Mira's NutriLight

Mira's NutriLight Clinic and Diet Shop by the licensed dietitian Mira Obeid
We provide you with a full nutritional ass

Clinic and Diet Shop by the licensed dietitian Mira Obeid
We provide you with a full nutritional assement, nutritional plan and exercise plan that fits your needs and we help you treat and prevent all types of chronic diseases.

15/07/2022

دايما نصيحتي خلال العيد انو تاكلو بوعي و ما تحرموا حالكن شي و لكن انتبهوا على الكميات 😉 و الأشخاص يلي متبعين نظام غذائي متنوع و بعيد عن الحرمان رح يقدروا يسيطروا على اكلن😃
بس الأشخاص يلي صرلن مدة حارمين حالن السكريات و متبعين أنظمة قاسية رح يفقدوا السيطرة من بعد اول قطعة معمول🤷🏻‍♀️
⚠️هيدا البوست مخصص للأشخاص يلي عاملين دايت و بياكلو من دون وعي و من دون سيطرة على الكميات خلال فترة العيد
⬅️من بعد العيد لترجعوا تقدروا تكفوا مشوار خسارة الوزن بنصحكن باتباع نظام قليل بالنشويات و عالي بالبروتين لمدة ٣ إلى ٥ ايام كحد اقصى لهيدول الاسباب:
🔷جسمكن بحاجة لراحة من الأكل الدسم العالي بالدهون المشبعة و السكريات
🔷اتباع نظام عالي بالبروتين و قليل بالنشويات بخفف اعراض النفخة و سوء الهضم الناجم عن تناول كميات كبيرة من السكريات و الدهون
🔷بيسرع عملية نزول الوزن
🔷بخفف احتباس السوائل
🔷البروتينات بتعطي احساس بالشبع و بالتالي قدرة على الإلتزام بالنظام الغذائي اكتر
⚠️من بعدا منرجع على نظام غذائي متنوع و متوازن بعيد عن الحرمان 😉❤️
#صحة #تغذية

عيد أضحى مبارك ❤️هيدي الصورة تذكير انو ما نخاف من المعمول و ما نخاف من زيادة الوزن خلال فترة العيد 😉 بس خلو أكلكن معتدل ...
09/07/2022

عيد أضحى مبارك ❤️
هيدي الصورة تذكير انو ما نخاف من المعمول و ما نخاف من زيادة الوزن خلال فترة العيد 😉 بس خلو أكلكن معتدل و استمتعوا بالعطلة و بجمعة العيلة الحلوة 😍❤️

#صحة #تغذية

14/06/2022

قدي عندكن من هل نوع من الأشخاص بحياتكن؟ يلي بس وظيفتن يحطموكن🙄
صدقوني العبارات يلي كتبتا بسمعا كل يوم من المتابعين و كتبت الطف العبارات لان في منن حتى ما بقدر اسمعن 😞
متخيلين التأثير السلبي على نفسية كل شخص بيتعرض لهيك نوع من الكلام؟
⚠️الخلاصة من الموضوع ولا شي رح يرضي العالم، بس تقريروا تحسنوا نظام أكلكن و تابعوا دايت خدوا هيدا القرار لنفسكن و لأنو انتو مقتنعين⚠️
ما تاخدوا هيك قرار كرمال اي شخص مين ما كان و شو ما كانت اهميتو بالنسبة الكن😉
اذا انتي راضية و مرتاحة بمظهرك الخارجي، خلي ثقتك بنفسك قوية و ما تتأثري بحكي العالم 😍
و اذا انتي متابعة دايت و عم يحاولوا يفشلوكي ما تضعفي و خلي ارادتك قوية ❤️
#صحة #تغذية

هل صحيح بذور الشيا بتضعف؟🤨 سؤال بنسألو يوميامن عيد و من كرر ولا شي لحالو بيضعف😬 صح في اشيا مفيدة و ممكن تساعد بس لوحدا م...
31/05/2022

هل صحيح بذور الشيا بتضعف؟🤨 سؤال بنسألو يوميا
من عيد و من كرر ولا شي لحالو بيضعف😬 صح في اشيا مفيدة و ممكن تساعد بس لوحدا ما بتعطي اي مفعول
⬅️بذور الشيا بتتحول لجيل بس تنخلط بالماء و بتحتوي على كمية ألياف كتير كبيرة و هيدا بيعطي احساس بالشبع و بالتالي تناول كمية طعام أقل من المعتاد و نزول وزن
⚠️بس ما بدنا ننسى الفوائد الصحية المتعددة مثل تعديل مستوى السكر و الكوليسترول بالدم
⚠️ينصح بتناول ملعقة لملعقتين كبار يوميا فقط
#صحة #تغذية #لبنان #قطر #الكويت #السعودية #الامارات

مين متلي فاكهة الموسم المفضلة عندو هي التوت الأسود 🤩التوت الأسود من الفاكهة يلي بتحتوي على العديد من الفوائد الصحية و بن...
29/04/2022

مين متلي فاكهة الموسم المفضلة عندو هي التوت الأسود 🤩
التوت الأسود من الفاكهة يلي بتحتوي على العديد من الفوائد الصحية و بنفس الوقت قليلة بالسعرات الحرارية😉
فينا نستهلك ٢٥ حبة كوجبة سناك خفيف ❤️
#صحة #تغذية

متل كل رمضان، أكتر مشكلة شائعة و بلاقيا عند أغلبية المشتركين معي بالنظام الغذائي الرمضاني هي اللجوء لتخفيف عدد الوجبات ا...
06/04/2022

متل كل رمضان، أكتر مشكلة شائعة و بلاقيا عند أغلبية المشتركين معي بالنظام الغذائي الرمضاني هي اللجوء لتخفيف عدد الوجبات المسموحة بالنظام بهدف خسارة وزن أكتر 🤦🏻‍♀️
⚠️تخفيف السعرات الحرارية تحت المعدل الطبيعي رح يعمل التالي:
🔹احتمال تخسروا وزن كبير صح، بس رح تردوا أضعاف بعد رمضان مباشرة و بشكل كتير سريع، و رح تفتح الشهية على الأكل بشكل مفرط
🔹رح تكونوا حرمتوا حالكن الأشيا يلي بتحبوا من دون نتيجة، و الحقيقة فيكن تاكلوا من كلشي باعتدال و ينزل الوزن بنفس المعدل و يمكن أكتر
🔹رح تكونوا فقدتوا لذة الجمعة برمضان و العزايم
استمتعوا برمضان، انبسطوا بالأكل الطيب، سمعوا لجسمكن، خلوا وجباتكن متوازنة و معتدلة 😉
ما تنسوا فيكن تاكلوا أيا شي موجود على السفرة باعتدال، و رح تخسروا وزن دون حرمان و بطريقة صحية❤️
#صحة #تغذية

شوفوا الفرق يلي بيعملوا ٦كغ زيادة وزن 😍⬅️كتير هين زيد وزن صح؟ باكل شو ما كان و بزيد؟ابدا مش هيك الطريقة ⬇️🔹عملية زيادة ا...
15/03/2022

شوفوا الفرق يلي بيعملوا ٦كغ زيادة وزن 😍
⬅️كتير هين زيد وزن صح؟ باكل شو ما كان و بزيد؟
ابدا مش هيك الطريقة ⬇️
🔹عملية زيادة الوزن أصعب من النزول لأن عضلة المعدة بتكون صغيرة و ما بتتقبل كمية أكل زايدة لهيك منتبع طريقة معينة بنظام الدايت
🔹و نسبة العضل بتكون قليلة لهيك النظام اجمالا بكون غني بمصادر البروتين و زيادة العضل بتتطلب ارادة قوية و مجهود جسدي و رياضة بالإضافة للنظام الغذائي
لمزيد من المعلومات و لحجز المواعيد تواصلوا معنا على 71372775 او على الرابط بالبايو ❤️
#صحة #تغذية

09/03/2022

كيف فينا نعمل الباستا بطريقة صحية و كتير طيبة و سريعة ⬇️
حضروا الفيديو و ما تنسوا تعملوا شير و تعملولنا منشن بالستوري اذا جربتوا 😍
حبيت ضيف tapenade الزيتون لأنو بيعطي نكهة كتييير طيبة 😉
المقادير كانو ل ٥ أشخاص 😃
كوب و نصف بيحتوي على ٤٠٠ سعرة حرارية 🍝
صلصة الباستا و tapenade الزيتون متوفرين عنا بالDiet Shop ❤️
#صحة #تغذية

كيف منوصل لهيك نتيجة؟ أكيد مش بخلطات منحفة و لا بشاي سحري، الحل هو نظامنا الغذائي المعتدل يلي ما في حرمان 😍للمواعيد و ال...
01/03/2022

كيف منوصل لهيك نتيجة؟ أكيد مش بخلطات منحفة و لا بشاي سحري، الحل هو نظامنا الغذائي المعتدل يلي ما في حرمان 😍
للمواعيد و الإستفسارات من داخل أو خارج لبنان تواصلوا معنا على 71372775 ❤️
#صحة #تغذية

كتير بنسأل اذا أنا مع أو ضد الصيام المتقطع 🤔⬅️الصيام المتقطع هو الصوم عن الطعام بين ١٤ ل ١٨ ساعة و مسموح تناول الطعام خل...
20/02/2022

كتير بنسأل اذا أنا مع أو ضد الصيام المتقطع 🤔
⬅️الصيام المتقطع هو الصوم عن الطعام بين ١٤ ل ١٨ ساعة و مسموح تناول الطعام خلال الساعات المتبقية من اليوم
خلال ساعات الصوم ممكن تناول الماء أو الشاي أو الزهورات دون سكر أو القهوة السادة دون سكر أو كريمر أو حليب
⬅️أنا مع بحالات صحية معينة يلي هي التكيسات على المبيض أو مقاومة الإنسولين و أكيد اذا كان الشخص مستعد لهيدا النظام و مناسب لنمط حياتو دون الإحساس بالتعب
⬅️بس ما بنصح في لمجرد فكرة خسارة الوزن، لأن قادرين تخسروا نفس الكمية و بنفس السرعة باتباع نظام متوازن و تاكلوا ساعة يلي بدكن و دون حرمان
⚠️كتار عم يعملوا الصيام المتقطع بطرق خاطئة:
◼️خلال ساعات الطعام عم ياخدو سعرات حرارية جدا عالية و بالتالي مش عم يخسروا وزن أو عم يزيدوا
◼️خلال ساعات الطعام عم ياخدو سعرات حرارية جدا قليلة يلي عم يسبب دوخة و تعب و نقص سكر و نقص بالفيتامينات و المعادن و فعليا عم يخسروا وزن بسرعة بس عم يكون مي و هيدا شي على المدى الطويل رح يسبب شهية مفرطة على الأكل و رح يردوا الوزن أضعاف
⬅️⚠️اتباع الصيام المتقطع قرار بيرجعلكن، وحدكن فيكن تقريروا اذا مناسب لنمط حياتكن و ابدا ما تعملوا دون متابعة أخصائية تغذية و اذا بتعانوا من مشاكل صحية مزمنة الأفضل استشارة الطبيب المختص
لمزيد من المعلومات عن النطام الغذائي المعتمد بالعيادة أو لللإستشارات أونلاين و حجز المواعيد تواصلوا معنا على 71372775 ❤️
#صحة #تغذية

نتيجة ٤ شهور ، ١٨ كغ ضمنا ١٦ كغ من الدهون 😃٤ اشيا بتتعلموا خلال فترة الدايت 🤩⬇️🔹كيف تنظموا وجباتكن🔹كيف تاكلوا من كلشي بت...
04/02/2022

نتيجة ٤ شهور ، ١٨ كغ ضمنا ١٦ كغ من الدهون 😃
٤ اشيا بتتعلموا خلال فترة الدايت 🤩⬇️
🔹كيف تنظموا وجباتكن
🔹كيف تاكلوا من كلشي بتحبوا و تخسروا وزن
🔹كيف تبنوا علاقة صحية مع الأكل و ما تخافوا منو
🔹كيف تبنوا نمط حياة صحي بيناسبكن و قادرين تكفوا في عطول
⬅️بلشوا أول خطوة و تواصلوا معنا على الواتسب عل 71372775 و حجزوا موعدكن لنبلش سوا مشوار الحياة الصحية ❤️
#صحة #تغذية

نتيجة بتجنن ب ٨ شهور بس ⬇️غيرت نمط حياتا كليا ✔️اتعلمت كيف تنظم وجباتا ✔️اتعلمت ما تحرم حالا من شي و تضلا محافظة على وز...
27/01/2022

نتيجة بتجنن ب ٨ شهور بس ⬇️
غيرت نمط حياتا كليا ✔️
اتعلمت كيف تنظم وجباتا ✔️
اتعلمت ما تحرم حالا من شي و تضلا محافظة على وزنا✔️
اتبعنا نظام غذائي متوازن و أكيد دون حرمان 🤩 كتير كتير فخورة فيكي ❤️
للمواعيد التواصل عبر الواتسب 71372775 💓
#صحة #تغذية

Address

Port Said Street
Al Mina'

Opening Hours

Monday 09:00 - 22:00
Tuesday 09:00 - 22:00
Wednesday 09:00 - 22:00
Thursday 09:00 - 22:00
Friday 09:00 - 22:00
Saturday 09:00 - 22:00
Sunday 11:00 - 20:00

Telephone

+96171372775

Website

Alerts

Be the first to know and let us send you an email when Mira's NutriLight posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Mira's NutriLight:

Shortcuts

Share