
12/03/2025
انا اشتقتلكم❤️ بس بعد كل شي مرقنا فيه وعم نمرق فيه ما عاد في همة للتصوير ولا لشي، مع هيدا بركز ع الشغل والحمدالله منلما رجعت من ألمانيا كل يوم والتاني استشارات وزيارات منزلية❤️ كلها بسبب ام بتخبر ام يعني word of mouth.. مع هيدا بعرف انكم عم تسألو ليس ماعم صور.. بس بتعرفوا هالشعور.. بتحسو الدنيا بطلت متل قبل والبركة والخير صارت قليلة.. بتحسو انو بكفي 5 دقائق سوشال ميديا لليوم كرمال تحافظوا ع ما تبقى من الانسانية والنفسية.. ؟؟.. ايه.. انا هيك تماما.. وبتعرفوا انو الشهرة وعدد الفولورز ما بيعنيلي ع قدما هدفي نشر التوعية والدليل فيديواتي التعليمية يلي بتغني عن استشارة احيانا ولهلق في منظمات بيستخدموهم للنساء في البلاد الأجنبية لأنهم بالعربي 😅
هالشهر كتير امهات حثوني ارجع صور، ولو فيديو دقيقة.. ومع انو الناس بهمها platform قويك بس بآخرة النهار، الشاطر شاطر ب platform وبلا platform.. ومتل ما خبرتني زميلتي المعالجة النفسية يلي ماعندها platform بس اشطر منها ما بسوف انو "الكلمة" وتحويل المرضى من الفريق الطبي والزملاء إلك هو أهم من انو نستنزف طاقتنا ع التصوير بالوقت لنحنا ماقادرين نصور ونحط حالنا اونلاين..
انشالله النفسية تتغير، والهمة تصير احسن.. والله لصير انفلونسر واعملكم دعايات ببلاش يلا 😂
المهم.. لفايت ع الصفحة هي مع انها مجمدة، انتبه انو في معلومات صارت updated
ونحنا منغطي بيروت ضاحية شويفات. في عيادة ع الموعد بتحكونا..
ومنساوي اونلاين، عندا ادخال الاطعمة الصلبة، العودة للعمل وسحب الحليب والفطام، تحضير للولادة والرضاعة.
من هون ل*س انو عم صور من قلبي واعطي المعلومات من قلبي بتلاقوني رجعت صورت ورجعت نزل بوستات واتفاعل متل قبل، لهلق رح ضل قوم بمهامي كمستشارة دولية بالرضاعة الطبيعية وتغذية صغار الأطفال بالمنظمات والمناطق الأكثر حاجة حسب البرنامج، وكمل بشغلي بالزيارات المنزلية و العيادة.. 🌹❤️