Charlotte El Khalil - شارلوت الخليل

08/03/2026

بيوم المرأة العالمي…
المرأة اللبنانية ليست فقط رمز صمود،
هي أم أعطت، وابنة حملت الذاكرة،
وإنسانة ما زالت تقف كل مرة رغم كل شيء.
في بلدٍ يهتزّ كثيرًا… تبقى المرأة اللبنانية ثابتة كالأرض، تحمل الوطن في قلبها وتنهض به كلّ مرة. 🤍

08/03/2026

الكلمة مسؤوليّة.
فلننتبه لخطابنا ومواقفنا،
لأن كلمة بداوي جرح وكلمة بتعمقه اكتر…
التحدّي اليوم ليس فقط مواجهة الأزمات،
بل الحفاظ على إنسانيتنا وتضامننا رغم كل شيء…

26/02/2026

21/02/2026

وختمت صديقتي " نحن بحاجة لموقف وفعل شجاع يطمئننا في النصف الساعة القادمة…"

طمّنيني عنكم…”
رسالة بعتها لصديقتي بالبقاع لما شفت خبر القصف.
مش بس بيوت عم تنقصف،
إحساس الأمان عم يتكسّر،
وفي عجز جماعي عم نعيشه…
إنشالله نعرف نحمله سوا.

وضحتلي بمحادثتنا وقالت:
“حتى الأرزاق أرواح…”
وقفت عندها.
عنجد… الأرزاق أرواح.
الرزق أمان صغير بنبنيه حجر حجر.

وكفت بتساؤل عن عبارة: “انتبه عحالك”…
بس كيف الواحد بينتبه عحاله
بهيك وضع؟…

يمكن كل اللي فينا نعمله
إنو ننتبه على بعض…
لو بسؤال🤍

11/02/2026

Mental health is not a testing ground.
Behind every session is a human being trusting us with their most vulnerable parts.
This work requires training, integrity, and accountability.

17/01/2026

بكفي تعليب ولعب عالوجع، وبيع التطمينات!!!
نعيش اليوم محاطين بنصائح جاهزة من “خبراء” بكل شي.
الخوارزميات بتقرّر شو نسمع وشو نشوف،

الخطر؟
نستبدل التفكير بوصفات سريعة للصحة النفسية.
الصحة النفسية مش أوامر.
هي عملية إنسانية،
بدها وقت ومساحة.
ودور المعالج مش يعطي حلول جاهزة،
بل يفتح مساحة للتفكير وطرح الأسئلة الصح!

#الصحةالنفسية

07/01/2026

بهالعصر يلي الأرقام صارت تتحكّم بالمحتوى، نحنا كنفسانيين مسؤوليتنا نضلّ متذكّرين إنو بقسمنا التزمنا إنو التوعية النفسية تكون مبنية على العلم، دقيقة، وتحترم الإنسان قبل أي شي.

02/01/2026

25/12/2025

شجرتنا هالسنة تباركت بقطعة من بيت لحم…
من الأرض يلي وُلد فيها الرجاء.
امنيتي السنة وكل سنة
سلام ومحبة يلمسوا القلوب تيسكنوا البيوت،
ونور يبقى أقوى من كل ظلمة. ✨🎄
ميلاد مجيد 🙏🤍

This year, our tree is blessed with a piece from Bethlehem—the land where hope was born.
My wish this year, and every year,
is for peace and love to touch every heart,
fill every home,
and for light to overcome darkness..
Merry Christmas 🎄✨

08/12/2025

بالصدفة قدمت هالعرض العلمي بيوم المتطوع العالمي، وبتقدم بالشكر لمتتطوعين لي كانوا معنا بوحدة الاستجابة ويلي لولاهن ما كنا تمكنا ابدا انه نعمل اي شي، هالكلام قلته بمداخلتي بقطر بالاضافة انه كل المتطوعين اشتغلوا بلا اي بدل مادي 🤍🙏

08/12/2025

A balanced parental system is built on cooperation, shared responsibility, and mutual respect.
When parents care for each other, they model stability and emotional safety.
Children need both parents🤍

30/11/2025

شكرًا من القلب للكاتبة المبدعة على كتابها العميق Être، وعلى شجاعتها بفتح مساحة صادقة للإنسان ليوقف قدّام حاله بلا خوف. ويشرّفني أنّه طلبت منّي إلقاء كلمة خلال توقيع الكتاب بالتزامن مع الاحتفال بيوم المتوسّط—نهار بيجمع الهويّات، الثقافات، والقصص… تماماً مثل قلم ميراي.
خلال مداخلتي، شاركت فكرة بسيطة من صميم العلاج النفسي ومن صميم الإنسان:
أنّ الوجود مش حالة ثابتة… الوجود حركة، سؤال، وتحوّل. وأنّ كل تجربة—حتى الأكثر وجعًا—بتحمل معها إمكانية للنمو إذا عرفنا نسمع لصوتنا الداخلي.
وهيدا جوهر Être: أن نسمح لأنفسنا “نكون”… بصدق، بتواضع، وبتصالح.
كان نهار مليان فكر وحضور ومعنى، وكلّه بيشبه ميراي… بيشبه قلبها وقلمها.
كل التقدير لهالكتاب يلي مش بس للقراءة، بل لمساحة نرجع نلتقي فيها مع حالنا
وشكرا ميراي على الثقة المحبة والصداقة