https://www.facebook.com/101540002207610/

Luminora.lb

Home
Lebanon
Beirut
Luminora.lb

Contact information, map and directions, contact form, opening hours, services, ratings, photos, videos and announcements from Luminora.lb, Psychologist, Beirut.

28/12/2025

يمكن السنة الجديدة
ما بدها خطط كبيرة.
يمكن بدها بس
نكون حاضرين أكتر.

24/12/2025

This season doesn’t have to be perfect.
It just has to be real.
Merry Christmas 🤍

22/12/2025

عيد الميلاد مش دايمًا فرح للجميع 🎄
لبعض الأطفال هو ضو وهدايا…
ولبعضهم قلق، لأنهم بلا ما يحسّوا عم يقارنوا كريسمس تبعهم بكريسمس رفقاتهم.

المقارنة بتبلّش صغيرة:
“ليش هني عندن أكتر؟ ليش لعبتن أكبر؟ ليش صورن أحلى؟”
ومع الوقت، إذا ما انتبهنا، بتزرع شعور نقص بدل الفرح.

من منظور نفسي، الطفل ما بيحتاج كمال العيد،
بيحتاج إحساس الأمان، والاحتواء،
وإنه يُحَب بدون شروط أو مقارنات.

✨ نصيحة للأهل:
خلّوا العيد تجربة دافية مش عرض مقارنة.
ذكرى حلوة بتبقى بالقلب أقوى من أي هدية.

19/12/2025

بعلم النفس، الذكريات مش دايمًا حلوة للكل.
في ناس بتتذكّر الدفا والضحكة،
وفي ناس بتتذكّر وجع، نقص، أو وحدة.
بس المهم نعرف:
إنت مش ذكرياتك…
و فيك اليوم تخلق معنى جديد،
وتعطي حالك الإحساس اللي انحرمِت منّو.

17/12/2025

الحنين لعلاقة مليانة مشاكل ما بيعني إنك بتحبيها أكتر،
بل إنو جهازك العصبي تعوّد على الأدرينالين.
العلاقات المتقلّبة بتخلق توتّر مستمر،
والعقل بيترجمها غلط على إنو شغف وحب قوي.
أما العلاقة الهادئة،
فهي مش مملّة…
هي علاقة صحّية بتعيد برمجة الأمان داخلك.
الهدوء مش نقص إحساس،
الهدوء هو بداية الشفاء من الحب التوكسيك.

#العلاقات

15/12/2025

الحب المرضي مش حب، هو سيطرة متخفية باسم الاهتمام.
لما الشخص يحسّسك إنك إلو وبس، يراقبك، يمنعك تحكي مع غيره، ويبرّر الغيرة الزايدة على إنها حب، هون العلاقة بتتحوّل لهوس وتعلّق مرضي نابع من انعدام الثقة.
الحب الصحي ما بيخنق ولا بيلغي هويتك، بالعكس بيعطيك أمان ومساحة تكون فيها نفسك بلا خوف.
إذا صرت تصغّر حالك، تبرّر تصرّفاته، أو تحس إنك محاصر لتريح الطرف التاني… دير بالك.
العلاقة اللي بتقيّدك مش حب، هي إنذار.

#سيطرة #هوس #علاقات #حدود

14/12/2025

القوّة مش كلمة…
القوّة رحلة منعيشها سوا.

قلّبوا الصور وحدة وحدة،
ويمكن كل جملة تكون مرايتنا اليوم 💭

أي Quote حسّيتوا بيشبهكن أكتر؟
1️⃣ 2️⃣ 3️⃣ ولا 4️⃣؟
اكتبوا الرقم بالكومنت 👇

وإذا حسّيتوا هالكاروسيل لمسكن،
ابعثوه لحدا بحاجة يسمع هالقوّة اليوم 🤍

#قوة #اكسبلور

12/12/2025

الـ situationship هي العلاقة اللي بتعطيك شعور إنّو في شي… بس ما في وضوح.
قرب بلا التزام، كلام بلا حدود، ومشاعر معلّقة بين خطوة لقدّام وخطوة لورا.
هيدا النوع من العلاقات بيستنزف طاقتك النفسية لأنّك بتضلّ عم تفسّر، تتوقّع، وتشكّ.
إذا لقيت حالك عم تعيش علاقة مش واضحة، اسأل حالك: شو عم تعطيني؟ وشو عم تاخد مني؟
الوضوح مش قسوة… الوضوح حماية.

#علاقات #وعي

10/12/2025

في أيّام
أقصى شي فيك تعمله
إنك تضغط OK.

وإذا وقفت عند هالـ Reminder
يمكن لأنّه إجا بوقتو 🤍

أي Reminder لمسك أكتر؟

#وعي

09/12/2025

أوقات منخلط بين الـ passion والـ pain…
الحب الـ toxic ببلّش يتعبك: غيرة بلا حدود، شدّ وجذب، ووجع باسم العاطفة.
أما الحب الـ healthy هو اللي بيريّحك… بيحضنك بدل ما يستهلكك، بيكبر معك بدل ما يكسرك.
تذكّر… الشغف الحقيقي ما لازم يزعجك، ولا يوم.

#علاقات

07/12/2025

كتير منّا بيعطي أكتر من طاقته… وبيوعى إنّو عم يتحمّل مسؤوليات أو مجهود ما إله فيه.
وهيدا الشي مش دايمًا “طيبة”، أوقات بيكون نمط تعوّدنا عليه مع الوقت…
والدراسات بتفرجي إنّو هالنمط ممكن يتشكّل من تجارب مرقنا فيها، مش شرط من الطفولة.

بهيدا الريل شاركتكن 3 خطوات بسيطة تساعدكن تخفّفوا العطاء الزايد، وتكونوا عم تعطوا من محلّ وعي واختيار… مش خوف أو ضغط.

✨ خبروني بالتعليقات:
أي خطوة حسّيتوها أصعب؟

📌 إحفظوا هالريل… بتحتاجوه بكتير مواقف.
وما تنسوا:
العطاء الصحي بيصير لما يكون متوازن… ومختار، مش مُجبَر.

#وعي

04/12/2025

بحبّك… بس بحبّك أكتر لَمّا بتسأل عنّي بصدق،
لَمّا بتبادر،
لَمّا تسمع مشاعري،
ولمّا تخلّيني حسّ إنّي جزء من يومَك… مش تفصيل.

كل جملة بهالسلسلة هي مرآة لحبّ ناضج—
حبّ ما بينقاس بالكلمات، بل بالفعل، بالاهتمام، وبالمساحة اللي منتركها لبعض.

✨ قولولي بالتعليقات:
أي “بحبّك أكتر” لمستكن أكتر شي؟
وشو الجملة اللي بتمثّل حبكن؟

احفظوا البوست لوقت بتحسّوا بحاجة لتذكير بسيط قديش بتنحبّوا 🤍

#حب #مشاعر #لبنان

Address

Beirut

Website

facebook.com

Alerts

Be the first to know and let us send you an email when Luminora.lb posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Luminora.lb:

Shortcuts

Want your practice to be the top-listed Clinic in Beirut?