້ ຖືເປັນຂີດໝາຍສຳຄັນໃນການຮັດແໜ້ນສາຍພົວພັນລະຫວ່າງ ອົງການກາແດງແຫ່ງຊາດລາວ ກັບບັນດາປະເທດເພື່ອນມິດໃນອາຊຽນ ເພື່ອຮ່ວມກັນສ້າງຄວາມເຂັ້ມແຂງໃຫ້ແກ່ວຽກງານມະນຸດສະທຳ ແລະ ການກູ້ຊີບໃນພາກພື້ນໃຫ້ມີປະສິດທິພາບສູງຂຶ້ນເລື້ອຍໆ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ອົງການກາແດງແຫ່ງຊາດລາວ ຮ່ວມກັບ ອົງການກາແດງສະວິດສ໌ ຈັດກອງປະຊຸມ ເພື່ອເພີ່ມທະວີຄວາມພ້ອມໃນການຕອບໂຕ້ໄພພິບັດນໍ້າຖ້ວມ ແລະ ການຊ...
04/03/2026

#ອົງການກາແດງແຫ່ງຊາດລາວ ຮ່ວມກັບ ອົງການກາແດງສະວິດສ໌ ຈັດກອງປະຊຸມ ເພື່ອເພີ່ມທະວີຄວາມພ້ອມໃນການຕອບໂຕ້ໄພພິບັດນໍ້າຖ້ວມ ແລະ ການຊ່ວຍເຫຼືອບັນເທົາທຸກສຸກເສີນ...........................................................................................

ໃນວັນທີ 2 ມີນາ 2026, ທີ່ທ່າລາດ, ເມືອງແກ້ວອຸດົມ, ແຂວງວຽງຈັນ. ອົງການກາແດງແຫ່ງຊາດລາວ ໂດຍພາຍໃຕ້ການສະໜັບສະໜູນຂອງອົງການກາແດງສະວິດ (Swiss Red Cross) ໄດ້ຈັດກອງປະຊຸມປຶກສາຫາລືກ່ຽວກັບການກຽມຄວາມພ້ອມຕອບໂຕ້ໄພພິບັດ ແລະ ນໍ້າຖ້ວມ (ການຊ່ວຍເຫຼືອບັນເທົາທຸກສຸກເສີນ). ກອງປະຊຸມຄັ້ງນີ້ມີຜູ້ຕາງໜ້າຈາກຫຼາຍພາກສ່ວນເຂົ້າຮ່ວມ ເຊັ່ນ: ກະຊວງການຕ່າງປະເທດ, ກະຊວງແຮງງານ ແລະ ສະຫວັດດີການສັງຄົມ (ຮສສ), ອົງການກາແດງແຫ່ງຊາດລາວ, ອົງການກາແດງແຂວງຈາກ 7 ແຂວງ, ອົງການກາແດງສະວິດ ແລະ ອົງການອາຫານໂລກ (WFP).
ຈຸດປະສົງຫຼັກຂອງກອງປະຊຸມແມ່ນເພື່ອເສີມສ້າງຄວາມສາມາດຂອງພາກສ່ວນກ່ຽວຂ້ອງ ໃນການຄຸ້ມຄອງຄວາມສ່ຽງໄພນໍ້າຖ້ວມຢ່າງມີປະສິດທິພາບ. ນອກຈາກນີ້ ຍັງເນັ້ນໃສ່ການສ້າງມາດຕະຖານ ແລະ ປະສານງານຂັ້ນຕອນການດຳເນີນງານໃຫ້ສອດຄ່ອງກັນ, ແລກປ່ຽນບົດຮຽນ ແລະ ກຳນົດຊ່ອງຫວ່າງໃນນະໂຍບາຍ ເພື່ອປັບປຸງແຜນຮັບມືໄພນໍ້າຖ້ວມໃຫ້ມີປະສິດທິພາບສູງສຸດ.
ກອງປະຊຸມໄດ້ມີການແບ່ງກຸ່ມສົນທະນາໃນ 4 ຫົວຂໍ້ສຳຄັນ ເພື່ອວາງທິດທາງການຈັດຕັ້ງປະຕິບັດໃນຕໍ່ໜ້າ:
1. ການມີສ່ວນຮ່ວມຂອງພາກສ່ວນກ່ຽວຂ້ອງ: ສະເໜີໃຫ້ມີການສ້າງຄູ່ມືຂັ້ນຕອນການດຳເນີນງານມາດຕະຖານ (SOP) ສຳລັບການປະສານງານແຕ່ສູນກາງຮອດທ້ອງຖິ່ນ. ພ້ອມທັງໄດ້ສະເໜີໃຫ້ອົງການກາແດງແຫ່ງຊາດລາວ ເຂົ້າເປັນສ່ວນໜຶ່ງຂອງຄະນະກຳມະການຄຸ້ມຄອງໄພພິບັດແຫ່ງຊາດ (NDMC).
2. ການປະເມີນຄວາມຕ້ອງການ: ເນັ້ນການປະເມີນແບບຮີບດ່ວນເພື່ອໃຫ້ໄດ້ຂໍ້ມູນທີ່ຊັດເຈນ ກ່ຽວກັບສິ່ງຈຳເປັນພື້ນຖານ ເຊັ່ນ: ອາຫານ, ນໍ້າສະອາດ, ເຄື່ອງປະຖົມພະຍາບານ ແລະ ທີ່ພັກເຊົາຊົ່ວຄາວ.
3. ການກຳນົດຄວາມອາດສາມາດ: ປະເມີນລະບົບເຕືອນໄພ ແລະ ຄວາມພ້ອມຂອງບຸກຄະລາກອນ, ໄດ້ສະເໜີໃຫ້ມີການແຕ່ງຕັ້ງຜູ້ປະສານງານວຽກງານໄພພິບັດຢ່າງໜ້ອຍ 2 ທ່ານ ໃນທຸກຂັ້ນ.
4. ແຜນການຕອບໂຕ້ ແລະ ການວາງແຜນ: ໄດ້ກຳນົດແຜນການລົງຊ່ວຍເຫຼືອຮີບດ່ວນໃຫ້ເຖິງເປົ້າໝາຍພາຍໃນ 72 ຊົ່ວໂມງ. ນອກຈາກນີ້ ຍັງເນັ້ນການກະກຽມອຸປະກອນທີ່ຈຳເປັນ ເຊັ່ນ: ເຮືອ, ຍານພາຫະນະ, ເຄື່ອງຊູຊີບ ແລະ ລະບົບເຕືອນໄພໃຫ້ພ້ອມກ່ອນເກີດໄພພິບັດ.
ພາບ ແລະ ຂ່າວ
ພະແນກໂຄສະນາ ແລະ ຂົນຂວາຍແຫຼ່ງທຶນ
---------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ອົງການກາແດງແຫ່ງຊາດລາວຈັດກອງປະຊຸມສະຫຼຸບວຽກງານປະຈໍາປີ2025ແລະກໍານົດທິດທາງແຜນການປີ2026.......................................
26/02/2026

#ອົງການກາແດງແຫ່ງຊາດລາວຈັດກອງປະຊຸມສະຫຼຸບວຽກງານປະຈໍາປີ2025ແລະກໍານົດທິດທາງແຜນການປີ2026...........................................................................................
ໃນວັນທີ 26 ກຸມພາ 2026, ທີ່ສູນຝຶກອົບຮົມ ແລະ ການຮ່ວມມືສາກົນ (ICTC) ນະຄອນຫຼວງວຽງຈັນ, ອົງການກາແດງແຫ່ງຊາດລາວ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານກາແດງ ປະຈໍາປີ 2025 ແລະ ກໍານົດທິດທາງແຜນການ ປີ 2026 ຂຶ້ນ ໂດຍການເປັນປະທານຂອງ ທ່ານ ຄໍາລາວັນ ຈັນທະລາວັນ ກໍາມະການສູນກາງພັກ, ເລຂາຄະນະບໍລິຫານງານພັກ, ປະທານອົງການກາແດງແຫ່ງຊາດລາວ ໃຫ້ກຽດເຂົ້າຮ່ວມໂດຍ ທ່ານ ສອນໄຊ ສີພັນດອນ ກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ, ມີບັນດາ ຫົວໜ້າ,ຮອງຫົວໜ້າຫ້ອງການ, ສະຖາບັນເລືອດແຫ່ງຊາດ, ຄະນະນຳແຂວງ, ອົງການກາແດງແຂວງທົ່ວປະເທດ, ຕາງໜ້າຄະນະກຳມະການປົກຄອງແຂວງ, ນະຄອນຫຼວງ ພ້ອມດ້ວຍພະນັກງານ ແລະ ແຂກຖືກເຊີນເຂົ້າຮ່ວມ.
ທ່ານ ຮອງຈັນ ຈັນທະວົງ ຫົວໜ້າຫ້ອງການອົງການກາແດງແຫ່ງຊາດລາວ ໄດ້ຂຶ້ນຜ່ານບົດສະຫຼຸບໃນໄລຍະ 1 ປີຜ່ານມາ ຊຶ່ງສະທ້ອນເຖິງຜົນສໍາເລັດຫຼາຍດ້ານ ເຊັ່ນ:ວຽກງານຊ່ວຍເຫຼືອບັນເທົາທຸກເບື້ອງຕົ້ນ, ການປຸກລະດົມຂົນຂວາຍບໍລິຈາກ ແລະ ສະໜອງເລືອດທີ່ປອດໄພ, ການສົ່ງເສີມສຸຂະພາບຊຸມຊົນ, ການປະຖົມພະຍາບານ, ການກູ້ໄພສຸກເສີນ, ການໂຄສະນາ, ຂົນຂວາຍແຫຼ່ງທຶນ, ການສ້າງສະມາຊິກ ແລະ ອາສາສະໝັກກາແດງ, ການສືບທາວຫາຍາດພີ່ນ້ອງ ແລະ ພົວພັນ ແລະ ຮ່ວມມືສາກົນ. ໃນນັ້ນວຽກງານທີ່ພົ້ນເດັ່ນແມ່ນການຊ່ວຍເຫຼືອບັນເທົາທຸກເບື້ອງຕົ້ນໄດ້ໃຫ້ການຊ່ວຍເຫຼືອຄອບຄົວທີ່ປະສົບໄພນໍ້າຖ້ວມ ຈາກພາຍຸວິພາ ດ້ວຍການແຈກຢາຍເງີນສົດ ຢູ່ 06 ແຂວງ ຄື:ວຽງຈັນ, ຫຼວງພະບາງ, ໄຊຍະບຸລີ, ຫົວພັນ, ຊຽງຂວາງ ແລະ ບໍລິຄໍາໄຊ, ຊ່ວຍເຫຼືອເຕົາໄຟປະຢັດໃຫ້ປະຊາຊົນທຸກຍາກ, ເຄື່ອງກັ່ນຕອງນໍ້າ ຢູ່05 ແຂວງຄື: ຄຳມ່ວນ, ສາລະວັນ, ເຊກອງ, ຈຳປາສັກ ແລະ ອັດຕະປື; ວຽກງານປຸກລະດົມຂົນຂວາຍບໍລິຈາກເລືອດ ແລະ ການສະໜອງເລືອດທີ່ປອດໄພ, ທົ່ວປະເທດໄດ້ ຮັບເລືອດທັງໝົດ 72.452 ຖົງ ໃນນັ້ນ, ຢູ່ສູນກາງ ໄດ້ຮັບເລືອດ 36.853 ຖົງ, ຊຶ່ງລື່ນແຜນການ 108,3 ສ່ວນຮ້ອຍ.
ກອງປະຊຸມໄດ້ ແລກປ່ຽນບົດຮຽນ ແລະ ສະເໜີແນວທາງພັດທະນາ ເພື່ອຍົກລະດັບການດໍາເນີນວຽກງານໃນປີ 2026 ໃຫ້ມີປະສິດທິຜົນສູງຂຶ້ນ ແລະ ໄດ້ກໍານົດທິດທາງ, ແຜນການຈຸດສຸມ ເພື່ອຍົກສູງບົດບາດອົງການ ໃນການຊ່ວຍເຫຼືອປະຊາຊົນຢ່າງຕໍ່ເນື່ອງ.
ທ່ານປະທານ ອົງການກາແດງແຫ່ງຊາດລາວ ໄດ້ຊື່ນຊົມ ແລະ ຕີລາຄາສູງຕໍ່ຜົນງານຂອງຄະນະນໍາ ແລະ ພະນັກງານທຸກຂັ້ນ ທີ່ໄດ້ປະກອບສ່ວນຢ່າງຕັ້ງໜ້າໃນການຂັບເຄື່ອນວຽກງານມະນຸດສະທໍາໃນການ ຕອບໂຕ້ໄພພິບັດ, ຄວບຄຸມ ແລະ ແກ້ໄຂການລະບາດພະຍາດ, ຊ່ວຍເຫຼືອຜູ້ທຸກຍາກ, ຜູ້ດ້ອຍໂອກາດ, ກໍາພ້າ, ຄົນພິການ ແລະ ປະຊາຊົນໃນເຂດຫ່າງໄກສອກຫຼີກ.ພ້ອມກັນນັ້ນ ຍັງເນັ້ນໜັກໃຫ້ອົງການສືບຕໍ່ພັດທະນາວຽກງານຫຼັກ ໂດຍສະເພາະ:ການບັນເທົາທຸກເບື້ອງຕົ້ນ, ການຫຼຸດຜ່ອນ ແລະ ຕອບໂຕ້ໄພພິບັດ, ການກູ້ໄພສຸກເສີນ, ການປຸກລະດົມບໍລິຈາກເລືອດແບບສະໝັກໃຈບໍ່ຫວັງສິ່ງຕອບແທນ, ເສີມຂະຫຍາຍການພົວພັນ ແລະ ຮ່ວມມືກັບສາກົນກອງປະຊຸມໃນຄັ້ງນີ້ ຖືເປັນໝຸດໝາຍສໍາຄັນ ໃນການທົບທວນຜົນງານ ແລະ ກໍານົດແນວທາງໃໝ່ ເພື່ອຮັບປະກັນໃຫ້ການດໍາເນີນວຽກງານປີ 2026 ບັນລຸຕາມເປົ້າໝາຍ ແລະ ສືບຕໍ່ຍົກສູງຄຸນຄ່າດ້ານມະນຸດສະທໍາໃນສັງຄົມລາວຢ່າງໝັ້ນຄົງ.
ໂອກາດດັ່ງກ່າວ ທ່ານ ສອນໄຊ ສີພັນດອນ ກົມການເມືອງສູນກາງພັກ, ນາຍົກລັດຖະມົນຕີຍັງໄດ້ເນັ້ນໜັກໃຫ້ອົງການກາແດງແຫ່ງຊາດ ຕ້ອງໄດ້ເອົາໃຈໃສ່ແລະ ເພິ່ມທະວີນຳພາຢ່າງຮອບດ້ານ ຄື: ຕ້ອງກຳແໜ້ນແນວທາງ, ຄະນະນຳຕ້ອງເປັນເຈົ້າການສຶກສາອົບຮົມການເມືອງ-ແນວຄິດໃຫ້ພະນັກງານ ເຂົ້າໃຈເລິກເຊິ່ງຕໍ່ມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ X ເພື່ອນຳມາຈັດຕັ້ງປະຕິບັດໃຫ້ເປັນຮູບປະທຳ. ດ້ານການພັດທະນາວຽກງານວິຊາສະເພາະ, ຕ້ອງ ເສີມສ້າງຄວາມເຂັ້ມແຂງໃນການບັນເທົາທຸກ, ຕອບໂຕ້ໄພພິບັດ, ກູ້ໄພສຸກເສີນ ແລະ ສົ່ງເສີມສຸຂະພາບຊຸມຊົນ ເພາະຖືເປັນສິດທິພື້ນຖານຂອງມະນຸດ. ວຽກງານເລືອດ ຖືເປັນວຽກງານຍຸດທະສາດທີ່ຂາດບໍ່ໄດ້. ຕ້ອງປຸກລະດົມທົ່ວສັງຄົມ ໂດຍສະເພາະຊາວໜຸ່ມ-ເຍົາວະຊົນ ໃຫ້ມີຈິດສຳນຶກບໍລິຈາກເລືອດແບບສະໝັກໃຈ ເພື່ອໃຫ້ມີເລືອດປອດໄພ ແລະ ພຽງພໍຕໍ່ຄວາມຕ້ອງການຂອງຄົນເຈັບ. ດ້ານງົບປະມານ ຕ້ອງ ປະສານສົມທົບກັບພາກສ່ວນກ່ຽວຂ້ອງ ເພື່ອຮັບປະກັນງົບປະມານໃນການຊ່ວຍເຫຼືອວັດຖຸ ແລະ ຈິດໃຈ ໃຫ້ແກ່ຜູ້ໄດ້ຮັບຜົນກະທົບ, ຜູ້ທຸກຍາກ, ຄົນພິການ ແລະ ຜູ້ດ້ອຍໂອກາດໃນເຂດຫ່າງໄກສອກຫຼີກ. ດ້ານການພົວພັນຕ່າງປະເທດ, ຕ້ອງຍາດແຍ່ງການຊ່ວຍເຫຼືອ ໂດຍຂະຫຍາຍການຮ່ວມມືກັບອົງການກາແດງປະເທດເພື່ອນມິດ ແລະ ສາກົນ ຕາມແນວທາງການຕ່າງປະເທດຂອງພັກ ເພື່ອຍາດແຍ່ງການຊ່ວຍເຫຼືອມາພັດທະນາອົງການໃຫ້ເຂັ້ມແຂງ ແລະ ປະຕິບັດ 9 ໜ້າວຽກໃຫ້ມີປະສິດທິຜົນສູງ.

ພາບ ແລະ ຂ່າວ
ພະແນກໂຄສະນາ ແລະ ຂົນຂວາຍແຫຼ່ງທຶນ
---------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ຜູ້ແທນຄະນະກຳມະການກາແດງສາກົນ ເຂົ້າພົບການນຳ ອົງການກາແດງແຫ່ງຊາດລາວ.......................................... ຕອນເຊົ້າ, ...
19/02/2026

#ຜູ້ແທນຄະນະກຳມະການກາແດງສາກົນ ເຂົ້າພົບການນຳ ອົງການກາແດງແຫ່ງຊາດລາວ..........................................
ຕອນເຊົ້າ, ໃນວັນທີ 19 ກຸມພາ 2026 ນີ້. ທ່ານ ຄຳລາວັນ ຈັນທະລາວັນ ປະທານ ອົງການກາແດງແຫ່ງຊາດລາວ ໄດ້ໃຫ້ການຕ້ອນຮັບທ່ານ Gurg Montani ຫົວໜ້າຫ້ອງການຜູ້ຕາງໜ້າ ຄະນະກຳມະການກາແດງສາກົນພາກພື້ນ ທີ່ ບາງກອກ ພ້ອມດ້ວຍຄະນະ ໃນໂອກາດເດີນທາງມາ ເຮັດວຽກຢູ່ ສປປ ລາວ.
ໂອກາດດັ່ງກ່າວ, ທ່ານປະທານ ອົງການກາແດງແຫ່ງຊາດລາວ ໄດ້ແຈ້ງໃຫ້ຮູ້ເຖິງພາລະບົດບາດ ແລະ ສິດໜ້າທີ່ ຂອງອົງການ ເຊິ່ງເປັນອົງການດ້ານມະນຸດສະທຳທີ່ດຳເນີນວຽກຢູ່ໃນປັດຈຸບັນ ໂດຍມີ 9 ວຽກງານຕົ້ນຕໍ ຄື: ການຊ່ວຍເຫຼືອບັນເທົາທຸກສຸກເສີນເບື້ອງຕົ້ນ,ການປຸກລະດົມບໍລິຈາກເລືອດ ແລະ ສະໜອງເລືອດທີ່ປອດໄພ, ການສົ່ງເສີມສຸຂະພາບຂັ້ນພື້ນຖານ, ການປະຖົມພະຍາບານຂັ້ນຕົ້ນ, ການກູ້ໄພສຸກເສີນ, ການໂຄສະນາ ຂົນຂວາຍແຫຼ່ງທຶນ, ການສ້າງສະມາຊິກ ແລະ ອາສາສະໝັກກາແດງ, ການສືບທາວຫາຍາດພີ່ນ້ອງ, ການພົວພັນ ແລະ ຮ່ວມມືສາກົນ. ທັງໝົດນີ້ ໄດ້ຍຶດຖືຕາມ 7 ຫຼັກການພື້ນຖານ ຂອງຂະບວນການກາແດງ ແລະ ຊີກວົງເດືອນແດງສາກົນ.
ການເຂົ້າພົບຄັ້ງນີ້, ທ່ານ Gurg Montani ໄດ້ສະເໜີໂຕ ໃນໂອກາດມາຮັບໜ້າທີ່ໃໝ່ ເປັນຫົວໜ້າຫ້ອງການຜູ້ຕາງໜ້າ ປະຈຳພາກພື້ນ ບາງກອກ ແລະ ສະແດງຄວາມຍ້ອງຍໍຊົມເຊີຍຕໍ່ການພັດທະນາ ແລະ ການຍົກລະດັບຂອງ ອົງການກາແດງແຫ່ງຊາດລາວ ໃຫ້ມີຖານະເທົ່າກັບກະຊວງຂອງລັດຖະບານ.
ທັງສອງຝ່າຍ ຍັງໄດ້ປຶກສາຫາລື ທົບທວນຜົນການດຳເນີນວຽກໃນໄລຍະຜ່ານມາ ແລະ ກຳນົດທິດທາງການຮ່ວມມືໃນອະນາຄົດ ເພື່ອເສີມສ້າງຄວາມເຂັ້ມແຂງວຽກງານມະນຸດສະທຳ ແລະ ການຊ່ວຍເຫຼືອປະຊາຊົນໃນ ສປປ ລາວ ໃຫ້ມີປະສິດທິຜົນຍິ່ງຂຶ້ນ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ສະພາກາແດງຢີ່ປຸ່ນສືບຕໍ່ສົ່ງເສີມການຮຽນຮູ້ປະຖົມພະຍາບານ ຢູ່ ສປປ ລາວ........................................... ໃນຕອນເຊ...
16/02/2026

#ສະພາກາແດງຢີ່ປຸ່ນສືບຕໍ່ສົ່ງເສີມການຮຽນຮູ້ປະຖົມພະຍາບານ ຢູ່ ສປປ ລາວ...........................................
ໃນຕອນເຊົ້າ ວັນທີ 16 ກຸມພາ 2026, ທ່ານ ຮສ.ປອ.ດຣ ນາງ ຈັນຖະໜອມ ມະນີທິບ ຮອງປະທານອົງການກາແດງແຫ່ງຊາດລາວ ໄດ້ໃຫ້ການຕ້ອນຮັບ ທ່ານ Hidemi MATSU ຕາງໜ້າຈາກສະພາກາແດງຢີປຸ່ນ ພ້ອມຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.
ຈຸດປະສົງການຢ້ຽມຢາມໃນຄັ້ງນີ້ ເພື່ອຕິດຕາມ ແລະ ປະເມີນຜົນການຈັດຕັ້ງປະຕິບັດກິດຈະກຳຝຶກອົບຮົມປະຖົມພະຍາບານ ພ້ອມທັງສຳພາດພາກສ່ວນທີ່ກ່ຽວຂ້ອງ ເພື່ອເກັບກຳຂໍ້ມູນ ແລະ ເຂົ້າໃຈຄວາມຕ້ອງການ ດ້ານວຽກງານປະຖົມພະຍາບານ ໃນ ສປປ ລາວ ລວມທັງ ການກະກຽມດຳເນີນໂຄງການໄລຍະສາມ ສຳລັບປີ 2026–2028.
ໂຄງການໄລຍະສາມ ຄາດວ່າ ຈະໄດ້ຈັດຕັ້ງໃນຂອບເຂດທົ່ວປະເທດ ໂດຍຈະມີຜູ້ໄດ້ຮັບຜົນປະໂຫຍດຫຼາຍກວ່າ 3,000 ຄົນ ປະກອບມີ: ພະນັກງານ ແລະ ຄູຝຶກ ຂອງອົງການກາແດງແຫ່ງຊາດລາວ ຂັ້ນສູນກາງ ແລະ ແຂວງ ທີ່ຈະໄດ້ຮັບການຝຶກເປັນຄູຝຶກປະຖົມພະຍາບານ; ຄູ ແລະ ນັກຮຽນ ໃນໂຮງຮຽນມັດທະຍົມຕອນປາຍ ໃນທົ່ວປະເທດ; ໃນນັ້ນ ຈະຄັດເລືອກ 3 ໂຮງຮຽນ ຕໍ່ 1 ແຂວງ ເພື່ອຈັດການຝຶກອົບຮົມ ໂດຍແຕ່ລະໂຮງຮຽນ ຈະມີ ນັກຮຽນ ແລະ ຄູ ເຂົ້າຮ່ວມຈຳນວນ 20 ທ່ານ.ນອກຈາກນັ້ນ ປະຊາຊົນໃນຊຸມຊົນ ຍັງຈະໄດ້ຮັບຜົນປະໂຫຍດ ທາງອ້ອມ ຜ່ານກິດຈະກຳເຜີຍແຜ່ ແລະ ການຖ່າຍທອດຄວາມຮູ້.
ໂຄງການດັ່ງກ່າວ ໄດ້ດຳເນີນມາແລ້ວ ສອງ ໄລຍະ ເລີ່ມແຕ່ປີ 2019 ໃນ 6 ແຂວງເປົ້າໝາຍ ຄື: ແຂວງບໍ່ແກ້ວ, ອຸດົມໄຊ, ຊຽງຂວາງ, ໄຊສົມບູນ, ສະຫວັນນະເຂດ ແລະ ຈຳປາສັກ ໂດຍໄດ້ຮັບການສະໜັບສະໜູນງົບປະມານ ຈາກສະພາກາແດງຢີປຸ່ນ ຊຶ່ງມີຜູ້ໄດ້ຮັບຜົນປະໂຫຍດ ກວ່າ 4,600 ຄົນ.
ໃນໂອກາດນີ້, ທ່ານ ຮອງປະທານອົງການກາແດງແຫ່ງຊາດລາວ ໄດ້ສະແດງຄວາມຊື່ນຊົມ ແລະ ຂອບໃຈ ຕໍ່ສະພາກາແດງຢີປຸ່ນ ທີ່ໄດ້ໃຫ້ການສະໜັບສະໜູນ ແລະ ຮ່ວມມື ໃນການພັດທະນາ ສັກກະຍະພາບບຸກຄະລາກອນ ອົງການກາແດງແຫ່ງຊາດ ແລະ ເຄື່ອຂ່າຍປະຖົມພະຍາບານໂດຍຜ່ານການກິດຈະກຳປະຖົມພະບານ ແລະ ພັດທະນາຄວາມຮູ້ ແລະ ທັກສະດ້ານການປະຖົມພະຍາບານຂອງປະຊາຊົນໃນພຶ້ນທີ່ເປົ້າໝາຍ.

----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

ການມອບເງິນສົດແບບບໍ່ມີເງືອນໄຂ ຄືການມອບຄວາມຫວັງໃຫ້ປະຊາຊົນຄອບຄົວຂອງ ທ່ານ ເຄນ ສິລາວົງ, ປະຊາຊົນ ບ້ານ ບວມຜຸກ ເມືອງກາສີ ແຂວງວຽງ...
16/02/2026

ການມອບເງິນສົດແບບບໍ່ມີເງືອນໄຂ ຄືການມອບຄວາມຫວັງໃຫ້ປະຊາຊົນ

ຄອບຄົວຂອງ ທ່ານ ເຄນ ສິລາວົງ, ປະຊາຊົນ ບ້ານ ບວມຜຸກ ເມືອງກາສີ ແຂວງວຽງຈັນ ປະກອບອາຊີບຕົ້ນຕໍແມ່ນ ເຮັດນາ, ປູກຜັກກະລຳປີ ແລະ ໝາກເພັດ, ຊຶ່ງເປັນໜຶ່ງໃນ 18 ຄອບຄົວທີ່ໄດ້ຮັບຜົນກະທົບຈາກພາຍຸວິພາ ເຮັດໃຫ້ ພຶ້ນທີ່ທຳການຜະລິດເສີຍຫາຍ ແລະ ສູນເສຍສັດປີກຈຳນວນໜຶ່ງ.

ສະມາຊິກໃນຄອບຄົວຂອງລາວມີທັງໝົດ 6 ຄົນ ຊຶ່ງໄດ້ຮັບເງິນສົດແບບບໍ່ມີເງືອນໄຂ ຈາກອົງການກາແດງແຫ່ງຊາດລາວ ຈຳນວນ 2ລ້ານກີບ ຕາມການຈັດຂັ້ນຂອງຜູ້ມີໜ້າຕົວຈິງໃນຄອບຄົວ. ເງິນທີ່ໄດ້ຮັບລາວໄດ້ນຳໃຊ້ໃຫ້ເກີດປະໂຫຍດສູງສຸດເພື່່ອປັບປຸງຊີວິດການເປັນຢູ່ ເຊັ່ນ: ຊື້ແນວພັນປູກ(ກະລຳປີ ແລະ ສາລີ), ຊຶ້ອາຫານສັດ, ຊຶ້ລູກໄກ່ ແລະ ເປັດ.

ໃນນາມທີ່ລາວເປັນປະຊາຊົນ ແລະ ເປັນທັງນາຍບ້ານບວມຜຸກ ໄດ້ກ່າວຕໍ່ນັກຂ່າວກາແດງລາວວ່າ: “ ຢາກຂອບໃຈ ຕໍ່ອົງການກາແດງແຫ່ງຊາດລາວ ທີ່ບໍ່ປະຖິ້ມປະຊາຊົນທີ່ຖຶກຜົນກະທົບຈາກໄພພິບັດ, ເງິນສົດທີ່ໄດ້ຮັບ ແມ່ນຖຶກກັບຄວາມຕ້ອງການຂອງຄອບຄົວ,ແຕ່ລະຄອບຄົວພາຍໃນບ້ານຕ່າງກໍດີໃຈ”

15/02/2026

#ເພື່ອນມະນຸດສະທຳ

#ມື້ອື່ນເຊົ້າຝາກຕິດຕາມລາຍການເພື່ອນມະນຸດສະທຳ
14/02/2026

#ມື້ອື່ນເຊົ້າຝາກຕິດຕາມລາຍການເພື່ອນມະນຸດສະທຳ

Address

Setthathirath Avenue
Vientiane
01000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

021253014

Website

Alerts

Be the first to know and let us send you an email when ອົງການກາແດງແຫ່ງຊາດລາວ Lao Red Cross posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ອົງການກາແດງແຫ່ງຊາດລາວ Lao Red Cross:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category