عيش الصحه مع منال

02/11/2025

بطل العام 2025 الغذائي :
من أغنى مصادر البروتين النباتي 🫘

كل كوب عدس مطبوخ يزوّد الجسم بحوالي ١٨ غ بروتين و١٥ غ ألياف تساعد على الشبع وتنظيم السكر بالدم.
💪 غني بالحديد، الفوليت، والمغنيسيوم — عناصر أساسية للطاقة وصحة القلب.
🍲 خيار مثالي للنباتيين، ولمرضى السكري، ولأي شخص بدو أكلة مشبعة ومغذية بأقل تكلفة.

فكرة ، كتابة وإعداد : مدربة الصحة والحياة منال ترمس

#العدس #العدس

30/10/2025

لجيل المراهقة والعشرين
هيدي رسالتي إلكم 💌

ما في داعي تكونوا كاملين…
ولا تعملوا كل شي بسرعة لتثبتوا شي لحدا.
بس بلّشوا من هلّق:
كل وجبة، كل عادة، كل قرار، هو اللي رح يصنعكم بجيل الأربعين.. شاركوا الريل لأصحابكم اللي بحاجة لهالنصائح وتابعونا لكل جديد ومفيد.
ولكل اللي حابب يبدأ حياة صحية ..إنتوا ما تأخرتوا.. وأنا هون لاساعدكم

فكرة وكتابة وإعداد: مدربة الصحة والحياة :منال ترمس
تواصلوا معي .. #لبنان

28/10/2025

فقرة الرد بكلمة .. لمجلة مع قهوتي ☕️الإلكترونية
وبالأصفر 💛☀️

بالمناسبة شكرا للقيميين على المجلة ولي الشرف أن أكون بينكم

27/10/2025

🍃 الجوافة: ثمرة صغيرة… فوائد كبيرة!

"هل تبحثين عن فاكهة طبيعية تُعزز صحتك وتنفع جسدك؟ الجوافة خيار ممتاز! كأخصائية تغذية علاجية أنصح بإدخالها ضمن نظامك الغذائي، خصوصاً إذا كنتِ تعانين من التوتر أو تراقبين سكر الدم أو الدهون."

🔍 القيمة الغذائية (لكل 100 غ تقريباً):

٦٨ سعرة حرارية في الحصة
٥ غرام ألياف تدعم الهضم

فيتامين ج : ٣ أضعاف الكمية الموجودة في البرتقال

مؤشر جلايسيمي منخفض (≈31) — مما يجعلها مناسبة لمراقبة سكر الدم.

غنيّة أيضاً بالمغذيات الدقيقة: مثل البوتاسيوم، فيتامين A، وبعض مضادات الأكسدة القوية.

💡 الفوائد العلاجية:

تساعد على تنظيم سكر الدم: حيث أشارت دراسة حديثة إلى أن مستخلص أوراق الجوافة أظهر تأثيراً مضادّاً للسكري.

تدعم صحة القلب والدهون: الجوافة تحتوي أليافاً ومركّبات نباتية تساهم في تقليل الكوليسترول الضار وتحسين المؤشرات الدهنية.

مضادة للأكسدة ومضادة للالتهاب: الاستخدام المنتظم قد يُساعد في تقليل التوتر التأكسدي بالجسم، ما يدعم جسدك في مرحلة ما بعد علاجك أو عند التعامل مع التوتر المزمن.

تدعم الجهاز الهضمي وتُساعد في الشعور بالشبع، ما يجعلها خياراً ممتازاً ضمن نظام غذائي علاجي.

✅ كيف تُدرجيها بشكل ذكي؟

تناولي نصف إلى 1 ثمرة جوافة طازجة – صباحاً أو كوجبة خفيفة بين الوجبات.

اجمعيها مع بروتين خفيف (مثل جارٍ زبادي أو حفنة من المكسرات) لتحسين تأثير الشبع وضبط الجلوكوز.

تجنّبي إضافتها إلى عصائر مُحلاة أو أن تضيفي معها سكر زائد،⛔️

وهللأ خبروني
كنتوا ظالمين الجوافة أو لا ؟ 🥰
شاركوا المعلومات مع محبي الجوافة



#فيتامينسي #لبنان

27/10/2025

25/10/2025

شكرا مجلة مع قهوتي على هذا الحوار الممتع واللطيف

21/10/2025

لقاء مكتوب عبر مجلة ومجموعة مع قهوتي الإلكترونية ..
تابعونا..

20/10/2025

تتخيّلوا في دهون بجسمكم "تحرق" الدهون بدل ما تخزّنها؟ 🔥

اسمها الدهون البنية — جنودكم الخفية لحرق الطاقة!

تتنشّط لما تتعرّضوا للبرد، تناموا منيح، أو تمارسوا نشاط خفيف بعد الأكل.
كل ما حفّزتوها أكتر، كل ما زادت قدرة جسمكم على حرق السعرات حتى وإنتِوا مرتاحين

اقرأوا الكاروسيل لتعرفوا كيف تحفزوا هالنوع من الدهون وتخلوا جسمكم محرقة للدهون❗️🤗

خبروني عمتعانوا مع الدهون😍 كتير أو شوي؟

اذا استفدتوا من هالمعلومة شاركوها لتعم الفائدة
ولاي استشارة أو حجز موعد

70 041 635 📲🌎

Manal life health coach

19/10/2025

أكيد ما فيك تكون جنوبي وما تأكل لحمة نية 😋🌾
الملسة ، الفراكة ، الكبة النية جزء من هويتنا وثقافتنا ومطبخنا اللبناتي 🇱🇧

بس لتريحوا بالكم تأكدوا من هالشروط وطبقوها 👇

كتير ناس بتحب “اللحمة النية الملسة” أو “الفراكة”، بس فعليًا إلها مخاطر عالية لو ما انعملت بخطوات سلامة دقيقة.
كنصيحة من أخصائية تغذية وخبيرة بسلامة الغذاء، هيدي أهم الخطوات الأساسية لتجنب التسمم الغذائي 👇

🥩 أولًا: اختيار اللحم

1. اشتري اللحم من مصدر موثوق (ملحمة نظيفة مع تبريد مستمر وشهادة سلامة).

2. اختاري لحم طازج جدًا، بلون أحمر فاتح ورائحة طبيعية، بدون أي لمعان أو لزوجة.

3. ابتعدي عن اللحم المفروم مسبقًا، لازم يفرموه قدامك لأن المفروم بيتلوث أسرع.

🧊 ثانيًا: النقل والحفظ

4. انقلي اللحم بسرعة من الملحمة للمنزل ضمن كيس مبرد أو ثلج جاف.

5. ضعيه فورًا بالبراد (أقل من 4 درجات مئوية)، ولا تتركيه بحرارة الغرفة أكثر من 30 دقيقة.

6. استعمليه بنفس اليوم، لأن أي تأخير بيزيد خطر نمو البكتيريا (خصوصًا E. coli وSalmonella).

🔪 ثالثًا: التحضير

7. نظّفي الأسطح والأدوات (سكين، لوح تقطيع، خلاط) بماء ساخن وصابون قبل وبعد الاستعمال.

8. اغسلي يديك جيدًا قبل وبعد لمس اللحمة.

9. لا تخلطي اللحمة النية مع مواد مطبوخة أو خضار بدون غسل.

10. إذا بتحبي تضيفي بصل أو برغل أو بهارات، لازم يكونوا مغسولين ومصفّيين تمامًا.

🍽️ رابعًا: التقديم والتخزين

11. قدّميها مباشرة بعد التحضير، ولا تتركيها مكشوفة.

12. لا تحفظي “الفراكة” أو “الملسة” بالبراد لليوم التالي — الأفضل التخلص من الباقي.

مين ما لازم ياكل لحم ني ايدا :

للي مناعتهم ضعيفة، اللي عندهم سكري، الحوامل والمرضعات ، الأطفال ، كبار_السن ، مرضى السرطان ومرضى القلب والكبد والكلى ..

⚠️ ملاحظة إضافية

بعض الناس بيجمدوا اللحم قبل التحضير لقتل الطفيليات (مثل Toxoplasma gondii) —
التجميد بيساعد جزئيًا، لكن ما بيقتل كل أنواع البكتيريا، فمش بديل عن النظافة والتحضير السريع.

وانتوا كيف بتحبوها ملسة أو فراكة؟
منشن لمحبي الملسة 😋

# #لبنان

15/10/2025

يمكن ما حدا بيحب يسمع كلمة "سرطان الثدي"، بس الحقيقة إنو الوعي بيخلينا أقوى.🌸
الفحص المبكر ما بينقص من شجاعتِك، بالعكس… هو دليل إنك بتحبي حالك وبتخافي عليها.🎗🌸

اهتمي بجسمِك من هلّق:

كلي أكل نظيف، اتحركي كل يوم، نامي منيح، وخفّفي توتر قد ما فيك.
كل تفصيل صغير بيفرق، وكل عادة صحية بتبني درع حماية حقيقية.

إبدأي بخطوة بسيطة… فحص، أو مشي، أو وجبة صحية.
الاهتمام بنفسك وبصحتك وغذائك هو أول طريق النجاة 🩷

وتذكري الوقاية خير من قنطار علاج🤗

إنت مش لحالك .. أنا حدك
تواصلي معي 📲🌎70041635
لنحط سوا بروتوكول غذائي وقرارات صحية ذكية

مع منال التغيير أسهل والهدف أقرب 🎗🌸

خير_من_العلاج

13/10/2025

الكوسا وورق العنب المحشي باللحم 😋طبق بيجمع بين التراث .. أكلات جدودنا والقيمة الغذائية الكبيرة🥩 ..بس بدنا ننتبه للدسم .فينا نطبخ بلحم العجل القليل الدهون ..
ضروري ناكل مع الكوسا قطعة من البروتين لأن كمية البروتين بالكوسا غير كافية .
أما بالنسبة للسعرات فحبة كوسا + قطعة لحمة حوالي ٦٠ غرام مع حبتين ورق عنب محشي باللحم بيتراوح بين ٣٥٠_٤٠٠ كالوري_ ٢٥ غرام بروتين و ٢٠ غرام دهون ..كتير طيب ومغذي غني بالحديد والبوتاسيوم والزنك 😋

خبروني بتفضلوه بلحمة أو بزيت؟؟؟

#لبنان