Dietitian Manal Saade

07/05/2026

بديل الـ Cheetos 👀🔥
سناك صحي عالي بالبروتين، ممتاز لمحبي لقمشات ونقرشات آخر الليل والصغار قبل الكبار.

فإذا عندِك ولاد ما بيحبّوا ياكلوا دجاج 🍗… جربي هالوصفة واشكريني من بعدها 😉

المكونات:
- 2 صدر دجاج
- 2 بيض
- 1 ملعقة صغيرة بودرة ثوم + بصل + بابريكا
- ½ ملعقة صغيرة ملح + فلفل أسود
- حر حسب الرغبة او بودرة نكهة الجبنة

🎯 الخلاصة: مش لازم نمنع… منبدّل بذكاء

💬 مين رح يجرّب هالوصفة ؟ 🙋🏻‍♀️ معقول ولادكن يحبوها أو رح يكتشفوها فورًا؟👀

Healthy Cheetos alternative (baked chicken chips)
High-protein, crunchy, easy to prepare, and kid-friendly snack.

#وصفاتي

05/05/2026

اعترفوا: مين بحضّرن صح 🙋🏻‍♀️وبيعرف الفرق؟ ☕️

غلي الاعشاب مثل النعناع، الزعتر، البابونج والميرمية، بيكسّر وبيطيّر الـ volatile oils والمركّبات الحسّاسة للحرارة واللي هني أساس التأثير المهدّئ والهضمي والمضاد للنفخة، الغازات والامساك.

✔️ الطريقة الصح: Infusion مش Boiling
▪️بمي سخنة (مش مغلية)، منضيف العشبة
▪️نغطّي الكوب 5–10 دقايق (حد أقصى 15)
❌ أكتر من هيك = الطعم مر + مركبات (tanin) + فايدة أقل

🚨اما الجذور القاسية (قرفة، كركم، زنجبيل يابس، عرق سوس)، الغلي مقبول على نار خفيفة 10–15 دقيقة لنحرر المادة الفعّالة.

⚠️ الخلاصة: بدك فائدة الاعشاب؟ حضريها صح

Still boiling your herbal tea?
Boiling delicate herbs (mint, chamomile, thyme) destroys volatile oils & chemicals responsible for digestion and calming effects (bloating/ constipation)
▪️Instead, Use infusion (steeping) not boiling. ❌ Over-steeping → bitter taste + tannins

✔️ Boiling is only suitable for hard roots (cinnamon, dried ginger, turmeric, licorice)

Right method = better benefits

28/04/2026

بغسله أو بكبّه؟ 🤔
إذا عم تسألوا:
كيف أعرف الكبيس خربان؟
هل الطبقة البيضا عالزيتون عفن؟
طريقة حفظ الزيتون والمكدوس بدون عفن

هيدا الريل إلكن 😊

🚨 إذا شفتي طبقة: خضرا / سودا / رمادية + لذجة + ريحة غريبة

❌ ما تتنشّقيها ❌ما تدوقيها ❌ ما تشيلي الطبقة وتكمّلي

✔️ كبي كل المرطبان فورًا (هيدا عفن – Mold)
والعفن بالأطعمة الغنيّة بالمي (مثل الزيتون والكبيس) بيفوت لجوا، وبيفرز سموم فطرية (Mycotoxins) ما بتروح بالغسل ولا بتغيير الزيت أو المي.

🚨 إذا الطبقة بيضا رفيعة بلا ريحة (مثل رغوة خفيفة) غالبًا خمائر (Yeast) مش عفن.

✔️ الحل :
▫️منكِب المحلول
▫️منغسل الزيتون او الكبيس منيح (المكدوس ما بينغسل)
▫️منعمل محلول جديد: مي + ملح + حامض أو زيت نظيف
▫️منغمر كل الحبات (الهواء = نمو أسرع)
▫️منحفظوا بالبراد لنبطّئ نمو الميكروبات

⚠️ إذا مش متأكدة 100%… كبيها

💬 خبروني بصراحة: كنتي تشيلي الطبقة وتكملي اكل؟ 🤭

27/04/2026

هالوصفة الصحية السريعة السهلة اللي اكتسحت إنستغرام… جرّبتها 👀 ويا ويلي شو طلعت طيبة 😋 سناك صحي وسريع، طعم السعادة مع كل نتشة 🍫

👩🏻‍🍳المكونات:
🫐1 كوب توت (مجمّد)
🥥½ كوب جوز هند مبشور
🍯1–2 ملعقة Maple syrup أو عسل
🍫شوكولا داكنة 80% (أو حسب الرغبة)
🌴1 ملعقة صغيرة زيت جوز الهند (اختياري)

✔️صحتين سلف 🤗 واذا بعدكن مش مجربينها، يلا شو ناطرين. Save للوصفة

This viral healthy recipe is everywhere… and I had to try it!
Frozen berry coconut bites dipped in dark chocolate 🍫 Perfect if you’re looking for: easy healthy recipe, quick easy snacks, healthy desserts, high in fiber.

👩🏻‍🍳 Instructions:
Mix > freeze 2 hours > melt chocolate (coconut oil) > dip > set.

Bon appetit 😋
Credits: 🤍

24/04/2026

٤٥ كيلو 🔥 وبدون ترهّل.
🚨هالوزن مش مجرد رقم. بتعرفوا هيدول قديه كانوا خانقين نفسها وروحها لنغم ؟ قديه كانوا مأثرين على صحتها وحركتها ونومتها ؟ وحابسين طاقتها بجسم ما بيشبه احلامها.

💟 نغم هالصبية الحلوة كنت انطر فيديوهاتها وصورها مناطرة 🥹 بالاول، الشغل جمعني فيها، وبعدها قلبي تعلق بطاقتها وضحكتها واصرارها الرهيب على تغيير شكلها وعاداتها.

✌️ما شاء الله نغم وبأقل من سنة بعد ، نزلت ٤٥ كيلووووو 🔥 بهالطريقة الحلوة وبدون ترهل. ولا كإنو بيوم، كانت عم تعاني من السمنة وتراكم للدهون. 🔴 بتوافقوني الرأي ؟

Team work never fails:
manalsaade

للمواعيد والاستفسارات، الرجاء التواصل على رقم عيادة د. محمد علاء الدين لجراحات السمنة 76102080 📲

bariatricdietitian

20/04/2026

سيلينا.. يا روح الماما انتي.
اخ لو بتشوفي الحرب اللي جواتي.
قلبي من ناحية بدو يخبّيكي 🥹 وعقلي كِلّو شوق، ناطر يشوفك عم تكبري.

💟 يا نبض قلبي ويا حنونة: سنة عن سنة عم تكبري وتكبر معك احلامك وتتحدد اكثر شخصيتك.

كرمال هيك هالسنة، اخترت شارك معك هيدا البوست. بركي شي يوم يساعدك لتلاقي طريقك او تاخدي قرارك وتحددي هويتك. فتذكري:

▫️اختاري إنتي مين بدك تكوني… ما تخلي حدا يفرض عليكي نسخة ما بتشبهك ويكتب قصتك عنك.
▫️كوني حقيقية، مش مثالية…
▫️غلطاتِك مش ضعف… هي دليل انك عم تكبري وتتعلمي.
▫️صوتِك عنده قيمة… حتى لو مش كل العالم سمعه.
▫️تعلمي تقولي (لا) . ارضي ربك ثم نفسك قبل اي حدا.
▫️قلبِك غالي كتير… حافظي عليه.
▫️ما تطلبي من حدا يقدرك، اذا انتي ما عرفتي قيمة حالك.
▫️أصحابِك مرآتك… اختاري اللي بيرفعوك، مش اللي بيكسروكي.
▫️والسر… إذا طلع من قلبِك لحدا، ما عاد ملكِك.
🔹الصدقة ثم الصدقة ثم الصدقة. وشوفي بعدها رحمة وكرم وعَوض رب العالمين.
🔹بس تحسي ابواب الدني كلها تسكرت بوجهك. اسجدي وتسلحي ب (اليقين).

سيلينا…
أنا فخورة فيكي كتير مش لأنك (كاملة) وانما لإنك (انتي) .. بكل تفاصيلك ومثل ما انتي .

✨بوعدك، احملك معي بكل صلاة ودُعاء.
🎂كل عام وانتي روح الروح وبحفظ الرحمن.

❤️

16/04/2026

🔜❤️

08/04/2026

24/02/2026

🚨التمر❗️ممنوع أو مسموح؟
بنصّح؟ 🤥 بيرفع الإنسولين؟ 😩 وليه صار بعبع رمضان؟ 👹🌙

خلّينا نحكي علم 👇
التمر فاكهة طبيعية غنيّة بالسكريات البسيطة، الألياف، البوتاسيوم ومضادات الأكسدة. وكسر الصيام على ١–٣ تمرات برمضان؟ خيار ممتاز ومدروس.

ليش؟
✔ بيعطي طاقة سريعة بعد ساعات الصيام
✔ سهل الهضم
✔ بيرفع سكر الدم بشكل تدريجي إذا انأكل باعتدال
✔ بيمد الجسم بالبوتاسيوم والألياف

🔹 طب عن جد بنصّح؟
التمر فيه سعرات حرارية (مثل أي فاكهة). وحده ما رح يكون سبب زيادة وزنك برمضان، طالما هوي جزء من نظام غذائي متوازن.

🔺المشكلة:
تمر كتير + حلويات + مقالي + مشروبات سكرية … = فائض سعرات حرارية = زيادة وزن مع الوقت.

🔹 طب وشو قصة الإنسولين؟
أي طعام فيه كربوهيدرات بيرفع الإنسولين. والإنسولين مش عدو. هو هرمون طبيعي ينظّم سكر الدم.

💡واذا بتعاني من مشكلة صحية وبدك شي يخفف من سرعه ارتفاع السكر في الدم + يزيد الشبع 👈🏻 كلي التمر مع لبن أو زبادي أو مصدر دهون صحية مثل المكسرات/ زبدة الفول السوداني.

نفس المبدأ بينطبق على: التمر والفاكهة المجففة والمكسرات النيّة.

🚨تذكّروا:
صحي ≠ خالي من السعرات
طبيعي ≠ كلوا بدون حدود
وما في أكل بحد ذاته بنصّح أو بضعّف.

أنا تيم التمر ونص 😋 خاصة اذا محشي بلوز ومغطّس شوكولا 🍫😋وإنتو مع أي فريق؟

⚠️الارقام تقريبية، حبة التمر الكبيرة ممكن توصل اكثر من ٦٠ سعرة حرارية واكثر من ١٥ غرام نشويات.

‏ #رمضان٢٠٢٦ nutritiontips

22/02/2026

بعدك عم تستعملي مكعبات ماجي؟ 🤯 بتعرفي إنو فيكي تعملي مكعبات مرق دجاج طبيعي بالبيت بدون مواد حافظة وبدون منكهات صناعية وبنكهة أقوى؟

يكون بديل صحي لمكعبات مرق الدجاج / اللحم / الخضار وطبيعي 💯
Homemade chicken stock / bone broth

✔ تحكم كامل بكمية الصوديوم
✔ بدون MSG مضاف
✔ بدون مواد حافظة
✔ مناسب للدايت ولمرضى الضغط

👩🏻‍🍳المكونات:
-عظام الدجاج او اللحمة (حسب الرغبة)
-٢ ملعقة كبيرة زيت جوز الهند 🥥
-٤ جزر 🥕و ٢ بصل حبة كبيرة 🧅وضمة كرفس مفرومين وضمة بقدونس وبرش ٤ حبات بندورة 🍅
-٤ ليتر ماي فاترة
-فطر مجفف وبندورة مجففة
-بهارات ساق الدجاج: لومي- ورق غار - زنجبيل مجفف- عيدان قرفة و ٤ حبات هال.
-بهارات مشكلة:
١ ملعقة كبيرة بهار الثوم
١ ملعقة كبيرة كركم
٢ ملعقة كبيرة بهار البصل
١ ملعقة كبيرة كربرة يابسة
٢ ملعقة صغيرة فلفل اسود
٢ ملعقة صغيرة فلفل ابيض
١ ملعقة صغيرة جوز الطيب
١ ملعقة صغيرة زعفران

-٢ ملعقة نشا مندوبهن بماي باردة قبل
*ملح ما زدت . بصير بزيد حسب كل طبخة بعدين شو بحاجة.

🔥 كل ما غلت أكتر (4 ساعات على الأقل)، كل ما زادت كثافة النكهة واستخلاص الجيلاتين من العظام.

❄ خزّنيها بالفريزر بدل المكعبات الجاهزة.

لان صحتك وصحة عيلتك غير قابلة للمساومة ♥️ جربّيها ما رح تندمي 😉😋

طبخ_صحي

22/02/2026

بتعرفوا إنو سبب العطش في رمضان مش دايما قلّة شرب المي ؟

🔺إذا عم تسألوا حالكن 🤔:
انا ليش بعطش برمضان رغم إني بشرب مي كتير؟ ومعقول شرب الماء بكثرة على السحور غلط؟ وطب شو أفضل طريقة لشرب الماء في رمضان؟

🔹خليني خبركم:
لما نشرب كمية كبيرة من الماء 💧دفعة وحدة على السحور، الجسم ما بيخزّنها كلها. لأنه بيفعّل آلية اسمها إدرار البول (Diuresis) ليحافظ على توازن السوائل والأملاح.
والنتيجة 👈🏻خسارة اسرع للسوائل ونوم مُتقطّع.. وثاني يوم عطش ، وتعب، وجفاف، ووجع راس ( صداع) في رمضان.

👈🏻فالمشكلة هون مش بكمية الماء…وانما طريقة شربها.

✔️ هيدي بعض النصائح لتقليل العطش في رمضان بطريقة علمية وعملية صحيحة :
-كوب ماء كل ساعة من الإفطار للسحور.
-تجنّب شرب المي دفعة وحدة
-نقلل شرب القهوة والشاي والمتي خاصة في السحور (الكافيين يزيد إدرار البول)
-تجنب المشروبات السكرية لأنها تزيد العطش.

🚨هلق بدّي الصراحة 👀: مين بيقرع برميل الماي عالسحور 🤭؟

#رمضان٢٠٢٦