ອົງການກາແດງແຫ່ງຊາດລາວ Lao Red Cross

ອົງການກາແດງແຫ່ງຊາດລາວ Lao Red Cross Lao Red Cross program areas include:
1. Emergency Ambulance & First Aid Training
2. Blood Transfusion Services at the National Blood Transfusion Centre
3.

ອົງການກາແດງແຫ່ງຊາດເປັນ ອົງການຈັດຕັ້ງທາງສັງຄົມ, ຊ່ວຍລັດຖະບານໃນວຽກງານມະນຸດສະທຳ ຊ່ວຍເຫຼືອປະຊາຊົນຜູ້ດ້ອຍໂອກາດ ແລະ ປະສົບໄພໃຫ້ທັນເວລາຕາມຄວາມຕ້ອງການຂັ້ນພຶ້ນຖານ ເພື່ອແກ້ໄຂບັນເທົາທຸກຊີວິດການເປັນຢູ່, ສຸຂະພາບ ໃຫ້ຄວາມປອດໄພ ແລະ ມີກຽດສັກສີຂອງມະນຸດ. Disaster Preparedness and Relief
4. Water and Sanitation & Health Education Programs
5. Red Cross Youth

How can you make a positive impact? Make a monetary, clothin

g or non-perishable food donation in person to the Lao Red Cross Headquarters Fundraising Division. Donate directly into the Lao Red Cross bank account (please see website for details) or any one of the Lao Red Cross donation boxes located at key destinations such as the Wattay Airport, large shopping malls and each branch office. As part of the International Red Cross and Red Crescent Movement we are proud to work alongside the International Committee of the Red Cross (ICRC), the International Federation of the Red Cross and Red Crescent Societies (IFRC) and National Red Cross and Red Crescent Societies (NS). The Lao Red Cross is a National Red Cross Society working in collaboration with the Australian, French, Danish, Swiss and German Red Cross Societies in Laos.

#ອົງການກາແດງແຫ່ງຊາດລາວສ້າງຄວາມແຂງດ້ານການກຽມຄວາມພ້ອມຮັບມືເຫດສຸກເສີນໃນໂຮງຮຽນ ແລະ ຊຸມຊົນ.....................................
07/05/2026

#ອົງການກາແດງແຫ່ງຊາດລາວສ້າງຄວາມແຂງດ້ານການກຽມຄວາມພ້ອມຮັບມືເຫດສຸກເສີນໃນໂຮງຮຽນ ແລະ ຊຸມຊົນ................................................................
ໃນວັນທີ 29 ເມສາ 2026 ຫາ ວັນທີ 5 ພຶດສະພາ 2026, ອົງການກາແດງແຫ່ງຊາດລາວໄດ້ເປີດໂຄງການ ສ້າງຄວາມແຂງດ້ານການກຽມຄວາມພ້ອມຮັບມືເຫດສຸກເສີນໃນໂຮງຮຽນ ແລະ ຊຸມຊົນ ຫຼື School and Community Action for Emergency Readiness (SAFER) ຢ່າງເປັນທາງການ ຢູ່ 4 ແຂວງ ຄື: ແຂວງສະຫວັນນະເຂດ, ແຂວງຄຳມ່ວນ, ແຂວງຊຽງຂວາງ ແລະ ແຂວງບໍລິຄຳໄຊ. ພາຍໃຕ້ການມອບໝາຍຈາກຄະນະນຳອົງການການກາແດງແຫ່ງຊາດລາວ ໂດຍການເຂົ້າຮ່ວມຂອງ ທ່ານ ບຸນຍົງ ພົມມະຈັກ ຮອງຫົວໜ້າຫ້ອງການຂົນຂວາຍແຫຼ່ງທຶນແລະຊ່ວຍເຫຼືອບັນເທົາທຸກ ອົງການກາແດງແຫ່ງຊາດລາວ, ມີ ຄະນະນຳແຂວງ, ເມືອງ ແລະ ຕາງໜ້າຈາກ ອົງການກາແດງສະວິດປະຈຳລາວ, ຄະນະນຳເມືອງ, ກາແດງເມືອງພ້ອມດ້ວຍພາກສ່ວນກ່ຽວຂ້ອງຈາກແຂວງ ແລະ ເມືອງເຂົ້າຮ່ວມ.
ໂຄງການນີ້ ຈະໄດ້ຈັດຕັ້ງປະຕິບັດຢູ່ໃນ 04 ແຂວງ, 6 ເມືອງ, 30 ບ້ານ ຄື ແຂວງ ສະຫວັນນະເຂດ 05 ບ້ານຂອງເມືອງເຊໂປນ, ແຂວງຄຳມ່ວນ 10 ບ້ານຂອງເມືອງ ນາກາຍ ແລະ ເມືອງຄູນຄຳ, ແຂວງຊຽງຂວາງ 05 ບ້ານຂອງເມືອງຄຳ ແລະ ແຂວງບໍລິຄຳໄຊ 10 ບ້ານຂອງເມືອງວຽງທອງ ແລະ ເມືອງ ຄຳເກີດ ເພື່ອຍົກລະດັບຄວາມຮູ້, ທັກສະ ແລະ ຄວາມພ້ອມໃນການຮັບມືກັບໄພພິບັດ ຫຼື ເຫດການສຸກເສີນ ໃຫ້ແກ່ນັກຮຽນ ແລະ ປະຊາຊົນໃນຊຸມຊົນ.
ພ້ອມກັນນັ້ນ, ຍັງເນັ້ນໃສ່ການຝຶກອົບຮົມ, ການຈັດຕັ້ງແຜນຮອງຮັບໄພພິບັດ ແລະ ການທົດລອງສະຖານະການຈິງ ເພື່ອໃຫ້ທຸກຝ່າຍສາມາດຮ່ວມມືແກ້ໄຂສະຖານະການໄດ້ຢ່າງທັນເວລາ.
ໃນພິທີເປີດ ທ່ານ ບຸນຍົງ ພົມມະຈັກ ໄດ້ເນັ້ນເຖິງຄວາມສຳຄັນຂອງການສ້າງຄວາມພ້ອມຮັບມືສຸກເສີນ ໂດຍສະເພາະໃນໂຮງຮຽນ ແລະ ຊຸມຊົນ ຊຶ່ງເປັນຈຸດສຳຄັນໃນການຫຼຸດຜ່ອນຄວາມສູນເສຍ ແລະ ຜົນກະທົບຈາກໄພພິບັດ. ໂຄງການດັ່ງກ່າວໄດ້ຮັບການສະໜັບສະໜູນງົບປະມານຈາກອົງການກາແດງສະວິດສ໌ ເຊິ່ງປະກອບດ້ວຍກິດຈະກຳຫຼັກປະກອບດ້ວຍສ້າງຄວາມພ້ອມດ້ານການຊ່ວຍເຫຼືອເງິນສົດ ແລະ ຄວາມສາມາດໃນການປະເມີນຄວາມຕ້ອງການເບື້ອງຕົ້ນໃຫ້ແກ່ອົງການກາແດງແຂວງ, ຍົກລະດັບຄວາມສາມາດຂອງຄະນະນຳອົງການກາແດງແຂວງດ້ານພາວະຜູ້ນຳ, ການຄຸ້ມຄອງ-ບໍລິຫານຈັດການແລະການສົ່ງເສີມການມີສ່ວນຮ່ວມຂອງຊຸມຊົນ; ການຍົກລະດັບຂີດຄວາມສາມາດດ້ານການກຽມຄວາມພ້ອມໃນຂັ້ນຊຸມຊົນ ລວມມູນຄ່າ 562,866 ສະວິດຝຣັ່ງ(CHF) ໄລຍະເວລາໃນການຈັດຕັ້ງປະຕິບັດໂຄງການ ເດືອນ ກໍລະກົດ 2025-2029 ເພື່ອໃຫ້ການດຳເນີນກິດຈະກຳໃຫ້ບັນລຸຜົນສຳເລັດຕາມແຜນ.
ພິທີເປີດໂຄງການໃນຄັ້ງນີ້ ແມ່ນມີຄວາມສຳຄັນໃນການຍົກລະດັບຄວາມປອດໄພ ແລະ ຄວາມພ້ອມຂອງຊຸມຊົນ ໃນການຮັບມືກັບພາວະສຸກເສີນ ໃນອະນາຄົດ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ອົງການກາແດງແຫ່ງຊາດລາວຮ່ວມລະນຶກວັນກາແດງແລະຊີກວົງເດືອນແດງສາກົນ.............................................................
06/05/2026

#ອົງການກາແດງແຫ່ງຊາດລາວຮ່ວມລະນຶກວັນກາແດງແລະຊີກວົງເດືອນແດງສາກົນ................................................................
ເນື່ອງໃນໂອກາດວັນກາແດງ ແລະ ຊີກວົງເດືອນແດງສາກົນ ຄົບຮອບ 163 ປີ, ອົງການກາແດງແຫ່ງຊາດລາວ ໄດ້ຈັດກິດຈະກຳຮ່ວມລະນຶກເພື່ອຫວນຄືນເຖິງປະຫວັດສາດແຫ່ງການໃຫ້ ແລະ ເຊີດຊູວຽກງານມະນຸດສະທຳທີ່ໄດ້ເຄື່ອນໄຫວມາຢ່າງຍາວນານ.

ສະນັ້ນ, ໃນວັນທີ 06 ພຶດສະພາ 2026 ນີ້, ອົງການກາແດງແຫ່ງຊາດລາວໄດ້ຈັດກິດຈະກຳບໍລິຈາກເລືອດຢູ່ສູນການຄ້າ ລາວ-ໄອເຕັກ ໄດ້ເລືອດຈາກການໃຫ້ດ້ວຍນ້ຳໃຈ ທັງໝົດ 201ຖົງ ຊຶ່ງໄດ້ສະທ້ອນໃຫ້ເຫັນເຖິງຈິດໃຈແຫ່ງການແບ່ງປັນ, ຄວາມເຫັນອົກເຫັນໃຈຜູ້ອື່ນ ແລະ ຄວາມສາມັກຄີໃນສັງຄົມ.

ວັນທີ 8 ພຶດສະພາ ແມ່ນວັນຄ້າຍວັນເກີດຂອງ ທ່ານ ອັງຣີ ດຸຍນັງ (Henry Dunant) ຜູ້ກໍ່ຕັ້ງຂະບວນການກາແດງສາກົນ. ຈາກປະສົບການທີ່ທ່ານໄດ້ພົບເຫັນຄວາມທຸກທໍລະມານຂອງທະຫານໃນສະໜາມຮົບໂຊນເຟຣີໂນ ໃນປີ 1859, ໄດ້ນໍາໄປສູ່ການກໍ່ຕັ້ງ ຄະນະກຳມະການກາແດງສາກົນ (ICRC) ໃນປີ 1863 ແລະ ກາຍເປັນຈຸດເລີ່ມຕົ້ນຂອງຂະບວນການມະນຸດສະທຳສາກົນ.

ສໍາລັບປີ 2026 ນີ້, ຂະບວນການກາແດງ ແລະ ຊີກວົງເດືອນແດງສາກົນ ໄດ້ກຳນົດຫົວຂໍ້ “ຮ່ວມແຮງຮ່ວມໃຈ ເພື່ອມະນຸດສະທຳ” (United In Humanity) ເປັນຄຳຂວັນຫຼັກ.

ຕະຫຼອດໄລຍະຜ່ານມາ, ພະນັກງານ ແລະ ອາສາສະໝັກກາແດງລາວ ໄດ້ອຸທິດແຮງກາຍແຮງໃຈໃນການຕອບໂຕ້ໄພພິບັດ, ວຽກງານບັນເທົາທຸກ ແລະ ການຊ່ວຍເຫຼືອດ້ານສຸຂະພາບໃນເຂດຫ່າງໄກສອກຫຼີກ ໂດຍຍຶດໝັ້ນໃນຫຼັກການພື້ນຖານ ເຊັ່ນ: ຄວາມເປັນກາງ, ຄວາມທ່ຽງທຳ ແລະ ຄວາມເປັນເອກະລາດ.
ການລະນຶກໃນຄັ້ງນີ້ ຍັງເປັນການສະແດງຄວາມເຄົາລົບ ແລະ ເຊີດຊູກຽດແກ່ບັນດາ “ນັກຮົບມະນຸດສະທຳ” ທີ່ໄດ້ເສຍສະຫຼະໃນການປະຕິບັດໜ້າທີ່. ພ້ອມທັງເປັນການເຕືອນໃຈໃຫ້ທຸກພາກສ່ວນໃນສັງຄົມ ຮ່ວມກັນປົກປ້ອງ ແລະ ສົ່ງເສີມວຽກງານມະນຸດສະທຳ ຕາມຫຼັກການກົດໝາຍມະນຸດສະທຳສາກົນ.
ໃນອະນາຄົດ, ອົງການກາແດງແຫ່ງຊາດລາວ ຈະສືບຕໍ່ຮ່ວມມືກັບ ຄະນະກຳມະການກາແດງສາກົນ (ICRC) ແລະ ສະຫະພັນກາແດງ ແລະ ຊີກວົງເດືອນແດງສາກົນ (IFRC) ຢ່າງໃກ້ຊິດ ເພື່ອປົກປັກຮັກສາກຽດສັກສີຂອງມະນຸດ ແລະ ສ້າງສັນສັງຄົມໃຫ້ເປັນສຸກຍິ່ງຂຶ້ນ. ພ້ອມນັ້ນ ຍັງໄດ້ເຊີນຊວນໃຫ້ປະຊາຊົນທຸກພາກສ່ວນ ຮ່ວມກັນສືບສານຈິດໃຈແຫ່ງການໃຫ້ ແລະ ມະນຸດສະທຳ ເພື່ອສ້າງໂອກາດ ແລະ ຄວາມຜາສຸກໃຫ້ແກ່ປະຊາຊົນລາວຕໍ່ໄປ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

03/05/2026

#ເພື່ອນມະນຸດສະທຳ

26/04/2026

#ເພື່ອນມະນຸດສະທຳ

#ມື້ອື່ນພົບກັນໃນລາຍການເພື່ອນມະນຸດສະທຳມີນັດສຳພາດໄຂຂໍ້ຂ້ອງໃຈກ່ຽວກັບບັນຫາເລືອດບໍ່ພຽງພໍ
25/04/2026

#ມື້ອື່ນພົບກັນໃນລາຍການເພື່ອນມະນຸດສະທຳມີນັດສຳພາດໄຂຂໍ້ຂ້ອງໃຈກ່ຽວກັບບັນຫາເລືອດບໍ່ພຽງພໍ

19/04/2026

#ເພື່ອນມະນຸດສະທຳ

ຮັບສະໝັກພະນັກງານ: - ຜູ້ປະສານງານໂຄງການ 01 ຕຳແໜ່ງ.- ຜູ້ຊ່ວຍການເງີນໂຄງການ 01 ຕຳແໜ່ງ.( ລາຍລະອຽດອ່ານໃນຄອມເມັ້ນ)ຕິດຕໍ່: 021 21...
10/04/2026

ຮັບສະໝັກພະນັກງານ:
- ຜູ້ປະສານງານໂຄງການ 01 ຕຳແໜ່ງ.
- ຜູ້ຊ່ວຍການເງີນໂຄງການ 01 ຕຳແໜ່ງ.
( ລາຍລະອຽດອ່ານໃນຄອມເມັ້ນ)
ຕິດຕໍ່:
021 216610, 020 22446029,
020 2243 4222
------------------------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
• Fanpage: https://www.facebook.com/LaoRedCrossSociety
• Website: https://www.laoredcross.org.la
• ໂທລະສັບ: +85621 250 000
• ລາຍການວິທະຍຸ “ເພື່ອນສະນຸດສະທຳ” ທຸກວັນອາທິດ 9-10ມ FM 103.7Mhz

#ອົງການກາແດງແຫ່ງຊາດລາວມອບເຄື່ອງກອງນ້ຳໃຫ້ທະຫານຊາຍແດນແຂວງອັດຕະປື.................................................... ...
10/04/2026

#ອົງການກາແດງແຫ່ງຊາດລາວມອບເຄື່ອງກອງນ້ຳໃຫ້ທະຫານຊາຍແດນແຂວງອັດຕະປື....................................................
ໃນວັນທີ 8 ເມສາ 2026 ນີ້, ທີ່ແຂວງອັດຕະປື ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ, ພ້ອມດ້ວຍ ທ່ານ ບໍລິສຸດ ພົມມະໂຄດ ຫົວໜ້າອົງການກາແດງແຂວງອັດຕະປື ແລະ ຄະນະ ໄດ້ລົງມອບເຄື່ອງກອງນ້ຳ ໃຫ້ແກ່ ກອງຮ້ອຍຊາຍແດນ 542 ເມືອງພູວົງ ຈຳນວນ 70 ໜ່ວຍ ແລະ ກອງຮ້ອຍຊາຍແດນ 543 ເມືອງສະໜາມໄຊ ຈຳນວນ 80 ໜ່ວຍ ລວມທັງໝົດ 150 ໜ່ວຍ ລວມມູນຄ່າ 90 ລ້ານກີບ.
ການມອບເຄື່ອງກອງນ້ຳໃນຄັ້ງນີ້ ບໍ່ພຽງແຕ່ຊ່ວຍໃຫ້ກຳລັງພົນ ໄດ້ນຳໃຊ້ນ້ຳດື່ມທີ່ສະອາດ ແລະ ປອດໄພ ເທົ່ານັ້ນ ແຕ່ຍັງຊ່ວຍຍົກລະດັບຄຸນນະພາບຊີວິດ ແລະ ເສີມສ້າງກຳລັງໃຈ ໃຫ້ແກ່ທະຫານຊາຍແດນ ໃນການປະຕິບັດໜ້າທີ່ອັນສຳຄັນຢ່າງມີປະສິດທິຜົນ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ທະຫານເມືອງລະຄອນເພັງແລະເມືອງຄົງເຊໂດນໄດ້ຮັບເຄື່ອງກອງນ້ຳ.................................................... ໃນວັນທີ...
09/04/2026

#ທະຫານເມືອງລະຄອນເພັງແລະເມືອງຄົງເຊໂດນໄດ້ຮັບເຄື່ອງກອງນ້ຳ....................................................
ໃນວັນທີ 07 ເມສາ 2026 ນີ້, ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ໄດ້ມອບ ເຄື່ອງກອງນ້ຳສະອາດ ຈຳນວນ 80 ເຄື່ອງ ລວມມູນຄ່າ 48 ລ້ານກີບ ໃຫ້ແກ່ ທະຫານກອງພັນ 16 ເມືອງລະຄອນເພັງ ແລະ ກອງພັນ 24 ເມືອງຄົງເຊໂດນ ຈຳນວນ 70 ເຄື່ອງ ລວມມູນຄ່າ 42 ລ້ານກີບ ເພື່ອນຳໄປໃຊ້ໃນວຽກງານພາຍໃນ ແລະ ເພີ່ມຄວາມສະດວກໃນການເຂົ້າເຖິງນ້ຳສະອາດ ສຳລັບການດື່ມ, ກິນ ແລະ ການໃຊ້ໃນຍາມສຸກເສີນ. ເຂົ້າຮ່ວມພິທີ ມີ ອົງການປົກຄອງເມືອງ, ອົງການກາແດງແຂວງ, ພາກສ່ວນກ່ຽວຂ້ອງ ພ້ອມດ້ວຍນາຍ ແລະ ພົນທະຫານເຂົ້າຮ່ວມ.

----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

#ແຂວງສະຫວັນນະເຂດຈະມີສູນເລືອດທີ່ທັນສະໄໝ........................................................ ໃນວັນທີ 07 ເມສາ 2026...
08/04/2026

#ແຂວງສະຫວັນນະເຂດຈະມີສູນເລືອດທີ່ທັນສະໄໝ........................................................
ໃນວັນທີ 07 ເມສາ 2026 ທີ່ແຂວງສະຫວັນນະເຂດ, ທ່ານ ຄຳລາວັນ ຈັນທະລາວັນ, ປະທານອົງການກາແດງແຫ່ງຊາດລາວ ພ້ອມຄະນະ ໄດ້ລົງກວດກາຄວາມຄືບໜ້າການກໍ່ສ້າງອາຄານສູນເລືອດຂອງອົງການກາແດງແຂວງສະຫວັນນະເຂດ. ຄະນະຮັບຜິດຊອບໂຄງການ ໄດ້ລາຍງານຄວາມຄືບໜ້າ ແລະ ສິ່ງທ້າທາຍໃນການກໍ່ສ້າງ.ພ້ອມກັນນັ້ນ ທ່ານຍັງໄດ້ໃຫ້ທິດທາງແກ່ຄະນະຮັບຜິດຊອບ ໃຫ້ເອົາໃຈໃສ່ເປັນພິເສດ ກ່ຽວກັບມາດຕະຖານທາງເຕັກນິກ, ການນຳໃຊ້ວັດສະດຸທີ່ມີຄຸນນະພາບ, ຄວາມປອດໄພໃນການກໍ່ສ້າງພ້ອມທັງ ເລັ່ງລັດໃຫ້ວຽກງານສຳເລັດຕາມແຜນທີ່ກຳນົດໄວ້.
ອາຄານສູນເລືອດດັ່ງກ່າວ ເມື່ອກໍ່ສ້າງສຳເລັດ ຈະເປັນສູນກາງໃນການຮັບບໍລິຈາກເລືອດ, ການຈັດຫາ ແລະ ການບໍລິການເລືອດ ໄປຍັງໂຮງໝໍ ແລະ ສະຖານທີ່ບໍລິການເລືອດຕ່າງໆ ໃນແຂວງ ແລະ ແຂວງໃກ້ຄຽງ ຊຶ່ງຈະຊ່ວຍຮອງຮັບຄວາມຕ້ອງການເລືອດ ໃຫ້ມີຄວາມພຽງພໍ ແລະ ທັນເວລາ ອັນເປັນການສ້າງຄວາມໝັ້ນຄົງ ດ້ານການບໍລິການເລືອດ ໃຫ້ແກ່ສັງຄົມໂດຍສະເພາະຄົນເຈັບທີ່ຕ້ອງການໃຊ້ເລືອດ.
ການລົງຕິດຕາມໃນຄັ້ງນີ້ ສະແດງໃຫ້ເຫັນເຖິງ ຄວາມເອົາໃຈໃສ່ ແລະ ເປັນຫ່ວງເປັນໄຍ ຂອງຄະນະນຳອົງການກາແດງແຫ່ງຊາດລາວ ໃນການພັດທະນາໂຄງສ້າງພື້ນຖານ ດ້ານສຸຂະພາບ ເພື່ອຮັບໃຊ້ປະຊາຊົນ ຢ່າງມີປະສິດທິຜົນ.
ໂຄງການໄດ້ເລີ່ມລົງມືກໍ່ສ້າງມາແຕ່ເດືອນ ກຸມພາ 2025 ມາຮອດປະຈຸບັນການກໍ່ສ້າງໄດ້ສຳເລັດ 75ສ່ວນຮ້ອຍ ຊຶ່ງຄາດວ່າຈະສຳເລັດພາຍໃນເດືອນ ກໍລະກົດ 2026 ນີ້. ອາຄານສູນເລືອດແຫ່ງນີ້ໄດ້ຮັບງົບປະມານຈາກສະຖານທູດອາເມລິກາປະຈຳ ສປປ ລາວ ໃນມູນຄ່າທັງໝົດ 734,000 ໂດລາສະຫະລັດອາເມລິກາ.
----------------------
ອັບເດດຂໍ້ມູນໃໝ່ໆກ່ຽວກັບ ອົງການກາແດງແຫ່ງຊາດລາວໄດ້ທີ່:
* Fanpage: https://www.facebook.com/LaoRedCrossSociety
* Website: https://www.laoredcross.org.la
* ໂທລະສັບ: +85621 216610, 250 000
* ລາຍການວິທະຍຸ: FM 103.7 Mhz, 9-10ໂມງ ທຸກວັນອາທິດ.

Address

Setthathirath Avenue
Vientiane
01000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

021253014

Website

Alerts

Be the first to know and let us send you an email when ອົງການກາແດງແຫ່ງຊາດລາວ Lao Red Cross posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ອົງການກາແດງແຫ່ງຊາດລາວ Lao Red Cross:

Shortcuts

Share

Category