27/07/2025
أول مشوار إلي على البترون 🥹 ما عم صدّق أخيراً عملتها. بكل صيفية بقول نفسي اطلع على البترون. ما بعرف ليه كنت حسوا مشوار بعيد ومُتعب وكنت فكره غير مناسب للعائلات وانا اكيد ما بترك سيسي وبطلع.
🚨 هالبوست مش بس لشاركن صورنا وانما كمان لشجعكن تروحوا اذا مرددين مثلي وتستفسدوا من تجربتي اذا انتوا عيلة ومعكم اولاد تحت ال ١٨ سنة.
1️⃣ حجزوا عبر تطبيق airbnb شقة حلوة قريبة من سوق البترون القديم. ارخصلكن وبتكونوا سوا دايما وقريب من كل شي.
2️⃣ضربوا صحبة شخص عال golfcar وخدوا رقمه 😅 بصير بيجي بياخدكن من تحت الشقة وبفتلكن.
3️⃣ امشوا بكير كتير من البيت اذا مشواركن بعيد، وهيك ما بتعلقوا بالعجقات وبتوصلوا بكير وبتروحوا تقضوا نهاركن على البحر لكان صار الوقت تستلموا ال airbnb
4️⃣حددوا المكان اللي بدكن تسبحوا فيه وتأكدوا انو مناسب للاعمار تحت ال ١٨ سنة او بيسمحوا بالبوركيني اذا معكن محجبات.
5️⃣لمشوار التوكتوك بالبترون، اجمل وقت هوي وقت المغيب. المناظر روعه والصور بتاخد العقل بتكون.
6️⃣في سهرات كتير . شوفوا قبل ما تطلعوا شو الفعاليات الموجودة لتحجزوا قبل بوقت.
🚨 شو الاماكن اللي مجربينا بالبترون وبتنصحوني فيها ؟؟؟
